89
36
13
Telephone
24143086
Opening Hours
Today
05:30-15:00
Mon-Sun
05:30-15:00
Payment Method
Cash
Number of Seats
100
Other Info
Alcoholic Drinks
Parking
Phone Reservation
Outdoor Seating
TV Broadcast
Signature Dishes
大包 生炒骨 豆腐花 豆腐班腩 蒜蓉炒西洋菜
Review (147)
發掘山水悽涼菜! Featured Review
Level4 2017-03-10
2494 views
慕名而來,睇下您有咩特別先。遲來的早茶,未夠十點就清晒場喇,晨運既走晒,行早山既已出發,二樓包場坐晒!全自助沖茶、攞餐具、攞點心,所以係完全無招呼既。我地要快快嘆幾個點心就立刻出發,再晏一點實比太陽曬死!內籠古色古香,鄉村懷舊茶樓,晒太陽無冷氣有風扇。雖然樓上無招呼,而且一個侍應都無,但落到樓下攞點心時各姐姐嬸嬸們都非常好客有禮,笑容可加,溫暖的。點心 display 琳羅滿目,氣勢磅礴又壯觀,想食咩就攞咩,好有自助餐 feel,十分有趣!行上行落走兩轉已經滿檯點心,見到都勁興奮,開動!水晶蝦餃,餃皮蒸到溶晒,濕滴滴腍劈劈,no good!外觀就非常吸引,白裡透紅,半透明若隱若現,蝦仁大大粒夠爽口,味道不錯。干蒸燒賣,同蝦餃一樣蒸到過晒火,過濕過腍。味道好似蝦米,非常特別,肥豬肉蠻多的,食落有點油有點散,強差人意。紙包雞翼併紙包豬扒,其實豬扒好好味,香口入味,肉質彈而有咬口,但黏實晒啲紙,經常連紙一齊食,要不時吐紙呢。雞全翼醃味濃,好食喎。不過一樣黏實啲紙,仲幾油膩下。四寶雞紮,芋頭、雞柳、魚肚、火腿,我唔食芋頭的,但一啖過四味齊吃還可以。夠粉夠泥的芋頭添著彈滑甜美雞柳及咸香火腿好正喎,美味。加上爽滑多汁魚肚,無腥無嗅無油益,無得彈!識食一定一啖過品嚐五種食材,折開續一擊破就唔係食緊四寶雞紮啦!食鮮竹卷會唔會折開食先?糯米雞,雖然沒有山珍海味、沒有鮑參翅肚、沒有原粒咸蛋黃,但有甜美蠔汁肉鬆配上黏黏糯米飯夾雜著咸蛋黃碎同樣可口!來一件滑滑結實雞肉捲在糯米飯之間滾進,散發荷香,好味!山水烚西洋菜配腐乳醬,主角壓軸登場!原來西洋菜係配腐乳醬架?又幾好味喎,好得好掂兼惹味,而且西洋菜苗又嫩又爽又多汁,菜甜味突出非凡,好好食!不過食唔出係咪山水烚喇。去茶樓梗要要逗吓雀啦,哈哈。食飽飽大滿足,充滿力量,上山喇! continue reading
(The above review is the personal opinion of an user which does not represent OpenRice's point of view.)
志在食風味的茶樓 Featured Review
Level4 2017-01-17
2253 views
對於飲茶雖然並不太熱衷,但是總會喜歡去嘆番一盅兩件的。一兩個人就可以去點心專門店,多人去的,當然上茶樓吧。我倆會去飲茶,但選擇食店就多數在茶樓,皆因可坐得久一點。是日假期,其中一項節目當然可以去郊遊一下,或者到新界逛逛,今次選址,則在荃灣大冒山的川龍村,除了行山外,當然是在這裡的茶樓食個點心,這茶樓便是彩龍。每次到川龍飲茶,多在另一間,今次選擇彩龍,還是第一次。彩龍與另一間都是採用自助形式,由斟蘑遞水拿點心,都是食客一腳踢的,不過最重要的是小心地面滑。閒話休說,開完茶後,食咗先講。燒賣雖然是普普通通的一籠點心,但是都是由豬肉做成的點兒,內有少許肥肉,不算太多,煙靱有咬口,還好的點心。上次去上環的老字號茶樓吃過的雞扎,是用淮山扎著,今次的雞扎用上了腐皮,而且食材中有火腿、芋頭、雞肉及魚肚,亦如上次所說,魚肚是吸收了精華,故味道濃郁,雞肉也算滑的。而尖個點心份量是頗大的,較出面略大的。也許幾乎都會點來豉汁鳳爪,可以啜下骨頭,又可以嚐一下濃厚的豉椒味道。當中雞腳皮和腳掌是吸收豉汁的所在位置,而且全是燈紅色,縱使另一半不喜愛這點心,在下亦可把這碟點心完全吃掉。我倆飲茶甚少點來蝦餃,但是今次卻破例一次點來。想不到蝦餃外層的澄皮,雖然略為厚了一點,但又是算是薄了一點的,可以看到內裡饀料。吃起來幾乎都是蝦肉,都幾爽口彈牙吧。