大家姐 (Closed)

依間野真係食完後悔。。荃灣咁多好野食，浪費時間金錢係依間店。一食就知係無誠意作品。難食。求其。為求速食之作。。枱上菜莆都係水準之下。。極碎，感到隨意之作。油渣麵，碗仔翅，魚旦，三樣都係不敢回頭之物。。魚旦用細細粒便宜辣椒粉醬調味，硬要我買$10..明明個紙寫住$8.碗仔翅很稀，沒什麼內容，失望，油渣麵所有野都係求其之感，水準之下，就算大碗都感覺好細。在此寫下提醒自己！

雖然大家姐開好耐，但每次經過都好多人，唔會去食，今次係附近做完野有啲肚餓，咁岩舖頭又無咩人，就順理成章入去食。一坐低就嚇親，張枱好污糟，相睇唔清楚，真實環境好似好耐無清潔過，但心諗都黎到就試下，平時咁多人係門口。問阿姐攞張menu，又係好污糟，食物價錢正常，叫左個碗仔翅同辣魚蛋，黎到簡直係慘不忍睹。2樣食物都係杰撻撻，明顯好大方落左好多生粉，變左係漿😫魚蛋味道好單薄，無咁味。唔明白點解咁多人食...定係我叫錯野食？

14:50分去買煎釀三寶！！！班呀姐態度極差！！！高談闊論客人！！！食物一d 都唔熱！凍哂！一d 都唔好味！！！買十蚊三寶汁3件豆腐同魚蛋比我！我話想要青蕉佢話叫我加多十蚊！係味x店黎？我無當場同佢地嘈！點解黎買野可以受到咁既對待？野食唔掂都算，請埋d 咁既呀姐反黎真係陰功！！！黎買野食好似黎受你地氣咁！！呢啲咁既小食店真係請我都唔會再食！無下次！！睇到留言咁多負評！！大家小心 唔好再幫襯佢地！！！！！！

本身唔係住依頭, 而且少過黎依邊, 一年先泥荃灣幾次, 但每次黎既第一站多數係大家姐, 買佢既煎釀三寶過下癮。 最中意食既就係佢個炸雲吞皮, 唔係度度賣3寶都有雲吞皮, 就算有又未必好食。依個雲吞皮鬆脆香口, 入口又唔會好油淋淋, 好食。第二必食就係魚蛋, 幾彈牙。其他就不過不失。

每次行過荃豐中心都會見到好多人在商場口的「大家姐」食店在買外賣或堂食，他們的食物種類很多，想必有一定的水準。今日行過買咗煎釀三寶， $10有三件而且係大大件的，我選了魚蛋、青椒和豆腐，香噴噴熱辣辣加上少少他們的豉油，很不錯哦。魚蛋很大粒，當然咁嘅價錢唔係純魚肉，但味道不錯而且魚肉打得好結實。青椒釀咗一片薄薄的魚肉，都幾好食，豆腐就炸得酥脆，作為小食真係very good。

今日(2-11-2019 Sat)同老公喺荃灣遊盪,到食飯時間,佢話要食嘢,諗住去食四川風味食粉皮,但行經呢喥時,我嗅到沙爹味,應該係有沙爹串燒食,就停低睇睇,但佢嘅menu寫泰式,我驚好辣嗰隻,老公就問店員係味沙爹醬?佢答係.於是決定喺呢間輕食.我哋行入去,見到係有位但分開嘅,個亞姐似想幫我叫客人坐埋一邊又唔似,都唔知做乜,最後佢都幫我哋叫咗一個客人坐埋一邊,咁我哋就有位坐,我哋研究完後,老公要出去逐樣買,我哋食咗:1. $22.00嘅大碗仔翅熱騰騰嘅,一食就食到好濃嘅冬菇味,味道正常.2. $22.00兩串嘅串燒要豬頸肉同雞肉,沙爹醬都幾稀,又只有甜味,豬頸肉感覺好油膩;雞肉口感比較實.3. $20.00有7件嘅煎釀三寶老公自己要咗魚蛋,豆腐各兩件,尖椒,紅腸,番薯.老公一人食晒條尖椒,其餘嘅我都係黐食,番薯薄薄一件,係正常嘅甜;魚蛋算大粒但唔算爽口;豆腐一般正常.4. $28.00嘅仙草黑糖十字奶舊涼粉好大舊,好飽肚,黑糖份量啱啱好.5. $30.00嘅黑糖珍珠十字奶我只食黑糖珍珠,味道同口感都正常.味道係2.83分, 抵食係1.6分服務:其實我一開始就同老公講要$17.0細嘅碗

