CoCo Ichibanya (Closed)

上禮拜天，約了一大群朋友到觀塘聚餐，經過APM來到鱷魚恤中心，大家選擇到以咖哩為主題的COCO壱番屋。COCO壱番屋在香港也算是較有名的咖哩店，對於第一次來的我來說相當新鮮和期待。因為是假日，所以餐廳前也有比較多的人在等後入座，我們等了大概半小時才有位子，雖久但仍能接受。進到餐廳，看到環境還算不錯，不論是裝潢，或是店內的裝飾都十分美觀，而且讓人感覺舒適。拿起餐牌看，主菜的選擇蠻多的，有特色咖哩飯，蛋包飯，焗飯還有薄餅等，也可以加配例湯，沙律，甜品做成套餐，十分豐富，價錢亦算中等水平。另外，咖哩的配料，辣度更可依顧客的喜好選擇，十分人性化。經過一輪選擇後，我選了一客焗雞肉咖哩飯，飯的賣相不錯，而且還帶有芝士和咖哩的香味。吃下口也與賣相相若，每一口都吃到芝士和咖哩細緻的口感及美味，可見其配搭得宜，加熱騰騰的飯粒，更增添美味；唯一美中不足的是雞肉口感較差，像是煮的過熟，不過整體來說也是在水準以上。與其他朋友分享後，對餐廳的服務，環境以及食物都是一致的好評，除去較長的等候時間，也算是不錯的一餐。…Read More

第一次去觀塘食野, 睇過OR既食評, 呢間日式咖哩店最受歡迎黎到拎飛等左一陣就有位, 餐牌有好多種不同咖啡選擇有選擇恐懼症既我地...揀左一陣最後決定左揀餐牌上推介既兩款「吉列豬扒庵列咖哩飯」「忌廉雞肉庵列咖哩飯」兩款庵列飯既味道唔錯, 如果可以再辣D就更加正,不過少許忌廉汁令到個咖哩味淡左,所以中意食濃味就避免揀有忌廉汁既飯每個客人都可以選擇自己食既咖哩既辣度,分別係 不辣、少辣、1分辣、2分辣、3分辣、4分辣及5分辣有少少失望既係, 原來庵列飯 最多只可以揀 不辣 同 少辣..對於喜歡食辣既朋友就少左個選擇, 我同朋友唯有選擇少辣~對於細食既朋友可以選擇少飯 仲有得減$5架~ 咪做大晒鬼 加錢就可以有飲品、例湯、迷你沙律、甜品;加15蚊就可以從以上四款揀二款、加20蚊四款揀三款、加25蚊就四款全選;唔加都會有飲品一杯~ 而我地就揀左「加20蚊四款揀三款、加25蚊就四款全選」至於飲品、例湯、迷你沙律、甜品:飲品我地揀左蘋果汁, 較淡味; 例湯較清甜; 迷你沙律新鮮唔錯(有芝麻醬或醋汁選擇), 不過賣相一般~蘋果汁早啲飲好啲~~ 冰溶左就好易淡~最後, 甜品係兩球雪糕, 好味~草莓味更有果肉係入面 最後, 午餐埋單 $220 有得找…Read More

晚上在觀塘搵食, 見好耐無食過COCOCURRY , 今晚就揀咗食日式咖哩時間尚早, 唔使等就有位.時常在外用膳少吃蔬果, 所以有得揀都會揀有多D蔬菜的食物咖哩吉烈豬 , 依款有埋一堆蔬菜, 我揀咗少飯同甘口D咖哩汁比以前少咗, 印象以前D汁遮蓋至少2/3個碟面咖哩味可以再濃多一點另一個係免治STYLE , 視覺上好似好少餸囉.......再加咗一客SALAD總觀....都係在日本當地既COCOCURRY好味D…Read More

