Chef's Stage Kitchen (Moved) New Location

一直都係chefs stage kitchen嘅fans，因為每次食完都好滿足，而且服務質素都唔錯，環境又ok，仲可以添前菜添！絕對係對得起個價嘅餐廳！今日同呀嫂同姪女黎食個Lunch，我叫咗個汁燒豬仔骨，呀嫂叫咗個手打牛肉漢堡。先講餐湯，蒜頭薯仔湯，本來以為有蒜頭就唔好飲，不過都唔錯喎！非常香，而且好滑！附送牛角包同沙津。牛角包我地冇得試，因為俾哂兩歲幾嘅姪女食哂，見佢食到咁開心一定係又脆又軟熟。不過呢間嘅沙津一向都唔係我鍾意嘅沙津，食咗兩啖就冇食嚕。呀嫂個份手打牛肉不過不失，一個人絕對可以食得好飽，即炸薯條唔錯，厚切似薯角多啲。豬仔骨份量真係好多！總共有成三塊，每塊都起碼有10cm咁長。俾咗一塊呀嫂之後都係完全食唔哂。午餐黎講真係太豐富啦！唯一美中不足嘅係雖然肉夠軟骨易分離，但係啲醬汁太多太甜，食多幾舊就有啲膩啦！餐飲有得飲接骨木花茶，得凍飲但係有得揀少甜，我每次都飲呢個，貪可以清一清，解一解膩。

我住元朗。呢度係我哋 weekend 西餐 lunch 嘅 default 好地方！Crab meat pasta 加蝦醬係神來之筆，足料好味又 al dente, 不時佢有個番茄忌廉湯又係堅番茄又提升食慾，正呀。環境一般啦。唔算太嘈吵（隔離 Darci 就嘈到好食我都要 ban），鍾意佢安排櫈底有籃擺袋，又有 free wifi.Milk based espresso like latte 好味，texture 好。

今日同朋友食午餐見有間新店在元朗的食街一帶，叫Chef's stage kitchen ，見餐廳裝修是全新的，燈光設計柔和，播著音樂幾有浪漫情調，在不用上班的日子給人享受消閒一番。叫在午餐套餐是有餐湯是濃味似南瓜湯，慢慢品嚐牛角飽因見佢鬆軟香口，是很靚好食。沙津有好多綠色菜加酸的沙津汁，夾雜著一同食，是使人開胃的一個前菜。香煎比目魚柳配水瓜柳忌廉汁伴鮮忌廉薯蓉及法式邊豆，比目魚燒香外脆，魚肉好滑，食落好有魚的膠質感，魚邊更是食到更有煎香味，用叉食時食得方便因魚骨不多，大的份量成為豐富午餐。接骨木玫瑰花茶，見到玫瑰花葉浮在茶上，飲出玫瑰花香，是清香在口中。見店員工對客人服務幾好，餐牌都好多選擇，下次經開元朗區再來食過。

係元朗要食有水準嘅egg benedict, 我相信非Chef stage莫屬; 我又相信收得起這個價錢亦比番高於你expectation既質素，亦非Chef stage莫屬呀！其實今日brunch時間路過此哋，記得係社交網都有人讚過佢既brunch，於是就去撐吓枱腳啦！Order咗兩個set, 先想講吓Eggs Royale👉即班尼迪蛋配煙三文魚,英式鬆餅，荷蘭汁及田園沙律。沙律菜之中有rocket leaves, 好嫩，所以食到甘味同椒香，好難得㗎! (因為好多都只食到苦味) 其他蔬菜都好新鮮，清甜，見下圖寫名荷蘭汁既egg benedict, 個醬果然有水準，食到牛油同蛋既精粹👉濃香之中帶温和! 煙三文魚又啱鹹度，而個英式鬆餅又係難得哋仲好脆真係好抵食呀，hotel級數!第二個set係焗美國雞胸、鮮菠蘿及青蘋果夏威夷沙律。 寫得美國雞胸通常你預咗冇咩味同嚡，但係這餐廳就輕輕有啲調味，冇咁掛，抵讚因為我覺得香港人應該想每樣食物都有味。 而個沙律就正囉，係薯仔同青蘋果沙律，簡簡單單既材料但個醬mix埋就非常好味。自己真係永遠做唔到這個水準! 仲有呀，食食吓切件燒菠蘿食吓，好甜呀！食

