29
9
6
Telephone
2363 1100
Payment Methods
Visa Master Cash AE UnionPay
Number of Seats
100
Other Info
Open Till Late
Alcoholic Drinks
Parking
Phone Reservation
10% Service Charge
Review (45)
Level4 2013-04-14
1377 views
413係值得紀念、開心既一日。走入仲裝修中未開既FHP新商場,左穿右穿終於黎到ChumChum味,雖係招牌都未有,但基本既裝潢都o係度架啦,仲貫徹韓國天然、樸素既路線,用左竹、木、素色,報置到成個天然家室咁,感覺舒服。我地一行7人安排坐左o係沙發卡位,自成一角,唔怕嘈親人坐低無幾耐,侍應就遞上熱茶同暨多選擇性又可無限添加既前菜。我的前菜之選:矮瓜、蛋皮絲、芽菜、中華沙律豆腐沙律份量都好大,有新鮮正規既沙律菜豆腐粒個dressing好特別係柚子椒粒汁,成個感覺係清新健康,但個人唔鐘意咁甜既汁去配菜同豆腐。壽司除左係日本菜必食,韓國菜都當然唔少得啦.韓國壽司有咩唔同?一般廚師會o係飯度加入麻油、芝麻同鹽,味道比日本壽司較豐富。好可惜,呢度既壽司麻油味欠奉,不過蝦比牛肉突出,因為炸左香D更爽。由於都足料,有蟹柳,腌籮白,甘筍等,令壽司口感十足。部隊窩呢個即係雜物窩,mug都放o西落去,有香腸、午餐肉、冬菇、茄汁豆、羅白、菜、公仔面同芝士等,煲滾左後,D芝士溶曬,夾時好鬼論盡痴住曬,辣度黎講算適中,只係我食左兩片椒粒,所以要噴火。不過食既時候,其實都要先夾曬D公仔面,因為好快軟架!酸甜雞丁係炸雞件wrapped in酸甜醬甜味比酸度佔多,上面灑左D花生碎,雞件炸煮後仍然保持內裡濕滑,唔錯海鮮芝士年糕雖然外表紅當當,但辣就唔係好辣,因為有D甜味中和番,用料要一讚,有蟹,蝦,青口,魷魚,全部都好新鮮,肉質結實,味道鮮甜,芝士份量又十足,年糕煙煙un un,絕今日正值生日,店員送出生日蛋糕,仲一齊唱埋生日歌,而且服務態度親切友善,實在高興盡興!唯希望店員可以大膽推介菜式及主動添茶。PS 臨走時,幾位經理同老闆o係門口傾計時都主動同我地SAY GOOD BYE, 實在令我地覺得賓至如歸,好親民,有一位韓籍經理仲要好靚仔,一副明星相添架呢! continue reading
(The above review is the personal opinion of a user which does not represent OpenRice's point of view.)
Level1 2013-04-08
690 views
這家餐廳已搬到麼地道FHP購物中心, 千福大少旁。由於第一次去, 店門又沒有店名, 找了很久先確認到位置。可能地點比較難找, 當日7點多去到但一個客都沒有。4個人點了部隊窩, 海鮮辣豆腐湯, 炒粉絲(細), 韓式酸辣雞丁部隊窩$250 很大窩, 足夠4-5人用部隊窩很好味。香腸, 午餐肉, 茄汁豆這些平凡不過的食料卻能做出一種美食。就是韓國料理神奇之處。豆腐湯跟在韓國本土食的差別很大。而且料很少。一般韓國的豆腐湯都是辛辣, 會有一點點刺喉。可能是要配合香港人口味, 這裡的溫和很多。但我是比較喜歡正宗一點。炒粉絲沒什麼味道。很多餐廳都做得比這裡好。韓式酸辣雞丁我頗喜歡。雞丁應該先炸後加酸甜醬炒香。我覺得韓國料理在炸雞方面是幾有水準。值得一提的是這裡環境跟一般韓式料理店不同。環境是走高格調路線, 燈光都比較氛暗。再加上大部分食客都是韓國人, 氣氛不錯的。 continue reading
(The above review is the personal opinion of a user which does not represent OpenRice's point of view.)
Level4 2012-11-04
353 views
之前團購下來的, 好像是$100 可當$200用...當晚我們3個女仔, 只叫了2款食物,因晚市還挺貴....事先有到open rice看過,叫了較多人推介的炸雞和薯仔鍋.炸雞很大碟, 3個女仔食到最後都飽哂..雞件是大件的, 食落去感覺未至於一口油..不過酸甜醬的那款較可口,因酸酸的醬食的時間較開胃.薯仔鍋份量都十分多!好似食極都有...d 薯粉...湯底有陣陣胡椒味. 幾鍾意飲.不過會口渴xd"入面有d 豬肉, 年糕咁.... 但最好味係薯粉.最初諗住黎會見到好多韓國人,但好似得個老闆係韓國人..而且感覺上d 服務一般, 我地好幾次要企哂起身, 見d 人黎先有人理我地....唔會再去, 呢種價錢唔係幾抵食如果用原價...."我們用了$100 x2 = 原價 $400, 但一人仲要夾多 $100到.... continue reading
(The above review is the personal opinion of a user which does not represent OpenRice's point of view.)