20蚊有腸粉，4粒魚蛋，4粒燒賣一碗。還有其他配撘都是20蚊，偶爾想吃小食都會走來光顧這間店的，燒賣好好食。店內提供堂食和外賣，他們在荃灣已開業多年，可算是老店了。

大家姐是位於荃豐中心門口的小食店，有各式各樣的香港地道小食，非常適合當下午茶，唯一的大問題是坐位的間距太狹窄，坐得好唔舒服辛辣魚蛋細細粒好彈牙燒賣是小丁食過最好味的非一般的彈牙燒賣一點都不會粉粉的，為何別家都不賣這款燒賣呢？魚肉翅用料不多，但平民價錢性價比還是很高的最後必試的是他們的沙嗲串燒，因為那秘製的沙嗲汁實在是非常非常好味，配任何肉類都令人胃口大增如果可以跟飯跟菜就好啦，可以考慮出午餐

呢間大家姐通常我會幫襯食魚肉翅、腸粉燒賣、煎釀三寶，食物質素我覺得尚算OK，不過我覺得服務就唔OK，雖然呢D小舖你唔會期望佢有咩服務俾到你，但D阿姐黑口黑面同唔休做既態度真係好趕客，仲要成日唔問人就加多一兩粒燒賣收多你幾蚊，最最最難頂係D阿姐實在好鍾意掛住自己吹水，有人買野又唔理，最討厭係佢地成日對住D食物大大聲係咁講，我真係唔想食你D口水囉！唔該帶返個口罩先啦！

生菜魚肉略嫌份量實在小了一點,生菜很少，魚肉很淡味，價錢亦比較同區貴幾元，煎釀三寶實在令人很失望，感覺炸完放了一段時間，不熱，三寶上的魚肉真的很小很小，我們買的外賣其中一件還欠缺了魚肉

星期六朝去 荃豐大家姐 買早餐堂食，2個人2個餐再加左10蚊燒賣，2杯奶茶。坐底之後，我發現唔夠燒賣！朋友叫2號餐應有7粒燒賣同腸粉。我叫4號，有腸粉，一粒牛肉球，3粒魚蛋同3粒燒賣。而餐牌上8蚊有5粒燒賣，即係我地如果只有15粒，其實都俾人呃左2蚊。但是我地發現一共只有7粒燒賣。我和店中呀姐理論，我清楚解釋3+7+5=15，佢仲睜大眼話唔係！。呀姐態度"大媽"，廚房中的另一件大媽亦出來，但她說"算啦俾返佢"。好似我呃佢咁。已經有被人侮辱的感覺！但只送上兩粒燒賣。即係仲呃緊我最少5粒燒賣。仲有魚蛋未計!結論係:1. 廚房阿姐發緊夢2. 全店員工極度無恥 / 嚴重弱智！3. 有呃錢之兼本來以為係單一事件，但原來已有人係Open Rice寫過，咁就係極不要得。(睇過Open Rice 的creditability 偏底)我以後唔會再幫襯!如果想食腸粉燒賣都要好似食Omaskase 咁咪就去幫襯，仲要睇啲大媽面色！我只係想食燒賣啫，俾左錢都唔得？收錢識收多$2，數食物數少俾我…

