20
4
2
7-min walk from Exit C, Sha Tin Wai MTR Station
continue reading
Telephone
23370075
Opening Hours
Mon - Sun
12:00 - 23:00
Above information is for reference only. Please check details with the restaurant.
Recommended Dishes
今日同朋友行過河畔經過一間餐廳，原本不是太肚餓的，但竟然比呢間餐廳吸引咗我入去，一入門口有部古董衣車又有啲舊式大哥大電話，環境再加播放的的優雅音樂直頭正。食物的水準賣相靚外買非常足料，朋友加埋我四個人食兩個餐都只係$8x，平均每人都係$20左右。呢個海鮮炒飯出爐熱辣辣，足料又有蟹籽，同朋友兩份食剛剛好。另外呢個麻婆豆腐飯同出面食開的唔同，唔太食得辣既我都忍唔住食咗兩啖，最喜歡佢有小小麻辣既感覺，所以值得推介
continue reading
星期日晚，無意中發現呢間小店見門口餐牌有我鐘意食嘅土豆絲同辣子雞就入左去試由於我地入到去都10點，間鋪收11點幾加上呢區不嬲冇好食川菜 所以冇乜期望諗住飽肚就算炒土豆絲～切得比其他鋪嘅粗d,但味道好夠又唔會食到成口油酸酸辣辣食到停唔到口辣子雞以咁嘅價錢份量都唔算少 亦好有水準（以往試過好多都係炸左d雞再放辣椒鋪面）魚湯煮唔記得呢隻叫咩菜總之都係好食嘅Last order我地嗱嗱淋叫埋甜品豆沙鍋餅侍應攞左比我地好快就收返話：唔好意思，師傅話漏左d野未整好原來加返d cream上去即刻好加分 雖然好小事 我都唔知漏左加但睇得出佢地好重視比客人嘅食物上面係士多啤梨醬 食落又好夾 最後係呢個奶皇酥即叫即整超好味一碟先廿幾蚊 一定要食雖然接近收鋪時間先入去 但唔會求其煮侍應都好有禮貌 一定有下次
continue reading
星期日晚落街食飯，去咗河畔花園那邊，搵到呢間食湘川滬菜，所以入去試下。拿咗飛，大約等15分鐘有位。入到去坐底，已覺得個環境唔錯，老闆應該係裝飾上花咗D功夫，又收集咗一D特色擺設放係廚房外牆上。(無影)(唔好意思，D相打橫咗影。習慣咗。)有feel食嘢，就隨便叫D嚟試下。最終叫咗兩餸一湯(都可以當餸)，同一碟炒飯。先係呢碟XX排骨(忘記咗個名)，味道十分濃，但好好味。裏面有娃娃菜托底，十分 Juicy!再嚟係海鮮炒飯，味道唔錯，仲有少少蟹籽係上面。只係海鮮配料少咗D。雲吞雞，正！唔洗講，推薦。生煎包，食落都唔錯，但同XX大王比，就仲差咗少少。麻辣鴨頸，味道都唔錯，但辣度未夠，而且鴨頸太硬。整體來講，都還算不錯，值得再試。
continue reading
夜晚經過見門口好多人，就搵日下午去。原來有下午茶，而且價錢都好經濟，一般$40幾左右。見到另外加$28有蟲草花雞湯，就加左一個。所有食物都等左好耐，而且員工完全掛住傾計，無跟進。問左幾次都話黎緊，明明隔離檯遲過我地黎都食緊。最後追左咁耐先同我地睇睇。終於到左雞湯，雞湯係好飲既！好鮮甜好有雞味！重點係個豬手麵！我真係覺得佢黎錯左牛腩麵多d!總之唔似豬手麵！等左咁耐麵算喇，想快快脆食完走人，一肚氣！麵正常偏林，但個湯底就好難食！肉好「鞋」！食物差，服務差，簡直係一間不會再去既餐廳！
continue reading
難得放假想陪吓屋企人又唔想媽媽辛苦煮，最好就出街食於是選左間可以試晒三個地方美食既餐廳食飯，悦雲莊係一間(京川滬)美食餐廳，但店鋪不是太大所以經常爆滿要等位，多數都係卡位，如四個以上已經好迫，得幾張二人枱可以合拼，如要大聚會比較難值得讚係店鋪既裝修和格局行懷舊feel欣賞完裝修就係時候睇餐牌選食物，實在太多嘢想食太難揀三個人居然選左五個餸、一個飯、一個麵和一個甜品首先送上既係歌樂山辣子雞，見到碟非常刺眼紅bob bob既辣子雞，非常吸睛未食都感覺到辣，但親身試過後，又唔係想像中辣吾食辣都食到，d雞脆咯咯好嘢味，呢間店都幾細心需然幅相顯示唔到，其實隻碟係斜向一面，我想佢既用處係唔想d油浸住d雞，但我都見唔到有油出，下次都係問一問佢隻碟個用途先皇極海鮮炒飯，見到在飯面加上蟹籽，就知想增加賣相和口感一食入口飯粒粒都好乾身，而且感覺到除左菜粒、蔥粒、蛋、有好幾種海鮮和蟹子混和在一起，另到口感非常豐富，配搭一流無錫排骨，個芡汁索左入排骨,入晒味入口溶化淋滑四川擔擔麵，醬汁好足料好濃好杰，有肉醬和花生增加口感，而且嗒落有幾重味道有花生醬、辣味，但唔重，反而個麻辣味個麻比較出，食到甘甘地、麻麻地，麵質軟滑，配合埋個醬天衣無縫樂山酸菜魚，好多魚肉，魚肉好滑，還有好多配菜(芽菜、酸菜、芹菜)，增加左個湯既味道和食落有口感飲落有魚鮮味，鹹鹹酸酸好嘢味不過唔知點解餐牌冇寫呢個餸係辣，反而係最辣唔知係唔係有加左好多胡椒，還是其他辣既東西，所以唔食得辣既小心！麻辣脆皮牛腩，好大件，外脆內軟，牛腩好靚唔點個麻辣醬都好好味，但個醬我唔覺得麻辣，不過呢個餸都好豆漿杞子浸小棠菜，個豆漿好濃豆味好滑，而且豆漿滲晒入小棠菜，另到小棠菜入口有濃濃既豆漿味呢個餸好適合食左d濃味、辛辣刺激、煎炸食物，用來舒緩一吓口腔玫瑰糖冰粉，睇個名都知佢靚，送上來睇實物唔係想像中噤靚，但都唔差，點知食落先知佢原來噤正原來個名已經講晒你知有d乜，本身冰凍透明膏狀既粉好滑，應該冇味，係黑色既玫瑰糖另佢有甜味，嗰個味道似桂花味，好清香，而且加左花生和芝麻，增加口感和味道，另到一個看似平凡既甜品，要真正試過先知噤多層次呢餐真係太完滿，飽到行唔到，最後盛惠$611
continue reading