祥香園餐廳

Open Now

Now Closed

做完運動，大概下午5點，見肚餓，在灣仔道走走。走到以前的瑞士冰室，現在改為祥香園，仍然是舊時香港冰室風格。祥香園裝修好有心思，頭頂有寫住蛋撻的燈箱。雖然有點嘈吵，但員工態度非常友善。價格方面不算便宜，但我還是選擇了正價的奄列餐，並且很快就上菜了。鰻魚奄列配丹麥多士和叉燒湯意粉，再加上一杯熱奶茶。整體上，食物的味道不錯，份量也很足夠。叉燒湯意粉的湯頭濃郁，不會太咸，也沒有大量的味精。意粉和叉燒也比一般常餐多。丹麥多士上面有一小片牛油，口感還不錯，不算特別鬆軟但也不會太硬。鰻魚奄列的份量比想像中大，裡面有很多鰻魚肉，但我個人不太喜歡過多的汁醬。奶茶的味道不錯，算是還可以。比較可惜的是，原來晚上6點就關門了，不提供晚市，無法悠閒地享受食物。

要找一間香港老字號茶餐廳祥香園一定是我的首選多年來在西環製作地道又好吃的港式茶餐朋友到港旅遊，都會帶他們來現在灣仔重開了味道依然保持水準懷舊冰室當然要食港式茶餐✨沙嗲牛肉通粉 配 白汁雞皇奄列沙嗲味道濃郁，通粉好大碗好少冰室有啖啖肉的雞皇奄列．份量滿滿下次可以試下鰻魚奄列，應該都唔錯✨樽裝朱古力奶 也是我兒時的味道蛋撻同麵包，也是每天新鮮製造餡料豐富，比一般的更大個必食✨菠蘿紅豆包✨蓮蓉雞尾包✨港式蛋撻

相信对港片熟悉的同学一定对香港特有的“茶餐厅”印象深刻，但大都没有亲身体验过。今日午市正好有时间，来湾仔的这家老字号“祥香园”茶餐厅试一试，正宗的“港片味道”！ 作为一间始于1967年，有着接近60年历史的茶餐厅，从装修到口味，处处都是正宗的“老港味”～ ⭐1.瑞士鸡腿 鸡腿超级多汁，而且咸甜适中，比一般街边店的味道会正很多！ ⭐2.薄切牛扒 现烤的牛排非常香！没有科技感！最关键的是，暖乎乎的，冬天吃起来特别舒服！ ⭐3.香煎鸡扒 鸡扒也很有特点，主打一个鲜嫩多汁，而且吃起来一点都不会很硬，吃起来特别舒服！ ⭐4.火腿奄列➕热狗 奄列是香港茶餐厅的一大特色，就是有点像纯鸡蛋做的鸡蛋卷，味道特别棒！热狗也很standard～ 整体而言，这家店味道相当棒，复古的卡座，港片味的装修，绝对物超所值！

秋高氣爽🍁，又係時候出動去行山啦⛰️，不過今日仲好曬，揀咗個多樹蔭嘅地方行🏝，就由灣仔峽道出發啦。出發之前先同閨蜜喺附近嘅祥香園食個早餐先🍴。 早餐款式多不勝數，我叫咗個豪華極品系列嘅早餐，雪菜肉絲米粉配美式熱狗同埋香煎火腿奄列，加杯熱檸蜜，相當滿足。雪菜肉絲米粉熱辣辣，湯底夠味，唔似得有啲茶餐廳個湯底好似滾水咁淡，米粉亦爽口。 美式熱狗超大個🌭，個包係烘過，誠意十足，香腸上有大量沙律醬，非常邪惡😈。 香煎火腿奄列漲卜卜，火腿絲份量夠多，蛋都算嫩滑，充滿牛油香味。 朋友揀咗歐陸風情早餐，香煎雞扒配炒滑蛋，茄汁豆，薯餅， 丹麥多士，同cafe 嘅all day breakfast 一樣，不過性價比就高好多。 聽聞祥香園喺西環屹立多年喺上年告別，最近先喺灣仔重開，必定要試埋呢度最馳名嘅蓮蓉雞尾包，新鮮出爐熱辣辣，個包拎起好有份量，感覺真材實料，蓮蓉餡亦夠多，甜度適中。另外再試埋個提子包都唔錯，同樣咁有份量。

