松記糖水店 (Closed)

食完韓燒梗係要食甜品啦～我哋即刻過對面食糖水，好鬼熱氣，夾份食一碗綿綿冰先！呢款係芒果綿綿冰，配以Oreo碎、爆珠同埋焦糖醬。首先我哋本來以為餅乾碎同生果味嘅刨冰會好唔夾，點知Oreo碎配芒果刨冰出奇地搭調，仲好有粒粒嘅口感。另外白色透明嘅爆珠（係晒底睇唔到😅）亦都有啲出乎我嘅意料之外，本來以為係珍珠奶茶嗰種珍珠，點知係透明大珍珠嘅size，一咬就會喺個口中爆開溶化！😍🥰最後焦糖醬其實個味道就出唔到比芒果搶晒，下次直頭叫佢走醬汁仲可以冇咁肥仔。😅

今晚食完飯，諗住食甜品，成日食芋頭甜品，今日想食下其他甜品，行左銅鑼灣一圈，決定食下松記糖水啦，點知真係伏中之伏，首先唔知點解咁既食物質素都仲有咁多人食？因為行下街想有啲嘢濕下口定念舊？我叫左個榴連雪山，滿心期待之下，一食，凍水西米露，冇味，寧願飲水，個名叫榴連，強烈要求改名叫榴連雪糕加淡水西米，雪糕又冇榴連味，真心搵笨，$48一碗，$4.8就差唔多。雪芒楊枝甘露，唔夠芒果，得幾粒，雪糕係差過牛奶公司，盛惠$58，真心強烈建議大家唔好再去

打完針唔知點解個口特別乾，經過銅鑼灣松記，就諗住入去食番碗幻彩明珠先點知一打開MENU，睇左好耐都揀唔到食乜好一來貴曬，二來啲糖水款式唔同曬最終都揀左幻彩明珠，但佢呢度既幻彩明珠係一定有埋雪糕🍦既，盛惠$55都幾貴下….都算大碗，天口熱，加左雪糕好消暑😌

好久没去松记吃糖水了，以前在铜锣湾上班时，晚餐后店内都很热闹，经常要在店外轮候。今天进去时是下午茶时间，店内客人不多。但只有两个服务员，其中一个在收银台，另外一个负责落单和楼面。客人虽不多，但服务不及时，等了很久才下单，效率不高。他们的糖水品种不少，但价钱不便宜，加了芋圆的会更贵。点了几样甜品，味道还算不太差，其中的豆腐花很滑，但里面的芒果有点酸，整体口感一般般。如果以份量衡量，今天的东西性价比只是一般般。

呢間松記喺銅鑼灣已經好多年，之前食物品質同服務都好好。但自從近呢二年唔知係咪因為銅鑼灣糖水舖執咗好多間，無乜競爭。佢嘅食物質素同服務態度都越做越差。例如就算鋪裏面冇乜客，叫外賣都要喺門口等唔准喺鋪裏面等。裏面位中年女收銀從來都係黑面。其實已經有一段時間冇幫襯，今日再試吓外賣佢嘅楊枝甘露，返到屋企一食就知今次自己又攞嚟衰。完全無應有嘅椰香芒果花奶味，完全係一碗溝水楊枝甘露。賣成$44蚊咁嘅質素，決定唔會再幫襯☹️

名叫榴蓮刨冰 但d冰係椰汁冰  俾榴蓮蓋嗮d味  本身期待係榴槤味嘅冰 如果係濃味牛奶冰應該都好d冰下面有紅豆同鷹嘴豆 椰果 個人認為唔係好襯最好食就係嗰少少榴槤肉食到最後榴槤雪糕啲味都俾蓋住左69蚊有d貴😅所以呢個先冇係推薦入面掛

6月13日約8:05pm天氣很熱，買了成手外賣，打算買碗糖水。見到這間有點名氣的糖水舖所以入去買外賣。我俾錢時已經要把手上東西放在台面，我俾完錢，中年女收銀立即叫我外賣要出門口等，我當時覺得奇怪，店舖坐得25%人，點解一定要出去等，我即時話取消，她又話已做緊。我話掃安心出行，要坐住等，她最終同意。不到3 分鐘已完成，我覺得她的態度很差，我問她有沒有展示外賣要在門口等，她聲稱無，是公司 protocol。如果有protocol，希望展示出來以免爭拗

一大班人食個飯後糖水🍭 如果無咩要求😅松記咁多款式都算係個好選擇🌝 滿足三心兩意既你 質素黎講都好Expected🤣 無期望就無失望🖤⭐️ 鮮雜果杯杯冰 🍧首先D冰粒實在太粗糙🧊要加忌廉汁先入到口😶 雜果算係豐富 🍉🍈唔算太多糖水 有可能泰國街頭既支支冰更好食🇹🇭⭐️ 芒果紫米露 💜芒果果肉唔算多🥭但係新鮮度還可以👍🏻鮮甜度唔算人工😜 反而紫米露太稀😧 紫米唔夠香同欠缺口感🌚 價錢有點Overpriced💵

