95
8
2
5-min walk from Exit A1, Fanling MTR Station continue reading
All Branches (2)
Telephone
23886231
Good For
Group Dining
Payment Methods
Cash
Review (123)
Level4 2019-10-29
47 views
今晚去左搵好姊妹👧🏻順便係佢公司附近食飯🙈, 佢話E間中菜館都幾多野食, 既然佢咁推介就一於去試下啦😆 我地7點鐘去到都已經好多人排隊, 好彩等左唔係好耐就入得去啦☺️ 我地都有少少肚餓, 所以就叫左一個二人餐, 一個前菜, 同兩個甜品🤭北菇瑤柱炖肘子湯🥣(上), 螺頭炖花膠湯🥣(下), 兩款燉湯湯汁清澈, 鮮而不膩, 不過湯料份量較少泡椒浸海蜆, 蜆肉幾大粒, 肉質鮮甜無沙, 醬汁有少少辣辣地🌶, 味道唔錯, 不過個人認為如果可以再辣d或者可以自選辣度更好🌶👍🏻油燘竹筍, 竹筍口感爽脆, 帶有微微筍香, 配上獨有醬汁, 幾開胃嘅前菜😊蔥油海蜇, 海蜇爽口, 肉質厚實有韌性, 蔥油味淡淡地幾好味😋小籠包(加配), 小籠包非常飽滿, 肉質軟滑, 鮮味十足, 湯汁幾多而且味道濃郁, 推介!👍🏻椒鹽軟殼蟹鍋粑🦀, 上枱時已經香味撲鼻, 軟殼蟹配鍋粑真係未試過, 鍋粑口感略為鬆脆, 有少許焦味, 熱辣辣非常香口。兩者一齊食落口, 口感幾特別而且鍋粑嘅味道可以平衡番味道較濃嘅軟殼蟹😊干鍋什錦醬香雞, 除左有雞件🐔之外, 仲有年糕同薯仔片🥔, 食材十分入味, 什錦醬味道唔錯, 幾夠辣同惹味, 餸飯一流, 十分推介!👍🏻😋桂花糕(餐中甜品), 個人認為幾滿意, 桂花糕非常足料, 口感豐富, 桂花味道濃郁, 清甜不膩!👍🏻酒釀丸子, 糖水嘅質地非常濃稠, 材料足量。甜酒釀嘅酒香加埋桂花嘅清香, 配上口感軟糯嘅小丸子, 非常好味同暖胃😋👍🏻高力豆沙, 外脆內軟, 蛋白入口柔如綿花, 慢慢咀嚼仲有微微嘅彈性, 紅豆蓉甜得嚟又唔涸喉, 味道唔錯, 如果可以再多d紅豆蓉會更好味😋 continue reading
(The above review is the personal opinion of a user which does not represent OpenRice's point of view.)
個friend話,不如一齊食飯啦。食咩好呢?上海菜?川菜?Why not both?佢屋企附近商場有間中餐好抵食,gogogo,辣辣川菜小籠包我黎啦!🔆2人餐加$25就有小籠包啦,size比平時嘅大小小,呢度有個窗睇到兩個師傅新鮮製架!襯熱食超正呀!個皮好似個袋仔咁裝住爆汁肉餡,好味又抵食!🥢2人餐有個雙拼前菜、兩盅湯、一個主菜、一個小菜、甜品,$298咩都有,勁抵食!茶類除左平時飲嘅中式茶,仲可以揀玄米茶🍵,好香玄米味,解渴又清滯。🔆西蘭花🥦崧子炒蝦球 - 蝦球🦐新鮮又大隻又爽脆,好多崧子,為呢個菜增加左脆口果仁嘅口感。🔆干鍋雜錦醬香雞🐥 - 明火熱鍋,香辣味道隨著輕煙散發,雞肉香口美味,其他配料屬蔬菜類,所以比雞肉更入味。尤其是切片薯仔🥔,味道好似加辣版熱浪咁,超級惹味~🔆杞子桂花糕 - 賣相幾吸引,比啫喱挺身及硬身,充滿桂花香味而甜度適中~原本幾驚呢度隔涉,落雨好麻煩呀!點知又唔會喎,港鐵站過黎完全唔洗露天5分鐘就行到黎。個friend話平日7點都滿座,假期要點佢早d黎攞飛先~ continue reading
(The above review is the personal opinion of a user which does not represent OpenRice's point of view.)