📍祥香園餐廳 - 灣仔又到左我每日都諗嘅問題啦😂灣仔lunch食咩好呢？無目的地咁行行下嚟到一間特式茶餐廳🤔門面開揚光猛又有好多食客等緊😋咁我都唔執輸等埋一份先！睇左陣menu等左一陣間就有位可以入去坐低等食啦😋男人的浪漫餐 - $72薄切牛扒+腸仔福字麵(配火腿奄列＆菠蘿油)熱奶茶雖然叫做男人的浪漫😂但係女人食都一樣咁浪漫😋今日想食好啲加左6蚊轉公仔麵🍜識食就一定落麻油先夠香㗎嘛！麵質可以自己選擇👍🏻我揀左爽口食落都幾彈牙！薄切牛扒大大塊🐮火腿奄列好多火腿餡😋仲有腸仔作為午餐好豐富👍🏻最鐘意個新鮮出爐菠蘿油😋牛油係菠蘿包入面溶溶地！菠蘿包脆皮新鮮焗起脆口！再飲啖香滑奶茶🤤雖然好邪惡不真好正😈返工咁耐第一次行嚟呢邊😳估唔到呢頭都有好多餐廳食肆👍🏻下次再帶同事嚟試埋其他野食先！📍祥香園餐廳灣仔灣仔道128-150號明豐大廈1樓B號舖

晨早去了灣仔峽道行山，天氣晴朗，心情特別愉快。中午快到，行落灣仔搵食。大家都話想食冰室，茶餐廳之類，上綱找到了一間充滿懐舊氣色嘅茶餐廳多數係卡座位，非常舒服。火腿奄列做得不錯，有少許蛋漿流出，不會過老。薄切牛扒，腸仔辛辣麵嘩！塊牛扒大大件，超抵食。肉質軟腍。麵底可選淋身或爽口，揀了爽口的，果然有嚼口。菠蘿油勁邪惡，一大塊牛油夾在中間，面層菠蘿皮酥脆，麵包軟熟。奶茶味道夠香濃又滑溜，傳統口味，好飲。

以前住西環都冇乜人唔識祥香園，之後唔知咩事執咗，最近發現原來佢喺灣仔重新開張，即刻回味下兒時嘅味道。🥰餐廳當然比西環鋪的時候新淨好多，正常茶餐廳價錢，不過呢度特別少少係麵餐加錢除咗可以轉出前一丁，仲可以加$轉辛辣麵，我就叫咗辛辣麵，豬扒厚薄適中，唔會乾爭爭，但最驚喜都係有個超級大嘅熱狗，我要強調真係超級大，我終於明白個餐點解叫做男人的浪漫，因為食完之後真係一個大男人都會非常飽。另外叫咗個牛腩咖喱飯，牛腩炆得好琳，咖喱好香好重芝士味，我哋仲叫咗西環三寶，最特別嘅依然保留有蓮蓉餡嘅雞尾包，同埋新鮮出爐嘅叉燒酥，蓮蓉餡份量好多，我個人覺得偏甜，不過小朋友就非常鍾意，而叉燒酥見到新鮮出爐，外脆內軟，非常好味，今餐雖然係食茶餐廳，食返呢個懷舊嘅味道，我都覺得好滿足。

西環半世紀老店 🇭🇰 祥香園餐廳𝐂𝐡𝐞𝐮𝐧𝐠 𝐇𝐞𝐮𝐧𝐠 𝐓𝐞𝐚 𝐑𝐞𝐬𝐭𝐚𝐮𝐫𝐚𝐧𝐭(⁎⁍̴̛ᴗ⁍̴̛⁎)，在灣仔重開啦!! 曾被譽為港島區西環三寶之一，除了歷史悠久，食物質素當然有保證啦(≧▽≦)～ 茶餐廳重開不久，裝潢保留懷舊茶餐廳風格，打卡一流。餐廳延續舊店招牌，主打茶記美食及傳統港式麵包😍。作為懷舊控及麵包控，當然要去試試啦～ ☆ 濃香咖喱焗牛坑腩🍛$76 充滿咖喱香的牛坑腩飯，咖喱醬香濃又惹味。飯底煙靭乾爽，牛坑腩非常軟腍，不錯!!! ☆ 鮮油咸牛蕃茄炒蛋菠蘿包🍅$45 招牌菠蘿包，質素果然高!!! 曲奇般酥脆的菠蘿包皮，香甜又香甜，麵包鬆軟，炒蛋滑嫩，必吃!!! ☆ 漢堡扒芝士煎蛋菠蘿包🧀$45 另一款菠蘿包有西式元素，味道鹹香，也不錯哦～ ☆ 曲奇蛋撻🍳$8 曲奇蛋撻，皮脆餡嫩🥹。曲奇皮厚薄適中，蛋餡滑甜。 ☆ 叉燒酥🐽$8 叉燒酥酥化，叉燒餡帶甜，也好吃～ 下次要試試餐廳鎮店之寶，蓮蓉雞尾包😙，流口水啦～

