164
8
2
Telephone
29509929
Introduction
This Taiwanese restaurant is with a simple layout, serving authentic Taiwanese cuisine. Also, providing vegetarian meals, which is very thoughtful. continue reading
Opening Hours
Today
11:30 - 21:30
Mon - Sun
11:30 - 21:30
Payment Methods
AlipayHK Alipay Cash Octopus
Other Info
Spot payment
Review (185)
自從兄弟愛上了第二個女人,沉左船之後,我們兄弟的關係,就像風吹過黃葉落一樣,鳥過後無痕跡。話晒都曾經一起打過飛機呀,係咪先?未一起打過飛機,點算走進兄弟的內心呀?我地激烈地爭鬥邊個打得勁多,飛得勁遠,那一款PS4飛機遊戲,仍深深烙印在我腦海裡,如今這算甚麼,我是否這麼討厭,只知道付出,以後都不知怎算,還不知道吃哪一間店?咁無辦法啦,唯有奉行月經原則:每月經過甚麼便吃甚麼。饞•台式幸福食堂,恰好符合成為我的月經原則的首選。藥膳排骨 $99(台灣蓬菜米+新竹貢丸豆腐湯+藥膳排骨):越奉行月經原則得多,越覺得自己會容易失血過多,所以點選藥膳排骨進補下,以御春去濕毒。湯味帶甘,排骨夠淋,以為自己終於練成了棉花口,使出我棉花口,又吃掉兩件。鹽酥雞 $80(滷肉飯 燒仙草):吃一口饞食堂珍珠奶茶(+$20)+嘗一啖鹽香脆的鹽酥雞,仲唔係台灣夜市的標準配搭?我懷念當年去台灣旅行,單純而美好的小幸福,不過隻雞的樣子就...嗯...熄左燈都是一樣的。滷味拼盤 $68:滷牛筋+滷水雞翼+滷水蛋+滷水豆腐+成為這碟滷味拼盤,看到就恨不得即刻吃上一啖,感受你們滷味的、實實在在的存在感。炸梅粉地瓜條 $26:地瓜咪即係蕃薯,呃唔到我既。台灣的美味秘密就是總能夠夠將食材適當份量,然後作巧妙地配搭,地瓜的香甜味,薯條的形狀,再由梅粉帶出的甜酸味,吃到滿嘴都是橙色。兄弟,隨便你今天拼命愛上誰,我都會坦然面對。究竟要唱上幾多首歌,吃飽幾多頓,才能夠填滿走失兄弟的空虛。話說一段關係,前面笑得有多開心,後面就會哭得有多沮喪,真的嗎? continue reading
(The above review is the personal opinion of a user which does not represent OpenRice's point of view.)
餐廳簡潔裝修,廚房開揚可以見到師傅煮食。另設有一排排單人座位,自己一個人食都唔尷尬又舒服。平日午市12點左右人流正常,午市免加一,侍應招呼好好,帶領入座。叫左當歸鴨麵線一人套餐($76),香酥雞排一人套餐($69),每個套餐配湯/甜品,飲品蒟蒻球白桃烏龍(跟餐加配$12)。首先,當歸湯非常濃郁,真係好大陣當歸味,見到湯料有杞子。伴碟仲有小棠菜,而冬菇吸哂d湯汁,超好味又‘林’。一大碗麵線好飽肚。原隻鴨髀上枱好震撼,鴨肉好嫩,而且好易就可以拆散d肉黎食,唔怕食到周圍都係。鍾意可以配帶少少辣既醬食,更滋味。收據寫用左台灣薘萊米,雖然唔識分,但米飯粒粒分明,屬硬身少少既米(?),個人覺得好食,仲有幾粒黑芝麻點綴。雞排面頭灑有調味粉,雖然酥炸但食落唔覺熱氣。就算放耐左食,仍然keep到脆身及juicy。套餐附送既新竹貢丸豆腐湯一d都唔簡單,湯底清甜解渴,配以貢丸、幾件豆腐,就連湯品都好有心思製作,唔馬虎。而另一款選擇既甜品燒仙草同樣出色,就算單點都值得。仙草暖暖地,滑嘟嘟。紅豆微甜,芋圓煙韌,最特別係有花生更有口感。加配既蒟蒻球白桃烏龍特別在於,蒟蒻球好有咬口,一粒粒圓形,冇係其他餐廳食過。成杯野唔係好甜,夠清新,啖啖都吸到蒟蒻球。好值得叫佢d蒟蒻球飲品飲呀。整體,餐牌仲有好多少見既台灣小菜,價錢唔貴,套餐抵食。而且環境坐得舒服,侍應全部都好好人,值得去再食。 continue reading
(The above review is the personal opinion of a user which does not represent OpenRice's point of view.)
