車厘哥夫餅店

Open Now

Now Closed

I used to live in Prince Edward and this is one of the signature shops that stands over decades. It is famous for its buttery cookies😋😋😋. The smell is sooooooo evilly tempting whenever passing!!!🤤🤤This time i chose its raisin scone. It looked kinda dry and stuffed but it was surprisingly soft and spongy!!!! Its not large but just right in size. though this is not bad, i prefer the egg salad bread next time😉😉😉 and its kinda chaotic at the cashier....

每次行路呢到都會聞到香噴噴嘅麵包味同曲奇餅味！每次都話唔好食啦！ 最後都係忍唔住入去買四安士過下口引！佢既包我就真係好少食，但佢既 曲奇餅我細細個就開始食！每次都係食藥一粒朱古力喺上面嗰隻！佢嘅曲奇餅夠鬆軟入口即溶咁濟！！

又餓又想早餐又要趕巴士，最好就去買麵包！✌🏻 太子有呢個老字號既麵包鋪就真係幾好～ 我有時趕得滯都會幫襯下～佢選擇都幾多，連舊款麵包都有～ 價錢$6-$10都有！早餐有時早啲既都會有三文治pack好左喺度👍🏻 一盒盒好方便～ 我今日揀左火腿蛋麵包～ 佢都幾大個，拎起見到火腿同蛋，都大塊～ 一咬落去已經咬到蛋同火腿，幾滋味！佢地沙律蛋麵包都唔錯🤣 佢既沙律蛋好足料，食到會爆岀黎～ 店內仲有蛋糕，曲奇餅同啫喱買，好多選擇

之前經過太子地鐵站B2出口，見到好多小食店！都唔係連鎖店～ 行到聯合廣場，就聞到一陣陣好香嘅餅味初時唔知係曲奇餅，以為係啱啱新鮮出爐嘅麵包！於是就行咗入去呢間鋪頭！而家係一間好傳統嘅麵包店，裏面係會見到整麵包嘅架！唔似新式嘅麵包舖咁樣唔知入邊係咪整緊麵包～ 我就問店員，咁香嘅係啲乜嘢，佢就話係曲奇餅味，我望一望，發覺都係幾想試吓～見佢應該係新鮮出爐，所以 想試一試！我買咗朱古力曲奇，佢嘅朱古力曲奇係流質朱古力放喺喺塊曲奇餅嘅上面！雖然唔知製作過程，但係都幾得意！我試咗一塊，超好味，啲曲奇係好鬆化，一咬就碎～上面嘅朱古力好好食！我一路行一路食，未返到屋企已經食晒，而且價錢唔貴！曲奇餅質素來講算好，值得一試👍🏻

買咗1個獨立嘅包，再加條車輪包。收銀袋咗個獨立包包後，我問佢可唔可以比多個袋我(我係好聲好氣)(將車輪包同個獨立包放入一袋)，佢就態度勁惡劣咁話下次帶環保袋啦～然後掟個包入個大袋度。你可以收我5毫子囉～飲食業咁嘅態度喎。。。。

見大家給車厘哥夫的笑臉都是因為佢的cookies, 但其實我好鍾意佢既麵包 (...以前~)尤其新疆合桃包我好鍾意用嚟送維他朱奶, 真係perfect match !可惜最近一次買, 食咗一啖, 好咸, 盬落得太重手, 再食, 無合桃！... 再食, 都無合桃！.... 再食, 都係無合桃！..... 結果食晒一團$7.5又咸又乾既麵團就係都無！合！桃！枉佢仲自稱"新疆合桃包"，可能你話佢合桃打碎晒喺包裡面? 但總之, 我就係食唔出~或因為有以往經驗, 抱住期望食, 就變得更失望。

女朋友介紹我食呢間餅店話呢間餅店喺旺角都幾出名咁岩女朋友住喺附近去接佢之前買咗啲來食未入到餅店之前喺門口已經聞到好大浸曲奇餅真係非常香入到去有多個選擇我就特別鍾意食朱古力所以就買晒全部都係朱古力味食落去真係好香口而且入口鬆化大小也剛剛好一口一塊真係食極都停唔到口仲要係唔係好甜就算有朱古力都係錦上添花我係男仔都鍾意食

次次經過太子聯合廣除 除左行街之外 我都一定會買返d曲奇先走既 講緊既係呢間好多年既舊式麵包舖其實行緊過去已經聞到佢香噴噴既曲奇味 雖然佢係有好選擇 但係我自己最愛呢度既朱古力漿曲奇 一打開佢既膠袋 d牛油味已經自己走晒出黎囉 佢既曲奇非常鬆化 有少少入口即溶 咬都唔駛點咬既感覺 而且牛油味超濃 佢既朱古力漿佔既範圍好大 絕對係落足料去做 而且每日新鮮出爐 所以好新鮮架 而且佢咁多年都保持到水準 抵佢咁多人食既 雖然佢唔係話好多人排隊 但係次次去會見到有幾個客買緊曲奇 咁就知佢幾勁啦 因為我會食唔停口架 所以每次都只會買兩個四安士 我同男友一人一包唔駛爭😂

