潮仔館

Open Now

Now Closed

銅鑼灣大部份都是連鎖食店，沒有什麼新鮮感。當遇見獨立經營的小店都要支持一下，今日就見到【潮仔館】。沒有堂皇的裝潢，卻有一份街坊味道。特別是中午時段，附近的工人坐滿小店，非常熱鬧。雖然食店不大，但食物選擇比預期多。以為只是潮州食店，但竟然有乾炒牛河、咕嚕肉飯這些港式茶餐廳菜式。叫得【潮仔館】，當然叫潮州特色： 潮州蠔仔泡飯 ($46)。潮州蠔仔粥是潮州食店中必有菜式。這款粥就像廣東泡飯一樣，於湯中加入了白米飯，配上了蠔仔、唐芹、芫茜、肉碎…等配料。這款粥的靈魂就是用了大地魚去煮出的湯底，不過味道不太突出。另外，蠔仔多但不夠鮮。整體味道不過不失。

覆桌再覆桌！銅鑼灣街坊飯堂推介！疫情過後，就算正常返收得夜少少，😅想喺屋企附近搵間餐廳搵啖飯落肚，都真係幾困難自從有一次收夜晚9:30喺銅鑼灣搵餐廳搵到絕望入咗一間唔太起眼嘅餐廳都打定輸數冇得食，誰不知老闆勁好客！帶有少少潮州口音☺️感受到好溫馨，有種好似返屋企嘅感覺不論係價錢定係環境都非常之親民喺呢個地段跟埋湯同飯都真係唔錯老闆真係好勤力同好客每次都親自上嚟每一張枱落單又關心客人食成點返工攰到咁，老闆有句安慰真係感動到喊重點黎啦，招牌菜之一鐵板蠔餅一口咬落去，外面超酥脆裡面保持住軟嫩嘅口感仲有啊，蠔嘅份量好豐富每一啖都食到好大粒蠔肉Keep到個温度！呢個蠔餅真係暫時係我食過既唯一一間！咁好味！咁保持到水準！未有一間超越到就係咁🥹就成為我鄰家飯堂之一超級無敵推薦！

在銅鑼灣區不乏各國佳餚，中、西、日、法、意等等，貴至數千元一位的餐廳大有人在，而比較平民價錢的茶餐廳亦互不相讓，銅鑼灣近幾年相繼出現了不少茶餐廳。🌶📝今天介紹的茶餐廳並不是普通港式的那種，而竟是潮式的茶餐廳😳除了茶餐廳有的常餐跟小炒，還帶有潮州特色的味道。-___________🏖餐廳狀況🏖___________ 餐廳位於禮頓道(時代廣場旁直走到尾就是了)，坐位大約有60個，環境光亮，裝修既不是舊港式茶餐廳，又既不是新式文青茶餐廳🤔比較像是中菜館(? 但是一間坐卡座的中菜館😂- _____________🍽食物🍽_____________🦪潮州蠔仔泡飯 $60推介指數 ■■■■□蠔仔粒粒飽滿，鮮甜味十足，完全沒有腥味，就算不喜歡吃蠔的朋友都能接受，而且蠔仔大得可以一口一粒，超級滿足。另外每一顆米都吸滿了香濃的蠔湯，加上香蔥和乾蔥的加持，鮮甜又惹味。-🐟 紅燒枝竹豆腐魚柳煲 $72推介指數 ■■■■□魚肉大大件，厚身兼滑溜，數量大約有六七件，而枝竹和豆腐都各有三四件，男仔都絕對夠食。由於是煲仔的關係，所以温度都維持得到，非常‘辣’口。整體味道夠香濃而不會過咸，鑊氣十足，是送飯佳品。-__

