474
176
32
1-min walk from Exit D1, Lai Chi Kok MTR Station continue reading
Telephone
25761199
Introduction
A Taiwanese-style restaurant located in an industrial building, with owner Mr. Ching who wishes to introduce the authentic Taiwanese cuisines to Hong Kong people. continue reading
Awards and Titles
Best South East Asian Restaurant (2015)
Additional Information
程班長每年公休的日子可能跟香港的公眾假期不同,例如: 香港重陽或香港的boxing day都會營業,敬請致電查詢或留意程班長網頁。
Opening Hours
Today
11:30 - 20:30
Mon - Sat
11:30 - 20:30
Sun
Closed
Payment Methods
Cash
Other Info
Delivery Details
10% Service Charge
Review (802)
Level4 2021-07-10
416 views
我忽然發覺自己原來已經很久未光顧過,位於「荔枝角」工廠大廈樓上的著名台灣菜餐廳「程班長台灣美食」。可能因為自己很久未光顧「程班長」,所以連「程班長」現在的收費模式也幾乎忘記得一乾二淨。今次光顧「程班長」,剛剛進入食店門口不久,被「程班長」食店裡面的侍應安排檯櫈座位給我之後,立刻遞上手寫餐牌自助點餐紙給我,選好食品飲品之後再前往收銀櫃檯付款購票。我完成付款購票的所有程序之後,「程班長」收銀櫃檯的店除了收錢和找續之外,還遞交一個已經預先過膠的紙牌號碼牌給我,告訴我把號碼牌放在餐檯檯面上,等候食店侍應送餐過來就可以了。不過我在付款,再領取「程班長」的號碼牌之後,等候了幾分鐘之後,「程班長」的侍應終於也都捧着我之前在收銀櫃檯付款購買的食品飲品,送到的餐檯檯面上。至於餐具方面,現在「程班長」的運作模式有點像快餐店模式,所以食客在收銀櫃檯完成付款購票程序之後,還需要自己前往食店接近門口的自助吧,領取自己需要的餐具。說回今次我在「程班長」裡面享用晚餐的實際內容,我分別付款購買了一客「紅燒牛肉麵」、一客「麻油雞湯」連白飯套餐,還有一杯算是凍飲飲品的「冬瓜檸檬茶」。「程班長」飲品「冬瓜檸檬茶」雖然算是凍飲飲品,但是「程班長」廚房製作「冬瓜檸檬茶」過程期間,餐具出乎我意料地選用一般外賣自取,即用即棄的保溫熱飲紙杯作為飲品餐具。實際上「程班長」凍飲飲品「冬瓜檸檬茶」裡面,其實半塊冰塊都沒有,但是飲品實際溫度其實還有少許冰涼感覺,令我有點好奇食店怎樣在沒有冰塊的情況下,令飲品保持冰涼溫度感覺。至於「程班長」凍飲「冬瓜茶」實際味道其實頗為甜美,即使飲品表面沒有任何跡象,證明飲品曾經被加入任何甜味調味料調味,但是實際上飲品裡面確實是甜味,估計飲品甜味感覺很大可能來自「冬瓜茶」裡面的天然甜味。所以即使「程班長」廚房製造出來的飲品「冬瓜檸檬茶」,飲品和盛載餐具的實際份量都不算非常多,但是飲品實際上喝到「冬瓜茶」甜味,跟「檸檬」酸味感覺都非常濃厚充足。至於「冬瓜檸檬茶」在「程班長」自助點餐紙裡面的實際排位位置方面,或許因為「冬瓜檸檬茶」是「程班長」最近推出的飲品吧,所以飲品被安排放在點餐紙最下方,最微不足道的位置,差一點眼力也幾乎找不到。當時我也幾乎因為發現不到「冬瓜檸檬茶」這款「程班長」新台式飲品,所以幾乎點了一般口味「冬瓜茶」就算數,差點錯過了「冬瓜檸檬茶」這款新奇的台式飲品。