Level4 2020-12-09
1521 views
幸福真的得來不易這句說話在這年頭真的是感受甚深!在10月頭行過如心廣場看見這間台式色店饞•台式幸福食堂被它幸福兩隻字吸引了!於是就跟車爸爸去吃了一場午餐。幸福食堂店子小小的地方不大!但用上清新的木糸裝修簡簡單單反而感覺更加舒服!大家也知道車媽媽近半年都積極Keep Fit當中,所以也很少會吃一個正常份量的午餐,但我對於台灣香腸$30是絕無抗體的!於是我決定散點一客台灣香腸和一份套餐跟車爸爸分享!這個台灣香腸真心令我佩服!首先來到是凍冰冰的香腸外皮毫無脆皮的口感內裏亦沒有肉汁,最重要的是我是首次吃台灣香腸是沒有配蒜片的,吃入口完全是貼錢買難受的感覺簡直係浪費了我寶貴的Quota!另外的是一人套餐系列中的炸滷豬扒飯$90,套餐來包括有一份開胃菜、炸滷水豬扒配台灣蓬萊米一碗。蓬萊米是台灣的一款稻米品種吃下口感較黏糯而且具彈性,確實米香也挺濃我頗為喜歡這米飯的口感。而開胃菜這天我們得到的是胡麻醬菠菜,這個基本是沒什麼難度可言的前菜,只要夠新鮮便已經很好吃了。炸滷豬扒一盒有兩大件相信做法是將豬扒炸完再滷水,吃下去豬扒確實軟淋但沒有豬扒該有的口感,而且也挺重口味必須以白飯佐吃才行!飲品方面車爸爸選了熱仙草烏龍,套餐加$12(原價$24)便可享用得到,我覺得奶和茶的比例得不到平衡確實不是我杯茶!而我則散點了這杯走甜蒟蒻球百香果綠茶$24,弱弱的我還以為真的完全沒甜味我錯了定還是店員聽廣東話的水平有問題?明明看單上寫了走甜但喝下去飲甜到飛起,之後才跟我說那是百香果的甜味沒有另外加糖所以就叫走甜, OK OK我明白了所以喝了兩啖我便放棄了它!這間的幸福食堂我真的受不起留待其他朋友去好好欣賞這一份幸福吧! continue reading
(The above review is the personal opinion of a user which does not represent OpenRice's point of view.)
好掛住台式料理,但發現香港大部分台式餐廳都得肉燥飯無素食。終於俾我搵到荃灣如心廣場這間 饞 台式幸福食堂 有個純素飯餐,而且又雲耳又杞子又牛蒡超養生,仲幾好食添,去開荃灣又多個地方可以食素。 饞 台式幸福食堂 位於荃灣如心廣場二期,由荃灣西站行過去比較近,如果由荃灣站出發,沿住天橋行大概15分鐘就會到,因為都係行天橋的關係,唔會好難搵。餐廳在 Corner 位,大部分都係面壁的單邊位,大概可以坐到廿幾人。空間光猛明亮,都坐得幾舒服既。圖中圈住的就是純素選項,套餐包含開胃菜、主菜和白飯。後面仲有飲品小食,我覺得炸梅粉地瓜條和滷蛋都幾吸引。 蟲草花雲耳炒牛蒡 HK$68份量超級多的雲耳,加上很好味的獻汁,用來撈飯食一流!起初我以為上面果幾舊係豆腐,一食先發現有牛蒡味,原來牛蒡收埋在這裡,都幾有特色喎!再加上枸杞子和蟲草花,整個非常養生,是一個唔沉悶又好好食的純素餐點。開胃菜係麻醬菠菜,白飯則用左台灣蓬萊米,質素都好有誠意。 熱仙草烏龍奶茶 HK$12 (跟餐價)飲品另外加錢配了杯仙草奶茶,跟餐價只要 HK$12 又唔貴,仲勁大杯添。飲起來有台灣烏龍茶香,仙草都中規中距幾好食。原本我都驚台式小店的純素餐會好悶,估唔到咁有驚喜,食材配搭用心又夠好食,下次去開荃灣可以再食。 continue reading
(The above review is the personal opinion of a user which does not represent OpenRice's point of view.)
Level3 2021-04-21
0 views
荃灣西一帶多咗好多新商場,同時開咗好多新餐廳~除咗海之戀外,如心廣場都唔輸蝕~呢間台式餐廳就畀咗個驚喜我~轉角遇上饞•台式幸福食堂,字體好可愛~即刻上前睇下食咩先~原來提供一人套餐:一餸配白飯~除咗鹽酥雞呢啲台灣必食外,仲有藥膳排骨,啱哂養生人士,選擇可以話係適合男女老少~入面環境好乾淨~行簡約路線,用咗黃白色(招牌顏色)做highlight~門口位有得畀人自由斟水~套餐包貢丸豆腐湯or涼粉甜點~我就揀咗湯嚟暖下胃先~湯入面加咗西芹,有種特別嘅清香,感覺幾開胃~豆腐好嫩滑,同貢丸嘅軟硬度適中,唔會話感覺浸咗好耐好冧咁嗌咗個鳳梨蝦球~好食!啲蝦好鮮嫩,配搭美乃滋,滋味十足!不過食得多都會濟,所以要食返菠蘿消濟~至於三色椒就令到道菜色彩繽紛,可以話係色香味俱全!食台灣嘢點可以少得台式飲料~加$12配蒟蒻球白桃烏龍~蒟蒻球感覺健康啲,低熱量啲~哈哈~ continue reading
(The above review is the personal opinion of a user which does not represent OpenRice's point of view.)