松記糖水店

Open Now

Now Closed

今晚同朋友係尖沙咀飲野吹水輕食, 走時8點幾仲早, 所以我地就行去佐敦搵下有咩糖水食, 行經松記糖水舖就試下啦, 第一次試呢間的, 朋友叫左西瓜芋圓仙草- $43, 好普通, 食到底好甜.我就叫左D24榴槤芋圓紫米露- $53, 一黎到個賣相已經唔吸引, 食落芋圓勁硬, 要好用力咬先可以吞到, 第一次食到咁唔腍既芋圓, 食左幾粒, 最後放款, 紫米露好稀, 榴槤雪到好硬, 一開頭筆唔到黎食, 要朋友幫手整開佢.......真係呢......咁既價錢呢個質素, 仲要限時食糖水, 好失望.我專登叫佢俾返張單我用黎寫呢篇食評, 證明我真係有幫襯~ 不過咁講啦, 都希望店家之後可以有所改善啦~我自己就唔會再黎啦~

去長洲玩完一日好攰，但係都特登搭車去佐敦呢間食。我同女朋友分別嗌咗曲奇雪糕紅豆芋圓仙草凍同鮮奶燉蛋（熱）。我碗仙草凍來到瀉晒，雖然觀感頗差但係我還接受到，因為的確幾滿下，味道尚可。因為啲雪糕融咗會唔好食，所以我碗嘢唔可以慢慢食，食完後店員就即刻拿拿臨收走。之前來過呢間食，已經知佢哋係唔會提供水畀客人，咁諗住就咁坐多陣休息下，點知店員直接趕我哋走，話出面有人等緊，唯有埋單囉。未試過食糖水食到咁折墮，以後唔再幫襯。

話說今晚同朋友久違咁聚一聚，食完飯想食甜品就嚟咗呢度上餐效率高！啱啱order完冇幾耐就有甜品幾好食，我叫咗芒果芋圓仙草，但係啲冷氣都幾大😹着完一件褸都覺得凍，至於服務態度方面，成個用餐體驗俾我嘅感覺係「甜品澳牛」啲嘢食放低嘅時候入邊嘅嘢係會有少少瀉咗出嚟唔係話佢要好小心咁放低喺我張枱度，但係我係聽到「啪！」一聲，個人覺得力度可以細少少😹🤝同埋張單應該有寫到限時用餐30分鐘，但係喺未夠30分鐘嘅時候有位男職員喺我哋附近問我哋食完未，佢唔係喺我哋張枱隔離，都有少少距離，然後用宏亮嘅聲音問我地嘢食到齊未同埋食完未，我唔否認佢有機會冇惡意，但係同我一齊同行嘅三個人，包括我本人，都覺得佢喺度趕我哋走，成個用餐體驗比我嘅感覺就係好忙、好急、同埋要好快聽到佢咁講之後我哋都即刻執嘢走，我朋友覺得嚴重被冒犯，喺埋單嘅時候直接同個男職員講唔洗咁惡，然後嗰男職員O咗個嘴話冇咁意思，最後我地都冇再講其他野走咗。先莫論佢講呢句說話嘅語氣，嗰陣時我地檯面個碗全部都收晒，我就唔係好明點解因為我哋食完未😹張檯咩都冇，餐廳又唔係好大，啲嘢食又係你捧俾我哋嘅，你覺得我哋食完未？再加上時間未到，喺呢種情況之下語氣又唔好，

基本同朋友食完飯都會行過來食糖水，松記糖水店真是我心目中港式甜水嘅No.1。次次來一定會嗌椰汁🥥燉蛋白，今次點佐榴槤味，榴槤好熟且香味撲鼻，入口又香又嫰。蛋白燉得極嫩，奶香味好濃。朋友仔就點佐楊枝金露加綠茶雪糕，入面的芒果真是香到隔幾間店都聞到，仲要又甜又軟，真是好好味。

今晚飯後想吃糖水，就到佐敦松記。坐下，手機掃碼點餐。餐牌上有三色湯圓，照片是一碗六粒，$35。我偏愛蔴蓉和花生，而點餐頁又讓人客選擇可以不要某一種餡料，於是我按了「不要奶皇湯圓」，頁面顯示收費維持$35。正常的預算就是我會有3粒蔴蓉和3粒花生，共6粒湯圓。等了不久，端來的湯丸只有4粒。我以為搞錯，向工作人員查問一下。男侍應居然告訴我，因為我選擇不要某一種餡料的湯圓，廚房是不會補回原數給我的，4粒湯圓沒有錯！香港飲食業什麼時候墮落到這個程度？我完全無法忍受這種劏客的生意手法，即時離場。

松記真的從小吃到大了，承載了很多回憶，味道也沒怎麼變過。最好吃的是綿綿冰，可惜現在沒有了豆腐味！芒果綿綿冰可以加錢配果肉，本身送兩種配料和一種醬汁，味道厚實一點，比外面的日式刨冰來得實在，不會很快化成一灘水！喜歡❤️❤️紫薯涼粉不會太甜，口感很q彈，也很滑，涼粉做得很好，芋圓很有彈性，值得order！重磅！榴槤水晶涼粉，真心出色！底部的奶和滑溜溜的涼粉非常match，榴槤味十足！夜晚通常要排隊一會兒，都幾長龍，外賣也不少！