一想食曲奇就會諗到食呢間，咁啱今日要出一出太子，咁就去買番1磅曲奇黎食下啦！親呢度都唔係幫襯買麵包，次次黎到都要曲奇返去食因為呢間曲奇又鬆化，又多款式，雖然貴左，但次次我都會買幾款唔同口味嘅先得通牛油曲奇夠香，朱古力，咖啡有淡淡嘅味道，仲有果仁款式，好香脆，曲奇本身夠鬆化，大堆呢間嘅曲奇，食到唔停得口

社會多數都企向方便~曲奇禮盒裝更為常見,新年送禮多數見到丹麥藍罐 丹麥 丹麥,,成日都見個人意見,不太欣賞我認為食,一定要新鮮而去餅鋪買,就最為不錯^^太子最出名既餅鋪,肯定係今日去既呢間,,位於： 聯合廣場地址： 旺角彌敦道760號聯合廣場地下G29號舖美味曲奇,好多款揀,我揀左咖啡,士多啤梨,朱古力的美味曲奇最欣賞係佢每日出爐,總會有極香的味道不像禮盒的曲奇~結果我吃完一塊又一塊曲奇餅呢! 這家的朱古力曲奇特別有款，牛油味正朱古力的味道完美^^

咁啱出去太子始創中心拎d野，地鐵站一出就見到好耐無食過嘅曲奇喇咁就入去買番1磅曲奇黎食下啦！呢間曲奇得番呢1間分店，我最鍾意食佢嘅牛油曲奇，好香牛油味，仲好鬆化添咖啡味都幾好食，有淡淡嘅咖啡味，朱古力都好食黎親必定揀呢幾隻味黎食

今日要去金都買結婚用品，就搭地鐵去到太子站，一出太子地鐵站B出口，就聞到好香麵包味，望過去就見到有間車厘哥夫，就入去睇下有咩買，入到去就見到有好多款式曲奇，見佢寫買一磅同半磅都可以揀至少三款曲奇，我就揀左兩款至愛食嘅朱古力曲奇，食落去好鬆軟，是我喜歡食嘅口感，朱古力味濃，因為我試過有些麵包店的朱古力曲奇味是淡，而這間的口味我很喜歡，之後過去太子，都必定會買一轉曲奇食還會買埋比同事同屋企人食，媽媽都鐘意食曲奇，一定鐘意

/有人特登買比我🙊<車厘哥夫>🍪半磅曲奇(可選三味)▪️位於太子嘅小店餅舖😻最愛偏懷舊嘅餅舖☝️之前試唔到個花生朱古力🥜今次補番數la🍫1️⃣櫻桃曲奇上一次食過嘅款，必翻食🍒有半粒糖漬櫻桃係到，有肉汁又有鬆化唧花曲奇底，好好味🤤☝️🤔如果喜歡椰撻粒🔴紅點嘅人就會明，而且依個完全無藥水味，係甜嘅。👉🏽不過今次牛油香係有，但有陣重奶味咁，有d怪怪🤔2️⃣花生朱古力👉🏽超少，只有4塊😭用黑朱古力食起上泥無咁甜🙊花生好香脆，無益味，但都係有d甜。👉🏽雪左變脆皮味道昇華😍🙆🏻3️⃣腰果曲奇👉🏽腰味烘烤過陣果仁香氣好正🤤焦脆，配上入口溶化嘅鬆脆曲奇，不錯！依個又無重奶味🤔...#wwhkfood #uhkfood #hkfoodies #wwhkfood #hkig #hkeat #hkfood #hkfoodie #foodie #foodies #foodiehk #foodieshk #instafood #foodielife #food #foodstagram #foodlover #車厘哥夫

每次行過，見到健在都好高興。未受地產霸權影響到。以前同名的車厘哥夫餐廳已絕唱多年（警處對面）。呢間餅店絕無僅有。好多傳統蛋糕， 曲奇，鳥結。。。。曲奇尤其係至愛，鬆，香，唔太甜。今次就仲發現左西梅合桃糖買俾公司同事食。秒殺左，映都映唔切價錢唔平，抵唔抵？你鍾意就抵哂。

呢間餅店啲曲奇餅就一向都咁出名由細到大都食唔少曲奇做得十分鬆化而且價錢都唔平今次屋企人生日響諗唔到買咩蛋糕嘅情況之下經過呢間鋪頭又見到佢哋有蛋糕買心諗又未試過佢哋啲蛋糕好奇之下就買咗一個返去一齊食盒上面嘅字體明顯地有經過設計雜果蛋糕一百二十蚊嘅鮮雜果蛋糕足夠分比十個人食因為係臨時去買唔知鋪頭會唔會有免費幫人加字嘅服務忌廉好滑唔會太甜生果又夠新鮮冇浸過糖水不過蛋糕略為唔夠濕潤係少少不足之處原來成家人都冇食過呢間鋪頭嘅蛋糕咁又滿足左大家嘅一個心願