難得去開觀塘，當然要搵吓係附近嘅朋友開餐啦！噤耐無見，我地就搵咗１間環境寬闊嘅餐廳，當大家可以暢所欲言啦！放工時候實在太多人喇，要等成４５分鐘先入到，不過觀塘嘅商場餐廳通常都係噤 今次叫咗蜆仔蕃茄庵列咖喱飯加個沙律同湯！但沙律同湯就無影到相喇！不過都可以介紹吓，今期餐湯係洋蔥湯，洋蔥煲得好「諗」同甜但就好油同好多味精飲完即刻要灌水！沙律就好好食喇，啲沙律醋好開胃不過就細兜咗啲喇主角上檯喇，蜆仔蕃茄庵列咖喱飯！庵列好滑，生熟程度啱啱好買相又靚，剛好包晒成個飯蕃茄同蜆仔份量又夠多，蕃茄酸酸地同偏甜又小辣嘅咖喱撈埋，完全停唔到開頭以為咖喱汁喇多，點會食得晒吖，但去到最尾，我都係唔夠汁嫁吉列豬排庵列咖喱飯，呢個就等得比較耐，但上檯個時個吉列豬排好似啱啱炸起噤，好脆又大塊，等耐少少都值得嘅後話，如果庵列咖喱飯可以選擇辣度就好喇！ 同埋，朋友仔加碼叫咗個雪糕，我就無試喇，不過佢就讚不絕口…Read More

嚟到Coco，雖然日式咖喱出名，但我就要左個紅酒燴牛肉粒蛋包飯，其實呢個真係幾好味，我每次嚟都係食呢個，再加15蚊要湯同甜品，湯係麵豉湯，凍凍地飲翻碗麵豉湯即刻warm灑，個蛋包飯個蛋真係好正，好滑好有融化嘅感覺，一d都唔焦，同d飯好夾，無分離嘅感覺，牛肉係一口size，好諗，個汁我都好欣賞，成個蛋包飯都唔細，細食嘅女仔可能會食唔灑，食完就請侍應上甜品，甜品係雪糕，有兩大個雪糕球同啫喱粒，個雪糕球size一d都唔孤寒，係士多啤利味同曲奇味，好滑好多料，我自己係曲奇迷所以就中意曲奇味多d因為佢好有牛奶味，呢餐真系好飽好滿足。…Read More

 這次是為了朋友跑來等譚詠麟新書簽名會。兩點多, 都要等一等。Menu內的食品好似好相似, 但可以選多飯幾多gram,有多少辣度, combo加小食沙律.湯等, 好好玩。最後點了這個豬排蛋飯, 炸出來的熱度,和炸皮的厚度都很適中, 而且蛋好滑, 個汁吾會太甜, 怕日本咖哩的甜度高, 飯粒是肥短短的米, 都很好。 …Read More

COCO一番的名字，源於日文「ここ一番」，亦即是這裡最好的意思。跟許多日本朋友聊起香港的日系餐廳，他們多數會提到味千拉麵、吉野家和COCO一番。這兒主打蛋包飯，辣的程度和飯量可以自行選擇。前者由甘口至crazy hot分成七級，飯量分五級，Menu中標明的是正常價錢，高於300g要按比例加錢，減為200g則可以減$5，這個點子很好，亦很有趣，可惜店員沒有主動向客人介紹。如果事先發現這個，四月會減飯避免造成浪費。單點轉套餐追加餐湯、迷你沙律、甜品、飲品，我們選擇要一個餐湯和沙律。是日餐湯是雜菜湯，內裡混了洋蔥、薯仔、西芹和翠玉瓜粒，味道比正常的淡了一點點，欠缺蕃茄本身的酸。沙律倒是有點驚喜，雖然只是簡單的拌了日本醋和芝麻醤，但生菜夠凍，咬下去索索有聲，意外成為今餐最滿意的一道。四月對於蛋包飯，沒有特殊的感情，但對紅酒燴牛肉卻是情有獨鍾。選了紅酒燴牛肉奄列飯，醬汁的味道差了一點點，稍欠紅酒香，牛肉不是腍嫩的牛腱，而是鞋口的薄切。個人覺得同樣價錢的話，去UCC Cafe可能更好。Smoothie系列之中，點了一杯香蕉雪泡，質感跟一般的稀了一點點，因為沒有加雪糕，所以稍欠挺身的感覺。入口就如香蕉加鮮奶，味道過於淡薄。吉列豬扒咖喱奄列飯同樣沒有太大驚喜，吉列部份夠爽脆，內裡肉質不會太乾。奄列部份很薄但欠缺蛋香，這種炒了塊蛋皮直接覆上白飯的做法似乎跟日本的差了一點點。今餐很奇怪，整體不太差，只是好像什麼都差了一點點哦~…Read More