例必點來腸粉,這是一個叉燒腸,這是一個排隊即拉的腸,故新鮮熱辣辣的。腸粉外層尚算薄薄的一層,叉燒粒粒被捲在腸粉。雖然叉燒食味未如理想,有點粗糙和略有點靱,但是還是不翠很差。山竹牛肉球依然是保留了以往般的形狀,亦可見到馬蹄在內。食落牛肉,是有股香濃的味道,加上馬蹄的爽口,口感還是像以往的一樣。在二十多年前,在茶樓飲茶,經常都會點來鮮竹卷,但之後卻甚少來,就算在點心專門店也少點來吃,是沒有原因不點的。不過來到彩龍,卻又點來一籠,想回味一下,那腐皮吸收了汁液精華的滋味吧,加上腐皮捲著的豬肉等饀料,成個點心吃下後會有種肥膩的感覺,但是卻又很滋味的。一般來說,芝麻卷是放在碟上的,可是這三個芝麻卷卻放在籠裡面,是別有一番風味。從前在七十年代食過的芝麻卷,與現今吃過的卻有很大的分別,從前吃過芝麻卷的味道,現在仍記憶猶新,卷內的芝麻既多又粉,滿口都是芝麻味覺,現今的卻少了很多,而且兝以往的順滑了不少。縱使味道不是很好,只是一般,但是吃不在乎味道,而是它的風味與其的情懷,或許懷舊和風味在今時今日裡已很少見到。 continue reading
(The above review is the personal opinion of an user which does not represent OpenRice's point of view.)
Level1 2017-10-15
219 views
因8號風球俾個風整醒咗,就諗住去飲茶。就去咗多過十年無去過嘅舊式酒樓.環境自助式, 自己攞餐具,開茶. 我覺得咁樣仲好,可解決人手不足的問題. 雖然8號風球,但姐姐仍然好好人, 唔單止冇黑面,仲好好笑容。 另外一個姐姐 就不斷推介店內必食點心,又系咁同我地傾計,好親切。食品最除咗蝦餃個皮厚咗D之外,其他點心都好唔錯,好有風味。春捲係即叫即炸的,非常脆口,用料十足,冇媽虎. 鯪魚球都系即炸熱辣辣食落又彈牙,好開心.西洋菜份量非常大,見每枱都有點,飽住都要試,亦無叫錯。菜好嫩口,好爽脆,好甜. 馬拉糕有舊式風味,但未夠鬆軟彈性,不過都唔錯。 沙翁外脆內軟,味道適中,出面酒樓已食唔到這個味及質素。最好味係山水豆腐花,姐姐話 一定要是食熱的。果然冇介紹錯。豆腐好滑,再點多個帶走。姐姐亦介紹我地必食大包,糯米雞,煎堆,等等等.可惜個胃真的放唔落.其實見佢地真的有唔少吸眼傳統點心,可惜我地今次太少人,食唔到太多種類。多D人應該會再開心D. continue reading
(The above review is the personal opinion of an user which does not represent OpenRice's point of view.)
此處係遠足人仕又愛又恨之茶居,每次行山出一身大汗,女仕們滿足於消脂xxx卡路里之際,行到呢度必定食到反超標。小弟有見及此,今日決定把心一橫,同女人揸車過黎食餐勁,一於邪惡便邪惡到底。閒日無乜人,泊左個全日亂泊車位後(記得泊好少少並且同店員講聲,村屋地方大家明啦),就坐左上樓上窗邊位置,自己開左壺壽味(小弟酒樓碌大,慣左),行番落去樓下就叫左幾個點心加一碟飯蝦餃,金錢肚,奶皇飽,魚香茄子飯蝦餃,皮薄夠熱,但蝦肉唔靚,通常蝦肉唔靚都會加D薑粒黎醃,掩飾D雪/死蝦肉味,難得佢貫徹如一,薑都無落,真係寫個服字。金錢肚,同小弟細個酒樓食果隻橙色汁金錢肚味道一樣(其實有無高人可指出呢隻係咩汁),味道唔錯,夠爽口,係隻汁既顏色鮮色左少少。奶皇飽,蒸過龍,中間奶皇變左固體(亦可能係小弟近年食慣左流沙飽),飽夠鬆軟,有機會再食可以試下趁佢一出爐就叫,應該就會有番DD流沙既感覺(應該得掛)。魚香茄子飯,呢碟飯小弟係見到食客亞叔叫先跟住叫,因為係set ,$41有出面食兩倍既份量,碟飯無魚香味但特多茄子同豬肉碎,呢碟飯味道正常,但食份量食茄子都已經值回票價(set餐日日唔同,唔需要太刻意黎試呢樣)。埋單$120有找,竹林深處人家黎講算係抵食之選,淨係運D食材上黎都已經係辛苦錢啦! continue reading
(The above review is the personal opinion of an user which does not represent OpenRice's point of view.)