至於「程班長」晚餐裡面的食品方面,我分別點了「程班長」招牌台灣食品「紅燒牛肉麵」,還有看似是「程班長」的新推出雞肉食品「麻油雞湯」配白飯。「程班長」廚房師傅製造的食品「紅燒牛肉麵」,事實上比另一款台灣食品「麻油雞湯」配白飯,更早製作完成和交由「程班長」侍應端着送到過來。「程班長」「紅燒牛肉麵」選用了質地比較粗,尺寸比較闊,而且有少許捲曲的麵條,麵條吸收了「紅燒牛肉麵」湯底裡面大量辣味,麵條可以跟辣味紅燒湯底一起享用,麵條口感有點粗和需要不斷咀嚼才能吞嚥。我最初以為「程班長」「紅燒牛肉麵」裡面的「牛肉」份量未必很多,而且肉質會是比較單薄的切片「牛𦟌」,即使「牛𦟌」實際口感煮得比較軟腍,比較容易咬和咀嚼,但是無法提升我對「紅燒牛肉麵」性價比的觀感。結果「程班長」「紅燒牛肉麵」裡面的牛肉,牛肉實際製成品的形態有點令我感覺出乎意料,因為「紅燒牛肉麵」裡面的牛肉呈粒狀,有點像切粒的「牛肋」,也有點像「牛腩」肉。最重要的是「紅燒牛肉麵」牛肉實際口感頗為軟腍,夾雜來自脂肪的肥美口感,感覺真的有點像在享用切粒的「牛肋腩」,這種牛肉口感非一般切片「牛𦟌」、「牛腱」能夠相提並論。至於「紅燒牛肉麵」底層的「紅燒」湯底味道也都很濃厚,雖然沒有夾雜例如藥材的味道,但是卻有濃厚的「牛肉」鹹味,以及來自「牛肉」的甜味。「程班長」廚房再在「紅燒牛肉麵」實際製成品的表面上,灑下一大堆蔥花,蔥花令「紅燒牛肉麵」的紅燒牛肉湯底實際香味和甜味變得再濃厚一點,至於湯底的鹹味感覺仍然適可而止。至於「程班長」另一款新推出的雞肉飯食品「麻油雞」飯實際製成品裡面的味道,我最初真的以為「麻油雞」雞味道會比較重麻油香味和鹹味,結果「麻油雞」雞實際味道有點令我出乎意料之外。正如「程班長」自助點餐紙選項裡面,有關「麻油雞」飯實際介紹一欄裡面,也鄭重的展示了四個非常重要的大字,就個就是「切勿開車」。因為我發現「程班長」廚房師傅在製造的「麻油雞」食品實際過程期間,原來還另外加入「酒」作為調味料,令「麻油雞」實際味道裡面帶有一陣濃烈的酒香味。而且「程班長」為「麻油雞」而加入的「酒」實際酒精濃度,也不是一般善男信女的程度,是我以前在家裡面,看見阿媽也曾經喝過的類似「雞酒湯」濃烈酒精氣味。至於「程班長」廚房師傅製造的「麻油雞」實際製成品裡面,我看見「程班長」為每份「麻油雞」製成品,預備了差不多一大隻份量的「雞髀」,還有夾雜疑似是「雞翼」。「麻油雞」裡面的「雞髀」以及「雞翼」實際製成品裡面的雞肉味道,都完全吸收來自酒的濃厚酒香,以及來自調味料「麻油」裡面的鹹味和香味。雖然我自問不是狂熱喜歡杯中物的人,但是我已經累積一定程度的飲酒經驗,自問勉強都能夠承受到「麻油雞」裡面的酒香味,以及適應到來自「麻油雞」中式酒裡面的濃郁酒精味道。至於「麻油雞」裡面的「雞肉」實際口感方面,「雞髀」肉實際肉質相對比「雞翼」更多更大範圍,所以吸收了更多「麻油」香味以及中式酒香味和烈酒酒精味道感覺。我自問難以用個人的文筆,完全概括形容「程班長」「麻油雞」實際製成品裡面酒精濃度,以及酒精對身體直接帶來產生的味道感覺,但是可以肯定「麻油雞」雞肉實際口感很嫩,很容易用牙齒撕開和咀嚼。而且現在的「程班長」餐牌價目表,出乎我意料地能夠直接滿足我對晚餐食材內容裡面的所有要求,雖然總價錢不算十分便宜,都需要港幣一百三十多元,但是總算能夠滿足我晚餐要求。而且「程班長」兩款晚餐食品加一杯凍飲飲品「冬瓜檸檬茶」晚餐,一次過滿足我個人晚餐裡面,要有雞有牛腩有白飯的個人口味喜好,值得將來繼續光顧。 continue reading
(The above review is the personal opinion of a user which does not represent OpenRice's point of view.)
