Video
Introduction
The French toast is not the same as usual. The sauce will be flowing out once you cut the toast. You can choose from the flavor of custard, sesame and taro. Toast with sesame shrimp is another recommended choice.
continue reading
Additional Information
https://www.dimsumlau.com/about
Opening Hours
Today
10:00 - 21:00
Mon - Fri
10:00 - 21:00
Sat - Sun
09:00 - 21:00
Public Holiday
09:00 - 21:00
Above information is for reference only. Please check details with the restaurant.
周記點心(西環) 📍：香港西環西營盤水街1C-1K號東利大廈地下H1號舖🚗：香港大學地鐵B1出口 步行5分鐘📞：+852 2559-2389💲：~HKD50/head for teaFood quality👌🏼：奶黃流心西多士、熱奶茶❌：芝麻蝦多士總結：🤔爆紅嘅奶黃西多同蝦多士 個人食完覺得還好 蝦🍤多士好失望 唔建議特意過嚟食🤔西多切開時奶黃液體流哂出嚟 好似蛋液咁 但太過液體稠啲會開心啲 頗好食嘅但奶黃味唔重🤔熱奶茶☕️就正常🤔環境就同普通茶記一樣 姐姐服務都差唔多😨芝麻蝦多士睇落好吸引但食落極失望 明明好香蝦膠都好厚身 但食落淡而無味 一啲蝦味都無 真係被佢伏到🫨
continue reading
🇭🇰講到香港野，呢間周記點心+茶餐廳係我最欣賞嘅其中一間🧡佢響西營盤同港大站中間，茶餐廳格局但啲野食係傳統同創新兼備🤪😌 響早幾年佢因為自創流心西多士而爆紅，算係始祖之一，另外都有好多中式點心提供，整體上СP值幾高！-💛 <奶黃流心西多士> 呢個真係周記必點名物，兩塊炸方包夾住流沙餡睇落脹卜卜，一切開啲奶黃醬從中心澎湃地湧出黎😍😍西多偏腍唔算油，奶黃醬好有蛋黃同吉士粉香味，而且係多到每一啖點好多黎食都綽綽有餘😚👍🏻另外仲有芝麻、朱古力紫薯等口味選擇😌-🍤 <芝麻蝦多士> 另一必點招牌菜式！蝦多士外皮薄身、炸得金黃穌脆得黎唔油膩，面頭舖滿勁多白芝麻😝內餡係非常之厚身嘅蝦膠，爽身彈牙而蝦味十足，份量係多到滿晒🤩點埋沙律醬食係世界級享受🥰👍🏻-🥛 <樽裝奶茶> 呢個水準都唔錯，茶味幾濃，唔會過甜同澀😌-🧡其實周記嘅蝦多士同流心西多士係響香港食過CP值最高🤫所以次次去親都會叫，然後份量係多到兩個人食完飽到唔太叫到其他野😂下次好想試下佢啲點心同銀針粉聽講都係高質☺️
continue reading
今日去開西環，路過一間之前有報道話好好食嘅點心茶餐廳，咁就二話不說見到入邊有位即刻入去坐。😊侍應俾到餐牌之後，餐牌入邊嘅選擇好多😝，見到隔籬座都係好多人都係食西多士，而且西多士嘅餡料種類有幾幾款睇到都開心🥳！最後叫咗炸蝦西多士、醬炒蘿蔔糕、糯米包，蛋黃馬拉糕。！我自己覺得都係最好食都係蝦西多士，佢嘅蝦膠實在好厚好多，口感豐滿又唔油，一整好就端出嚟，熱辣辣🥰！份量都好足食咗好滿足。可能本身食得太飽啦，其他點心食落去就都有正常酒樓水準，以一間茶餐廳嚟講已經好唔錯。今日晏晝4:00嚟到座位都唔算滿，尚算坐得舒服。如果有機會再嚟西環，我都會再嚟食。🥳
continue reading
每次到西環都要用好多時間去諗食乜，一來唔熟依頭，二來依區有好多第二區冇嘅小店，所以間間都會想試下，今日就係比依間周記門口嘅相吸引咗入去。依間舖頭賣嘅可以算是fusion點心吧，有蝦餃燒賣，但又有西多士凍檸茶，大概全世界只有係香港依個地方，先會有咁跳嘅menu。點咗佢哋嘅下午茶餐，XO醬炒蘿蔔糕+餐飲（$52），另外點咗間舖嘅名物芝麻蝦多士（$52）。先嚟嘅係蘿蔔糕，睇個樣係唔錯嘅，除咗有正常會用嘅芽菜、紅蘿蔔一齊炒之外，仲有我鍾意嘅唐芹，面頭仲灑咗啲炒過嘅蝦皮，樣係唔錯嘅，但蘿蔔糕嘅質地有啲奇怪，點解食落會有啲煙韌嘅？感覺有啲似炸脆咗再淋翻咁，但炒蘿蔔糕唔係應該乾身架咩🤔我睇唔透，而且佢應該用咗非常多油去炒，碟底全是油，真係有影響食慾。再嚟嘅係芝麻蝦多士，依個就真係唔錯，方包中間夾住厚厚嘅蝦膠，面頭再黐滿芝麻去炸，出嚟金黃色証明炸嘅時間恰到好處，不但樣靚亦都好香，只係因為麵包係一樣非常吸油嘅食材，所以佢都唔例外，配上沙律醬本來酸酸哋係可以解膩嘅，不過諗深一層，沙律醬其實都係用油打成，所以都係點少少好喇。總結就係，下次如果再去，食蒸嘅點心好了，因為炸嘅太油喇。
continue reading
曾經有一排，成日都聽人講周記點心，因為會個流心西多士好紅。果陣我都仲未試，過左成十年都有，我成日夜晚都會食點心，咁經過呢到，就終於入去試下喇！唔試唔知咁好味😚 第一次去果陣，我叫左以下呢幾樣野食：· 春風得意腸(腸粉入邊包住啲春卷）：新穎、新鮮· 章魚雞蒸飯：好好食，應該係餸同飯一齊蒸，所以啲飯都好香甜，硬度好適中，完全係我鍾意嗰種飯· 鵪鶉蛋燒賣： 有3粒，好食· 千層糕：我係因為掛住呢一味，所以隔一星期• 熱杏仁霜： 夠溶、夠多（果隻膠杯夠哂大杯）👍🏻再去食第二次🤣🤣細個出面啲酒樓都冇，但係近年已經冇咗，好懷念。同埋呢度整得好好食，好有心機，層次分明，又唔會太甜👍🏻👍🏻👍🏻第二次，我試多咗一樣嘢，就係• 燒賣（黑松露x 2 粒+明太子x2粒）同埋• 粟米魚肚羹，有蟹柳，開正我果瓣😂🤣· 熱杏仁霜： 轉左保溫杯，好似細左，掛住隻膠杯🤣好開心有呢間點心咁好味，我可以多個地方食晚飯。店主店員都好有禮貌。不過次次人均消費都過百，$百幾蚊，都唔平架，但我亦都明，一分錢一分貨嘛。
continue reading