去咗松記嘗鮮啦！先講講我點嘅「鮮雜果西米露」，真係多得滯😍，啲水果新鮮得嚟，個西米露又滑又糯，夠晒口感，每一啖都似在嘆世界！再嚟講下「雪糕仙草芋圓」，我揀嘅曲奇雪糕球超級夾！啲仙草甜度啱啱好，搭埋個曲奇雪糕，冷熱結合，真係過癮！而啲芋圓，咬落去Q彈得嚟又唔太甜，特別係黃色嗰啲，味道香濃，高招！最後，「六色湯圓加芋圓」都干得好，湯圓個口感啱啱好，唔會過糯，啲芋圓保持住應有嘅煙韌，好知滿足！湯底呢，夠晒香濃。呢間真係正宗好東西食，係會令人掛住嘅口味。下次又要嚟試下其他嘢！🍨🍓🥥

這天除夕假期我們兩人由旺角行去尖沙咀，途經佐敦時經過這家店，因為想解渴吃甜點所以進去一嘗😋餐牌有很多款大路甜品及解渴飲品，最後我們兩人各自選擇了「什果荔枝綿綿冰」及「雜果芋圓仙草凍」🤩🍉什果荔枝綿綿冰 $60綿綿冰很軟很重荔枝味道😋配合新鮮的什果很開胃，由其芒果很香甜😋不過什果粒稍為有點甜🥭雜果芋圓仙草凍 $43主打手工芋圓的味道很有咬口，但芋頭味一般，中間冰凍的仙草凍上面配有熱身的紅豆蓉粒感覺特別😀雜果新鮮但西瓜味道很淡，芒果最濃郁及香甜味道可以，但粉量略小😅

響佐敦附近做完嘢，朋友話想食吓糖水，跟住行吓附近就搵到呢間松記糖水店，就走咗入去試吓，入到去嘅環境都還算可以嘅，人亦都唔多，可能因為係下午時間所以好啲。佢嘅選擇其實都算幾多，睇嗰陣時好多嘢都好想食，不過有啲相嘅顏色就顯示得太過鮮艷，突然間覺得有少少家家地嘅感覺，諗咗好耐結果都係去返最基本嘅糖水。一個係杏仁豆腐花湯圓，令一個係雪耳津梨海椰，杏仁豆腐花，味道都算不過不失，湯圓亦都真心冇乜特別。雪耳糖水份量幾好，味道其實都唔錯。

野食okay，不過都無用，全因樓面女職員態度極差。全場無其他客都淨係掛住同廚房傾計，落單要自己行去同佢講，落單又落錯。好聲好氣同佢講返，佢仲要黑面，俾面色你睇同講説話俾你聽。中午時段全場唯一一個客都要得到咁嘅服務質素，真係無辦法理解同體諒。食到一肚氣，大家想受氣就去幫襯喇！

⚠️⚠️⚠️千祈唔好食檸檬木糠布甸⚠️⚠️⚠️更加唔好外賣🫠🫠🫠🫠我琴晚食完晚飯，經過松記，醒起細個食過佢嘅木糠布甸好好食，於是外賣一個試吓⋯⋯惡夢嘅開始🥹🥹🥹首先一個手掌咁大嘅木糠布甸要$33 😱上面有幾片粟米脆片，而家嘅物價已經令我難以想像😨個布甸硬到阿媽都唔認得😐😐係真係石頭咁硬，個匙羹仲整斷咗💁幾經辛苦，終於成塊鏟起，直接用牙咬個味道好難忘，超級重嘅檸檬味，酸酸地，仲有啲榴槤味⋯⋯⋯應該係個雪櫃入面放咗榴槤，吸曬味🥶然後啲木槺得薄薄一層，總之就係唔好食🫠呢個價錢加埋呢個質素=大大伏‼️‼️半夜瞓覺仲搞肚痛🥲🥲🥲肚屙左幾次，我同朋友都係⋯⋯⋯唔會再幫襯下次❌❌❌

食完晚飯， 同朋友一齊去松記糖水。 我朋友點左紫米露， 我點左西瓜芋圓。 芋圓煮唔熟， 好硬， 幾粒稔埋一舊。我朋友先食完碗紫米露， 一食完即收碗， 一陣之後， 個員工吼住我食完， 我放低隻匙更，即收碗。 同我朋友坐吹左一分鐘水， 有女職員立即走黎我身邊同我講 ：出面好多人等, 你食完就走啦。咁趕客走， 真係唔使旨意下次再幫襯。糖水無咩特別不在話下， 服務態度又差。原本朋友生日，同佢食個甜品， 等佢有有一個甜甜蜜蜜， 完滿嘅晚上。 結果， 比松記果個惡女職員， 嚇到走都走唔切。

糖水質素好差！我地叫左一碗桃膠糖水同仙草芋圓！碗紅棗桃膠清到同飲水冇分別！直頭好似飲紅糖水甘！53蚊真系不知所謂！另外一碗蜜瓜芋圓仙草又系唔得，涼粉扮仙草芋圓勁硬冇汁水勁乾！相都費事影唔會有下次😔😔😔

Happy Friday, 糖水 tea time。想用Kxxtx訂外買，竟然唔喺送貨範圍。咁就用傳統打電話方法，order 左去攞。 🍖 我地叫嘅糖水有熱有凍。但係來回公司行左20幾分鐘，都可以保持到質素同形狀完整。尤其係幾個凍嘅甜品，幻彩龍珠，榴槤椰汁黑糯米同芒果雪糕西米露。 🍖所有甜品都唔太甜，而且相當足料，榴槤份量好多又新鮮，幻彩龍珠裡面嘅生果西米同涼粉都好多而且比例均勻。 ✨️店員姐姐勁親切，由打電話到攞野食，都好有禮貌有用心講解佢地仲有其他外賣方法，抵讚！

一位黑衫寸頭戴眼鏡嘅男性店員，服務態度極差，呼呼喝喝，嗌佢點餐，佢又唔理，之後又大大聲講等陣，寫完野就話繼續，完全冇服務態度，做個店員洗唔係咁串！下次唔會幫襯，同埋會通知親友唔會再來！