Level3 2012-10-20
222 views
星期六中午12點幾黎到冇咩人有人想食藥, 所以問個waitress拎杯水佢好surprised, 跟住拎走左本身放底既其中一杯茶 =.=之後我地問佢拎返杯茶黎佢都好似好唔願意朋友黎到, 覺得個位好熱 (曬到+ 冇冷氣到)就問可唔可以轉臺佢話得~跟住就話: 自己拎返自己杯茶!幾惡死下...(今次係另一個女人)之後大家已經感覺好差兩個女待應都係咁...令人失望食物方面叫左4個Lunch set之後上餐前果D小食我地5個人比一個4格既我地跟住我見人地2個人都係一個4格既就問啦, 之後佢話因為可以refill但我都request多碟咁多人點夾呀 =.=1. 石頭飯 - 正常得菜同蛋為主, 冇肉?!?!2. 餃子年糕湯: 餃子是好吃的但得4/ 5粒, 年糕都好少一個人食都唔夠3. 「粉絲腸」something...D腸係用粉絲包住咁的唔知咩東東就係有D湯同蔥咁冇了=.=4. 「燒肋骨飯」呢個算係最好食的了D汁甜甜地肉都唔錯!本身想叫多個SET, 但見D態度係咁決定去另一度下場其實我係第二次黎呢間野上次黎食晚飯都冇D咁既waitress...唔知今次咩事但大家都勁唔鍾意呢間野既態度到埋單果陣朋友比一千, 佢話冇得找, 都OK啦咁五百啦佢都話冇, 話咩ARM ARM開工 -,-都真係唔知係唔係做生意架! continue reading
(The above review is the personal opinion of a user which does not represent OpenRice's point of view.)
Level3 2012-08-08
187 views
一直想試, 今晚終於有機會. 呢到走型格簡約路線, 黑色為主, 木色為輔. 中央懸掛一團紅色嘅"辣椒"狀裝飾.呢到只有一個服務員講廣東話, 有一個印巴籍, 其餘都係韓籍. 所以預咗要講英文.客源主要係韓國人.睇完餐牌, 計過條數二人餐實在抵食. 兩條HEA精就叫二人餐. Dinner Set B. $352/兩位.前菜南瓜粥+韓式豬肉炒粉絲南瓜粥有D杰, 好清淡, 有D咬口, 因為米唔係好散, 南瓜本身味道都好淡. 如果係病人就啱食 XDDD粉絲好香麻油味, 豬肉好少. 粉絲好QQ, 夾果時成日都拉唔斷. 有樣唔好嘅係, 隻碟太窄長, 一夾就好易落D豬肉出來. 唔方便,四式伴碟泡菜偏酸唔辣, 我自己就麻麻. 豆芽都係唔辣嘅,翠玉瓜同菇就清清地. 總括來講伴碟無睇頭, 同老牌韓食無得比.返到屋企睇番相, 先記得MENU上寫明六式伴碟, 睇來我地食少兩味 XDDD韓式雜菜沙律呢個就神奇喇. 話係韓式, 但係完全無dressing.....淨菜.....可能韓式係咁???唔知比咩評價了.....主食石頭飯我本身唔係十分喜歡食石頭飯, 尤其好怕熱到舌頭受苦果種. 服務員會幫你拌勻辣醬麵醬. 隻蛋係8/9分熟放係最上, 唔係生嘅.呢到嘅石頭飯, 麵醬味好出, 加埋偏甜少辣嘅醬, 好好味呀! 而且飯應該係日本米, 加埋又唔係勁熱, 平時晚上盡量戒澱粉嘅我, 竟然食咗好多! 讚!湯辣海鮮豆腐湯海鮮唔算多, 亦都好細粒, 主要有3隻蝦毛仔, 3-4隻蜆, 極少八爪魚腳仔. 湯算鮮甜, 都係唔多辣. 我覺得唔錯肉食香辣雜菜炒豬肉可能大家雜菜嘅定義唔同, 對我來講就唔算係雜菜 --洋蔥, 大蔥, 辣椒. 醬甜甜辣辣, 豬肉就好肥好多膏, 我就喜歡瘦肉多D XDDD. 不過味道係好嘅甜品芝士蛋糕芝士味似係卡夫費力芝士. 奶味淡帶少少酸, 唔甜, 唔膩. 餅乾底. 呢種味唔係我喜歡的, 肥妹仔就話佢鍾意.飲品檸茶檸水咖啡奶茶. 我地叫凍檸水 XDD服務唔知點解, 間間韓食嘅韓國員工都COOL COOL地, 都唔會好好笑容. 呢間都係咁, 不過佢地都算helpful. 好似我影相, 佢見到就好醒叫我影了個石頭飯先, 之後佢先拌勻個飯. 總結如果係一心要食到噴火嘅, 你地一定會失望. 但如果你地喜歡少少辣又帶甜嘅, 呢到就啱你喇 continue reading
(The above review is the personal opinion of a user which does not represent OpenRice's point of view.)