Level4 2021-07-01
638 views
今日(1-7-2021 Thur)回歸紀念日假期,同老公諗食咩嘢,原本想去The Americano By Texas Burger (https://www.openrice.com/zh/hongkong/r-the-americano-by-texas-burger-%E8%8D%94%E6%9E%9D%E8%A7%92-%E8%A5%BF%E5%BC%8F-%E6%BC%A2%E5%A0%A1%E5%8C%85-r498492P),但佢話再嚟呢喥食,好啦,橫豎The Americano By Texas Burger可用Alipay,等五千蚊電子消費劵出咗後就嚟幫趁啦.我哋睇返上次1月2日刊登嘅食評:https://www.openrice.com/zh/hongkong/review/yeah-%E5%93%81%E5%AD%B8%E5%85%BC%E5%84%AA%E5%98%85%E7%A8%8B%E7%8F%AD%E9%95%B7-e3905216,就要試其他嘢.我哋去到都等咗20分鐘至有位,我哋要咗:3. 跟餐$12.00嘅冷泡四季春一個紙杯封咗膠膜上,揭開睇,有好多茶葉,呢隻茶嘅味道係清香,舒服.味道: 5分4. $28.00嘅鳳梨冰芋圓係第二樣上嘅,但我哋食到最後至食都冇問題,因為啲冰係好夠.講返,呢杯嘢依然好正,好解喝,甜甜地嘅菠蘿味,今次芋圓就冇上次咁結實,好好.味道: 5分1. $55.00嘅三寶麵(有牛筋,腩同肚)三樣嘢都夠腍,味道亦濃,麵嘅口感啱啱好,啖湯係有少少辣,我就同老公交換碗麵食.味道: 5分2. $47.00嘅雞腿麵(加滷蛋)另上嘅雞腿斬咗件,呢個麵係清湯底;雞腿外脆內juicy,OK.味道: 5分5. $32.00嘅宜蘭花枝丸一客5粒,熱騰騰,外脆內軟,冇問題.味道: 4分6. $36.00嘅蚵仔煎真係台式地道蚵仔煎,同我哋3年前喺台灣夜市食到嘅一樣樣,加有生菜,蠔仔份量唔多,味道甜甜地.我哋始終都係唔多鍾意食呢種蚵仔煎,較鍾意港式煎到脆脆嘅蠔餅.味道: 3分我哋今次食完,都外買咗佢哋嘅冷凍食物返屋企.抵食係2.5分 continue reading
(The above review is the personal opinion of a user which does not represent OpenRice's point of view.)
