Chung Kee Dessert

以前最出名的港式糖水舖好似係許留香，其次係松記，佢全港九都有，d冰冰好出名，多款口味，確實滋味。今次試佢其他甜品，叫左腐竹糖水，芒果pancake, 士多啤梨小丸子西米露，水準還好，士多啤梨有d藥水味，香港人的評分標準係唔甜就係好甜品，而佢地就係偏甜，芒果pancake太多奶油。腐竹糖水最好食，比較清甜，多腐竹。…Read More

松記糖水店 (佐敦)，位於香港佐敦白加士街23號地舖。平時都有到松記食糖水，但都在深水埗分店。紫薯芋圓仙草$43 ~ 紅豆每粒都好硬，想叫店員給些花奶，但他說花奶要加錢，但我每次到深水埗分店食都是不用加錢的，還會主動給花奶。雪糕曲奇雜果鴛鴦涼粉$59 ~ 味道正常，但份量偏少。整體份量少，服務有待改善，價錢亦比深水埗分店貴。🏷️溫馨提示～ 整個用餐體驗均屬個人分享意見， 只作參考😊。松記糖水店 (佐敦)地址: 香港佐敦白加士街23號地舖…Read More

今日過來佐敦, 想食碗甜品滋潤ー下, 抖一下, 望下餐牌花多眼亂, 唔想食凍, 揀d熱的款式, 之後QR code 落單, 叫左一個芋圓腐竹雞蛋🥚薏米蓮子糖水加湯圓😋, 等左一陣甜品送到, 雖然叫熱, 但送上來唔係好熱辣口個只, 叫做微暖😆唔可以稱得上叫熱, 望落都有幾多薏米😋, 飲一啖, 算係唔係太甜, 入面有少少蓮子, 喜歡芋圓的我, 今次食算ok, 原來加落腐竹都幾夾😃, 入面有二粒芝麻湯圓, 都好大大粒, 咬落幾香芝麻味, 係甜左dd, 不過算可以接受, 腐竹食落唔係好香腐竹味, 不過幾滑, 只🥚都勁大只, 食落又幾香, 不過整體叫做合格, 最少糖水的溫度要改善一下😂…Read More

叫左一碗雪耳燉木瓜兩碗楊枝甘露。份雪耳燉木瓜水稀稀 完全冇冰糖味！好似將啲材料擺埋一齊就算。楊枝甘露都唔好食 朋友食左一半冇食。比呢個價錢平又好食既大把地方都有 今次真係中伏。仲要三份都嚟錯哂 同隔離枱撈亂 有冇咁混亂！？唔會再來！！鍾意中伏既人自便…Read More

檸檬雪糕脆脆木糠布甸本來而家生意難做，盡量都唔想俾負評，但係呢個木糠布甸真係太令人失望，真係要幫有緣睇到嘅人避避雷。個名字好似好吸引咁，但係完全唔係果回事。個雪糕係牛奶公司質素都預咗，但係木糠布甸完全不符合預期，只係一個好酸好冰嘅物體，既冇奶味，又冇creamy 嘅質地，亦都冇木糠布甸suppose有嘅粒粒木糠餅乾碎粒粒嘅口感。與其叫木糠布甸，不如改名做檸檬雪芭，起碼唔好俾咗一個錯誤嘅預期。勸世文：如果你預期係食檸檬雪葩還可以，但係絕對唔係木糠布甸。…Read More