松記糖水店

Open Now

Now Closed

「松記」假日時候塞滿了糖水愛好者，人流實在太旺，今次光顧是荃灣松記，叫了一款平凡但不普通的「芝麻糊」。其實芝麻糊是心機甜點，一點不簡單。松記的芝麻糊，滑溜稔口，沒有硬塊，米漿完全混和於芝麻漿中，明顯見到廚師耐心；煮芝麻糊要一面攪拌，一面煮至微滾，否則芝麻糊不會白滑。而叧一邊廂是豆花，一股豆香味，但沒有軟綿綿的，不夠嫩滑，可能冷藏保存太久的原因。話雖如此，豆腐與芝麻糊的組合出奇地夾，兩種不同質感和味道互相補足和配合，美味非常。「松記」-----這是香港人的甜品店，永遠沒有令人失望。

作為荃灣友，以前在區內吃完晚飯，多數都會到松記買外賣。每次都是獨沽一味，只吃幻彩明珠。不過最近兩三次發現水準明顯下降，而且份量較以前少了，所以都有一段時間未有再光顧。吃完晚飯後時間仍早，見店內有吉枱又不用排隊，一於堂食。朋友建議我改試店內另一款人熱甜品-Summer。Summer的材料包括兩球自選口味的雪糕(我選了綠茶及曲奇味)、西瓜、芒果、奇異果、珍珠及朱古力棒，份量算大。將所有材料拌匀吃，味道真的不錯。以這個價錢來計，Summer實在是平靚正之選！

好耐冇同朋友約食糖水，以前成日幫襯松記，今次都唔例外。每到夜晚生意特別火爆，坐到埋隔離鋪頭。 今次試咗個未食過的雜果爽，唔好食，椰汁糕冇椰汁味，好淡，又唔够雪，無果種食冰甜糖水的快感。 同朋友share的summer還算ok，畢竟是主打。榴槤班戟就甜到漏，無以前咁好食。價格升咗我地都理解，不過希望可以保持水準。

食個糖水去松記今晚九點食,人流唔多，而且又唔洗等位,所以就入左去食。荃灣分店，地方都幾大，而且服務生態度一向幾好叫左一個榴槤pancake同幻彩明珠。pancake比之前好食左，多榴槤少cream„所以系好味,仲意食榴槤既話。一個人都夠,28蚊抵食。但幻彩明珠,好似比之前食味道淡左少少,可能未到夏天，d 水果冇咁甜，而且涼粉太硬。但23 蚊算系咁。

食完晚飯去糖水街食番碗糖水，眼見松記最多人食，就決定食松記。呢個芝麻糊豆腐花咩事？求其到不得了！倒瀉晒都算！佢豆腐花係無味！同水差唔多 呢個推廣緊既芝士木糠隻味假到呢！！ 仲好意思話會令人食過番尋味！ 芒果西米露雖然都係睇到都唔想食，但算係正常！ 點都好，以後唔會再食！垃圾

食親甜品都會揀松記又方便又平又抵食 每次去食松記都例牌叫綿綿冰 orea碎加爆珠好正呢個豆腐味既綿綿冰清清地幾正 又唔會好似其他甜品咁甜刨冰黎 有椰奶 芒果汁 西瓜汁淋上去 落單個時佢會問你係咪全部汁都要 落曬就最正 啲刨冰加埋啲汁同雪糕食 好好味個底有紅豆同椰果 有啲咬口個心太軟唔錯 甜甜既朱古力味 但有時會焗過龍 個心就沒咁流心但通常都正朱古力味幾濃 又唔會係好甜個種糖不甩食完有啲口渴🤔好多花生同糖 煙煙unun 幾有咬口整體都好好 但如果晚餐過後既時段通常都要拎飛等 但好快就有位啲野都好快黎 好抵食

松記，都真的陪伴著的成長，由從前讀書，到現在出來做野。隨著時代，通脹，價目表都每年更新一兩次，比起從前，現在的價錢差不多是一倍增長。我的例牌是幻彩明珠走涼粉，因為個人不喜歡涼粉的味道，走了涼粉後，有點像雜果明珠加黑珍珠。這個例牌吃了多年，仍然是我的至愛！花奶及芒果汁配搭得很好，明珠口感彈牙，煙煙韌韌。另外，生果的種類都很多，西瓜，木瓜，哈蜜瓜，奇異果，芒果及火龍果。一次過滿哂幾個願望！

好耐冇去荃灣食糖水，雖然有幾間，但都係揀返松記～餐牌超多野揀，諗食咩都用左三個字。 幾個人share食～呢個係芒果益力多味綿綿冰～食唔到芒果味，但益力多味酸酸甜甜好開胃。不過d生果就淡而無味。加咗椰果就口感豐富d，仲有紅豆，不過爛溶溶，個人覺得紅豆一粒粒口感較好。仲有乳酸味爆珠，同綿綿冰絕配。 最值得推介一定係呢個榴連冰，就咁聞已經有榴連香，榴連味雪糕香滑，加榴連肉，雙重口感加上刨冰，爽！ 真係齒頰榴連香😝不過紅豆又係爛茸茸。 呢個鮮果雪糕西米露就冇咩驚喜，生果都係淡而無味，不過個朱古力雪糕有好多朱古力碎冇咁寡～唔會太甜，小清新。

