念川居 (MOKO新世紀廣場)

Open Now

Now Closed

平日黎MOKO都唔係太多人，竟然念川居差唔多full哂😂咁多人一定有佢既原因😜聽講呢度既蘋果叉燒酥係signature, 緊係要試下啦, 雖然叉燒酥同蘋果酥都食過，咁樣mix埋真係少食😂酥皮好脆，一啖咬落去除咗食到叉燒粒之外，仲食到少少蘋果粒，如果蘋果粒再多少少就更加突出😌另外點左:樟茶鴨 ($298): 係經典川菜黎架，先燻後炸，煙燻用咗樟茶同其他香料，名副其實嘅手工菜😙好重煙燻茶既香味，肉質較有口感，可配饅頭一齊食😋露筍鮮蝦餃 ($65): 鮮蝦好彈牙，不過皮黎到都爆開左😅薄到…🤭椒鹽脆皮豆腐 ($98): 豆腐炸到內脆外軟，豆腐好滑，不過椒鹽味唔夠😅醬皇蒸鳳爪 ($45): 鳳爪夠淋夠入味Overall, 蘋果叉燒酥唔錯👍🏻樟茶鴨都好香煙熏味🙂不過枱同枱之間都比較近，部分無膠板隔開😅環境尚算舒服，如果抗疫安排可以做得更好就👍🏻😗

餐廳早市同下午茶都有做8折優惠呢日嚟歎個早茶 Order 咗4款點心：芙蓉海鮮芋角、麻辣濃湯小籠包、海皇灌湯餃 同 生磨芝麻卷🔸芙蓉海鮮芋角外層嘅蜂巢炸得非常酥脆，有空氣感之餘完全沒有油膩嘅感覺，餡料保持熱辣辣，芋蓉綿滑，蝦粒彈牙，呢個點心做得非常出色，我同朋友都不約而同地覺得佢係食過最出色嘅芋角之一～👍🏻😋 🔸麻辣濃湯小籠包小籠包食得多，麻辣濃湯小籠包比較少見，皮薄、湯汁嘅麻辣味應該校啱咗香港人嘅口味，唔食得辣嘅我，都覺得辣度可以接受～ 鍾意麻辣嘅朋友可以試試！🔸海皇灌湯餃湯底鮮甜，餃皮薄、餡料豐富金華火腿嘅鹹香吊起湯嘅鮮味，竹笙爽口，🦀蟹肉大大舊喔～😋😋😋🔸生磨芝麻卷芝麻味香濃，卷皮滑滑，唔怪之得係餐廳推介嘅點心之一念川居嘅點心精緻，店內環境以暗色做主色，有別傳統中式酒樓，我喜歡佢牆上一系列以錦鯉為主題的畫作，多添一份優雅嘅氛圍～

呢間餐廳坐得好舒服，唔迫，啱晒而家需要有d距離的時期。今次午餐就叫咗d點心同一個炒飯，全部都中上水平。要講一講個招牌炒飯，好鬼足料，每一啖都有元貝。再要讚一讚佢d炸點心，所有都係新鮮炸，全部都好脆口，尤其是個炸魷魚鬚，真係好鬆脆，而個魷魚係淋㗎。另外，大推的係出面好少見的炸豬紅，好特別，外脆內軟，呢個要襯熱食，凍咗會爭啲。最後一個要必食的係芝麻卷，唔係淡淡的而傻有好濃的芝麻味，好正！除咗以上嗰d,我地仲有叫到其他點心，每樣都唔錯la, 今餐3個人食咗$6xx.

😂第一次食呢間 咩都叫下- 見到罕有菜式- 蜜瓜炸鮮奶 真係第一時間order勁好味 有鮮奶味 内餡好滑同軟 外面炸漿唔算好脆 但硬度足以承托鮮奶 又唔會重麵粉味 overall 真係幾好味!!! 😋不過價錢$18x 真係好貴- 回鍋肉 我覺得肉炒都幾好 唔會好辣 又開心無加三色椒🤣 幾好味 不過價錢都貴- 帶子炒奶 味道較清淡 同幾濟下 都ok嘅 睇你個人喜好 如果對味道比較“素” 咁你未必會鍾意- XO蘿蔔糕 其中我鍾意嘅餸 煎得好 脆脆地 味道夠濃😋- 啫啫時菜 都好正 料夠足 好入味 我都好鍾意總括而言 呢餐我覺得味道係好好嘅 但性價比就低 2個人食咗一千 真係好貴……基本上都係around $15x 不過坐得舒服 環境幾好😂