Level4 2019-08-20
509 views
因工作關係來到粉嶺, 工作完成後要找個地方吃晚餐, 就到附近的湘川滬吃晚飯,來到後覺得地方企理, 由店員引領入座,看過了餐牌後,決定要了小籠包和生煎包, 再加其他菜色。這裡的小籠包夠熱,而且皮薄多汁,就算用上筷子去夾起來,肉汁還是完好的在內,會看到裡面的湯汁之餘外皮也不穿,包得不錯,而肉餡也鬆軟有肉汁, 肉香味濃, 是有水準的小籠包。個人較喜歡生煎包, 先看賣相已非常對辦, 上枱時熱辣辣和香噴噴的,包面鋪了青蔥粒,包身做得好軟熟,反轉包子一看,包底是煎得很焦脆,一咬開生煎包內有飽滿湯汁, 吃起來外皮鬆軟,豬肉餡都好香濃肉香味,最好趁包子熱辣辣時吃, 是很不錯的煎包子,值得一吃。較出色的就是花彫醉雞, 以傳統上海烹調方法炮製的, 雞肉浸得很軟滑,肉質鮮嫩入味,花雕味道香甜,不嗆侯也不過濃,口感就像吃浸過酒及放涼了的雞肉,很不錯,是值得一吃的。再來就是竹笙蟹粉煲仔翅, 逐位上,羹底綿稠又不過杰,吃起來濃郁,還滲出微微的蟹粉味,翅是爽口的。到了甜點環節, 豆沙窩餅做得外皮脆口而且呈微焦, 入口還是熱辣辣的, 內面的豆沙餡料軟滑香甜,是好吃的。就當晚所見, 在這一個周一晚上, 人客也不少, 是間旺場的中菜館。 continue reading
(The above review is the personal opinion of a user which does not represent OpenRice's point of view.)
Level2 2019-11-03
0 views
呢到晚市嘅2人餐真系好抵食,加多兩款升級優惠嘅食物就已經夠晒3️⃣個人食前菜揀左鎮江肴肉➕蔥油海蜇,兩款都好好味😋👇🏻仲有兩款唔同口味嘅燉湯螺頭燉花膠湯,呢個有埋雞腳,味道香濃➡️啱晒我花菇瑤柱炖肘子湯,有很大塊花菇,真系落足料,味道清甜主菜揀左西蘭花崧子炒蝦球,西蘭花🥦好爽脆,🦐蝦球好大粒,很香口仲有個梅乾菜肋排,食呢個真系好想配碗白飯,肋排煮得夠淋夠入味,真系好惹味呀👍🏻加左$25小籠包,一籠有4粒加大嘅小籠包,皮薄餡靚甜品系龍眼杞子桂花糕,呢個唔會太甜,味道清香真系好滿足,好飽呀🙉🙉想加埋個高力豆沙都食唔落,下次一定要試埋呢個😆 continue reading
(The above review is the personal opinion of a user which does not represent OpenRice's point of view.)
Level3 2019-11-01
1 views
山長水遠去到粉嶺同屋企人食飯,佢地揀咗去食上海野!平時假期食飯時間見佢都幾多人排隊,所以都係閒日先黎食多湘滬川啲片皮鴨都算幾平,成隻都只係二百幾蚊,二食嘅話就再加多幾十。多數我地都係一食就算!幾鍾意佢片嘅方法,一邊淨皮,一邊皮連肉。因為依加好多地方都片到大大舊肉,其實真係皮先食到陣香味!當然仲要靠個醬,大蔥同青瓜去調味!啲皮黎到嘅時候仲脆脆地,好吸引小籠包推出咗幾款新口味,我地試咗芝士黑松露口味,小籠包個頂都有放咗黑松露,入面粒肉都幾大粒,見到混合咗少少芝士入去。但松露味就比芝士味再明顯啲!仲叫咗碗担担麵,啲花生碎同肉碎都幾多,個味都幾濃,啲麵都幾掛湯,吸滿晒個担担湯味,好仲麻醬味。碗麵辣辣地,又唔會太刺激,好食 continue reading
(The above review is the personal opinion of a user which does not represent OpenRice's point of view.)