最近天氣寒冷，夜晚晚飯後，總想找些方法令自己暖點，加上天氣寒冷胃口大增，所以就算外面有幾凍，都願意落街買一碗暖暖的糖水。我由佢的深水埗分店，食到荃灣分店，佢的水準都能保持不變，俾個like佢！一落到店舖，叫了冬天我最愛食的例牌腐竹蛋糖水

同朋友食飽飯，越捨越離未想返屋企，最好梗係去食甜品😂 今晚去咗松記，貪佢多款式，個個都啱食，剛好去到時間仲係晚飯時間，人唔太多，唔駛等位。 最後我揀咗"Summer"，第一次食，唔錯喎，有西瓜、蜜瓜、木瓜同奇異果4款生果，明珠配芒果汁同椰奶，可以揀2個味道雪糕球，我揀咗朱古力同曲奇，味道好夾，好豐富，抵食👍🏻

好開心呀忙左一個禮拜琴晚愛麗絲終於可以同屋企人，仲有表妹舅父佢地食做冬飯👧🏽👧🏾 食完正餐，我地直落去左松記食糖水🍨 呢一晚好凍，我地係出面等左約十分鐘到就已經可以入去喇，其實個陣已經只係差唔多9點，但已經有好多人食謹😳 我地大家一坐低即刻紛紛嗌熱食既糖水。愛麗絲叫左個熱紫糯米加豆腐花。首先，豆腐花好滑，清清地，不過就好熱，朋友們食既時候小心辣口啊🙈 至於紫糯米加左少少椰汁，略帶清甜。不過成個甜品我覺得可以再甜啲，或者係呢兩樣野唔係太夾啦🙈而表妹就叫左個六寶湯圓，意思即係有六種唔同味道既湯圓，例如綠茶丶花生丶芝麻等，一次過可以食咁多味，而且湯圓唔同顏色，係正既😛其他既仲有木瓜雪耳糖水丶芝麻湯圓同蕃薯糖水加湯圓等等中式甜品，全部味道都唔錯，又唔會太甜，只係舅父話蕃薯糖水可以再薑啲Wo😂 不過都係有水準既糖水舖呀😌🙈而表妹就叫左個六寶湯圓，意思即係有六種唔同味道既湯圓，例如綠茶丶花生丶芝麻等，一次過可以食咁多味，而且湯圓唔同顏色，係正既😛其他既仲有木瓜雪耳糖水丶芝麻湯圓同蕃薯糖水加湯圓等等中式甜品，全部味道都唔錯，又唔會太甜，只係舅父話蕃薯糖水可以再薑啲Wo😂 不過都係有水準既糖水舖呀😌

飯後，J媽媽又嚷着要吃芝蔴糊，那好吧，就駕車去荃灣松記外賣給她吧！約9:30pm來到，松記無論是店內或是店外都人山人海。除了芝蔴糊，我還買多了一碗楊枝甘露比自已。媽媽的芝蔴糊比較稀，卻勝在芝蔴味香濃加上甜度通中，但媽媽仍覺得西灣河的明記比較好吃。我的楊枝甘露好普通，芒果微酸，份量亦不多，我比較喜歡芒果蓉偏多的那種做法。阿P就覺得味道不錯，奶及芒果汁的比例剛好。下次都係去番西灣河的明記....

光顧了松記多次，居然沒有為它寫過一篇食評。多年來的經驗，食物水準飄忽，好味及新鮮與否，真的十分看你是日的運氣。甜品的價格來說，十分便宜，各色各樣的甜品價錢介乎20-40元左右。松記的主打甜品Summer，賣相比過往的好太多了，水果新鮮，味道自然不會差。鮮果雪糕黃金酥即叫即做的黃金酥，等候十多分鐘是值得的。金黃色的酥皮，入口鬆化，可惜內裡是空心的，吃完一個都不太夠喉。如果繼續保持這樣的質素及價格，一定會再次光顧...

松記糖水，基本上已經出名到香港無人唔識，不過講真咁耐都無幫襯過，今次係第一次。感覺普通，唔算話做得好出色，亦無特別差嘅地方。因為好出名嘅關係，所以都要等左陣先有得入去。店舖雖然唔細，但係枱櫈排得密密麻麻，坐得一啲都唔舒服，每行枱之間嘅通道又窄，所以員工經過時都會成日撞到我，不過我知呢件事避免唔到，因為太迫啦，啲員工都唔想嘅。叫咗呢個都算幾特別嘅嘢，檸檬芝士木糠布甸，配上一球曲奇雪糕。芝士同檸檬非常配合，同埋味道都幾濃，都幾好食架，又唔會似普通木糠布甸咁，太過甜喎。相反，喳咋就有啲令我失望。呢一碗野，同我想像中嘅好大分別，佢比較似一碗雜豆甜湯，即係嗰啲眉豆花生呀咁。唔係好似一碗甜品囉，同埋佢啲豆又煲得唔係好熟，硬硬地，雖然面頭有落椰汁，但係整體都係唔係好夠甜。

好耐無黎松記食糖水啦，選擇多左既時候就唔會揀食松記，不過尼排一直心思思松記既summer9點幾黎已經要排隊等位，我地大概等左10分鐘到就可以入座，不過要拼台坐兩個無所謂啦好快就點左我想食既summer兩個雪糕球可以自由選擇口味，我揀左芒果同曲奇發掘水果已經無以前甘新鮮芒果仲有D爛爛地