約左朋友去海洋公園水上樂團玩，玩之前約左喺銅鑼灣匆食個lunch, 見呢間餐廳價錢唔貴環境右幾舒服就入去試下先，我地分別叫左兩個唔同既是日精選，口水雞飯（$65) 同麻婆豆腐飯（$58) 口水雞飯，份量十足差唔多有1/4隻雞既份量，望落肥脂包滿，食落口甜中帶辣，辣中帶香，香中帶麻，雞肉入口細嫩幼滑，食到停唔到口，口水雞汁酸酸甜甜辣辣地，送白飯一流, 再飲一啖茶味香濃既凍檸茶，夏日炎炎必備之選。 麻婆豆腐飯，用豆腐、免治豬肉、蒜頭、紅蔥頭，小辣椒， 辣豆瓣醬、花椒油炒埋一齊在鍋中爆香，食落口又麻又辣,豆腐口感鬆軟滑嫩送白飯同樣出色，配埋冰凍既檸樂，勁爽吖！

餐廳：潮仔館 (銅鑼灣)地址：銅鑼灣禮頓道21-23號均峯商業大廈地下C號舖銅鑼灣禮頓道呢間潮仔館開咗半年左右，佢哋主打潮州同港式茶餐，一般嘅中式小菜、炒粉麵都有，有時平平哋食餐飯就好足夠，最重要喺睇同邊個食㗎姐😌佢哋星期一至五有唔同嘅是日精選，五十幾六十蚊就有一個飯餐連熱飲，而上湯泡飯亦喺佢哋嘅必食推介，吸引唔少附近嘅打工仔嚟打躉🧑🏻✝️蒜蓉粉絲蒸勝瓜 $72用粉絲鋪喺底，將一件件勝瓜堆砌喺上面，再加上香蔥同蒜蓉拎去蒸♨️，最後加上豉油。勝瓜同蒜蓉香滲透落粉絲入面，仲有豉油嘅鹹香；勝瓜甘香惹味，蒜蓉同香蔥帶嚟更豐富嘅味道😋，撈飯食一流👍✝️芥菜肉片鹹蛋湯飯 $60芥菜肉片鹹蛋湯同白飯分開上，比你可以自己按喜好撈湯或者分開嚟食，芥菜同肉片嘅份量都幾多，肉片仲要嫩滑好腍，一啲都唔嚡👏；湯底清甜無味精，就算飲晒都唔頸渴，$60真喺抵食，值得下次再試其他湯飯☺️

今日行行下街同男朋友想食番啲地道少少嘅野，咁就去左潮仔館食晚餐。餐廳裝修簡單得黎但坐得都舒服。佢主打一般小菜同煲仔菜，價錢都貼地，70-80蚊就有個小菜。🔻 勁香薑蔥鯇魚煲味道：8/10價錢：$75好有鑊氣嘅鯇魚煲！鯇魚肉份量多，肉質嫩滑，唔會有陣腥味，而且餐廳煎完鯇魚再落薑片同蔥一齊爆香，超好餸飯！🔻蒜蓉粉絲蒸勝瓜味道：7.5/10價錢：$72勝瓜蒸得啱啱好，口感啱啱好，唔會太硬。勝瓜面啲香蒜都爆得好香口。而且啲汁仲滲落啲粉絲，令到粉絲入曬味，忍唔住食曬啲粉絲！我地仲叫左兩碗白飯同一杯凍檸水。想講佢地啲白飯都幾好食，幾乾身，口感唔錯。兩個人埋單二百蚊有找，性價比幾高！

🌟足料清甜蠔仔飯🌟潮仔館 (銅鑼灣)$60 潮州蠔仔泡飯睇個餐廳名真係以為係食潮州嘢，但原來係間好多食物選擇，環境舒適既港式茶餐廳黎🇭🇰🤣🤣。食物既選擇真係好多，平時茶餐廳既常餐、中式小菜🥘、撈麵🍜、湯飯🍲、下午茶既西多士/炸物/菠蘿油/公仔麵🍝個啲通通都有👍🏻。以為煮得太雜太多，食物質素會下降，但妮間啲食物都保持到水準👏。蠔仔飯個湯飲落唔會味精味，幾清甜😋。蠔仔🦪落得好足，最緊要係都算大粒，同埋處理得乾淨唔會食到有沙。不過個碗唔算話好大，未必話食完好飽肚。另外，店員服務都好好💁🏻‍♀️，餐廳環境舒適，坐得都舒服😌。有時去開銅鑼灣，想簡單啲食又想坐得舒服既好選擇～📍銅鑼灣禮頓道21-23號均峯商業大廈地下C號舖#銅鑼灣美食 #潮仔館 #蠔仔泡飯 #快靚正 #蠔仔 #香港茶餐廳 #食物選擇多 #環境舒適 #香港美食 #oysterrice #causewaybayfood #hkfood #souprice #hkfoodie #hkfood

