Chickee's (卑路乍街)

Open Now

Now Closed

呢間西九爆紅意粉分店原來就開喺屋企附近😍當日邀請朋友上屋企玩，買咗外賣款式同總店差唔多，價錢會因地段關係會貴幾蚊Openrice外賣自取，等咗5分鐘就有！▶️ 海鮮配海鮮汁意粉 ($58)打開個盒勁香🤤海鮮有大青口、魷魚圈、大蝦，另外有鮑汁車厘茄🦪即使係雪藏貨，味道上冇雪味，而且口感煙韌爽彈海鮮醬汁係靈魂😋味道濃郁，有少少龍蝦湯味多醬到沾滿每條意粉，唔會水汪汪，反而有啲creamy炒入咗洋蔥粒更加香口🧅雖然用一般意大利粉🍝但質感拿捏得啱啱好，食落唔會太爛或硬▶️ 白酒牛油汁蜆肉意大利粉 ($58)朋友’s蜆肉份量好足，有鮮味仲有唔少一塊塊煙肉 (唔係一粒粒)🥓醬汁一樣好多，令意粉食落唔乾爭爭白酒牛油汁冇海鮮汁咁濃味🧄但重蒜蓉香欣賞佢唔油膩👍🏻因為出面某啲餐廳會炒到啲意粉油淋淋但反而好乾又無味-兩款意粉調味好到位❤️而且配料份量足唔係屋企可以簡單炒到嘅味道食得出背後花嘅功夫同心機個人會比較喜歡海鮮醬汁份量同西九嗰間一樣咁多🤯一人一兜好夠飽肚落單即炒，10分鐘之內有得自取，好快手外賣返屋企仲暖笠笠出煙平均$60/人，仲要減埋本身原有rice dollar，超抵🔥真係難怪成為西九龍中心火爆店，支持

第一次經過發現呢間小店。叫咗個芫荽蒜片香辣大蝦意大利粉同白酒牛油汁煮蜆意大利粉！非常好食, 高級餐廳水準！坐車返屋企嘅時候香到成架車都聞到!!支持本地小店!! 加油!!!

呢間餐廳已經食過好多次！60幾蚊一個意粉，份量多到覺得可以兩個人或者分兩餐食。佢地每款意粉都好好味，而且配料份量都多，我最鍾意卡邦尼意粉同麻辣油封鴨脾意粉！！！建議店主之後加多幾款面，咁我就會日日買黎食！

呢間可以話係堅尼地城區內意粉外賣店性價比之最！！每次想食意粉都會第一時諗起佢，最鐘意叫佢個煙肉卡邦尼意粉，汁夠濃又掛到落意粉度，然後再配埋隻温泉蛋，撈埋一齊食真係無得輸。最重要既係佢個價錢好實惠，行遠少少都無所謂。

良心小店，已經幫襯過幾次，食物乾淨，店主非常友善，香煎三文魚配意式茄汁意粉冇得輸，心心愛上咗呢一道菜，今次想試吓改變口味轉食飯，大廚好人到居然接受我意見，將意粉轉做意大利飯，味道出奇地搭念感，我呢啲微不足道嘅客人，多謝大廚貼心尊重。大家行過路過，千祈唔好錯過這一間小店❤️❤️❤️❤️

昨日帶咗卡邦尼意粉 &肉醬意粉返屋企，本來想慢慢食，試真啲味~不過，我中間行開咗，再歸位開餐時，咪都無哂了😂好嘅野，就係會好快消失😂問屋企人覺得點，佢哋就話👉啲意粉（一）味道好讚💯遠超普通平價意粉👍係味蕾大滿足（二）份量好夠🤤唔係兩三啖就無哂👍係大胃王佳音鋪頭啲職員好nice🌈有人情味嘅小店💖職員同我介紹佢哋正宗嘅意大利飯🤤聽到都好想食🤤不過今次試咗意粉先😎之後再去試意大利飯~

路過時，小店不起眼，原來深水埗同一間店今日買左2樣食物明太子海鮮爆薯，外脆內軟好好味卡邦尼溫泉旦意粉$48可能因為外賣先咁平係區內搵唔到咁平意粉，仲要係好味食完勁飽肚店主好好人，我想加d菇，佢都唔駛加錢加比你。

見佢評價唔差，價錢又相對實惠，所以即管外賣試吓，但應該冇下次。沙律價錢比意粉貴少少，以為質素應該好少少，點知勁唔新鮮，啲牛油果有黑點又硬（未熟），啲沙律菜又霉霉地，有少少失望😮‍💨