星期六朝去買早餐堂食，2個人叫2個餐再加左10蚊燒賣，2杯奶茶。坐底之後，女友發現唔夠燒賣！我叫2號餐應有7粒燒賣同腸粉。老婆叫4號餐，本應有腸粉，一粒牛肉球，3粒魚蛋同3粒燒賣。而餐牌上8蚊巳有5粒燒賣，即係我地如果只有15粒，其實都俾人呃左2蚊。而且我地發現2個加埋只共有7粒燒賣。'而且，我果份有4粒魚蛋，我第一次意會到佢俾左女友個餐的魚蛋我，再數，我意會到原來佢俾錯左一號餐我。跟位，心中已發現4號果份冇魚蛋。但因燒賣走數，老婆已和店中呀姐理論。呀姐態度"大媽"，廚房中的另一件大媽亦出來，但她說，算啦俾返佢。好似係我地呃佢咁，感覺被侮辱。但最後只送上兩粒燒賣。即係仲呃緊我最少5粒燒賣。仲有魚蛋未計！結論係:1. 廚房呀姐發緊夢2. 店員態度惡劣3. 有呃錢之兼本來以為係單一事件，但原來已有人寫過，咁就係一貫作風，呃得就呃！我以後唔會再幫襯!

繼續搵平西比大家 🤤 呢間嘢，我細細個就食到大啦，想食小食一定黎呢到，兩溝翅燒賣腸粉都唔錯，串燒燒得靚，啲汁又正，食過嘅人就知咩料，另外仲有抵食嘅煎釀三寶呀，除左呢啲 jeng snack 之外仲有回饋街坊平飯食，#魚香茄子飯 $15，十五蚊一個飯真係抵到笑死呀喂，驚唔飽仲可以 +$5 加大，咁當然唔係大部分比白飯你啦，係真係多魚香茄子，撈飯係冇得輸，係窮豬界嘅寶物 🤤-大家姐荃灣青山道 144-172 號荃豐中心 1 樓

見呢間小食店平時都多人買，以為唔會難食得去邊，冇衛生，服務同環境可言，阿叔我第一次買，呢間嘢隔離仲有間叫大家姐·茶，望落你都唔會想飲嘅舖頭，$16/5件 煎釀三寶，價錢都唔平，但我記得塊板寫$15/5件，唔知係我記錯定佢找少錢。話佢哋煎釀三寶好食嘅係咪食開s呢睇相你都知難食啦1.魚蛋 好痴牙，細粒，平時食開垃圾嘅母親都話唔好食2.豆腐上面魚肉得一小片，豆腐又係好細嚿，冇咩味，難食，咬咗一啖就冇食3.青椒魚肉係我半隻手指咁大，青椒都係青椒味，冇咸味，表面好油原本叫咗茹子但冇俾我，自問要求唔高，咁多年嚟未食過咁難食嘅煎釀三寶，屋企隻狗聞到都走，可能呢間嘢有其他正常食物，但我就唔會再幫襯。

經過天橋個位有啲肚餓就入去食少少野。叫咗個細魚肉翅同埋燒賣，然後比張唔$500，阿姐叫我比八達通。門口又冇寫$500唔收得。講真依家$500算係啲乜錢咁都冇得找？唔緊要，我比八達通。佢收我$29 ，然後我都冇為意。但之後望一望餐牌細魚肉翅$19 ，燒賣$8，咁點解會係$29？我問阿姐，阿姐話燒賣幫你加大左， $10有7粒抵食好多。但個餐牌完全冇寫係有$10 7粒呢個選擇，而且佢都冇問過我。不過我都算，但係我見之後入嚟嗌燒賣嘅人阿姐全部都會同佢加大而且唔會問，另外要其他嘢都係，阿姐全部會自動幫你加大又或者佢會同你講加大抵食好多。然後我計返，加大每粒燒賣平毫幾子乜抵食好多咩？如果唔係睇餐牌都唔知佢咁樣呃人。唔係嗰$2嘅問題，而係佢地好唔老實，唔問人就收多你幾蚊，個個都收多幾蚊佢就真心賺好多喇。仲好意思同我講抵d，抵d你會自動加俾我？我岀去食飯都唔會話同我加底啦，麥當勞都唔會自己同你升級話抵食好多啦，同屈有乜分別？