15
18
2
Exit A3 , Sha Tin MTR Station continue reading
All Branches (6)
Telephone
26736899
Opening Hours
Today
08:00 - 16:00
18:00 - 23:30
Mon - Sun
08:00 - 16:00
18:00 - 23:30
Public Holiday
08:00 - 16:00
18:00 - 23:30
Payment Method
Visa Master AE Cash UnionPay JCB
Other Info
Phone Reservation Details
10% Service Charge
Review (48)
相約朋友在新城市廣場晚飯, 「潮庭」這間潮式酒樓未試過, 大家商議決定試下, 電話訂位, 不用等位。一般中式酒樓的裝修多以常用的傳統紅色為主色, 而「潮庭」採用以冷色調的藍灰色為主色, 餐具亦是藍色花紋, 冷色調的環境添加幾分幽雅, 唯枱與枱之間的距離太貼, 給客人的空間感太少了。而且可能枱與枱太貼, 聲浪的環迴立體聲令感覺上好糟雜, 隔鄰枱的對話亦聽得好清楚呢! 這壓迫感浪費了本來裝修得幽雅的食肆的原意呢!我們點了「潮式四喜拼盤」、「沙茶牛肉芥蘭 」、「 潮州家鄉煎蠔烙」、「家鄉煎釀豆腐煲」 「潮式四喜拼盤」 ~  我們揀了油泡鮮帶子、黃金蝦棗、葱油海蜇、鹵水鵝片油泡鮮帶子 ~  帶子鮮甜, 食到帶子的特有鮮味, 油泡煮法的確是能夠保持海鮮的原有味道。黃金蝦棗 ~  蝦棗炸得金黃色, 蝦膠味道有鮮蝦味, 質感彈牙, 唯未夠香脆。葱油海蜇 ~  海蜇爽口清甜, 但份量實在太少了吧!鹵水鵝片 ~  一般潮式鹵水鵝片, 味道可以, 但沒有太大驚喜。「沙茶牛肉芥蘭 」  ~  沙茶醬好香濃, 稠度適中, 牛肉肉質很嫩滑, 似是先泡油才煮理, 芥蘭嫩綠清新, 平衡番肉類的膩感, 牛肉、芥蘭再加上惹味的沙茶醬汁, 雖是家常菜式, 而然是一個非常合搭的組合, 佐飯一流。 「家鄉煎釀豆腐煲」~   因已有幾款重口味的菜式, 想點一款清淡少少, 減少膩感, 但這餸味道只是一般, 其實是豆腐釀鯪魚肉, 再浸在湯裏, 湯是魚湯, 但未算好鮮甜, 比我心目中還要清淡, 對我這個重口味既人, 這菜式不太對自己的口味。「潮州家鄉煎蠔烙」 ~    潮州的名物是煎蠔烙, 這家的蠔烙都幾好味, 調味剛好, 蠔仔亦鮮味, 唯煎得未夠香口。是次消費 : 約$640整體評語, 食物味道質數水準平均, 沒有太大驚喜, 亦沒有失望, 服務態度中規中矩。需要補充的是當我們看著餐牌點潮式四喜拼盤時, 侍應也禮貎解釋餐牌所寫的價錢是每一款的價錢六十幾元, 當時我們是接受的 (但上菜時原來每款小拼的份量很少, 就覺拼盤價錢要二百幾, 真的唔係咁值)      不過不太明點解唔列明係每款的價錢, 或是整個拼盤的總價格, 餐牌寫得咁含糊不清, 這會容易產生不必要的誤會呢!  (而當時已向侍應建議酒樓, 餐牌寫得清清楚楚, 可以避免不必要的爭拗。)  continue reading
(The above review is the personal opinion of an user which does not represent OpenRice's point of view.)
