Video
6-min walk from Exit B1, Jordan MTR Station
continue reading
Telephone
84821559
Opening Hours
Today
12:00 - 23:00
Mon - Sun
12:00 - 23:00
Above information is for reference only. Please check details with the restaurant.
-
Online Booking Service Not Available
第一篇上黎打食評，良心小店真係絕對要大大力推薦！夜晚收工突然好想食泰國菜，就係附近搵到呢間泰國餐廳。一坐低老闆已經好熱情招呼我地，叫左4樣野食同串燒，無諗過會有意外驚喜！！首先係個沙嗲串燒，一啲都唔乾咬落去仲有肉汁好好食！就係因為呢個串燒，我對之後黎既菜期待值都勁高🤣🤣我地仲叫左打抛豬肉碎飯，泰式炒金邊粉，飛天通菜，冬陰公湯同兩杯青檸梳打🥹冬陰公湯同泰式沙金邊粉都好足料，而且冬陰公湯入面有勁多隻大蝦，飲落好鮮又酸酸辣辣好開胃🤤另外飛天通菜係即叫即炒超有鑊氣，大大碟完全唔馬虎，呢個價錢食到甘多碟有心整既野食絕對係超值💖最後2個人埋單食左400幾蚊，食到好飽，因為無諗過會甘足料😆性價比極高，全部份量都大大碟又好食🥹老闆最後仲送埋泰式甜品比我地食，好少遇到甘友善又熱情既老闆，下次一定會再黎食過，值得回味既泰國菜小店
continue reading
早幾日去咗佐敦，－間叫泰興隆食店，之前都冇嚟過，只係朋友係 OpenRice 搵到，為咗幫佢慶祝生日，無乜所謂啦⋯⋯店舖地方唔大，大約十張雙人枱，不過可以拼埋一齊坐，嚟到坐底睇真D，冇事呀用餐只係60分鐘，使唔使咁趕，我哋仲要食生日蛋糕，夠唔夠時間⋯打俾朋友一問，佢話佢都冇嚟過，不過呢度近佢放工附近，咁冇計唯有照坐落去⋯終於等齊人，我哋先叫咗個木瓜沙律同小食拼盆，外觀真係冇乜特別，但一食不得了，木瓜沙律好新鮮，所以大家都食唔停手、再試吓個小食拼盆，嘩⋯ 蝦餅好好味、鯪魚餅鮮口又香、春卷細細條，但好好味、再來燒雞亦，真係我好鍾意食⋯ 對呢間小店馬上改觀，於是再叫多個咖喱軟殼蟹、同明爐烏頭魚⋯個咖喱蟹用大方包底，先試一下用方包點咖喱汁食，好味道到呢⋯ 再飲啖明爐烏頭嘅湯，好飲到停唔手，條烏頭當然係非常非常之新鮮⋯不得了又要再叫其他嘢試吓先，朋友見意：泰國冬陰功湯、及鹹蛋黃大蝦⋯ 期待又期待，嚟到一睇已經忍唔住手馬上試吓先！冬陰功湯有陣好強烈嘅椰汁味，整體發揮相當唔錯，而且配料亦都冇孤寒，－個字「正」⋯ 之後梗係要試吓個鹹蛋黃汁，又係正到一個點，叫多碗白飯餸，應該最少食兩碗，大頭蝦亦都相當出色， ma ma mi ha…. 最後朋友強烈要求encore個蝦餅同鯪魚肉餅⋯ 大佬呀我哋得三條友，食到捧住個肚走，我一定會返嚟、I will be back….
continue reading
性價比高嘅泰餐～味道正宗午餐有中式例湯～一大碗粟米青紅蘿蔔豬骨湯幾好味～不過鹹咗少少～仲有粟米青蘿蔔食冬陰功金邊粉～冬陰功湯底足料～味道濃小辣剛好～加咗好多香料～有4大隻新鮮蝦～肉質彈牙～金邊粉份量正常菠羅雞肉炒飯好香黃姜粉味～有：洋葱絲、三色豆、菠蘿粒、雞肉粒～飯上面有豬肉鬆～賣相吸引跟餐有4款飲品可以選擇～簡咗龍眼冰、泰式奶茶～龍眼冰有好多嚿龍眼肉～不過超甜～另外泰式奶茶都係偏甜～不過幾香茶味
continue reading
店舖地點方便位於佐敦先施後方，地方整潔光猛，菜式正宗，泰國人老闆非常友善對於我成日食泰國菜，去泰國，對泰菜有要求的，都滿足到尤其生蝦好大隻、爽口、新鮮豬頸肉爽口，入味，有燒烤香味生菜包味道超好，酸辣適中，份量充足其他菜色味道亦非常出色價錢非常合理，會常來光顧
continue reading
次次食高質泰菜都淨係知九龍城，但路途比較遙遠啦，今次搵到間位於佐敦嘅泰國菜，位置方便又好味～我最近試咗佢哋嘅海南雞飯、燒魷魚同埋咖喱大蝦，性價比相當高🤩首先，海南雞飯嘅雞肉好滑嫩，皮薄而有彈性，每一口都有濃郁嘅雞肉香氣，令人食到停唔到口😋加埋三款唔同口味嘅醬料任君選擇同埋香氣四溢嘅雞油飯，超邪惡！😈然後就係燒魷魚，火候啱啱好，每個細節都計算在內，魷魚肉質鮮嫩，口感彈牙。外層烤得酥脆爽滑，但魷魚內裡仲可以鎖住肉汁，唔會太乾，再加埋少少醬汁吊一吊味，食到欲罷不能😋咖喱大蝦香氣撲鼻，大蝦真係好大隻，新鮮又實肉，完美地吸收咗咖喱嘅濃郁味道。咖喱醬汁調得恰到好處，唔會太鹹，有泰國地道風味。將蝦肉浸啖咖喱汁，香料同埋蝦肉嘅鮮味完美地水乳交融，呢道咖喱大蝦絕對係海鮮控必點！總括嚟講，泰興隆嘅泰國菜真係令我留下好深刻嘅印象。風味地道，多款菜式任君選擇。而且，老闆娘都好好傾服務態度都好友善，有一種小店嘅親切感。如果你對泰國菜有興趣，我好推介你嚟泰興隆試下～
continue reading