潮仔館🥢位於禮頓道，喺銅鑼灣同跑馬地嘅交界，繁華得黎又帶有一點清靜。雖然係茶餐廳嘅價錢，但係環境乾淨，坐得舒服。今次我哋叫咗一個酸菜牛肉套餐同埋豉椒炒豬肉，跟餐有個飲品同埋湯。雖然望落去係普通份量，但係食落發現個碗就好似無底洞咁，d餸源源不絕，真係好足料🤤🤤🤤豉椒炒豬肉好有鑊氣，襯埋個白飯真係一流，呢度嘅白飯係我鍾意嘅口感，唔會太乾或者太濕，粒粒分明，入口好有層次🥹🥹如果你對白飯有要求嘅話，呢度一定唔會令你失望。酸菜牛肉比起外面嘅餐廳，味道較淡，有少少酸酸辣辣嘅味道，適合唔係好食得辣，但係又想要少少刺激口味嘅朋友仔🫡🫡🫡佢喺酸菜牛肉入面有樓文型薯粉，口感煙韌得來又唔會難咬最緊要嘅係一個字，平！潮仔館 (銅鑼灣)銅鑼灣禮頓道21-23號均峯商業大廈地下C號舖

今次試下依間新開張既潮州餐廳，室內光線充足，有電視睇下新聞，卡位又闊落，絕對坐得舒服👍✦ 鐵板蠔仔煎餅配白飯 💰78用鐵板上菜熱辣辣、香噴噴，仲有咋咋聲，好吸引！蠔仔肥大鮮甜，滑蛋滑而不油膩，整塊餅形完整不鬆散，火喉時間啱啱好，外脆內軟，口感一流👍✦ 蕃茄濃湯雞扒米線常餐 💰53除左潮州菜佢都有港式茶餐廳既野食，唔係太肚餓既話可以叫個常餐試試！雞扒煎得岩岩好，蕃茄湯無味精味，湯底如果可以濃少少就好啦！最surprise係有煎雙蛋🤩✦ 紅豆冰＋💰8 & 熱鴛鴦 💰0跟餐熱飲唔洗加錢既，就算特飲例如紅豆冰都只係加＄8一杯，非常貼地！

潮仔館 （銅鑼灣）入到去就覺得個埸好舒服，不論是裝修定座位，都感覺良好。一坐低就俾左兩碗西洋菜湯❤️，好有家的感覺。湯都足料，有好多西洋菜，飲完都唔會口渴。靚湯冰火菠蘿油個包既菠蘿皮做得好靚，好鬆脆個包都好有厚度，牛油味都好岀潮州蠔仔湯泡飯蠔仔好足料，起碼有成10幾粒，啲蠔都唔腥，無沙，處理得好好，泡飯既湯入面都有薑蔥，成個飯整得好好味😋星州炒米炒米唔會好多油，乾濕度適中，炒得好有鑊氣，味道、口感均勻，配料種都好多而份量適中，有洋蔥、紅椒、韭菜、芽菜、火腿、叉燒、蝦，總括依然好抵食。👍🏻

睇戲之前喺時代廣場附近搵一間平平哋嘅茶餐廳食，食完就去睇戲，見到依間餐廳都幾多人食，又唔使排隊，就衝左入去準備半個鐘後去睇戲了。勁快叫咗兩個午餐，一個星洲炒貴刁，一個咕嚕蝦球飯， $60內搞掂，配湯同飲品，喺銅鑼灣來講都算幾抵。星洲炒貴刁炒得都幾香，唔會太油，份量都好多，有蝦，有叉燒，有火腿，勁飽咕嚕蝦球飯我就比較鍾意食呢個咕嚕蝦球，因為出面成日食咕嚕肉已經食到好悶，蝦球就比較有新意，而且佢炸得好酥脆，配飯就好正了。我飲埋餐湯同汽水就飽曬了，朋友就叫咗杯鴛鴦，佢都話咖啡同奶茶份量分配得OK好彩佢出嘢食出得好快，我可以喺半個鐘內食完即刻過去時代廣場睇戲，果然茶餐廳係快靚正嘅好選擇！