屹立系西環近半世紀既「西環三寶」之一的祥香茶餐廳終於系灣仔重開番喇🎊新店個名叫做《祥香園》；舊店招牌必食既蓮蓉雞尾包、蛋撻、菠蘿包、港式奶茶、香滑鴛鴦等終於可以系新店食得番喇🤣咁啱經過，等我都入去試吓睇吓呢間新店保唔保留到老店既水準先🤣我地食左：👉🏻✨雞扒腸福麵套餐🍜✨ $66全程電子落單夠哂方便👍🏻香煎雞扒夠哂厚實，油香十足；腸仔微微煎香，夠唒香口；福麵麵底仲可以自選爽d或淋身d，中意咩口感都得，夠哂貼心 ❤️火腿奄列配菠蘿包奄列蛋香濃郁，切落去仲有蛋汁滲出梨，正👍🏻招牌菠蘿包菠蘿包包皮上面既脆皮好夠脆，甜甜地好香牛油味👍🏻包芯軟綿綿👍🏻咬落去脆軟都有，好有口感👍🏻✨蛋撻✨X3 $24蛋撻牛油皮好鬆化，牛油味夠晒重，入面蛋漿夠晒滑溜又唔會太甜，好味😋✨臘味排骨籠仔飯✨$68一上枱就已經覺得荷香撲鼻，臘味有臘腸同臘肉，唔會太肥，油潤惹味！排骨肥瘦適中、份量頗多👍🏻飯底係蛋炒飯，炒飯索哂荷葉嘅香味，香到不得了👍🏻好快就清晒碟🍽️跟餐飲品：✨凍奶茶✨奶茶茶味香醇濃厚，茶味好出，夠哂絲滑，奶茶界既世－👍🏻✨龍鳳檸7✨所謂龍鳯檸7就即係咸檸加新鮮檸檬再加7喜汽水，味道鹹鹹甜甜，非常開胃🤣好快就比我

屹立香港50多年嘅「祥香園餐廳」結束咗堅尼地城舊店前🇭🇰估唔到新舖搬咗嚟灣仔😱即刻去食翻餐😜.拿破崙大蝦意粉🍝爽彈大蝦🦐加上彩椒絲🫑茄粒🍅菇菌🍄酸甜開胃，香濃茄汁味道😋.叉燒煎蛋飯🍚叉燒偏瘦🐖帶少少脂肪，普通豉油汁，加上雙煎太陽蛋🍳拌埋白飯食🥢好滿足🤤不過如果係蜜汁叉燒就更好🥺.咖央西多士🍞西多士內外滿佈蛋汁🥚金黃香脆，富有蛋味😆內裡有一層咖央醬😬糖漿同牛油都可以自行揀加唔加🍯🧈.美式熱狗🌭香腸好大條😍加上番茄🥗生菜🥬沙律醬🤍簡單滋味😛.熱檸樂加薑🔥不論檸檬🍋薑定可樂味道都好夠濃🫚冬天飲就啱晒☺️.樽裝朱奶🍫.熱奶茶(2杯)🫖茶味香濃順滑😌