突然想吃日式咖喱，coco是本人吃過又回味的其中一間，是一間不錯的咖喱專門店。每次來無須多考慮，就點選了最愛的要了小辣，可見份量很足。大塊豬扒皮香肉嫩，已切件，味道口感絕對可和一些吉烈豬扒專門店較量。而且不會太薄，炸粉厚度適中。咖喱汁夠晒多，送飯一流。不會出現吃到最尾不夠汁的情況。飯是一粒粒圓圓的珍珠米，軟熟有口感。以七十多元的價錢來說，值得再食。…Read More

呢間座落於APM邊皮死角位置嘅「CoCo壹番屋」，小弟經常路過，但係都由於晚飯時間排隊現象過激嘅關係，令小弟每次都望門輕嘆，過門不入。難得終於見到冇人排隊，即時拖埋女友入去試吓到底一間只係賣咖哩飯嘅舖頭點解咁把炮周時排長龍。今次點咗餐牌上嘅「吉列豬扒庵列咖哩飯」跟餐，同埋單點「牛肉庵列咖哩飯」。是日例湯係呢個鰹魚海帶煲洋蔥蘿蔔，飲落腥腥鮮鮮，但係好清甜，有啲似日式拉麵之中嘅東京醬油湯底。凍奶茶中伏，係冰奶茶甜四種味道完全分開嘅味道。「吉列豬扒庵列咖哩飯」－雞蛋冇乜蛋味，飯粒食得出用嘅係靚米，咖哩汁香得嚟唔太辣，最重點係個吉列豬扒，有豬肉味而冇豬肉嘅禽畜味，表層鬆脆，粉漿較得厚薄得宜，豬肉冇筋，只可惜冇乜肉汁。「牛肉庵列咖哩飯」－牛肉粒嘅份量小器咗啲，牛味濃之同時亦有一種類似牛尾嘅臊味。特登試埋佢個雪糕，味道太普通，曲奇唔脆，建議各位可以响跟餐時不納入點選範圍。呢兜紅色嘅物體似乎係泡蘿蔔，口感幾得意、酸酸甜甜幾消滯。食飽飽抹乾淨個嘴仔走人。…Read More

跟同事們去觀塘整陶瓷~~早早來吃個快DINNER~~喜愛蛋包飯的我們是晚的選擇!!因為平日及早的關係所以不用等~~~環境都幾舒服, 幾OK~~~今晚係麵豉湯, 麻麻地幾咸無咩料~~~芝士蕃茄軸痷列咖喱飯($65)~~~芝士原來係粒粒狀, 不過加埋咖喱及蕃茄個味都算幾出......蜆仔蕃茄庵列咖喱飯($63)~~~蜆仔肉幾多, 幾有咀嚼感~~~忌廉雞肉庵列咖喱飯($68)~~~估不到忌廉汁配上去又幾搭, 而且似一片片的豆花在咖喱上都得意!! 但雞肉就少了點, 好似得三舊左右......餐可加兩至三款配搭, 這個雪糕幾好味, 尤其士多啤梨有粒粒肉而且很FRESH, 比曲奇還好, 雖然後者都好食~~~~總括而言其實什麼配搭都可以, 只要是蛋包飯就OK, 因為個蛋真是弄得幾滑幾JUICY~~~咖喱味辣度如果可以再調多點就更好, 也是美味的一餐!!…Read More

