CHICKEN EGG BOY

Open Now

Now Closed

this is probably the first-ever dine-in cafe dedicated entirely to egg waffles, and you’ll wanna try all their unique sweet & savory flavors paying homage to HK comfort food . the vibes here are  ✨IMMACULATE✨ funky interiors, throwback hits playing in the background, PLUS they’re running a summer promo now — just add HKD12 to pair your gai dan zai with a refreshing drink 🧊But here’s the sweetest part: 100% of their proceeds go to charity, supporting local underprivileged communities. So you’re a

之前響網上見過菠蘿包雞蛋仔，專門慕名而去搵過，但係嗰日佢哋休息，今次終於有機會嚟試到，本來淨係見到雞蛋仔想食以為係好似啲小食檔咁買走take away，冇諗過原來而家食雞蛋仔都咁有儀式感，除咗有多款雞蛋仔選擇，仲可以嘆埋花茶，坐低慢慢食，潮爆嘅裝修更突顯潮人雞蛋仔餐廳慕名而來當然要食鎮店之寶 Q版菠蘿包雞蛋仔，佢地採用自家硏發既雙重酥脆工法製作，質素保持現烤級，比傳統雞蛋仔脆爆三倍，最最最緊要嘅係平時我鍾意食菠蘿包淨係鍾意食佢陳皮，今次可以同步滿足「雞蛋仔+菠蘿包」雙重口癮，望住個製作過程，見到佢嘅外型真係cute 到唔捨得食另外除咗甜味嘅雞蛋仔，仲破格有鹹味嘅雞蛋仔，今次我就試咗好有茶餐廳特色嘅鹹牛肉+蛋既雞蛋仔，經典的鹹牛肉搭配微焦蛋香，濃郁的鹹香與麵糊的微甜形成巧妙平衡最最最不得了，係升級套餐加埋杯花茶，簡直嘆到去咗一間好有港式茶餐廳味道嘅Cafe, 黑糖薑棗暖宮茶同桂花桂圓安神茶都好足料，見到成個茶煲都係紅棗，就知道花茶幾咁濃郁滋味必須再次encore，食過最潮又有儀式感嘅雞蛋仔

完全想像不到開在海味街的一家雞蛋仔，可以這麽火熱，我朋友在附近工作，她說這家店好有型。果然，餐廳設計由裝潢到商品設計，都非常型格又充滿港味。雞蛋仔的款式創意得來，又好傳統，與港式標誌性的美食雙結合。採用自助機點餐。✴️Q版菠蘿包雞蛋仔 $59（每日限量）好特別，每粒雞蛋仔都鋪了一層菠蘿包的酥皮，外型非常可愛，口感酥脆又充滿牛油香蛋香，一剝就掉了，大隻仔店員有提醒最好橫着放，竪着擺好容易碎掉。記得想吃要早，當天最後一份讓我買到了🥰，後面來的就沒有了。✴️雞蛋仔自選 （蛋、火腿、咸牛肉、腸、餐肉） $54茶餐廳標準配置，竟然可以跟雞蛋仔完美結合，這款雞蛋仔口感比較鬆軟，每一粒雞蛋仔都包裹住滿滿的食材，口感非常豐富，每一粒都有開盲盒的感覺。飲品選擇由基本的奶茶／檸檬茶……，最特別就是提供養生茶，最適合我們女生了。飲品：養生茶✴️黑糖薑棗暖宮茶 $49好足料，去核紅棗好多，不太甜，薑味濃但不辣，外賣回家裏喝，加熱水就可以自制續杯了，料好多，味道好久才會變淡，喝下去肚子暖暖的。✴️無花果蜂蜜潤咳茶 $49也是料多到爆，無花果乾／梨乾，甜味來自無花果乾，好溫和的甜味，加了梨乾好順口，也是可以自制續杯。雖然

