Video
Opening Hours
Today
15:00 - 01:00
Mon - Fri
15:00 - 01:00
Sat - Sun
12:00 - 01:00
Above information is for reference only. Please check details with the restaurant.
老闆娘一人主理小食店都可以有多樣食物花多眼亂樣樣都想食！平日下午茶時間去仲可以坐係店舖一個小座位慢慢品嚐，今日天氣涼涼地又陰陰地天，風吹埋嚟好舒服！老闆娘又唔會趕我哋走，慢慢食下午茶好寫意！❗️推薦❗️脆脆鹽酥雞 $38有4種味道選擇：鹹蛋黃、麻辣、紫菜、原味脆脆鹽酥雞外皮金黃酥脆，肉質鮮嫩多汁，鹽味恰到好處。搭配紫菜，增添了紫菜清香，口感層次分明，係一道令人難以抗拒嘅小吃，一口size好方便放入口，好彩分量好足夠，2個人唔洗爭食！😋Mocktail 系列空格 - 宮崎駿的夏天 $42🥑牛油果、🥭芒果、乳酪、🥛鮮奶依款飲品係俾佢嘅leaflet吸引住，飲品都可以成幅畫咁靚！拎到真係要打返個靚卡！材料由牛油果、芒果、乳酪同鮮奶製作成飲品，口感順滑，果香四溢。底部有牛油果嘅綿密，中間有芒果汁嘅清甜，同乳酪鮮奶完美結合，乳酪增添了濃郁嘅香氣，鮮奶令整體更加柔滑。每一啖都感到清新又滿足！❗️推薦❗️香醇抹茶chill chill冰 $68綿綿冰由3.6牛乳加抹茶製成，材料豐富，有棉花糖、小丸子、紅豆、抹茶餅乾、德國蝴蝶餅乾、仲有好多枝抹茶百力滋，不得了！圖文不乎呀！點解會由杯裝變成筒裝share㗎！變大咗呀！就快到夏天，到時食一定好消暑😙
continue reading
餐廳開喺西貢市中心，好多時大家去西貢嘅度假村又或者係露營嘅時候一定會經過西貢碼頭。大家重新貢碼頭小巴站行10幾步就到呢間餐廳。佢哋有非常豐富嘅食物種類，從飽肚嘅正餐去到小食仲有甜品佢哋都一一提供。陳皮魚蛋配秘製449咖喱汁$12陳皮魚蛋嘅陳皮味好突出，食落去會有陳皮嘅甘香。配埋餐廳秘製嘅咖喱汁，味道好豐富。咖喱汁嘅辣到調校到係香港人嘅中上程度，香辣嘅口味道，而且後勁十足。超值套餐$42今日叫咗一個印尼撈麵，配燒賣套餐。成個餐只係$42非常抵食，而且燒賣加埋都有4粒。小食店嘅嘢食係即叫即整可以新鮮滾熱辣。同一個餐裏面總共有埋手打檸檬茶。成杯檸檬茶份量都好大，檸檬肉被打到散咗，所以飲嘅時候都會咬到檸檬肉。
continue reading
最近同朋友去西貢行吓，大熱天時飲嘢又點少得呢！😬😬去咗位於市中心嘅「chill chill@449」，佢哋嘅沙冰真係好出色！我地試咗兩款，分別係金金菠蘿沙冰🍍同西瓜沙冰🍉兩者都有唔同風味😊首先，金金菠蘿沙冰🍍🍍果味濃郁，菠蘿嘅香甜與冰沙嘅細膩口感完美結合。唔會太甜，冰涼又解渴😌令人心情愉快🥰🥰接著係西瓜沙冰，清新爽口，係夏天必試嘅選擇。這款沙冰用咗新鮮西瓜製作都係唔會太甜，每一口都好解渴，而且完全唔會有人工味，係真西瓜🍉正😎本身想試埋炸嘢嘅🤩不過由於嗰日太早未開始有炸嘢😛所以只係嗌咗兩杯飲品😜希望下次有機會食埋佢啲炸物啦！果然係西貢世一🤩🤩確係值得推介😌
continue reading
難得來到西貢區，小妹係絕對唔會錯過任何覓食機會，當然緊係要周圍掃街食埋宵夜啦🤣。遊蕩間發現了間好chill嘅小店，就來個咸蛋黃味chill狂薯條，燒賣加印尼撈麵，炸薯條金黃香炸，唯獨咸蛋黃味唔太出，撈麵普普通通😅。
continue reading
今日去左西貢玩,好曬好熱,想食杯雪糕。喺巴士站附近見到Chill Chill @449有雪糕賣,仲有沙冰、手打檸檬茶、生椰乳同其他飲品,仲有得夾糖。雖然鋪頭細細,但都有少少位置可以坐低食。叫左杯Chill cup 雪糕 - OREO&朱古力,雪糕杯好大杯,拎上手好聚手,入面有3球雪糕,仲有好多配料,最底有OREO碎碎,中間有粟米片,最頂有OREO餅乾,熊仔餅乾同biscoff餅乾。食得出朱古力雪糕係用movenpick 雪糕,唔係一般嘅雪糕,雪糕入面有朱古力碎碎。$68大大杯,又有movenpick 雪糕,又有咁多配料,都幾抵食,食完好滿足,簡直透心涼。
continue reading