84
44
20
1-min walk from Exit D, Prince Edward MTR Station
continue reading
Telephone
23818195
Introduction
〝車厘哥夫〞是一間專門自家製造合桃鳥結糖的店舖，而鳥結糖更馳名遠播。另外，曲奇餅更是它們的招牌小食哩！
continue reading
Opening Hours
Today
06:30 - 20:15
Mon - Sun
06:30 - 20:15
Above information is for reference only. Please check details with the restaurant.
Signature Dishes
Recommended Dishes
由細細個食開呢間既曲奇，今日再去尋找那懷念嘅味道。進店既時候冇乜客人，所以想問吓店員簡單問題。點知佢一開口就係惡夢既開始。首先佢嫌我買得唔夠多，態度已經麻麻。之後我決定買半磅，後面明明冇客，但佢用極其不有善既態度吆喝：「講啦，要乜嘢味呀。」我見唔到佢包裝，到交比我既時候係一個白色膠袋，冇得封口。一來曲奇容易碎，冇得封口d碎會跌到週圍都係。二來香港天氣朝濕，冇得封口既話好容易變質。問佢有冇好d既包裝，當然繼續比佢鬧。其實冇咪冇囉，唔駛鬧人既。但其實佢有，於是心不甘情不願咁幫我過袋。估唔到買包曲奇都要受氣，全程都係冇人排隊，我唸我明白點解喇……
continue reading
從來未寫過食評，但今次真係忍唔住......由細到大都好鍾意食車厘哥夫嘅曲奇，當中最欣賞佢哋嘅朱古力曲奇，每年都會專登走去買幾次，之前試過有一次買到燶燶地嘅朱古力曲奇，已經覺得好奇怪，燶左都賣比客？今日買完，可以話完全失望，以後都唔使去買喇！店員阿姐話唔夠朱古力曲奇，咁就加少少合桃囉，點知返到屋企，跟本大部份都係合桃，重點係啲合桃曲奇真係好難食，曲奇餅身乾到爆，而且一啲味都無，係完全無甜味，從未食過咁難食嘅曲奇，就連其餘嘅朱古力曲奇都唔好食。真心話，真係好失望，其實130蚊一磅真係唔係平，計返仲貴過小熊曲奇。好了，到此為止，以後唔會再去買，呢個價錢應該會有質素同服務好一啲嘅餅店。
continue reading
太子地鐵站附近嘅呢間懷舊餅店,經過都會聞到一陣陣香噴噴嘅曲奇餅味道,招牌嘅牛油曲奇更加係成日賣晒!牛油曲奇最少可買4oz, 約有10款選擇,有朱古力醬曲奇,士多啤梨果醬曲奇,藍莓果醬曲奇,咖啡味曲奇等~🌸牛油曲奇 $68 半磅@3隻味原本其實只想買4oz ,但要半磅先可以揀3隻味,掙扎下都係寧願食耐啲試夠3隻味🤭, 牛油曲奇只得號碼牌,冇標明味道,所以都係憑賣相去揀, 我就揀咗朱古力醬, 紅莓果醬同杏仁呢3款😚曲奇牛油味重,口感鬆化,令你忍唔住食下一塊又一塊,款式雖然傳統但簡單得嚟依然好味,可惜食多幾塊就有少少乾,揀有醬嘅曲奇就會好啲🌸朱古力醬曲奇朱古力醬呢款好受歡迎,見差唔多個個買親曲奇都會揀,果然係最好味🤤鬆化嘅牛油曲奇配一pat邪惡嘅朱古力醬,好香甜美味🥹🌸紅莓果醬曲奇酸酸地嘅紅莓果醬配上曲奇,味道甜甜酸酸咁, 所以食落唔會咁易膩🌸杏仁曲奇見呢隻味淨返唔多諗住咁多人揀係正野就叫左佢🌝,點知呢隻少少伏,主要係杏仁太硬好難咬,配埋曲奇我只感覺係乾上加乾😶﹍﹍﹍﹍﹍﹍﹍﹍﹍﹍﹍﹍📍車厘哥夫太子彌敦道760號聯合廣場地下G29號舖
continue reading
行經車厘哥夫，又入去望吓有咩曲奇先。雖然有個告示話6點岀爐，不過重離岀爐重差15分鐘，又見到架上已經有朱古力味曲奇，就買半磅先。依舊憑個🍪曲奇個樣去揀。半磅（$64）可以選擇3款曲奇，揀咗🍫朱古力味，原味有朱古力碎碎款，同紅色果醬味三款。曲奇香鬆，牛油味重，三款口味都唔錯👍，不過紅色果醬就唔仍然唔太食得岀個果醬係咩味道🙈
continue reading
經過旺角見到有幾間面包店～同一條街三間麵包舖～諗住嚟嚟去去都係嗰幾款呢間有麵包、蛋糕仔、蛋糕、蛋撻～麵包款式差唔多～不過攞起手都幾重～唔似D連鎖麵包食兩個都唔飽～見到有一樣好特別嘅栗子卷～外型長形睇落似雞尾包～見其他店都冇嘅～咁就試吓啦栗子蓉餡都算多～應該就係生日蛋糕上面嗰D粟子蓉～加埋個咸嘅包～食落唔會覺得好甜幾特別～比起平時嗰D麵包～成日食嚟食去嗰幾款好悶～呢個係唔錯嘅選擇～大人、小朋友都鍾意食 $9一個都算係咁上下
continue reading