93
42
14
Telephone
24143086
Opening Hours
Today
05:30 - 15:00
Mon - Sun
05:30 - 15:00
Payment Method
Cash
Number of Seats
100
Other Info
Alcoholic Drinks
Parking
Phone Reservation
Outdoor Seating
TV Broadcast
Signature Dishes
大包 生炒骨 豆腐花 豆腐班腩 蒜蓉炒西洋菜
Review (160)
鄉間龍情 Featured Review
Level7 2018-01-15
1304 views
上到嚟荃灣川龍飲茶,其實喺配菜,主菜無非都喺為行山,但出發前到吓舊式茶居,嘆吓一盅兩件,並感受吓鄉間濃情。由於,今次喺由川龍走小徑一直剷上大帽山,難度較高,所以,就只喺同個老友二人行。由於對上一次嚟已幫襯過端記,故今次就幫襯吓彩龍。彩龍,好似端記咁,你話佢懷舊又得,話佢地踎都得,總之,晌度食情懷、風味,多過環境同味道。咁都介紹吓個環境先,一入店內,喺開放式自助廚房,見到師傅即拉腸粉、灼菜,炸嘢亦喺晌度製作。而服務比食自助餐更自助,先晌裡面櫃枱開張點心記錄卡就可以拎點心,而洗壺、沖茶就全自動,茶客自已搞掂。再入啲喺第一個用餐區,地方比較細同窄,始終裡面仲有嘅地方間咗嚟製作點心;上到二樓第二個用餐區,地方就大好多,四邊都喺窗,光猛開揚啲。講到心水,都喺出面嘅戶外位,放心,喺有瓦遮頭嘅,感覺特別有風味。晌度基本喺唔會有人招呼,自己揀位隨便坐。由於我哋嚟得早,仲未到爆場階段,只有兩乘滿,不過,過咗9:30am,就多人到不得了,要有被搭枱嘅心理準備。食物價錢都喺周圍貼,晌廚房一邊牆上搵到小、中、大、特點價目表,而另一邊就貼有基本點心屬咩點,點心都喺傳統款式,不過,部份點心或菜式嘅價錢就唔喺好知晌邊度搵,而茶位收$5,當然,無加一服務費啦。因為老友有啲食物唔食得,小弟就有殺無賠格,乜都食,所以,由佢發辦負責拎嘢食,只喺兩個麻甩佬,一拎就一大盤嘢食返嚟,一於食飽啲起行。蟹籽燒賣啲燒賣做得頗大粒,啲餡料爆晒上嚟,入口扎實而唔會鬆泡泡,唔喺溝粉貨色,感覺又無話太多肥豬肉。四寶雞扎唔怪之得喺特點,兩件雞扎非常足料,揭開外層嘅腐皮,雞件、魚肚、芋頭、火腿塞滿晒晌裡面,一次過試到多款食材,各有唔同味道,喺多心嘅人心水之選。叉燒腸粉雖然喺有師傅現場即拉,但腸粉皮並未如預期般柔滑,其實,從外觀都見外皮稍厚,而叉燒嘅份量都OK,亦都唔肥,所以,整體只叫合格。灼西洋菜西洋菜晌川龍喺出名嘅產品,當然,依家仲有幾多人晌川龍有種西洋菜,而人客又咁多,所以,想像到所食嘅都未必全部喺川龍出品。碟菜好大碟,食落都仲有少少爽爽哋,灼得啱啱好,又有菜味。鳳爪排骨飯老友怕我食唔飽,專登拎個盅頭飯,鳳爪排骨喺惹味之選,排骨就多,鳳爪得半隻,醃得味道不俗,有豆豉香,飯粒分明爽身,添啲豉油已好好食。廚房一邊仲有個凍櫃,提供多款甜點:凍豆花、芒果布甸、桂花杞子糕、椰汁馬豆糕,想必喺為爭取多啲後生客。有時,嚟呢啲地方,都唔喺完全打算食咩美食,都喺享受吓個環境,感受吓嗰份鄉間情懷。食飽,起行,由川龍,經響石墳場,走山徑小路,到山火瞭望站,再上到大帽山,好玩,有挑戰性,景觀一流,最可惜喺有層層煙霞似的,大剎風景。整體,彩龍嘅出品只喺中等,但風味搭夠!上嚟飲個早茶,之後,唔一定上大帽山嘅,下走經龍門郊遊徑落城門都喺唔錯嘅選擇。 continue reading
(The above review is the personal opinion of an user which does not represent OpenRice's point of view.)