Level1 2018-05-15
2335 views
食飯當晚係星期一晚上七至八點時段,唔爆場,坐左六七成左右。我地一家雖然係食飽,但碟上仍然有"送"係食淨,我媽仲拎住對筷子食緊野,我地亦未叫埋單。侍應就拎個盤過黎,準備收我地D野食,第一轉我地話仲食,佢淨係收左清左既碟就走。唔夠五分鐘又拎個盤行過黎,收晒我地成枱既碗筷,唯獨我媽仲拎住筷子冇收到,因為佢仲食緊D頭盤。一家人出黎食飯,食飽再傾下偈好正常,加上呢間野係冇時間限制,我地用餐時間亦只係兩個鐘之內既事。如果出面好多客等緊急於翻檯或者我地已埋單準備走既情況下,你黎執野係情有可原。呢間野我地食左好多次,服務每況愈下,每次都有情況發生..有一次十幾人BOOK左檯話然後將我地張檯俾左人,一家有老有嫩要再喺出面等。我地唔會再幫襯呢間野,相信屋企樓下既普通酒樓既服務仲好過佢地。 continue reading
(The above review is the personal opinion of an user which does not represent OpenRice's point of view.)
Level3 2018-05-11
1749 views
一年一度母親節又到喇,當然一定要一家人同老媽出去食飯啦,今晚揀左沙田潮庭,主要是方便大家,老媽又喜歡食中菜,訂了8:15,大家準時到達,今日是星期五,酒樓將近爆滿,坐下來老媽開始睇餐牌,睇哂成本只揀到一味海鮮炒粉絲😂,其他餸又交由我去點,洒樓上菜速度很快,全部餸菜差不多是同一時間上菜,太快了,我們食的速度追不上上菜速度,冇辦法啦,唯有大家吃快點,但當然有些餸菜很快冷掉,但味道全是不錯的。5大1小點了8個菜😋😋😋😋😋鹵水三拼 😋😋😋炸雙棗😋😋😋😋椒鹽九肚魚😋😋😋😋😋炸子雞半隻😋😋😋梅羔骨😋😋😋😋😋糖醋煎麵😋😋😋😋😋海鮮粒炒粉絲😋😋😋😋𧐢仔粥😋😋😋😋😋超級足料 continue reading
(The above review is the personal opinion of an user which does not represent OpenRice's point of view.)
Level1 2018-05-10
1153 views
服務混亂: 服務人員不斷問上左乜嘢點心。上菜嗰個又唔會刪除上咗d乜。我哋嗰枱叫咗蛋撻,食食下,嗰姐姐走過嚟問我哋有無叫蛋撻,因為隔離枱有碟蛋撻未上(我地有叫)。根本佢上菜嗰系統就係無系統。任嗰客人講有乜未上,廚房樓面又唔一早mark上咗乜,搞到鬼咁亂。地下又污糟,一入去就見到有紙巾,用完嘅點心紙係地下。嗰帶位都唔望下張枱企唔企理。侍應上菜又唔講嘢,木口木面放低轉身就走,我講唔該仲多過佢講嘢。譚仔阿姐上菜都會講下係乜嚟啦。上菜嘅侍應又唔收返d碟。叫d侍應加返d滾水,佢d廚房同事勁大聲講: 下,仲加水呀?乜料呀,我餐茶飲咗一個鐘咋!嘢食味道幾好,裝修都ok,唯獨係d人d服務十分唔ok。 continue reading
(The above review is the personal opinion of an user which does not represent OpenRice's point of view.)
Level3 2018-04-22
1677 views
女兒想食脆麵,於是明知週日一定係勁多人,為博紅顔一笑,都盡管殺去沙田新城市廣場的潮庭。果然去到要等五十幾張枱。好彩我哋够經驗,估到好多人攞咗飛都未必等,一於死守。半個鐘後,終於有位。由於桌子擺得好密,我哋都要收腹挺胸先入到我哋張枱。點咗菜後等咗好耐先上一道椒鹽九肚魚。份量唔多,但炸得外脆內嫩,兒子最愛,一人對咗5件😅。食完呢道菜又等咗十分鐘先上涼瓜排骨煲,入面竟然有豬肚,正😋。不過涼瓜燜得唔夠腍,亦唔係好入味。鮮蝦腸粉,燒賣,蝦餃都中規中矩,不過不失。炒飯出色,飯很幹身而且粒粒分明,欖菜唔太多,所以唔會太咸。香脆麵當然係最愛,麵的上面果陣煎到爽脆,但下面的麵又能做到很腍和弹牙,點砂糖食最正😋 continue reading
(The above review is the personal opinion of an user which does not represent OpenRice's point of view.)