Level3 2017-09-05
380 views
星期日天文台明明話打風🌪,咁當然就咩outdoor活動都無plan啦🤷🏻‍♀️ 點知起身又無落雨,雖然天氣唔是話十分好陽光普照個隻,都想趁無雨去搵下野食既🤗 由於我既兩隻小毛孩兩星期無去過街,我地就決定搵間餐廳可以收容佢地,當同佢地去埋街🐶🐶 一家大細星期日最岩就係飲茶,我地於是就決定去彩龍茶樓,一嚐傳統正宗港式飲茶風味🤣彩龍茶想位置偏僻,撘地鐵係去唔到既,只有轉巴士或者揸車去。由於唔太方便,唔會太排長龍要等位,去到都即刻有枱,佢有室內室外同樓上areas,都幾多位。有別於一般酒樓,佢係無人serve你既,沖茶打水拎點心你都要一手包辦💪🏻佢有個area比你沖茶既,媽媽話佢d茶葉都幾靚。至於拎點心為左分散人流等大家唔使排隊,分左蒸點心、煎炸點心、即叫即拉腸粉corner🤞🏻有師傅會現場即拉腸粉😍 好多枱都叫左蝦腸🦐煎炸點心部都好吸引☺️ 可能無外面酒樓咁多款式,但貴精不貴多👍🏻三個人去飲茶第一輪我地羅左五個點心一碟菜,西洋菜超級大碟😍 不過盛謂$38,菜好新鮮無淋渣配上腐乳吊味正! 我既至愛鮮竹卷係蠔油汁,味道都唔錯。蝦腸真材實料有好多蝦係入面🤤 一d都無偷工減料,咁當然佢既蝦唔係好大隻個d啦,但都爽口彈牙既! 懷舊大包子已經係沒落於好多酒樓,呢到都有得食等大家重拾當年情懷☺️ 大包皮薄餡多,入面好似雞包咁多左鶉春蛋同厚身既咸肉🤗 鯪魚球炸得香脆可口好正,美中不足既係個蜆介汁無蜆肉既👉🏻👈🏻呢個紙包骨要比個大頭突寫佢!我咁大個女都未見過😍 張紙係唔食得既,入包住豬扒/雞翼黎炸,媽媽話咁樣肉質會嫩d,不過同時亦好油,不過一次半次唔打緊啦😛 食落肉質真係好嫩亦好入味,不過撕開張紙時隻手會勁油🤦🏻‍♀️ 一碟有三舊,好彩就會拎到兩件豬扒一件雞翼🤗 呢個點心製作麻煩,已經買少見少嫁啦,一場黎到既朋友一定要試下唔好怕油膩☺️第2 round嗌多左3個點心🤤 蝦餃皮薄饀靚正正子,牛栢葉好爽口彈牙但份量較少得4舊🤔聽聞呢到既糯米雞好出名,我地叫左兩隻😍 外賣走左一隻,新鮮蒸起熱辣辣,不過坦白講味道就有少少失望,餡唔算多,糯米有d太厚,味道都ok但對比起外面酒樓唔算特別出色,咁大隻糯米雞正常個餡應該會有d驚喜例如有d會雞翼係入面,有d會有蠟腸,呢到就無咩特別食材,都係得肉碎。最最最後見到芝麻卷真係忍唔住叫埋🤷🏻‍♀️ 我都知好變態三個人叫咁多野食,不過真係忍唔住🤣 芝麻卷係值得推介既,佢熱辣辣,唔甜唔膩唔痴牙,一啖咬落去咀內有淡淡既芝麻香最最最開心係兩隻毛孩都可以跟住我地飲茶🤤 茶樓都有好多枱客有帶狗狗黎食野,好在天氣唔熱唔曬,係outdoor食野都唔會流曬汗咁,不過如果over 30度怕熱既你就要考慮下啦。黎翻個小總結先,彩龍茶樓呢d舊式酒樓係香港真係買少見少,好值得大家特登去試下。呢到既食物質素亦算高,雖然價錢唔會話因爲地點偏僻而特別平,但當支持一下所淨無幾既正宗港式飲茶都掋啦🤣 另外,彩龍係有一個好大停車場比大家泊車既,泊好車後有個伯伯會收錢,每架車收$50,比左錢後伯伯會比翻張粉紅色既卷你去彩龍飲茶埋單時當$50用,換言之,泊車係免費嫁🤗 最後大家要留意佢既營業時間係去到下午3點嫁乍,唔好去摸門釘丫🤣 continue reading
(The above review is the personal opinion of an user which does not represent OpenRice's point of view.)