啲菜心好多油！叫咗佢走油都唔走搞到我都唔想食！不過算啦費事彈返轉頭～牛肉幾新鮮幾好味！好彈力的感覺不過似係加咗嘢唔自然嘅彈🤨招牌牛筋好好味！食過一次之後每次嚟都會嗌炆得好琳好入味！但係又唔會好油膩大大力推介海蜇頭好味喎仲有啲青瓜粒，夾埋一齊好爽脆牛肉丸給足了，但係覺得混合咗唔少油或者肥膏我完全唔敢食嘅大腸，有人話超級超級辣！譚仔食開中辣嘅人就話幾好味🤣😂蝦餃都係冇預期咁好，因為佢個蝦餃皮唔夠薄，同埋食落去都冇乜蝦鮮味+有啲油膩整體來講都係食堂

朋友極力推介旺角Moko依間嘆點心,佢話點心好食環境高尚幽靜果然先嚟上檯嘅雪山叉燒包俾人一個"眼前一亮"嘅好感入口當然有別於一般叉燒包喇。因為佢嘅外皮極似未經油炸嘅咸水角外皮,有少少咸香嘅特色味道整體非常夾露筍鮮蝦餃好大隻,份量十足。味道偏向清淡鮮甜,蝦味突出。金瑤脆皮紅米腸係第一次食,好有新鮮感味道唔錯嘅,食得出餡料嘅鮮味金沙鵪鶉蛋燒賣比較一般。生磨芝麻卷係朋友極力嘅推介果然芝麻味非常濃郁,大家都笑談(兒時上茶樓嘅回憶~食菲林)蘋果叉燒酥好好味,唔油膩。芝麻外皮薄又鬆化,餡料好入味。好食蠔仔肉碎泡脆米飯又係朋友精挑(點心以外嘅首選)推介茶具古色古香,風味唔錯蠔仔大隻好嫩滑,湯底柴魚味好濃

今日同朋友喺MOKO行完街，dinner 去咗食壽司，但其實今日天氣開始涼涼哋，食到半飽嘅時候突然想食D好暖胃嘅嘢～ 😬有咩暖胃得過食辣嘢呢～😈 朋友念念不忘《念川居》嘅🔥辣辣”水煮厚切牛脷”，喺冇訂枱嘅情況下，我哋留返半個胃急急腳去Walk in碰吓運氣去到《念川居》門口，見到裏面座無虛席，😩😩 正以為要失望而回😮‍💨～點知……原來仲有last一張枱 💃🏻未坐定就即刻order ”水煮厚切牛脷”🐮👅 大、中、小辣，任君選擇（不過，因為我其實係唔食得辣嘅，所以朋友就我叫咗小辣）等緊我哋嘅order期間，已經聞到隔離檯傳來陣陣麻辣香🤤，唔使等好耐就到我哋上菜，大大碟嘅”水煮厚切牛脷”🐮👅 上枱時仲見到D紅油滾滾吓 ♨️♨️（因為有呢層油，下面嘅牛脷同配菜好保溫）我朋友係呢道菜嘅捧場客，佢可能已經食過不下十次，佢話十次食九次都滿意. 除咗對上一次D牛脷係薄切之外～🤪，佢即時同咗經理反映. 好在今次嘅牛脷確實係做到厚切，喺一片辣椒花椒海中夾出黐滿哂花椒粒、辣椒籽同辣椒皮嘅牛脷🔥🔥辣得過癮之外、成個嘴都有麻麻痹痹嘅刺激感✨💥✨平時川菜館食到水煮魚、水煮牛，水煮牛脷並唔係太多餐廳有做，《念川居》這道

