忠誠盆菜館

Open Now

Now Closed

服務態度早幾日已預訂 當日下午去門市拎盤菜 , 果陣唔多人, 只係前面有位客人落緊單, 而有個淺藍色制服戴眼鏡收銀阿姐態度極差, 對該位客人都好串。咁我無理啦~ 輪到我時,  一去到呢個阿姐就問我有無自取number , 咁我好有禮貌咁比個email佢比睇係咪果個參考編號 , 點知佢好大聲:「緊係唔係啦! 」 我地都嚇一左跳, 然後我搵黎搵去, 跟本就無收過乜野自取number 我由頭到尾都只係得參考編號!! 佢仲好質疑我地, 話無可能無! 講真, 我有自取number 就一早比左你啦! 就係得訂單編號, 覺得好無奈囉。 搵左一陣都係搵唔到佢所講既number, 跟住佢就好惡, 好唔老脾咁問我姓咩同訂左幾點拎,  我答緊佢既時間佢仲一路死唔斷氣咁講, 好似教訓咁: 「下次要記得個自取number先拎到呀! 知唔知道呀! 」下次? 無下次囉!  攞盆菜都攞得好委屈! 即係我地都明你地訂單"多"喇, 要好有系統有取單number 先攞到, 但可以客氣d 囉! 同埋我地又唔係白撞, 真係只係收到參考編號, 無你講既自取number囉! 好委屈!食物質素炆豬肉 大部分都係九成肥一成瘦 肥到食唔

受到在牛頭角彩霞村關愛隊，做義工嘅同事邀請，揾食肥華和靚媽在12月15日，品嚐咗一餐久違了的百人盆菜宴，而主辦機構今晚喺交由位於大埔嘅忠誠盆菜館主理呢個盛會，至於今晚個家鄉盆菜質素？鮑汁海螺片，好味夠淋干煎大蝦，欠新鮮蝦肉有啲霉玫瑰豉油雞，一般貨色傳統魚蛋，即是街邊魚蛋家鄉炆豬肉，食到件八肥二廋正到冇朋友紅炆北姑，正正常常爽脆魷魚，土魷超正食到停唔到口香滑豬皮，比一般車仔麵檔出色五香芋頭，肥華忌食評無可評南乳支竹，嗦汁一流味道Ok清湯蘿蔔，清甜夠淋冇渣好味總結今晚呢個盆菜宴，食物OK氣氛一流，在此肥華和靚媽多謝同事，珊姐邀請才有幸出席，這個成功百人宴🙏🙏🙏👍👍👍👍😋😋😋😋😘😘😘😘

大年初三晚(12/2)，我訂咗一個外賣送貨特式海味盆菜，一家人諗住賀新年食餐好，但整熱咗盆菜之後聞到有D酸臭味，發現原來D枝竹酸咗，令到成個湯都發臭，最後大家當然唔會食喇。咁多年新年我都會訂盆菜同家人食，但係今年係第一次食到酸臭盆菜，真係畢身難忘！我隨即諗住打去反映吓同有咩售後服務，但呢間忠誠盆菜原來無whatsapp，只得個公司電話，打去又無人聽，唯有留言，但等咗4日都無回覆。總之大家小心中伏……

啱啱去咗一間用心煮盆菜嘅店試食啦，成餐嘅食物都令我諗返起家鄉嘅味道🍲。首先，啲蘿蔔淋，哇，好香好入味，正到不得了！再講吓呢盤豬皮芋頭，真係煮到啱啱好，粉滑得黎吸晒汁液，齒頰留香。踩界嘅鮑魚海参，溏心過鮮嫩，一啖咬落去就知道廚師攞功夫。大蝦呢，彈性十足，惹味到爆炸！冬菇雞底嘅汁香味濃郁噏到飛起😋。呢碟子鯪魚球，一啖一彈牙，順滑得嚟唔失手藝。最後，唔得唔提下，佢哋嘅炸門鱔，外面脆到炸，入面又綿又滑，幾得意🐟。整體黎講，呢間店嘅盆菜真係得嚟平民化，份量夠，滿足到食到想唱歌。如果想搵到一間貼心咁煮盆菜，給你地一個地道嘅體驗，記住要去試吓，絕對唔會令你失望㗎！