今日經過見人不多不用等位，便在此午餐。秋葵豆腐咖哩飯友人點了少辣雖然沒有肉，只有素菜配上咖哩少少辣好滿意紅酒燴牛肉奄列飯食唔到有紅酒味，牛肉是肥牛沒有牛肉味，唔辣唔甜吃不到什麼味道…Read More

是夜係觀塘工廈玩過war game以後，已經又攰又餓，黎到CoCo壹番屋又排晒長龍，如果唔係大家都想食，wo真係唔會係咁既狀態下等成半粒鐘食一餐飯呀:(其實大多數人黎到都會點炸豬扒同炸雞既，不過呢排皮膚有d差，所以就試左個蜆肉番茄奄列咖喱飯。而又因為太肚餓既關係，所以加左$25要個全餐，有是日餐湯、沙律、蘋果汁同雪糕。湯係煙肉洋蔥湯，油係多左少少，但總算不過不失；沙律係至愛，又健康，芝麻醬好好食啊，令到小妹隔天就到了某大supermarket買左支芝麻醬返屋企撈生菜，足足食左兩個星期，終於厭左…蜆肉番茄奄列咖喱飯，咖喱汁多到好似湯咁，由於小妹好鍾意食辣，所以點了中辣。呢個飯抵讚既地方好多，首先蛋好滑啊，而且蜆肉不少，加上番茄酸酸地，感覺好fresh。不過，日式咖喱始終係日式咖喱，係唔會好似泰式咖哩同印度咖哩咁多香料同惹味既。飲品可選擇的除了coffe or tea，仲有juice，所以選了蘋果汁，唔好妄想係鮮榨既，果汁先生都唔錯架喇~~~雪糕係曲奇同士多啤梨味，仲有幾粒鮮果啦，今次真係好飽呀。可能實在太多人客又或太多人點雪糕，原本想要朱古力味都賣光喇，而服務員也沒有太多時間理會我們，連埋單都等左好耐，真係唔記得有幾耐先有人so下我地……Read More

第一次食呢間野係喺台灣，點知返左黎香港無耐，佢就進註左係香港。有日見無咩人唔洗排隊，就入左去食。叫左個咖哩豬排蛋包飯，一個兒童餐。嗰咖哩豬排蛋包飯我揀左唔辣，所以出到黎都無咩辣味，啲汁又好夠，唔會驚唔夠汁撈飯。嗰兒童餐份量都岩岩好，如果唔想食太多可以試下兒童餐。…Read More

專食日本咖哩既店鋪等位：由於ＬＵＮＣＨ　繁忙時間，　好多人，雖然多位，　但要等１０分鐘環境：　以長枱為主，　算大，　４　人枱多價錢：　４０　至７０　蚊，　算係物有所值味道：點左個咖哩吉列豬扒蛋奄烈飯，　同一個咖哩免治牛肉扒飯蛋夠滑，　日本咖哩味密度比較高而且多奶味，　不辣，　飯軟身正正同個加哩ＭＡＴＣＨ，　但豬扒就炸得麻麻地，　肉味欠奉，　同咪吾夠脆免治牛肉扒都吾夠肉味基本上，　整體係食佢個咖喱醬，　但肉類就麻麻地！…Read More

剛從日本回來，仍然回味日本的咖哩飯。放工跟老公仔經過COCO壹番屋，見門口有很多人等，心想呢度的咖哩飯飯一定好好味，結果真的令我好失望>"<我們點了個咖哩牛柳粒蛋包飯和忌廉雞肉奄列咖哩飯，要加15元才有餐飲或小食。咖哩牛柳粒蛋包飯-----咖哩汁很稀，味很淡，好似加左好水咁，牛柳粒真係得面頭果幾粒忌廉雞肉奄列咖哩飯---同一個水很稀，味很淡，好似加左好水咁，雞肉好"鞋"價錢仲好貴~~80至90一個人>"<我覺得自己去超市買十幾蚊一包的即食咖哩，其味道材料和分量都比coco好…Read More