CHICKEN FACTORY (荃灣廣場) (Closed)

中午喺荃灣廣場食飯，原來b1有好多嘢食，行到盡頭，見到一個廣告牌寫住人參雞湯，凍凍地今日就佢啦。餐廳裝修簡單，金屬櫈金屬檯面，就如他的名字雞廠一樣，流水式作業。我們喺收銀點單，但是找不到外邊的人參雞湯，店員指一下貼在旁邊洗手盤的廣告旁邊，我們就分別點咗人參雞湯，花膠蟲草花雞湯。本來我們想點熱飲，但係店舖上沒有，店員為我們推介一瓶瓶的凍飲，柚子柑桔派對，水蜜桃冰茶。由於店舖沒有卡位，我們今日面對牆壁食飯。過了十分鐘左右，店員為我們送上湯飯。可能店舖是以外賣為主，所以他們都是以紙兜紙碟，承載食物。他每一款湯飯也配有泡菜，份量不是兩三片，而是一半的小紙兜。人參雞湯上面見到糯米，新鮮人參紅棗都見到，飲一口熱湯，成個人暖曬。雞都有小半隻，雞肉鮮嫩美味。白飯起碼有平時食開嘅碗半飯，係珍珠米，配湯一齊食，好快就食完一碗。吃到最後人參嘅鬚好多。朋友的花膠蟲草花雞湯，香味濃郁，花膠都好大塊，加埋蟲草花，滋陰補腎，美顏佳品。見到店員不斷為Keeta出單，所以好多人都應該係中午叫外賣。臨走嘅時候見到佢餐廳入口位有好多唔同嘅餐牌，種類繁多，下次可以試下去其他嘅菜式，例如海南雞，炸雞等等。滿分為10分（一分最低，10分最高）食物：9環境：9衛生：9服務：9價錢：9舒適度：9總分：9…Read More

這碗麻辣汁燒雞飯一睹為快，無疑是吸引眼球的美食！首先，烤雞的外皮金黃酥脆，令人垂涎三尺。咬下去，雞肉鮮嫩多汁，彷彿在口中爆發出濃郁的香氣。麻辣醬汁的顏色鮮艷，帶有一點油光，讓人一看就想立刻品嚐。這種麻辣風味一開始是微微的辣，隨著咀嚼，香料的層次感逐漸展現。特別是那種麻味，讓人感受到一種獨特的刺激，讓整個用餐過程充滿了驚喜。搭配著雞肉的醬汁，無疑是完美的結合。至於飯，白飯顆粒分明，質感柔軟，與麻辣醬汁的搭配相得益彰。米飯吸收了醬汁的精華，讓每一口都充滿了味道。另一邊的粒粒米飯則提供了不同的口感，讓人不會感到單調。整體來說，這碗麻辣汁燒雞飯不僅視覺上讓人驚艷，味道上更是令人滿意。無論是麻辣愛好者還是喜歡烤雞的朋友，都絕對會愛上這道美食。這碗飯不僅適合自己享用，還可以與朋友一起分享，讓大家一起感受這種香辣的美味！…Read More

我用app 叫外賣速遞，叫了半隻百里香燒雞，配牛肝菌汁，加配椰子雞湯。燒雞肉鮮嫩，醬汁味道很好，雞不小，份量足夠；椰子雞湯味道濃郁，湯内的雞肉不「鞋」，椰子都淋，但份量偏少。值得再幫襯。…Read More

今日試咗隻大烤雞（1600g), 烤雞味好濃，皮薄香脆，雞肉多肉汁，簡直色香味俱全。咁大隻烤雞，連雞胸肉都好亂滑，而且個醬汁都好好味。職員都會主動同你講，要唔要幫你加熱。所以外賣返去加餸好方便。…Read More

今日同朋友係荃灣廣場行街，見到開左chicken factory😍見到有烤雞好吸引，所以就諗住試下佢😍餐廳除左有烤雞餐之外，仲有其他飯或者米線咁，而且價錢都算係比較划算😍而且佢仲有定時推出原隻烤雞賣，比人可以拎番屋企加餸！好吸引🤣🍗1️⃣半隻皇牌烤雞餐（$50）唔想食咁多澱粉質既朋友，可以選擇呢個餐食😆呢個餐包括有半隻烤雞、兩款配料同埋飲品😆而烤雞醬汁方面有牛肝菌汁、咖喱汁同埋麻辣醬～今次試下個牛肝菌汁！味道不過不失🤣不過略嫌太多汁，覆蓋左雞味🤣下次會叫少汁😆而配料方面有雞油飯、烤雜菜同埋焗薯可以選擇！我就揀左後面兩樣黎試～全部都好大份量，岩晒我💕飲品就可以揀配健康冷泡茶或者罐裝汽水😆我想飲得健康啲，所以就揀左檸檬洛神花冷泡茶😍味道酸酸地，而且唔甜！岩晒想吸收維他命C既你地🥰🍜2️⃣海南雞湯米線（$48）呢款米線既湯底食得出真係用雞湯熬成😍就咁飲個湯都好味道！呢款海南雞都有薑蓉同埋醬汁～不過略嫌雞肉都比較韌，雞方面就無烤雞咁出色～🤭但如果想食得清淡啲既朋友仔都可以試下🥰我最鐘意佢個餐配埋飲品，朋友都係揀左檸檬洛神花冷泡茶😆！…Read More