特快外賣盤菜即叫即送貨簡簡單單大埔忠誠盤菜館大大盤咩都有爽口魚旦/雞/蝦/冬菇/豬腩肉/蘿蔔/豬皮/芋頭/尤魚.........各樣材料都已入味配上濃湯多汁話咁快食完外賣最好在屋企可再加肥牛菜烏冬

今日年三十一早訂左5人海味盆菜諗住一家人食番餐好既坐左幾程車入到大美督開開心心囉盆菜見個盆菜都幾重 重專登去搭的士番屋企結果今晚一打開個盆菜 就心知不妙唔係講笑 一陣味湧上黎但係今晚無買餸又無訂位屋企人諗住唔好嘥野 年三十無理由飯都唔食硬住頭皮試下佢結果冬菇叔既 花膠一大陣臭味盆菜果堆蘿蔔 老到成口渣最大 問題係豬皮 直頭酸 大佬啊 一兩嚿我都忍你宜家係嚿嚿都係酸一家人邊食邊鬧個個食西口西面甘結果食左三分之一 真係頂唔順成盆掉左佢唉！年三十食到一肚氣真係無下次

一直以為盆菜是一種需要很早先預訂的食物，沒想到這次去大埔探朋友才知道忠誠盆菜可以像買外賣那麼方便，大概需要1小時前下單就可以了 😳自取的話還有9折❤️ 所以這次試了貴一點點的海味盆菜😍🔹️ 特式海味盆菜 (小 五人用) $720▪️ 鮑汁海螺片 ▪️ 高湯燴花膠 ▪️ 紅炆海參 ▪️ 生晒蠔豉▪️ 干煎大蝦▪️ 傳統魚蛋▪️ 家鄉炆豬肉▪️ 紅炆北菇 ▪️ 五香芋頭 ▪️ 爽脆魷魚 ▪️ 南乳支竹 ▪️ 爽滑豬皮 ▪️ 清湯蘿蔔除了每樣食物用料都不錯以外，想重點稱讚一下它的湯汁非常好👍🏻👍🏻👍🏻濃而不死鹹🥰 好吃的醬汁跟食材一起炆煮入味才會好吃，我們還額外加了粉絲進去一起煮，完全吸收了盆菜的湯汁 非常棒！😋😋😋

忠誠盆菜唔算太貴都算幾抵食蘿蔔好有味豬肉都炆得好林都算多夠五個人食唯一就係太唔就腳送外賣就覺得好似有啲貴。所以如果唔係去開大埔嗰邊或者得閒嘅話都未必去買嚟食因為去到大埔仲要轉一架van仔先搵到間舖頭見到好似有堂食唔知會唔會有人真係堂食盆菜呢疫情下都未必方便咁做算係幾抵食嘅選擇如果唔嫌遠或者唔介意運費嘅話果日發生咗個小插曲明明一早打去係訂呢一款盆菜但佢哋死話都冇係要畀另一款拗咗一陣先肯畀返原本呢款我本身以前服務態度都唔係咁係咪多單？所以啲態度差咗？？

以前係大尾督踩完單車，都會過去食，自從啲水準差左之後都無去幾年。最近無晚市堂食，團年飯屋企人話訂盤菜，佢哋都推介忠誠，於是再比機會佢，訂左貴啲嘅12人鮑魚一品盤菜。我地14人，用gas爐番熱後，大家就係咁搶食，雖然仲加左啲韓燒，但成盤菜好快食哂。其實盤菜係好足料，不過太好味，屋企人一路食一路贊，好快就食完。飽魚彈牙，蝦大隻新鮮香脆，雞唔鞋口，五花腩夠淋，白蘿蔔豬皮索埋啲湯汁食好正，唯一係啲花膠細隻啲。如果繼續保持呢個水準會推介。本來有送貨安排，但擔心呢啲日子容易有漏單，於是外賣自取，在網上落單後，佢地都即時打電話嚟確認，不過最終去到都話無我地張單，好彩即時補貨。

