17
5
4
Exit D/ E, Kwai Fong MTR Station
continue reading
Opening Hours
Mon - Sun
08:00 - 16:00
18:00 - 23:30
Public Holiday
08:00 - 16:00
18:00 - 23:30
Above information is for reference only. Please check details with the restaurant.
星期五的晚上, 約了媽媽出外食飯, 原本是打算去 euro go go 的, 因為媽喜歡食麵包布甸. 可惜人太多, 很多檯都有人在等候, 於是打算去另一間食肆晚飯. 但星期五晚上實在很多人出外用膳, 走著走著, 上到新都會5樓, 看見中國芳, 便決定試問一下有無位, 幸好二人檯不用等候.這是我第一次幫襯的食肆, 因為平時比較少吃中菜, 所以有很多中菜館都未去過. 入到去, 其實都很多人, 如果人多要大檯 walk in 應該一定唔得喇 ... 由於這裡是主要吃京菜的, 因此很多大檯都例必有隻片皮鴨. 但我們母女二人一向不是食肉獸, 而且得兩個人都無可能食到, 所以我們都點了一些不太滯口的食物.一看到餐牌, 我便看到這道 "金湯翡翠苗". 我知道 "金湯即是南瓜湯", 而翡翠苗即是溫室豆苗. 個人一向喜愛南瓜清甜的味道, 所有用南瓜做的菜式我都喜愛, 而溫室豆苗爽脆可口, 亦深得我心. 上檯後, 果然不負所望, 南瓜湯打得很幼滑, 翡翠苖浸在其中, 去了少許苗的粗糙感, 同樣變得幼滑了. 而且份量相當多, 成個湯碗咁多的份量, 好像吃極也吃不完另一道菜是 "金沙海鮮燴豆腐". 金沙即是咸蛋黃, 配襯入清淡的豆腐和鮮味的海鮮, 味道恰到好處. 海鮮方面, 也很足料, 有蝦 (雖是雪蝦略嫌鮮味不足, 但很爽脆), 魚塊, 鮑貝和帶子都非常多, 而且味鮮."牛肝菌粉條煮土雞", 是媽媽選的. 菜式以一個瓦的器皿盛載, 因此能 keep 到好耐都夠熱. 原來粉條是紅薯粉, 口感彈牙, 吸了汁料十分可口. 牛肝菌一直我都十分喜歡, 可惜份量較少, 可能因為成本較高, 反而雞件超多, 因為雪雞較平. 亦因如此, 雞沒有什麼味道, 而且真的太多, 所以我們食剩好多最後亦點了兩隻蟹粉小籠包 (最少點兩隻), 因為媽媽從來無食過. 小籠包皮很薄, 餡料亦相當美味, 很有蟹的鮮味. 很久以前我曾在 "霸王山莊" 都食過, 但不好吃. 中國芳做得好好多 !除了蟹粉小籠包是 $25 一隻外, 其餘三道小菜都同樣是 $80 一碟, 不算貴. 但當然加了茶芥加一後都要平均 $200 一位, 不算便宜, 不過在味道不錯的情況下, 也是可以接受的.
continue reading
同親戚一行五人去葵芳食晚餐，看到中國芳門外的扁皮鴨廣告，就被吸引住了～～店內環境舒適，很適合聊天。好！先點菜。眼見每枱都有叫扁皮鴨，於是就試下店員推介的招牌扁皮鴨餐（四位用）。五個人食四人餐，本身都怕份量唔夠，誰知最後結果係...食唔哂，要打包。醉雞：本人唔仲意飲酒，因為怕苦＞ｖ＜但，呢個醉雞好好味，有酒香之餘又唔會苦，仲甜甜地。做得最好的一點是，雞肉和雞骨全熟，但肉質依然好滑！海哲：海哲本身完全無味，見佢附上奶白色醬料，一沾，中伏.....原來係芥末黎.....囧火腿津白：火腿的鹹香，能夠帶出津白的清甜。黃金明蝦球：翠肉瓜和大蝦被鹹蛋黃包圍，蝦肉夠彈牙，清爽的翠肉瓜配上蛋黃的鹹香，比蝦更出色。竹笙海皇翅：足料！本人對翅一向冇特別興趣，我指的足料係肉絲和竹笙，翅只係見到半條，但我覺得幾好！不過，我覺得如果可以選擇唔要翅，會更好。松子黃魚：魚皮夠脆肉夠滑，但條魚太細條，汁太酸而且一粒松子都搵唔到-__-"扁皮鴨等待時間較長，有專人負責扁皮，見佢成晚冇停手，辛苦了。扁皮鴨：扁皮鴨連肉上，不會只得皮，感覺冇咁油。餅皮夠薄，如果京蔥切絲（目前係切片）會更好。小龍包：睇樣都睇得出，佢係非常難吃的小龍包。︿。"皮薄多汁，肉質嫩滑全部冇佢份。肉質很老，一滴湯汁都冇。雖然最後的小龍包是敗筆之作，但整體都唔錯，服務也很好。
continue reading
食物黎講其實我都無咩特別想講我連開呢個account都係為左講服務態度一入黎個個藐嘴藐舌都算啦 (咁唔想做唔好做囉)入到黎野又未執，個樣仲係唔想做咁 (而家係咪有人用槍指住你姐到底)執野嗰時都唔知你係擺野定掟野講到底又係態度既問題仲有喎，張枱唔知搭到咁高做咩既張櫈又唔係bar櫈咁高下下都ung住隻手咁最激氣既係，個侍應鋪枱布既時候完全無理過我兜頭蓋落黎張枱布乾淨都話算成撻蹟係上面你蓋落黎？我由嗰陣開始就無停過鼻敏感仲要一d歉意都無但我就唔會一竹竿打一船人既總有幾個笑容都幾好的可能係太激氣所致我覺得嗰度係完全唔夠冷氣食到一半已經流到一身汗最後打食評點都要講下食物只能話水餃是個伏而我中伏了事關我想像中既水餃係有木耳、荀嗰d而呢度嗰d就係厚皮小籠包咁樣，你懂的最好食既應該都係雞絲煨麵夠多菜（我最中意），雞也不太糙不過…唉，坦白講我諗我都唔會再黎各位請just take it as a refrence, no offence.
continue reading
十月尾才吃今年第一次大閘蟹，朋友話這裏有280元套餐，便跑去試試。在沒有什麼期望下，卻有意外驚喜，蟹仔細細，膏卻很多，個蟹皇羹喜出望外，味濃且香，其他頭盤小菜只屬一般，不提也罷，但如此價錢，我們也不敢太多要求，開開心心又一餐。
continue reading
今晚放工去左kwai fong 商場吾知食咩，諗起中國芳，話哂都係美心集團開。就去試下啦。諗起北京樓既扁皮鴨，又係美心開。。呢間中國 芳都有扁皮鴨，仲平d 二百幾三百。就試左。其實個味都好好。又吾太油吾算熱氣。其實可以encore.講間餐廳環境，都好乾淨，唯一坐吾係太舒服。因為張chair 比較矮。服務方面，又吾錯啊。。經理哥哥幾好服務。話說我地叫左個麻婆豆腐。。點知佢係用牛煮，我地全家都吾食牛。經理一聽到我地吾食牛就話不如叫廚師改用豬肉煮返俾我地。我都好驚訝。所以服務的確吾錯。依家出黎食飯好多時都遇到勞氣既服務員。所以中國芳今次都好難得。服務水平好高。另外點左擔擔麵。。個麵質地吾錯。。好彈。仲有叫左津白同一個湯麵……賣單9百幾。都可以。。
continue reading