今日約咗明友去試位於元朗嘅Chef’s Stage Kitchen 食lunch。入去餐廳打量咗下，環境唔錯，乾淨企理，坐得舒服，仲有個籃係椅下俾客人放袋。Lunch set 有6款，有飯，意粉，burger, 雞同牛，都算多選擇嘅。我地揀咗蟹肉車厘茄扁意粉配鮮蝦頭膏同另一張獨立menu 嘅BBQ豬肋骨。既然係set lunch 當然有湯有包有沙律！沙律嘅菜新鮮👍🏻，餐包係牛角包🥐😍。試咗餐湯，香濃蘑菇🍄味😋。雖然侍應介紹咗是日餐湯係洋蔥蘑菇湯，但我唔太覺洋蔥嘅存在😛,不過有蔥花，中西合璧🙈。啱啱坐底個時啱啱開始營業，都有好多位，食食下先發現坐滿🤭。蟹肉車厘茄扁意粉出場，賣相唔錯，份量好足！食落仲好香蟹肉蝦膏味🤤。不過間唔中會食到蟹殼碎，呢樣有待改善🧐。到豬肋骨啦，size 非常有份量, 3排，加埋有十零條ribs。味道都ok，甜甜地，肉易脫離骨，夠入味夠「林」。埋單時發現唔使加服務費🤑，都幾抵食~

元朗有一間非常之有情調嘅西餐廳，而且食物非常好食，去完一次一定會再去幫襯。餐廳環境非常舒適，背景音樂好柔和，座位好舒適，燈光亦都非常之舒服，餐廳侍應好殷勤，好有禮貌，介紹餐牌上嘅食物。餐牌上有好多食物選擇，而我係一個牛魔王，好鍾意食牛，所以揀咗以下菜式：忌廉椰菜花湯非常之香滑，椰菜花打得好細膩，香滑嘅湯帶濃濃嘅椰菜花味，而且加上橄欖油，更加提升椰菜花嘅香味。澳洲肉眼扒你一份肉眼扒非常之有份量，一切開，牛肉汁出晒黎，入口非常之香牛肉味，而且好juicy，而且肉質好嫩，好滑，塊扒非常之好食。伴菜都非常好食，薯條好香脆，仲好熱辣辣，而且好有口感，薯蓉喺晒入面，沾上茄汁，冇得頂。熱朱古力呢一杯熱朱古力製作用心，淨係睇個拉花都非常之開心，味道就更加好味，好重朱古力味，鍾意朱古力嘅朋友唔可以錯過。Tiramisu蛋糕非常之香軟，芝士味香濃，加上陣陣嘅咖啡味，絕配，極度好食，為呢一餐晚飯畫上完美嘅句號呢間餐廳好多人幫襯，因為食物好服務好賣相好環境好，所以一向吸引好多客人，你都唔可以錯過。

之前去荃灣Chef’s Stage Kitchen食牛排勁好食，見元朗原來先係佢地總店，咁近梗係試下啦。我地去到元朗店環境都唔錯，坐得都幾舒服，好過荃灣店。本來想食返牛排，但要12點後先有，我地惟有試下其他，我叫左鮮藍蟹蟹肉扁意粉配鮮蟹膏、蝦膏忌廉汁，我老公就叫左Chef’s Stage Breakfast。我個意粉勁creamy，蟹醬味好濃郁好香，都幾足料，每一啖有蟹肉，睇得出煮得好有心機。我老公見到隔離檯叫左Tiramisu ，好似幾好食，佢又忍唔住叫左份。個Tiramisu 又真係幾好味，好香咖啡味而且口感好綿密。

星期六去左yoho mall度行 想搵間cafe chill chill地食個brunch但Yoho mall入面d西餐廳又已經全部食過哂 所以上openrice search下附近有咩小店一search就黎左呢間地舖試下 果然有驚喜門面都幾有格調時間尚早都幾多人下 有口碑真係吾同dWeekend brunch menu~我地order左B同JSummer drink menu我order左blueberry strawberry roseRegular drink menu老公杯flat white 佢話好飲SetB: Parma ham+牛油果+saladSalad非常新鮮我杯summer drink好refreshing~同吾係好甜 減肥恩物呃Set J: deluxe breakfast粟米好香牛油味Egg royale好正 個蛋捲流心架Weekend要好好讚下自己 叫個tiramisu好好好味 超soft就算價錢吾算平 但絕對值得一試 好高質既brunch