近幾年在家團食都係食盆菜，特別是這兩年，疫情關係，團年都無得出去食，試過好多間盆菜，今次試忠誠。早幾日上網預訂一個家鄉傳統盆菜（大），連外送要$1408，在預訂時間收貨，唯一唔方便是收貨要付現金。收貨後即看，個樣都幾靚，無雪到硬晒。食前加汁用電磁爐加熱30分鐘便全熱。干煎大蝦好爽口，幾好味，蠔豉都唔錯，魚蛋就麻麻地好食，炆豬肉好夠味，鴨掌 北菇 竽頭 魷魚 支竹 豬皮及蘿蔔都炆得夠入味，特別是支竹，正。食到最後加咗幾棵生菜煮，生菜索晒D汁，勁正。

屋企每逢大時大節，除咗叫pizza同壽司之外。我屋企最多就係叫盆菜食。大美督呢間忠誠盆菜。由我有認知以來。已經存在。大大話話都食咗10幾廿年。前幾年佢曾經係做得冇咁好食嘅。所以前幾年嘅盆菜都唔係喺度買。見佢近排好似多人食返。咁就再俾多次機會呢間老字號啦。盆菜非常足料。有非常多嘅配料，我自己就比較鍾意食盆菜入面嘅炸魚旦。因為非常之大粒。而且佢炸得好好食。而且盆菜嘅醬汁亦都非常之惹味。估唔到10年後佢竟然做返以前嘅水準。

同朋友ad hoc去粉嶺行完流水響去大埔林村睇聖誕燈飾市集，媽咪打來話想食傳統盤菜，叫我買返赤柱，大埔呢間算出名，立即打電話訂個最細的五人傳統盤菜，我家得三人都係有排食。立馬轆過去，搞咗一個鐘至到，$500唔洗仲要自取九折幾抵，仲比多支汁你，不過因為足料所以好重。返到去煮翻熱，個盤底有塊疏孔片隔起唔洗痴底。個汁好好味，尤其鐘意豬腩肉，吸晒汁，肥瘦相間，豬皮爽口肥肉淋，其他都好好味，只係啲蝦好多沙，同埋魷魚有啲硬，改善這點就完美喇！

叫咗個盆菜做冬，8 人份，9個大人 2 個青少年都食唔晒。大佬話馬會請嘅叫個最貴嘅 🤭🤭 上網訂好再打電話去 reconfirm，去到攞嗰時先比錢，好方便。取貨嗰時仲有條人龍，不過好快就到我攞。8人份都好重手，加錢可以送貨，咁我住得近就唔駛。盆菜好足料，但貴價食材如鮑魚，花膠嗰啲唔入味，亦都唔算新鮮，反而豬腩肉好受歡迎，仲有蠔豉冬菇都好好味。所以一致認為下次再叫唔需要叫最貴嗰隻，可以降低價位試其他 🤭🤭🤭

今日全家去左大尾篤行山，行到咁上下差唔多到1點準備食晏，細佬次前食過一次忠誠盆菜係附近，話好好味，咁岩我地今日齊人就一於行多幾步去食盆菜。佢環境都唔錯，仲有一個水池養龜。由於唔係旺季食盆菜加上係假日，所以無咩人食，好多張枱都吉左。我地總共5個人就叫左個5人盆。一盤都要550，講真唔算平，不過一場黎到都試下。佢上黎既時候都係同圖片幾似，蝦同班腩要食先因為岩岩炸起，蝦都算大隻，不過明白始終係冰鮮蝦所以有少少梅。腩肉雖然肥不過層層分明，個汁煮耐左更入味。個人最鐘意係冬菇同芋頭，南乳汁入味d好好食。不過位置真係幾偏僻，如果無車要入黎食都確實唔太方便。

年近歲晚，與一家人一起去大埔忠誠食盤菜，價錢冇大改變，都係1000蚊。盤菜賣相ok,見大蝦金蠔。但味道及食材水準就比以前有所下降。海鮮都係雪野，冇彈性，冇鮮味。肉類就過晒火，老曬，口感不佳。盤菜的湯汁亦不夠濃。雖然冇加價，但水準就下降了。