♡‎ ♡‎‎ ♡‎ ♡ 銅鑼灣 - 潮仔館‎ ♡‎ ♡‎‎ ♡‎ ♡‎ ►▪▫►▪▫►▪▫特色蠔餅午市套餐►▪▫►▪▫►▪▫本身係出面睇呢間餐廳以為係潮州野就衝咗入嚟入到嚟先知原來係茶餐廳嚟嘅😂🔹餐湯：合掌瓜湯飲一啖滋潤一下先🤭 坐底濕一濕個口😎🔹生炸雞翼 椒鹽味 香口 多內汁配埋雜果沙律 又fresh 又帶點刺激🔹蠔餅午市套餐新鮮熱辣嘅蠔餅用鐵板上嚟到仲有啲滋滋聲🤩啱啱整起夠脆口半煎炸 食落更好送飯蠔仔都幾大粒૮₍´˶• ᴥ •˶`₎ა ：總評店內乾淨企理 卡位為主 坐得舒適食物多選擇◆*．◆*．◆*．餐廳資訊◆*．◆*．◆*．📍潮仔館 (銅鑼灣)銅鑼灣禮頓道21-23號均峯商業大廈地下C號舖

平時返工放工都係喺九龍區，今日放假決定去港島區睇戲🎬之後喺附近行下！行到去時代廣場附近，有d肚餓，見到呢間潮仔館，於是就入去食d野😚佢哋舖頭燈光好光猛、枱與枱之間又闊落、空間感好夠，而且店員服務態度超級好！下次黎開呢頭一定要再幫襯XO醬豬扒炒公仔麵豬扒最怕d肉質又硬又實，佢哋既豬扒食落又香又嫩。加埋XO醬炒，令到成個麵更加惹味！而且佢d豬扒同麵比例都多！魚香茄子炆米佢哋呢個係即叫即整，上到枱出曬煙，熱辣辣！見到都好滿足。米粉條條都索曬魚香、茄子又嫩，食落好正😋連我老公呢d嘴刁嘅人都話好味，成碟清曬…紅豆冰🥤紅豆冰飲落好香奶味,紅豆🫘食落好fresh，唔似現成罐頭紅豆或擺左好耐，似係新鮮自製👍檸檬茶檸檬片新鮮，茶味適中唔會太澀口

今日我去咗銅鑼灣附近行吓街啦，突然間feel到有啲肚餓，所以睇吓有咩食，見到間潮仔館，就入咗去睇吓有咩食。我最後叫咗個乾炒牛河同埋茶餐廳必飲嘅港式凍檸茶，雖然等咗幾分鐘，大概差唔多10分鐘左右，但係啲嘢嚟到嗰陣，我就知道呢個等待係值得嘅一一一首先係呢一個港式凍檸茶唔會太甜，感覺又好新鮮，唔錯唔錯，加埋個碟乾炒牛河，簡直係絕配呀～講返碟乾炒牛河，其實都好啱我食，平時喺出面食嘅嗰啲乾炒牛河，都好好食，但係估唔到今次去到嘅呢一間茶餐廳，入面嘅乾炒牛河，更加好食，因為呢間炒到啱啱好，感覺又唔會好油

潮仔館銅鑼灣禮頓道21-23號初頭聽到呢間店名, 以為是買FASHION 潮流東西, 因為有”潮仔”兩個字。同事笑話係餐� �。我朋友成日買”人猿”同”超級我”呢D BRAND, 咁我聽到佢講潮仔館聯想到買FASHION 野都好正常呀!行平民路線的茶餐廳, 定價合理 , 見大部份飯麵只係$60左右, 仲有鐵板餐 咕嚕肉餅大路，酸酸甜甜開胃，加埋菠蘿三色椒，現炸香酥炸雞脾下午菜，可跟薯條或salad, $43 價在銅鑼灣屬正常價。大隻且炸至咖啡色，香脆美味。 有卡位坐得舒服