係銅鑼灣食完晚餐，覺得肚仔仲有d位同行朋友話不如一齊去糖水又唔想去啲貴貴糖水鋪食，諗諗就揀呢間近住鵝頸橋既松記啦一如往常，九點幾去到都已大排長龍拎飛後等左20分鐘二人枱先入一入座侍應已經會即時問食乜，渣渣林落單我地叫左腐竹糖水同埋芋圓涼粉無乜特別讚/彈，呢個價錢又有得坐下兼食下野，算係咁啦，經濟之選

疫情關係，大多數嘅舖頭都冇乜人，呢間之前好爆滿嘅松記糖水都一樣╮(╯▽╰)╭嗰日我去松記，平時最少都有三五台客，點知一個客都冇，完全係我自己獨佔咗成間舖頭٩(˃̶͈̀௰˂̶͈́)و嗰日突然好想食椰汁西米露，但之後有啲後悔，其實我應該叫芋頭椰汁西米露，因為椰汁西米露裏面真係冇嘢㗎，得西米㗎咋(￣∇￣)不過淨係得西米都好香，椰汁🥥味好重。下次我應該加湯圓(>^ω^<)題外話，嗰日我留低咗個電話，轉頭返去佢幫我執返，好誠實嘅店員。

明明係喺冰櫃攞出嚟，就扮嘢話我哋嘅木糠布甸做出嚟係硬嘅。完全唔值$38。。笑咗下次應該真係唔會再嚟幫襯, 性價比低非常失望，下次唔會再嚟-態度勁差-價錢貴份量少

行開附近，醒起好耐冇食過松記，所以就同朋友去食個飯後甜品。點知。。。-糖水超稀，最基本嘅紅豆沙拼芝麻糊都可以難食！-態度勁差，好似好唔想做你生意咁！- 價錢貴但份量少難怪間鋪可以一個客人都冇...

早幾日想食芋頭西米露，屋企樓下無選擇情況底下幫襯左間包羅萬有的小食店。心裡面雖然已經打底知道樓下唔會有味食，但食嗰吓仲一樣覺得中伏。點伏法？咪係西米還西米，芋頭還芋頭，兩者完全無交流無融和，伏伏伏。算叻，小食店不能要求太多。今晚食完飯經過糖水舖，話晒有十間八間分店，心諗普通中式糖水呢啲基本嘢應該無甩拖。點知⋯ 伏伏伏 伏伏伏⋯ 直昇機起飛喇！點伏法？屋村樓下包羅萬有小食店就話無廚房，每樣嘢都係來貨加熱買啫。你糖水舖嚟架，芋頭西米露呢啲基本嘢你竟然都做得唔好？！西米同芋頭根本無一齊煮過，芋頭唔粉唔淋，又無芋泥，睇張相已經解釋晒 —— 芋頭起角架！依家食泡菜呀？有無煮過架？芋頭煮過條邊一定會糊化。唔好同我講芋頭唔當造呢啲藉口，作為一間糖水舖，來貨唔靚應該就直頭停賣呢樣嘢。成碗嘢，西米還西米，芋頭又唔淋，花奶還花奶，椰漿少到真係唔知有無落過。幾樣材料無融合一齊，有如車仔麵㨂配料。咁整出嚟真係侮辱咗芋頭西米露呢款菜式！希望集團老細好好反思一下。

因為綠林和聰嫂執左，唯有去松記。之前都食過松記，但甜品質素有待改善。可能下午時分去，沒有太多顧客。是日同家人叫左四款甜品:1) 楊枝甘露: 一般，芒果汁唔多亦唔太濃。2) 芒果芋圓仙草凍: 芋圓唔好食，一d 都唔煙un ，只有芒果係甜 ，涼粉正常....3) 杏仁芝麻糊湯丸: ok but 比較甜，湯圓一般4) 榴連凉粉: 榴連蓉一球+椰汁白色凉粉，除左粒 榴連有甜味之外，椰汁冇🥥味。價錢只反映地區租金，份量比較細份。下次不會再去。

松記長期排隊排到過對面海咁滯。近排可能受疫情影響，相對少人排隊，舖面唔多人，即刻衝入去支持下。☝🏻雪糕涼粉 (曲奇)呢個係賣飛佛嚟架！夏天食佢嚟消暑真係perfect池。雖然唔知涼粉係咪松記自己整，但食落軟硬適中，甘得嚟唔會苦，個人認為好生津止渴。最正係個椰汁底，松記呢個偏向少甜，搭埋雪糕嚟食甜度啱啱好，唔會好“漏”。至於點解我揀曲奇雪糕？因為雪糕入面有好多曲奇碎，脆脆嘅質地會令成碗涼粉嘅口感更豐富架！推薦推薦😚🍪🍦~