我一向都超鍾意食雞蛋仔😍，我之前網上見到菠蘿包雞蛋仔已經好想試下🫶🏻🙌🏻。今日我就去到 #上環 一間人氣超高既 @chickeneggboy 食佢地最出名既 #菠蘿包雞蛋仔 。一去到餐廳已經人頭湧湧，而且餐廳環境勁貼地，有幾張枱可以俾大家坐住食雞蛋仔。同埋夏日推介加＄12就有一杯好好味嘅凍飲，真係超級無敵解渴🥰🥰。🧇Q版菠蘿雞蛋仔最出名既「菠蘿包雞蛋仔😋」每一粒都好似個菠蘿包咁，香脆可口，味道適中又唔會過甜，而且佢原味雞蛋仔比出邊嘅雞蛋仔更加好食😋，蛋味同牛油味更香濃香，食完一粒勁想再食多粒，超級超級推介👍🏻👍🏻👍🏻🧇朱古力味雞蛋仔朱古力味道超濃郁，配埋雞蛋仔，簡直絕配，係伶伶的最愛😍🫶🏻，而且味道恰到好處，唔會太甜😋，口感一流阿👍🏻

新開果陣聽到有報導話買一底菠蘿包雞蛋仔排成2-3小時，真係有d 嚇親所以今次過黎都係諗住碰下運氣！！用自助收銀機落order，設有多個打卡牆及堂食位置，冷氣仲好夠涼～今次我等左15分鐘左右就到手！ 菠蘿包雞蛋仔 $59/底每一粒迷你菠蘿包 舖上雞蛋仔上，焗完金黃色，勁靚，食落香甜酥脆而且效果好夾咸牛治雞蛋仔 $39/底呢款超重稱，搣開滿滿咸牛肉同蛋，相對脆度比菠蘿包雞蛋仔爭d配飲品+$12 變套餐都幾抵，仲要係特飲都一樣價龍眼冬瓜茶 凍檸茶

想食特色雞蛋仔🧇要去 #香港雞蛋仔試吓啦❤️入邊有好多唔同味道嘅雞蛋仔可以選擇，仲要係即叫即整嘅，仲要係靚仔哥哥整㗎😻所以等嘅時間係有啲耐～而且人流好多！店內還有幾張枱可以坐下！佢哋Q版菠蘿雞蛋仔最出名㗎，梗係要試吓啦！超好食，希望可以永遠留存下去，好似菠蘿包咁！夏日推介🏖️加$12就有杯凍飲啦！🧇Q版菠蘿雞蛋仔真係每一粒都好似菠蘿咁嘅樣㗎，做得很精緻，蛋味濃郁仲要脆卜卜熱辣辣，小朋友都鍾意食。佢仲有個套餐加$12就有多杯凍飲🥤我哋叫咗杯凍檸賓，真係好解渴。🧇朱古力味雞蛋仔香滑濃郁嘅朱古力味，咬落去朱古力餡真係好豐滿！

好鍾意食雞蛋仔，最近朋友話中上環有一間將港式菠蘿包crossover雞蛋仔的小店，感覺好特別Q版菠蘿包雞蛋仔 $71叫咗個q版嘅菠蘿包雞蛋仔，加咗12蚊要個凍龍眼冬瓜茶。菠蘿包雞蛋仔真係好得意，雞蛋仔表面有一層菠蘿包嗰個酥皮， 雞蛋仔烘到好香脆！凍龍眼冬瓜茶味道清甜，仲飲到啲冬瓜絲添腿蛋治雞蛋仔 $51另一個就叫咗腿蛋治雞蛋仔，同樣加咗12蚊要咗杯凍羅漢果夏枯草茶。 呢款雞蛋仔內餡就加入咗火腿同埋雞蛋，食落真係好還原腿蛋治個味道。 相比起菠蘿包雞蛋仔，呢款食落口感會鬆軟啲，加埋清爽嘅羅漢果夏枯草茶正好

呢間主打「Q版菠蘿包雞蛋仔」，即叫即整，熱辣出爐～外層酥脆、內餡豐富，咸甜口味都有得揀，比起傳統雞蛋仔玩得更加有心思🎉☺️最邪惡莫過於經典菠蘿包味——外脆內軟，有食曲奇嘅feel, 蛋香撲鼻，每粒都獨立分明，搣住一粒一粒食停唔到手😋中間仲呈半空設計，咬落煙韌又夾綿密，層次感爆燈！造型得意又吸睛，不論平日或週末，門口都見到一班三五知己開心排隊等開心食不過我始終最鍾意普通雞蛋仔，呢個當新潮食物可以一試嘅（此為自費試食）

