ClubONE The Victoria

之前黃埔嗰間食水準幾好 比一般酒樓貴我都接受,點知因為黃埔嗰間執咗笠 所以走去尖沙咀嗰間食 點知失望 ! ！！環境望海景 服務就普通酒樓咁 食物唔得 叉燒包得啲醬汁極少叉燒 蝦餃蝦肉又少 帶子腸粉入面主要菜肉瓜 帶子好細粒！以前黃埔 club one 叉燒包，帶子腸粉 都好好食 灌湯餃都好 蝦餃又大粒 但點解呢一間完全兩個世界？?老人家話 仲差過普通酒樓 !所以呢個價錢我真係唔會揀呢間大把好嘅選擇 !!!!三個人平日$五百幾蚊買單性價比好低 冇下次…Read More

【油尖旺區】【會所1號 維港皇宴】本身去尖沙咀搵嘢食嘅話，就點都唔會揀到呢間。不過既然有得去春茗黐餐，我咁貪得無厭，就當然甘之如飴啦。「四喜臨門」係乳豬拼盤，質素好似超市賣剩嗰啲咁，仲要凍冰冰，救命。「百花齊放」係 XO 醬彩椒蚌柳蝦球，係熱嘅，不過偏鹹，要飲吓嘢。之後嘅「黃金滿屋」係杏片百花球，有啲杏仁係惹味啲。「揚威四海」係紅燒花膠海味羹，正正常常，但我掛住吹水冇影相，唔好意思。跟住「年年有餘」係清蒸沙巴龍躉，條魚幾好，肉多又夠魚味，得呀。「包羅萬有」係原隻鮑魚金錢翡翠，正路嘢無特別。之後嘅「金鳳齊鳴」係一品燒雞，份量偏細仲有啲鹹。「健康長壽」係薏仁鮮淮山浸翡翠，個賣相搞到我唔敢食，冇評價。「金銀遍地」係海皇海鮮炒飯喺大家都唔夠食嘅情況下我冇分到，都係冇評價。我有食「喜事連連」，即係菇絲炆伊麵，正正常常咁囉。最後到甜品，「福星高照」係養顏紅棗糕，夠晒熱辣辣，紅棗味亦都非常出，唔錯。之後嘅「神采奕奕」係蓮子百合紅豆沙，漏咗出畀我哋嗰檯，之後補返，好夠熱，味道正常。公司唔夠 budget 搞之下係咁上下質素，餐廳係有甩漏，不過整體嚟講算克盡己任。。。（地址：尖沙咀麼地道68號帝國中心1樓）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #尖東 #尖沙咀 #紅磡 #1am紅館 #會所1號維港皇宴 #會所1號 #維港皇宴 #乳豬拼盤 #XO醬彩椒蚌柳蝦球 #杏片百花球 #紅燒花膠海味羹 #清蒸沙巴龍躉 #原隻鮑魚金錢翡翠 #一品燒雞 #薏仁鮮淮山浸翡翠 #海皇海鮮炒飯 #菇絲炆伊麵 #養顏紅棗糕 #蓮子百合紅豆沙 #1am1727 #1ambackup…Read More

呢間嘢一句唔好意思就叫你走，我行咗15分鐘特登嚟攞餐。一句唔好意思就拜拜。你哋唔接單就唔好開着部機啦。接咗單嚟到又話冇嘢攞，你哋真係好意思。奉勸各位車手唔好去呢間嘢度攞外賣。…Read More

係尖沙咀這間擁有180度海景既會所一號，係中午時段食點心，就可以同時以親民價品嘗到一些懷舊菜式和點心。蝦籽炆柚皮 - 以鮑汁炆柚皮至完全軟身無渣、無苦澀味。石窩香屈龍躉腩石窩龍躉腩一上桌就聞到好香，醬味道好，石窩上能保持熱度。花膠元貝燉瓜脯湯是二人的份量，湯料有花膠同元貝，童叟無欺。金沙涼瓜估唔到係好大碟，建議最好至少三人share; 京滬小籠包 一籠有三隻 ; 香滑芝麻卷，厚身味輕。…Read More

星期五食晚餐，因為有現金券，所以去試一次。剛進餐廳，枱面沒有餐牌，向職員取了餐牌打算點餐前，職員才提供套餐餐牌，職員大多服務熟客，對新客不瞅不睬。點餐過程中，餐牌上的食物亦不是所有全部有供應。1. 脆皮吊燒雞雞品道合理，肉質偏柴，皮不是很脆2. 澳洲龍蝦伊麵龍蝦香味足夠，伊麵口感偏軟，但不會軟爛，不錯。3. 菠蘿咕嚕肉咕嚕肉味道正常，肉質好彈性，可惜外皮不脆，肉粒較小。4. 野菌紅燒豆腐豆腐滑，整體而言不差，但沒有驚艷的地方。5. 蟲草花燉雞湯本來點了另一個湯，湯碗飯前已擺好，到飯後仍未上湯，餐廳員工告知已經賣光，請我們轉其他湯。我們問員工可點的湯品及其價錢，員工卻只能大概回答能提供的湯品，又指湯品並沒有價錢，深感錯愕。後來有另一位職員，為我們解答，最後換了蟲草花雞湯。總的來說，會員和熟客來用餐，會得到不錯的體驗。可惜對於新客而言，服務態度對比食物質素，不值得再試。…Read More