祥香園餐廳地址: 灣仔灣仔道128-150號明豐大廈1樓B號舖電話: =====================祥香園係西營盤好出名，佢的獨創蓮蓉雞尾包，在舊舖時好多心都專登去買架。雞尾包原是椰絲牛油白糖餡，佢就轉了用蓮蓉！舊舖無左仲以為會自始食唔到，新舖請返原麵包師博，食返同一個味個時舊舖好多年歷史欠維修，女朋友都厭棄個環境，灣仔新架店就舒服多了$69 扒餐，豬扒搭煎蛋（跟飯/意粉）蒜蓉汁大大碟好飽肚咖哩牛腩飯好多芝士 ，香濃咖哩汁好香好食，辣辣地滋味。個焗飯是炒底。奶茶配返包，見是真絲襪奶茶，茶香突出，見水吧來回拉幾之沖出茶底。個包真是好好食，留肚

中午經過灣仔，原本想搵去開啲茶記醫肚，途中見到張填滿蛋撻的poster, 寫住祥香園。本來見到乜乜園，好怕好似一D新開冰室，質素難料，但後來見到 「Est 1967」，歴史悠久 （後來才知由堅尼地城搬來，名聲不俗），又鍾意飲奶茶，就上去試一試。上一層樓梯去到餐廳，好多人等位，收銀處有等候區，可以坐住等👍餐廳似冰室，乾淨企理本來想點菠蘿包餐，但失魂只係見到菠蘿包加福麵，本身對福一般，所以點了窩🥚焗肉醬飯加茶走。食物上枱，奶🍵👍，但茶味不算好濃（但我記得點餐app 有濃啲依個option, 只係自己無選）焗飯則有驚喜，肉醬唔會有好乾嘅肉粒，汁不過酸或過甜，蛋戳下去流汁（窩蛋呀嘛😄），好味。臨走前見到隔籬枱食客好似鋸扒咁食大大個菠蘿包加奄列，才發現有這樣的餐，等我下次再試吓為食指數外觀：8/10味道：8/10飽肚：8/105碗滿分

離職將至， farewell 餐局開始啦～同事介紹試灣仔一間充滿懷舊色彩的茶餐廳。 風味十足， 亦有新舊不同的感覺。（5⭐️最高）鹹蛋蒸肉餅（5⭐️）肉餅爽口彈牙， 甘香滋味， 份量十足。 鹹蛋味道十分配合肉餅。肉汁又夠多， 一碗飯真係唔夠😂芝士鮮茄豬扒意粉（5⭐️）超香芝士🧀， 配上爽口彈牙意粉， 鮮茄甜度適中， 豬扒煮得超冧， 而且好大件👍🏻。 勝價比超高👍🏻🥰叉燒飽（5⭐️）超多叉燒，而且皮鄙薄餡靚。傳統嘅叉燒包唔同🫶🏻，包面上冇蜜糖揸上， 無甘甜👍🏻叉燒酥（5⭐️）跟傳統不一樣， 麥芽糖比較小，份量比較大。而味道都比較清淡一點😂。菠蘿包（5⭐️）香軟甘香， 表上的酥皮爽口鬆脆。 有陣陣的牛油香味🫶🏻。

最近一圓細個嘅夢想，終於的起心肝去學琴🎹不過啲時間好難就，唯有一早去上堂！呢個時候當然要食返個靚早餐🍳呢間嘅「歐陸早餐」好吸引，有豬扒、火腿炒蛋、薯餅和丹麥多士，相當豐盛丹麥多士外皮酥脆，內裡柔軟，充滿着牛油香，真係勁好食豬扒味道較濃味，而且比較油膩！不過其肉質好爽嫩，係一個加分位薯餅係新鮮熱辣的，外層金黃酥脆，內裡蓬鬆的馬鈴薯粒❤️另外，其他麵食早餐會跟自家製嘅出爐麵包可以揀菠蘿包、合桃提子包、蓮蓉雞尾包、叉燒包、吞拿魚包🥯朋友就揀左菠蘿包，包型好完整，麵包口感綿密度高，食完好飽肚面層嘅脆脆唔會跌到四圍都係，不過個人覺得味道偏甜左‼️

見到祥香園，寫西環三寶，Since 1967，一定會聯想到已關閉的西環祥香，灣仔呢間一定同西環無關，個沙爹牛麵同西環祥香比實在差太遠了，沙爹汁味道肯定唔係，牛肉鬆散無牛肉味，同西環祥香獨特沙爹汁、有咬口有牛肉味的沙爹牛肉實在差得太遠了。依家香港食店都「錯誤引導」（呃人），搞壞香港個名吖吖……………………………………………………………………………….😡😡