由細到大都很喜愛吃雞蛋仔,但創新又破格的確是第一次嘗試! 菠蘿包雞蛋仔($59)為全港首創,每日限量供應! 店員先製好雞蛋仔,再逐粒鋪上菠蘿包皮後再焗製.每一粒也是菠蘿包仔形狀,非常可愛!新鮮出爐下口感非常鬆脆,微甜不膩.輕鬆清光,值得一試!另外咸牛蛋治雞蛋仔($39)對比之下這款鹹味雞蛋仔感覺很不一樣.鹹牛肉與蛋漿混合,內餡放入雞蛋,鹹甜交織相當過癮.質地不脆口而較軟熟,非常飽肚,作為下午茶必定滿足!小店內人潮不少,有幸能找到座位,建議即叫即食品嚐最新鮮熱辣的,加配清涼飲料更是滋味!

無論由門面、裝修同款式都好有香港特色嘅雞蛋仔，就喺上環搵到🤭又嚟小食當飯食系列，叫左兩份雞蛋仔+兩杯飲品做午餐，都真係夠晒飽🤣✨Q版菠蘿包雞蛋仔 - 外脆內軟，每粒雞蛋仔面頭都有菠蘿脆皮，勁有港式風味情懷，係創意港式小食🤤✨腸蛋包雞蛋仔 - 雞蛋仔包著香腸和雞蛋，鹹香味濃，口感豐富多層次😋✨凍檸賓 - 解渴醒胃，夠晒經典，估唔到呢度有得飲🍷 ✨凍蜂蜜百香果 - 買雞蛋仔+$12就可以配指定凍飲一款，清甜透心涼，蜂蜜結合百香果香氣，消暑又提神🍹

之前喺社交平台見到呢間人氣雞蛋仔店已經想食好耐趁住暑假特登帶希希浟浟去買黎試吓（星期三同星期日係休息㗎🤗大家唔好摸門釘啊）一去到門口已經見到好靚嘅塗鴉牆行上幾級樓梯已經有店員熱情嘅款待入到去有部自助機落單當然第一時間就要嗌個#Q版菠蘿包雞蛋仔 啦🤭每粒菠蘿皮都係人手鋪上去，再入焗爐焗一粒粒迷你Q版菠蘿包勁得意真係可愛到唔捨得食😝食落外脆內軟，真係好似食緊菠蘿包咁嘅感覺🤣我地仲叫左 #餐蛋治雞蛋仔 咬開裏面真係見到粒粒嘅餐肉同蛋每粒都餡料十足鹹香嘅午餐肉配合嫩滑嘅蛋粒同樣係做到外脆內軟，蛋味香濃👍勁有港式茶餐廳風味而家仲做緊Summer Promotion買雞蛋仔 + $12就可選購某啲飲品希希浟浟揀左凍蜂蜜百香果同凍檸賓酸酸甜甜又冰涼，啱晒而家夏天咁熱飲啦呢度除咗有塗鴉牆仲有霓虹燈同埋隻“雞蛋仔”做打卡位又有得食又有得打卡你哋仲唔快啲嚟試吓🤗CHICKEN EGG BOY📍香港上環永樂街148號南和行大廈地下02號舖

♡ 上環人氣菠蘿包雞蛋仔｜Chicken Egg Boy ♡-近排上環呢間雞蛋仔人氣爆燈 好多朋友都去食 🤣 平時食雞蛋仔外賣會腍晒～～ 但係呢度採用咗雙重酥脆工法帶返屋企仲係脆卜卜～～ 咁啱過黎港島區，梗係要試吓佢啦😂-♡ Q版 菠蘿包雞蛋仔 ♡ $59❗️呢款每日都限量發售 ❗️見到好多人都揀呢一款😍拎上手熱辣辣，外層脆皮真係似菠蘿包 勁得意，真係唔捨得食～～雞蛋仔內軟外脆，牛油香微微滲出，甜度剛剛好～～- ♡ 雞蛋仔自選 ♡ $49我哋揀咗腸仔、蛋、餐肉、火腿😌 呢款雞蛋仔甜鹹交錯～～ 腸仔同餐肉煎到微焦好香口，火腿鹹香夾半熟流心蛋超邪惡 甜嘅蛋漿底撞鹹料出奇地夾，充滿港式風味。-♡ 凍華田 ♡ $23飲完透心涼😍-♡ 無花果蜂蜜潤喉茶 ♡ $49睇到無花果肉 喉嚨乾飲一流好滋潤～～ ❥#⇢店鋪資料：CHICKEN EGG BOY (上環)上環永樂街148號南和行大廈地下02號舖