聽過一個四川人講呢度既川菜好正宗，而家疫情下冇得返家鄉，都會過嚟呢度聚下舊…今次終於可以親身試下佢地有幾辣水煮牛肉一上枱滿滿既辣椒鋪面已經好igable！牛肉煮得軟稔入味，辣度夠亦有花椒麻香，加上青瓜筍片等配菜，索埋湯汁，好飽肚好好味！美中不足既係寬薯粉比較少，要夾硬撩起先影到張相，而薯粉亦稍為煮得過稔，一夾就散招牌辣子雞左邊呢碟辣子雞又係成碟紅色咁上菜，雞肉切成一粒粒混喺辣椒粒入面，雞肉煎得吹口又唔怕乾身，但唔識辣嘅話逐粒逐粒挑雞肉出嚟都幾辛苦😂

6大人1小童，因為多過6人所以要分兩張枱，叫了一個6人餐。白肺湯，好鮮甜呀，唔會腥。蒜泥白肉，蒜蓉整成cream狀，好特別，肉爽口又夠薄，酸菜魚，魚肉夠滑，唔算好辣，份量夠多，有d芽菜，薯粉等等。炸鴨血，幾特別的，細細粒好易入口。胡椒大蝦，勁大隻，胡椒勁多，蝦好爽好味呀，胡椒夠惹味。炸鮮奶，這個好味，入面的奶好香，炸到金黃色，正！！上湯浸時菜，夠凊同鮮甜炒飯，夠乾身，有隻太陽蛋煎到半生熟正。芝麻卷好香，唔甜既！

今日一早接左女女，黎到旺角新世紀，第一次試呢一間點心，絕對有質素。炸蜜瓜鮮奶食第一件覺得好好味，但食多幾件之後就覺得有啲飽滯。蝦餃啲蝦非常彈牙，好味。之後，雪山叉燒包包好鬆軟，叉燒香。老公話蒜泥白肉好好味，蒜蓉Creamy,,特別。整體質素高，絕對可以再試。

一行四人喺Moko行完街買完野，晚餐時間梗係要搵地方醫肚。行下行下，入左呢間念川居，不錯喔👍🏻——————————————————————————念川，顧名思義都一定係食川菜㗎啦😍其實佢環境好舒服，地方夠大。而且有啲牆上面嘅裝飾都好有氣派👍🏻——————————————————————————嚟一個螞蟻上樹先🔥粉絲夠淋，而且佢唔會太辣，好惹味。而且份量都好多，絕對夠4個人食👍🏻——————————————————————————呢個酸菜魚好好味呀👍🏻真係酸既😂所以好開胃！而且無呃稱，好多塊魚喺入面，仲唔係細細塊架🤫——————————————————————————炸子雞半隻🐔嗌半隻真係蝕左，怕浪費無嗌一隻，結果兩下就K.O.左，唔夠食呀🥲皮脆肉嫩，正👍🏻👍🏻——————————————————————————清炒萵筍絲我自己食覺得有少少少少鹹，不過都okay既，感覺上食綠色食物會健康啲😂——————————————————————————招牌炒飯好大碟，鑊氣夠。隻蛋煎得仲煎得幾靚😂——————————————————————————4個人埋單大約$1500。個人覺得都接受到既範圍。大

天氣變涼自然會想食啲辣嘢，雖然自己唔係叫好食得辣，但間中又會想食辣，喜歡果種辣得過癮的感覺，都幾矛盾。今次試咗呢間，因為懶得揀的關係，所以叫咗個4人餐，前菜有4 款，然後湯、水煮魚、胡椒蝦、蔬菜、半隻雞、炒飯同甜品，份量充足，食到好飽。至於味道方面，只係水煮魚同個湯係辣，其餘都唔辣，對於以川菜為主打的餐廳是有點奇怪，而且4小碟前菜竟然無一碟係辣更覺匪夷所思，個餐牌設計上很奇怪，對於一心想食辣既朋友這個餐就不太適合，建議可以散叫唔好懶😂比較特別既如下：🔸招牌脆皮血旺係炸黃金豆袋做法，但入邊係豬紅，口感都係外脆內軟，都okay🔸蒜泥白肉個蒜泥做得好幼細，好似蒜泥cream 咁，幾好味🔸川式酸辣海鮮湯🌶呢個係全晚至辣既湯，淨睇外表完全唔覺佢辣，但食落就知道🔸水煮桂花魚🌶都辣既，但條魚個魚味太重，唔夾個辣，反而更喜歡內裏的配菜，薯米煙韌有口感，用花生苗代替豆芽，更爽口及有口感，不錯🔸砂窩糊椒海中蝦海蝦爽口彈牙，蝦炸得乾身唔油膩，唯蝦沒有糊椒味，只是蝦殼有味，差咗少少餐廳環境寬敞，坐得舒適，如果食辣可試散叫應該會更好。