喺Yoho Mall行下行下開始肚餓，覺得商場餐廳啲嘢食好貴，於是行出出面揾食，經過條明渠之後見到呢間餐廳有receptionist 企响餐廳門口嘅招待櫃枱前，感覺上佢地會認真招待客人，所以入左去食晚餐。先上枱有黑松露蘑菇湯，濃郁適中。跟著有夏威夷沙律，新鮮沙律菜之外，仲有薯仔同埋蘋果，作為餐前開胃小吃都幾好，仲有佢自家焗製意大利香草麵包(自製醬)，幾好食。主菜食羊架，配菜有蕃茄汁煮菜丶薯蓉，薯蓉好滑，入口又有薯仔微粒嘅質感，四塊羊架厚薄度一致，全部熱辣辣上枱，好味道。甜品要左Tiramisu，上枱時發現原來好大份，二至三人食都夠食，入口有微微洒味，又帶有少少牛奶嘅香同滑，同埋佢好creamy，入口直接可以吞落肚，又香又滑又大份同埋又好味道唷。

聽過朋友介紹呢附近開左間新既chefs stage，所以黎度試下食睇下有無保持到水準。呢度環境同舊店保持果份獨特，而且更有格調，未夠7點已經坐上大半滿人。我叫了自己一份晚餐，先黎餐廳自製既餅乾同埋麵包，餅乾夠脆，麵包微暖而且夠軟熟，好少餐廳既餐包咁有水準。餐湯係黑松露野菌湯，非常香滑，兩者味道相當夾，而且野菌味道突出，鍾意既朋友唔可以錯過。至於main course 就係香煎比目魚，頗有驚喜既一道菜，魚皮煎到超脆口，配以香草既味道，魚皮就好似一塊薯片咁樣，魚皮脆同埋下面既魚肉滑溜形成強烈對比，非常有質素，加上底下既露筍吸收晒比目魚既精華，味道相當清甜，食得出係食物既新鮮。最後仲有甜品，芒果熱情果蛋糕，估唔到兩者加埋一齊咁夾，充滿夏日既果香，非常得時，而且蛋糕底夠軟滑，實在不能挑剔。

好內之前喺舊舖食過， 原來宜家已經搬咗去雞地。 今日放假，約咗朋友喺元朗食午餐，好想再度回味一下。燈光光猛開揚， 座位充足， 位置方便。呢條街全部都出名食嘢，所以好容易找到。清水有薄荷葉浸住， 飲完有種涼浸浸嘅薄荷味，當堂覺得好清新。粟米蓉湯加沙律：熱辣辣濃郁既粟米湯， 含有香甜嘅粟米味， 裏面還有豐富既粟米蓉，非常足料。 餐包竟然有罕有既牛角包， 非常香脆鬆軟， 再配上少量沙律，非常滋味。手打美國特級安格斯牛肉芝士漢堡配薯條：麵包鬆軟，再配厚厚既牛肉，而且當中含有好重既牛肉味，煎完肉質依然好juicy。薯條炸得較乾身，唔會太油。板燒美國牛肩扒配白菌汁配蜜糖燒薯仔，四季豆和秋葵：兩塊厚厚嘅牛肩扒，厚度適中，生熟程度剛剛好，份量好足，仲好juicy!而薯仔表面比較脆口和帶點蜜糖味，薯仔夠晒淋，大小適中，真係好岩口味。另外再配上少量四季豆和秋葵， 當堂冇咁寡，簡直係絕配。 凍檸檬茶真係好大杯， 我一個人都飲唔曬，真係好抵飲，兩個人share都仲得。午市時段竟然有買十送一，都幾吸引呀餐牌價錢非常經濟，而且質素幾高。