今日去咗長沙灣D2行街,就順便過去探下程班長先😚😚~~~手工滷肉便當🍱(較肥)~~~$45十足台灣便當,有菜有肉有小食,但滷肉飯略為偏油,但係好味嘅😃😃~~~三寶面 (筋、肉、肚)~~~$55湯底屬於重口味,牛肉夠彈性同入味😜😜~~~玉米起司蛋卷餅~~~$36芝士好充足,蛋皮包住芝士味真係好香好好味,真係台灣先有嘅味道,記得一定要趁熱食啊😀😀~~~萬巒豬腳冷盤(小盤)$40凍冰冰幾開胃,但略嫌‘柴’咗少少🤣🤣~~~山粉圓、酸梅汁~~~跟餐+$10山粉圓望落似台灣飲品青蛙下蛋,幾特別😗😗酸梅汁就酸酸地,幾解油膩!唔錯唔錯🙂🙂餐廳會有台灣店務員同你講普通話,感覺真係去咗台灣食嘢咁呀😊😊 continue reading
(The above review is the personal opinion of a user which does not represent OpenRice's point of view.)
Level3 2021-07-18
0 views
生活太繁忙,雖然都係有食飯,但真係冇時間寫食評。呢段期間冇得去台灣,就不斷喺香港試吓食台灣嘅嘢食,發現喺香港食台灣牛肉麵都唔平,但程班長嘅性價比真係好高!我覺得佢嘅牛肉麵湯底好濃郁,牛筋都夠𣺉,不過牛肉就有少少嚡。但係50幾蚊真係好平。拼盤小食滷水味夠入味,豬耳爽口,豆腐夠滑,仲有少少辣味!正蛋餅夠香,有蛋味,不過我略嫌佢個皮過厚唔夠脆。總括而言,都係正嘅!價錢來講就真係冇得頂啦味道來講我鍾意阿木多啲! continue reading
(The above review is the personal opinion of a user which does not represent OpenRice's point of view.)
Level4 2021-07-13
0 views
呢間出晒名嘅台灣菜 終於到我嚟食吓😝成日都見人話大排長龍 但我嗰日去完全唔洗排 直接就入得🤣去到好有台灣嘅感覺 店員都係講普通話🤫個人覺得味道唔算太有驚喜 不過價錢係真係幾抵 想平平地食地道台灣菜可以 但如果要排隊我諗我就唔會食🙈.📌牛肉捲餅 $35個捲餅係食完餐飯媽咪話唔夠飽後加嘅🤰🏻唔知係咪因為飽 所以感覺唔太好食😢佢個皮係手抓餅 不過口感好扎實 唔似坊間嗰啲捲餅咁鬆化煙韌😫個內餡係大蔥,青瓜同牛展🧐同張相見到一樣 餡勁少 皮勁厚 好似食緊成舊粉咁😟佢入面仲有啲好鹹嘅醬...夾埋一齊其實就淨係好似一舊包再搽啲鹹嘅醬😂.📌肉燥便當 $40佢有分肉燥飯同滷肉飯 前者係偏瘦後者就會肥啲😝都幾貼心 分兩款可以滿足唔同客人嘅需要😌個飯面頭一大堆肉燥 一定夠撈飯🍚雖然佢係寫偏瘦 但食落一樣好甘香 啲滷肉汁同台灣食到嘅一樣味😍仲有好多拌菜 呢個價錢 咁豐富 都真係幾抵食😎但係可能唔識欣賞 我覺得唔太好食🥲.📌麻油雞飯 $68食之前一定要搵吓相先 媽咪以為佢係我地平時食嗰啲油雞🐔食先知佢係用湯浸住🙈佢menu寫住切勿開車 飲下個湯 知咩事 勁濃酒味🍺食落係完全冇麻油味 得酒嘅苦味😟小朋友口味覺得好苦...但媽咪覺得好好飲 好補嘅感覺🤭佢啲雞都好索味 似醉雞咁 酒鬼必試❤️.📌綜合盤 $28佢都有幾多選擇可以揀 海帶,米血糕,滷蛋,豬耳,豆乾,甜不辣,百頁豆腐🤩佢普通一份都廿幾三十蚊 而家三拼都係咁平 選擇困難啱晒🥳個豆乾比想像中軟身 似係硬豆腐🧐豬耳份量都多幾爽口🐷海帶好厚 不過偏淋身😢三款個滷水味都唔太夠😳 continue reading
(The above review is the personal opinion of a user which does not represent OpenRice's point of view.)