Level4 2017-12-27
869 views
今日一早同咗高雄朋友上大帽山飲茶,佢哋好鍾意飲茶食點心,而喺台灣我哋呢種去茶樓一盅兩件叫做"港式飲茶",有別於台灣果種齋“飲茶”無嘢食嘅茶館!因為佢哋今日就要返高雄,所以帶住行李有d唔方便,不過好彩坐小巴上嚟果陣,小巴司機好好人,見我哋帶住行李就叮囑我哋坐好先(我哋唔想阻住人所以坐到最後!) 坐咗15分鍾左右就到川龍村,今次我揀咗比較近小巴站,望落相比起好似乾淨d嘅彩龍。當我哋拖住一箱二箱行李行入彩龍時,有個姐姐好好咁同我哋講可以放低d行李喺"叉燒櫃"果度。點知......當我哋行近"叉燒櫃"唔知點放入去之濟,有個好悔氣嘅女人喝停我哋,佢話入面有私人嘢,所以擺同攞行李都要叫佢哋d職員幫手。其實講果陣d語氣同態度可唔可以好少少呢,呢d服務真係一啖砂糖一啖屎!放低行李後,我地就上樓上搵位,因為彩龍坐嘅地方主要係樓上,下面主要係賣嘢食嘅檔口。有蒸點心、炸點心、腸粉,仲有重點推介嘅灼西洋菜。老實講,舊式茶樓嘅衛生同環境真係爭少少。加上呢度係全自助形式,連攞杯碗筷子沖茶都係自己嚟……佢d餐具確係有d油笠笠!朋友未嚟過呢種茶樓,佢哋好高興!我只係提咗灼西洋菜係必食,其他就由佢哋發辨,佢哋好快就去咗攞嘢食!灼西洋菜~喺後山種滿西洋菜,近水樓台,即割即煮,簡單白灼食到西洋菜嘅甜味!~鮮竹卷~味道一般!炸春卷~春卷皮薄香脆,餡嘅蝦粒雖然細,但尚算彈牙,新鮮炸起熱辣辣好好味。炸韭菜餃~同樣新鮮炸起熱辣辣,外皮同春卷唔同,炸得酥脆,韭菜配肉特別香。薑葱蒸牛拍葉~懷舊點心嘅一款,而家唔係間間茶樓都有,算唔錯!蒜茸蒸排骨~正常味道豉汁蒸鳯爪~我麻麻地佢呢隻鳯爪係比較爽囗,我鍾意食淋身d果種。其間朋友想用筷子將春卷一開二,點知……春卷未斷筷子先斷,哈哈!朋友力大如牛!食飽之後,行去另一間茶樓,喺佢後面有條小路叫河背瀝,沿住樓梯落去……會見到石澗林蔭清澈嘅溪水同西洋菜仲有一大遍西洋菜田~心曠神怡呢! continue reading
(The above review is the personal opinion of an user which does not represent OpenRice's point of view.)
Level3 2018-04-12
11 views
食物:燒賣比較散,豬肉冇彈力蝦餃夠大隻,但冇蝦/蝦餃味鳳爪難食,不知怎形容,是但一間酒樓也比他好吃吧豬肚好腥,勁多又大粒既黑椒都「Pac」吾到牛柏葉好「un」雞札都可以,有2條火腿飯,D雞好「鞋」早上八點去到,冇乜野食環境:好污穢,又有廁所既smell甘難食都$17X,好吾抵! continue reading
(The above review is the personal opinion of an user which does not represent OpenRice's point of view.)
Level2 2018-04-10
22 views
復活節長假期天氣和暖,天色明朗,特意到大帽山露營,然後跟友人到川龍彩龍茶樓飲午茶。彩龍茶樓位於川龍村入口,可在荃灣搭巴士或小巴前往,沒有想像中的不方便,故此每逢週末都人頭湧湧,座無虛席。茶樓分室內和室外雅座,裝潢充滿八十年代的懷舊感覺。我們很快便在室內搵到空位。茶樓最大的特色是自助,要自己搵位了,亦要自己舀茶葉沖茶同埋出去攞點心。我們點了叉燒包,雞球大包,奶皇包,山竹牛肉,鳳爪排骨飯和鮮蝦腸粉。我最喜愛的是鳳爪排骨飯,在山上很冷的待了一整晚,最溫暖的就是享用到一碗熱騰騰的蒸飯,鳳爪和排骨撈飯一流,很快便將一整碗飯吃光了。友人最喜愛叉燒腸粉,腸粉全部即叫即蒸,用剛煮起腸粉皮包裹所選嘅肉,確保新鮮!點心價錢相宜,由十幾至三十幾蚊一款點心不等。在露營後順路到舊式茶樓感受懷舊風味,為長假期劃上完美的句號。 continue reading
(The above review is the personal opinion of an user which does not represent OpenRice's point of view.)
Level2 2018-04-02
87 views
第一次去咁偏遠地方飲茶,係荃灣坐小巴上,車密,好快上到車。九點半前到,一行10人,非常好彩,等左5 分鐘就有一張大檯,姐姐都好快手清左比我們。之後就係自動波去洗杯,攞茶水,攞食物。食物只拍了一張:好味:西洋菜,雞扎,燒賣,馬拉糕,牛肉一般:鯪魚球,大包,叉燒包,腸粉(蝦,牛肉,叉燒),煎堆,鳯瓜,唔好食:炸鮮奶,蘿蔔糕,鶉春蛋燒賣。今日d野偏咸,食物還可以,就是吃氣氛環境,懷舊一下。今日人均$80。 continue reading
(The above review is the personal opinion of an user which does not represent OpenRice's point of view.)