係到試叫到會，有驚喜👍🏻原來西餅蛋糕都好出色🎂牛乳芒果蛋糕：芒果好甜，cream 好滑，而且蛋糕內有勁多一粒粒芒果肉，一啲都唔馬虎🍰伯爵茶千層蛋糕：啖啖茶香，層次分明，水準之作爆薯有驚喜，大大粒，2款味道都特別，材料滿滿；意大利飯好正宗，口感剛剛好，唔會太膩太鹹；黃金雞球的芝士很濃厚，好惹味；香辣蒜片大蝦意粉又唔會炒到一舊舊，少少辣👍🏻大讚👍🏻Whatapps 落單方便，職員回覆快捷有禮💕

雖然沒有堂食 但外賣到家品嚐也使人喜出望外點了“芫茜蒜片香辣大蝦意粉“芫茜太少 可以加多一點蝦很彈牙 沒有雪藏味意粉煮得剛好的軟硬度調味也不太重手期待下次的點餐也同樣出色

已經幫襯過好幾次，今次就寫個食評個意粉其實咁嘅價錢嚟講算係幾好食、同埋最緊要係掛汁每啖意粉都可以食到有味，唔係汁同意粉分開同埋軟硬度我覺得啱啱好，唔會太淋今次食嘅係香草雞柳意粉（大約嘅名lol）拎返公司食之後啲同事都話好香😂😂希望佢唔會咁快執，起喺依個位都算幾易miss，依兩條街啲舖又成日流轉，保持水準應該可以繼續喺度立足🥹外賣店嚟講服務算係咁有一次夜晚佢咁啱執緊嘢洗緊嘢，但未夠鐘閂門，入去問咗句仲嗌唔嗌得，佢哋都肯幫我整（你知㗎啦，有啲舖可能真係會reject想早收工㗎嘛）唔post相了，張相影得衰，希望都值得你哋參考我依個食評啦～

天氣太熱，唔想食飯類，又想飲凍咖啡☕️最後冇揀外賣壽司，揀左呢間意粉，咁岩做緊優惠包野飲，用左openrice 外賣就$44埋單，仲免費升級送心機expresso tonic， 店員好有禮貌，特登雪住杯咖啡，等到我來拎先拎出嚟！未食己經好期待，味道依舊好食，啲芝士白汁好多，煙肉比上次多咖啡好岩我呢啲飲唔到好苦，平時都係飲奶啡既小朋友，tonic氣泡好醒神開胃，個配搭有啲似韓國啲pizza 炸雞店。Weekend 唔想煮，呢間都係係我既首選，不過今日太熱，胃口冇咁大，就冇叫到佢個爆薯，希望佢哋都出啲岩夏天食既小食啦

用app嗌定真係好方便，好方便睇到有咩揀同落單進度。今次就預早9個字嗌定，一去到就拎得，唔使等。拎到返公司食，大約5分鐘左右嘅步程，打開盒蓋仲係熱辣辣，證明食店有計好取餐時間先整，唔係一早整定擺到唔熱，抵讚。睇過食評話爆薯必試，就嗌咗煙鴨胸蜜糖芥茉，的確好好味，一個有啲唔夠喉添。主食就卡邦尼意粉，都幾creamy，煙肉都算多，份量都夠一人嘅。總括，$44+$29，算okay平，嘢食好好，下次會再去。

第二次再叫外賣自取, 因為好有水準, 所以要好好支持一下🤗首先, 我最鐘意食炒意粉, 炒得乾身又唔油, 仲要辣辣地好惹味🥰Carbonara又香又滑我老公大讚👍估唔到小店竟然油封鴨意粉食, 好大份又有質素😍仲有各款爆薯, 個味調得好好味💗最啱大愛焗薯既我。最後, 我平時都唔太鐘意南瓜既草青味, 但里個南瓜意大利飯加咗蕃茄令到佢超好食😍 大家一定要試下🤗

見到有新店開張， 即刻去試下買外賣。見之前食評大家都推薦爆薯，於是今次試左兩款爆薯，黑松露蛋沙律爆薯同煙鴨胸蜜糖芥末汁爆薯，仲有海鮮龍蝦汁意大利粉和溫泉蛋卡邦尼意大利粉，黃金雞翼同牛油雞翼。爆薯內裡係薯蓉texture配埋黑松露蛋醬真是超好食，鴨胸個款略嫌太多醬，會濃味得濟。2款意粉都好出色，物超所值。雞翼太細隻，建議用返啲大size 啲的雞翼會好啲。總括來講，價錢十分實惠，爆薯好好食， 意粉亦好正，可以再encore