念川居, 集團食肆川菜, 很早前已經想前來一試. 可惜限時, 90分用饍時間真的對客人來說有點刻薄 這次來是星期四閒日, 門口仍然是寫上90分鐘用饍時間 但經濟差加上閒日, 好像就沒有這限制, 問門口帶位姐姐, 態度不怎麼友善, 完成沒有回應限時問題 這裡地方原來不少, 如果是以往有旅客時, 又就近火車站 生意應該不錯, 但當晚去就不怎麼滿座, 入座只有3成不足 打開MENU 點餐, 發現這裡有些套餐價位很親民, 那就來一個4套人套餐$1888/4位試試, 反正想吃的套餐內也有 香辣豬耳絲/四川豆乾/蒜泥白肉/招牌脆皮血旺 - 四小碟中比較特別是炸鴨血, 做法有點飲椒鹽豆腐, 但換上鴨血 川式酸辣海海湯 – 有點似加了大量白胡椒的街邊碗仔翅, 亦是整晚所有菜式中最辣一度菜 水煮桂花魚 – 辣度一般, 沒有花椒香味, 魚似不夠滑, 有陣雪魚味, 而且有骨 魚湯鮮魚腐竹浸時間- 正常發揮, 但菜不夠鮮甜, 有點老 砂窩胡椒海中蝦- 用上大頭蝦, 肉身爽彈, 胡椒很香, 是整晚合格菜式 新鮮脆皮吊燒雞- 肉身有些位置很咸及鞋身 大舊招牌炒飯 – 飯身不太油, 不

高質足料點心 飲茶之選🫖🥢芙蓉海鮮芋角🦐 （$48）已經係市面嘅酒樓唔係咁容易見到芋角，難得呢度仲保留呢樣點心😍🤩，芋角外層炸得得好鬆化，香脆得來唔油膩。一咬開熱辣辣嘅芋角，香濃嘅芋泥擁晒出嚟，口感綿密，中間仲夾雜帶子同蝦仁，增加口感。👍🏻蘋果叉燒酥🍎🥧 （$55）你個叉燒酥嘅外皮做得好鬆化，有好多層酥皮，入邊除咗有叉燒粒之外仲有蘋果粒，酸酸甜甜，可以中和叉燒酥嘅油膩感帶嚟一啲清新嘅感覺，兩者都好balance。蟹子蒸燒賣 🦀 （$58）燒賣粒粒都好飽滿，非常之足料，豬肉同蝦仁嘅比例適中。懷舊牛油馬拉糕🧈 （$48）個馬拉糕一上枱就聞到好香嘅牛油味同黃糖味，做得非常之鬆軟。黑松露野菌餃 🍄 ($49）松露餃皮薄餡靚，外皮Q彈，入面個餡有好多菇菌類同埋其他蔬菜，仲有少少松露味。生磨芝麻卷($58）呢款都係傳統懷舊點心，菲林筒🎞😎，芝麻卷口感QQ彈彈，層次分明，可以攤翻開出嚟，有香濃嘅芝麻味，甜到剛剛好。📍念川居 旺角太子道西193號 MOKO 新世紀廣場5樓 501號

放假同朋友行開旺角，上openrice睇下附近有咩食，見念川居，好多人放上黎既相片好吸引，所以想下食呢間餐廳用膳。中午時段很多，都要等大概10分鐘左右，都唔算等好耐。環境十分寛敝舒適，裝修華麗，感覺很有級數。是日兩人用膳，點了六道點心，有蝦餃、燒賣、小籠包、牛肉腸、蘋果叉燒酥、芋絲夾餅，合共四百餘元。這個很有氣紛的環境配上精美的點心，十分值，放置點心的器具及伴碟的裝飾都很吸引，很有視覺較果，在這個環境同朋友談天說地，喝着香片吃點心，十分享受。服務員都很忙，但見到枱上空空的碟子及蒸籠，都會自覺地替我們收拾，服務都好好。雖然都蝦餃燒賣，但這是一般酒樓不能給予的一個層次。