位於上環的創新雞蛋仔店，不是平日外賣小店，而且是在店內透過自助機下單，可選擇外賣，另外還有堂食及打卡影相位置。雞蛋仔本是傳統食物，卻打造成創新的味道，全部即點即製作，所以需時等候。小店新潮型格的設計，無論裝修、食品包裝、店員風格、食物創新，都充滿特色。Q版菠蘿包雞蛋仔菠蘿包及雞蛋仔，兩者可謂「大纜也扯不上」的關係，而這個雞蛋仔就是集合這兩大港式傳統美食。首先製作原味的雞蛋仔，再逐粒加上菠蘿包酥皮，然後逐底烤焗，非常花功夫之作。看上去像一個個迷你的菠蘿包仔，很可愛。每次客人下單，店員會新鮮焗起菠蘿包雞蛋仔等待出爐，保持脆口。味道先是菠蘿包帶牛油酥香味道，後勁就是雞蛋仔的蛋香，口感外脆內鬆軟。 餐蛋治雞蛋仔 這個則是結合了港式茶記元素的口味。雞蛋仔本身甜甜的，加入餐肉蛋後，味道變得鹹香，吃多也不覺膩。每粒雞蛋仔都平均分配餐肉及雞蛋粒粒，每一口都嚐到餐蛋治的滋味，意想不到的配搭。 除了雞蛋仔外，還供應冷熱飲品，咖啡、茶飲，還有養生的熱花茶，解解甜膩。 

香港有越來越多出名嘅雞蛋仔店，款式越嚟越特別，今次試嘅係最近大熱嘅菠蘿包雞蛋仔，唔知超唔超越到傳統嘅雞蛋仔呢😛-呢間店嘅鋪面都算，又有幾張枱可以堂食，咁就一次過試兩款雞蛋仔同埋嘢飲，可以坐低慢慢嘆😎-今次星期六嚟都算多人，因為佢係即叫即整，所以都要預番啲時間等～-等到佢菠蘿包雞蛋仔上枱，聞到好香雞蛋仔味，識落個菠蘿皮好脆，雞蛋仔入面係實心超足料，成粒食真係好似食緊菠蘿包咁🤤另外餐蛋治雞蛋仔都幾有驚喜，成粒嘅餐肉喺入面，鹹味嘅雞蛋仔又幾好味～-飲品就試咗凍嘅龍眼冬瓜茶同埋蜂蜜百香果，飲落微甜，一啖雞蛋仔一啖凍飲啱哂呢啲天氣🥰-原來呢間仲係做慈善嘅店舖，所有盈餘都用作慈善用途，幾推薦大家嚟試吓，又有好嘢食，又可以做吓慈善👍🏻

♥ 菠蘿包雞蛋仔！ 🇭🇰🍍上環創意港式雞蛋仔專門店 ♥✎ (❁ᴗ͈ˬᴗ͈) ༉‧ ♡*.✧
喜歡的話記得like & follow我喔♥終於食到菠蘿包雞蛋仔啦！好食！😋位於上環的「Chicken Egg Boy」將雞蛋仔和茶餐廳元素結合口味，款式獨特，推薦甜款「Q版菠蘿包雞蛋仔」和鹹口的「咸牛肉x雞蛋」雞蛋仔！👍🏻Q版菠蘿包雞蛋仔 $59 一底，每粒都有一層菠蘿包的酥皮，外型可愛，口感酥脆，好像在食迷你脆皮菠蘿包！😍店員會先製作好雞蛋仔，再逐粒鋪上菠蘿包皮，放入焗爐烘焙，創意滿分！另一款鹹口的「咸牛肉x雞蛋」雞蛋仔 $39 也很特別！外脆內軟，內餡濕潤，每口都有咸牛肉和雞蛋，好像在吃咸牛肉蛋三文治！🤣📍CHICKEN EGG BOY 永樂街148號南和行大廈地下02號舖.・。.・゜✭・♥・✫・゜・。.#菠蘿包雞蛋仔 #菠蘿包 #雞蛋仔 #上環 #上環餐廳 #上環美食 #上環必吃 #上環必食