Video
2-min walk from Exit B3, Sung Wong Toi Station
continue reading
Opening Hours
9:00-23:00
Above information is for reference only. Please check details with the restaurant.
經過見到 一間 賣懷舊港式糕點嘅店｡ 店內擺滿好多款吾同嘅糕點 比佢吸引到 跟住就買左幾件試試佢。 店員話佢地芒果糯米糍出名 就買左幾件試下 芒果糯米糍 好大一個 。外皮幾軟糯 糯米皮都算吾係好厚 不錯。 ,入面嘅芒果都好香甜 又多汁 同係幾新鮮嘅芒果。仲有榴槤糯米糍 。糯米糍都好香榴槤味 榴槤餡都幾爆滿 幾香榴槤味 榴槤餡仲係 用貓山王 所以幾甜 另外 佢地都有多款懷舊糕點 $30 任選4件 有芝麻卷,砵仔糕 ,椰汁紅豆糕等｡懷舊糕點就普通 糯米糍比較出色
continue reading
我每個星期都會去九龍城，上星期第一次經過見到有我好鍾意食嘅中式糕點勁開心，即刻幫襯買咗四件，試咗芝麻卷同椰汁紅豆糕覺得芝麻卷好正！ 就連我隔籬嗰個平時唔鍾意食呢啲中式糕點同甜品嘅人都話芝麻卷超好食，所以我哋決定今個星期再去買。今次仲買咗八件淨係芝麻卷，點知食第一啖就覺得啲味道同口感好似同上星期比較有好大出入，完全冇咗芝麻味，我個人覺得有啲難食，淨係食到啲馬蹄味？到最後我哋都係放棄咗一盒，淨係食咗四件！
continue reading
經過九龍城見到呢間傳統中式糕點外賣店，做緊優惠$30有5件糕點，忍唔住買來過下口癮😽⭐️薑汁椰汁糕 $6薑汁味唔濃，冇辛辣感，同椰汁味互相平衡得幾好-⭐️芝麻椰汁糕 $6 芝麻味同埋椰汁味都只係好輕微，淡淡地慢慢滲出嚟-⭐️班蘭椰汁糕 $6 綠色分層最靚🤣食唔到我期待嘅口感，都係偏向鍾意煙煙韌韌嘅泰式口味多啲🙈-⭐️咖啡椰汁糕 $6呢個終於有啲小驚喜，咖啡味稍為突出啲，都保留到椰汁味，唔苦-⭐️芝麻糕 $6食唔到沙沙顆粒感，處理得幾好，芝麻味好淡，口味比較樸實-整體來講，糕點拎上手好動L😹食落去唔會黏住個口，但又唔係煙韌，椰汁糕分層好靚🥰清清甜甜，甜度啱啱好💖飯後食一嚿啱啱好，唔太食得落第二嚿🤡記得Share食🤡-味道中規中矩，好平凡冇乜特別，冇乜記憶點😗-椿禾 評分5/10
continue reading
行過先發現有間新開嘅中式糕點舖，價錢好平啦，$30有四件，款式都好多，懷舊小食喺香港已經好少見，一於買來試吓舖頭門口寫住新鮮現做，糕點之外仲有中式糖水全部無添加、低糖好驚喜，終於食到白糖糕無酸味，啱晒我口味芝麻糕芝麻卷好香濃芝麻味，超級滑溜，爽彈砵仔糕都係好彈牙豆嘅比例都啱啱好，下次要買多幾件全部糕點都淡淡嘅甜味，口味都好正宗，難得搵到呢啲傳統嘅美食，價錢經濟，下午6點去買，大部分口味都仲有，下次經過會再買
continue reading
傳統中式糕點鋪買少見少，九龍城呢間小店糕點款式多而且店員有滿滿人情味💜糕點擺放乾淨企理，食得放心，值得支持🎈砵仔糕有白有黃，紅豆俾得好足🫘煙韌砵仔糕加上粒粒紅豆口感滿分🫘食落幾彈牙甜度剛好，性價比非常高🎈桂花椰汁糕椰汁味好香，帶淡淡桂花清香，層次分明，食落有彈牙嘅感覺，好啱我口味🎈椰汁斑斕糕斑斕糕味道清新，同時有椰子香，軟糯彈牙，食得出好有誠意🎈白糖糕好少地方食到白糖糕，呢度嘅白糖糕軟硬適中，Q彈爽口，甜味恰到好處，好味
continue reading