蕃茄忌廉湯+薯蓉沙律 Set Dinner可跟配蕃茄忌廉湯或薯蓉沙律，十分豐富。蕃茄忌廉湯很濃稠，蕃茄酸香和柔滑忌廉配搭平衡，味道開胃。薯蓉沙律份量十足，有雜菜、青瓜絲、青蘋果粒和蕃茄，拌勻薯蓉，口感特別綿密，加上黑醋調配，清新而滋味! 板燒榖飼澳洲肉眼配薯菜 $218榖飼肉眼扒厚實、肥美，入口鮮嫰多汁，軟腍的肉質連少許肥膏享用，香口而不油膩。最吸引是跟配的牛肝菌汁，濃郁惹味，把牛扒沾上少許，肉香加倍提升，十分誘人! 薯條粗身，脆口綿密，吸嗦了肉汁精華，同樣美味，加上伴碟的焗蔬菜，非常滿足。吃過牛扒，再呷一口接骨木花玫瑰花茶，特別清幽、解渴。煙三文魚扁意粉配鮭魚籽刁草忌廉汁 $178煙三文魚扁意粉十分Creamy，每條意粉掛滿刁草忌廉汁及三文魚籽，香滑中加上魚油點綴，啖啖鮮味! 每口意粉都有三文魚肉，絕對是"海鮮控"的必食推介! 自家製TiramisuTiramisu是魔鬼的甜品，為今餐劃上完美句號。忌廉冰涷而奶滑，質感打得像雲朵般輕柔，Tiramisu入口是濃郁的咖啡和甜酒香，混合伴碟的曲奇碎，令人一試愛上! 

和老婆外出吃晚飯，老婆提議去chef stage kitchen。即使搬了鋪，環境氣氛一流。點好菜後，先來麵包一份。黑松露牛肝菌蘑菇湯蘑菇味濃郁，有陣陣黑松露香。藜麥雞心豆沙律雞心豆含豐富的蛋白質，非常健康的菜式。板燒美國天然極黑厚切黑豬鞍扒豬鞍扒很厚身，肉味突出，一點也不韌。黑松露牛肝菌蘑菇燴意大利飯意大利飯香軟細滑，每一淡都很creamy蕃石榴薄荷接骨木花有清新的蕃石榴味，甜中帶點薄荷清香。茉莉花茶天然的茉莉花味道，茶具很美觀。提拉米蘇自家製埸甜品，口感軟滑，有酒香味道。

今日入左元朗食飯，假日黎到果然人山人海，朋友早早就推介去食chef's stage kitchen，餐廳由西菁街搬左去新店位置，地理位置更加方便，附近有多間餐廳，競爭反而更激烈。假日有brunch set menu，價錢唔貴而且選擇好多，有salad/pasta/burger/steak，一定有一款岩心水。餐廳環境好熱鬧又有格調，坐低有杯薄荷水，份外清涼。睇一睇menu我叫左個salad，有我最鐘意既溏心蛋，餐廳仲好貼心幫我轉左美國燒雞胸，因為我唔食巴馬火腿。夏日special drink有三款，我叫左益力多與芒果。夏日炎炎食個salad，飲杯冰凍飲品，實在涼透心。salad賣相非常精美，牛油果熟透入口軟綿清甜，入口非常creamy，沙律菜用上羅馬生菜，另有火箭菜，配上蜜糖醋汁，非常清新開胃，好岩夏天食用。沙律翠綠爽口，好新鮮！！溏心蛋半熟中間流心度極高，蛋白滑溜無腥味，時間掌握剛好。雞胸燒得香口，唔會太乾，微微煎香入口更是多一份焦香滋味。沙律配上蒜蓉多士，蒜味好香濃，多士即烘極是脆口。好鐘意餐廳推出的summer drink，芒果味清甜益力多甜度唔高，入口帶點微酸，非常解膩降溫。店員

晨早起床清新開朗～話說一早起身想去食個好豐富既早餐於是山長水遠行左過嚟CHEF'S STAGE食個ALL DAY BREAKFAST諗住襯早D唔使等位餐廳風格偏工業風幾有格調有陽光其實氣氛都幾唔錯A Hawaii Salad 真心覺得呢個好吸引，令人眼前一亮燒過既菠蘿又甜又多汁雞肉好嫩一D都唔柴味道亦夠。下面既沙律係咖哩薯仔蘋果同沙律菜。J Deluxe Breakfast Deluxe Breakfast既主角係煙三文魚班尼迪班尼迪蛋流心蛋白唔會老，加上煙三文魚一流不過亦都因為煙三文魚味濃食唔到荷蘭醬味道粟米用牛油炒香，份量仲要唔少呢。Elderflower Tea接骨木玫瑰花茶味道酸酸甜甜帶點玫瑰香。食完個早餐心情愉悅。等我下次試埋晚餐先～