我都好少寫食評，但係呢間野真係迫到我要出手寫少少！！話說今日想食下海南雞，咁就見到呢間野個名好似好勁咁，叫Chicken Factory，又未試過，價格好似好抵咁，就叫左海南雞飯同燒雞餐，再加個瑞士雞翼。食完第一啖之後，心諗中伏，呢間野可以講得上我食過咁多海南雞、燒雞同瑞士雞翼中最最最差既一間。油飯唔似油飯，又乾又有飯焦，難食；雞，超「鞋」口，難食；瑞士雞翼似係放左好幾日再翻熱；連杯冷泡茶都唔掂。坊間都有唔少係平野有好野，但係呢間就一定唔係囉。…Read More

我個人好少會寫食評。除非間餐廳真係好差。如果唔係我都唔會咁做。第一。員工態度差。唔明點解掃q r code講嘢態度都可以咁差。明明可以一早同我哋講只限針卡素描但係掃咗康復碼之後先至講。而且態度惡劣。第二。豆漿竟然係固體。起碼放咗一星期先至會變固體。飲咗落口第一啖感覺十分差。 立即吐返出。嚟然後換過第二支竟然係冇事 即係佢啲豆漿係有幾耐放幾耐。第三。堂食嘅包裝好似兩餸飯咁感覺唔好。亦唔美觀 。 呢間餐廳唔會再有下次 …Read More

行行下街聞到陣陣烤雞香味 個肚即刻打哂鼓忍吾住要嘆返個下午茶先平時多數都喺食炸雞🍗 烤雞比較少食一於點返個皇牌滋味二人餐挑戰下先(HKD128)套餐有:百里香烤雞(原隻)+雞油飯(2客)+焗薯(1份)+瑞士雞中翼(3隻)+汽水(2罐) 雖然烤雞是春雞size 但加埋其他食物絕對足夠2人份量 油飯口感偏硬身 爽口 焗薯好味 配埋黑椒汁點嚟食仲惹味瑞士雞翼個汁 個人就吾喺好識欣賞 味道一般烤雞外脆內軟 雞肉調味剛好 肉質juicy👍 店內座位以高枱高凳為主 舒適度一般 如果携同小朋友和老人家可能未必適合堂食 。食物:5/10價錢:6/10環境:5/10。Chicken Factory (荃灣廣場)荃灣大壩街4-30號荃灣廣場地下1層B101-B104號舖…Read More

荃灣係美食天堂🧡但商場餐廳嘅價格普遍都高🥲今日搵緊食咩嘅時候就見到呢間Chicken Factory👍🏻，門口大大隻字寫住$38無骨海南雞飯仲有個湯送❗️❗️即刻入去試吓😂呢間舖係主打外賣，不過都有堂食嘅位置，我就揀咗堂食🐣落完單大概等5分鐘已經到咗❗️有個唔好嘅位係就算你堂食佢都係比外賣盒你😂😅一打開就見到好足料❗️好大盒仲有個紫菜湯送，雞唔滑但數量多，油飯好有麻油味，紫菜湯清新解膩，酸蘿蔔好開胃，食到一半已經好飽😹唔算特別出色但呢個價錢物超所值呀🧡…Read More

首先就係圖片跟實際分別太遠，成碗嘢係無味道。我㸃海南雞配米線，連基本嘅海南雞醬油都無，無味想點豉油都無。最嬲係堂食都全部即棄膠餐具。新開張都咁無誠意，無一樣嘢係有心做。大家睇圖自行決定試唔試。…Read More

同朋友book左一晚如心staycation 因為志左去個泳池踢下水 夜晚大家都唔洗趕返屋企 所以剩係book左房 早餐/晚餐都無額外加加上荃灣大把好野食 如心既餐廳又唔係特別出名所以晚上就要自己出去搵食兩條友踢完水有啲攰 剩係有力氣行到去荃灣廣場搵野食🙈兩個都無咩頭緒食咩好 所以就係商場亂兜經過呢間Chicken Factory時比佢既香味吸引左 所以就入左去落單😂$68/隻烤雞 再加$12要左份焗薯成袋外賣超有份量 拎上手係覺得好重🙈諗住攞完外賣再去第二到買埋野飲先返酒店開餐一路行個袋就一路飄陣香味出嚟 搞到唔肚餓都變到愈行就愈肚餓返到酒店就即洗手開餐一打開個袋 個陣香味真係會令人流口水 🤤忍唔住即刻瘋狂手撕烤雞 隻雞醃到好入味 尤其係雞翼個位 收埋左勁多調味料係個個位食到舔晒手指個焗薯都好入味 焗到好淋好好食開初都驚一隻雞一份焗薯兩個人食都唔係好夠飽點知最後我地係食剩左少少既.....眼濶肚窄就是食家們的任性🤪…Read More

抵食好食下午茶系荃灣行完街，兩個人想搵個簡單下午茶，麥記又成日食，其他又貴又無乜特別，行到荃灣廣場，記得地下一層有野食，落去搵下啦！經過一家泰國同cafe，都系無客人，哩個場就系有哩個問題好耐啦，再望到商場最尾有一間，睇落幾多野食喔，睇中一隻雞下午茶時間48蚊，好抵啊！剛剛想落單，收銀員話系隔離果間喔！原來佢地系姊妹店，但擺餐牌就一起擺，但食就一定分開食，複雜啊！優點- 性價比高尤其是哩隻雞，- 選擇比其他雞的快餐店多。改善點- 一定無熱的飲料。- 座位系高椅，吾適合老人家。-洗手沒有供應鹼液。叫左一隻雞，廚房會幫你再放焗爐，所以收到系熱辣辣，香噴噴的雞，雖然只是春雞，但下午茶兩個人夠曬，起碼比肯X雞睇到系一隻真雞啊。雞表面有香草同汁，戴膠手套好容易撕開，睇到裡面都好多汁咖！雖然系焗，但肉一D都吾乾吾”鞋”，連雞胸都一樣啊！厲害。聽到其他外賣客人問系眯意樂同一集團，翻屋企搵下原來系真，都屬於亞洲國際飲食集團，難怪質量保持得吾錯，下次要試埋旁邊間木兆。…Read More

Suprise! $55 hk curry roasted chicken （half）實惠好味！港式烤咖哩雞(半隻）套餐幾可媲美印度咖哩雞,但只售這價錢！非常實惠好味！市面有咖哩醬煮雞塊,也有燒雞原隻,可就是沒有結合兩者？！其後發現chicken factory,對於喜愛吃雞的我真是大驚喜 .全間也是賣雞.它主要是外賣店,也加設1,2行bra台但很窄,可能是以備堂食？但唔見有人坐低吃？！它是附建在同一集團餐廳隔鄰,起初以為是該餐廳的外賣部,後來輾轉得知原來是,同一集團但兩家人,雖然連併一起,但各有各賣,外賣雞套餐（半/全隻）,可配雞油飯/雜菜/烤薯仔其中2款,跟指定餐飲,初時擔心咖哩汁會浸淋烤雞！非但沒有反然吸收咗咖哩汁更香辣,外表皮焦香,內肉質嫩Juicy,火喉剛剛好,咖喱烤雞故然好味,配雜菜有紅蘿蔔青豆條小小姑菌,焗薯仔連皮浸咗咖哩汁,變得薯仔最好味,成為主角,始料不及.套餐還附上冷泡檸檬洛神花茶,豔紅彤彤清甜醒神,向來喜愛洛神花獨有的芬香酸甜,市面卻很小有,顯得格外別緻餐飲.不過外賣包裝,就求其咗d,話哂半邊雞咁大份,普通市面發泡膠飯盒,己裝唔哂,但這店只改用,一個大d淋謝謝的軟紙盒,摸個盒底己feel到這雞身,蓋也蓋唔實,外賣途中真擔心流瀉？…Read More

"Which came first? The chicken or the egg?" A question just as debatable as when you're choosing a place to eat. Tsuen Wan Plaza has a lot to offer in terms of food. Though the decision for us was to get burgers, once you reach the escalators, you are greeted with a number of bright boards featuring different restaurants inviting you to visit but none were as attractive as the name "Chicken Factory". We followed the colourful lines towards the restaurant. Please note that the restaurant is ON THE RIGHT HANDSIDE (no offense to the other restaurant). If you're looking for a place to hang around for hours, this is not it. With their high chairs, takeaway boxes and utensils (used for dine-in too), as well as their recommended "3 steps for a peaceful and safe meal", it is clear that they care about their quality in service, show understanding of the "new normal" (the reality of covid-19) and more importantly, care about the wellbeing of their customers and the busy lives they live (if you don't mind sparing a minute to put your own rubbish and tray away.) The food was flavorful. We were satisfied with the choices and combo elements. Their drinks are limited but handcrafted, delicious and bottled for convenience. The decor/atmosphere was peaceful, instagram worthy (if chicken feet prints and stuffed chicken statues are your thing) and spacious. Overall, it's a place to for a hearty yet simple meal to yourself and/or family with the added benefit of taking a lovely break from the usual/common shopping mall choices with '50-100+ dishes in a single menu'.So, whether you thought it was the chicken or the egg that came first, it doesn't matter. What matters is whether it comes with rice and everything nice...'cause at the Chicken Factory, it absolutely does!…Read More