陳新記

Open Now

Now Closed

今日同屋企人諗住去食個tea，係大街海旁行左陣就決定左上去熟食中心食一口西多士😆😆去到當然已經好多人啦🤣不過好彩有得搭枱，總算唔洗等太耐！我地兩個人叫左三樣野share~1. 招牌秘制一口西多士餐 $42係煉奶同花生醬嘅mix，唔會話太甜，幾易入口！而且個西多士炸得幾脆，放左一陣都唔會話淋晒😆坦白講呢，依個西多士唔算係好特別，但係係好食嘅！2. 招牌牛腩飯 $52整體係正正常常牛腩飯，幾好味嘅，睇個人口味，我地就略嫌啲牛腩有少少太肥🙈🙈雲吞賴粉 $36個雲吞齊晒應有嘅味道，有蝦，有豬肉，有鮮菇！而且個皮唔會太厚！所以幾好嘅！賴粉同湯底就正常偏淡🙈野飲方面就揀左奶茶同檸水，都係正正常常冇咩特別😂

想俾人無理取鬧嘅就真係嚟食下！唔知啲鋪頭做起咗 係咪就好legitimate 咁態度差，串串貢！新客第一次幫襯，等個位都要俾人訓話咁，你人多好生意，你咪寫多啲指示牌，整個排隊區囉！完全明白係熟食中心唔係預期要服務態度100分，但未至於要咁受氣！食個飯都咁受氣，真係好鬼掃興。慕名而來 去試下個名物 粒粒西多士不過不失。粒粒西多係浸過蛋漿再炸，花生醬同煉奶淋埋先上菜。係擺盤方面叫靚靚哋，俾人打卡用。再嚟一個招牌炸物3寶 $65 新鮮炸起 喉嚨痛之選整體食物質素一般，試過就算！

唔計未有記憶嘅👶🏻年代，印象中呢次係 #小秘書 第一次到 #鴨脷洲 逛街，街上滿佈各式各樣嘅懷舊小店，有啲時光到嘅感覺😉唔講唔知，近住海旁嘅 #鴨脷洲市政大廈，原來一樓嘅 #熟食市場 裡面都有好幾間網紅店，不過啲食物係咪所講嘅咁有質素🤔就真係要幫襯過先知！呢日我哋就嚟試吓 #陳新記 嘅「招牌秘製一口西多士」。造型係幾得意嘅，#西多士 整成細細粒咁一層一層咁樣疊上去，啱晒鍾意打卡嘅我😉 只可惜食物唔夠新鮮，西多士似乎係一早整起再翻炸，口感有啲失色😅 不過反而佢哋嘅 #椒鹽魚蛋 就夠晒爽彈，味道充滿椒鹽嘅香氣，夠晒惹味🤤 #招牌炸三寶（魚片頭、魚皮、炸雲吞）亦做得相當鬆化，非常有風味🤤不過整體價錢都偏貴，三個小食+2杯飲品二百蚊都未夠埋單😅 加上周圍地面濕漉漉、環境又比較迫夾😅 我諗都唔會再有下次啦🥴📍 陳新記 (鴨脷洲)洪聖街8號鴨脷洲市政大廈1樓

今日有嘢做要入鴨脷洲食完午飯之後朋友大推話要食陳新記西多士，特登去鴨脷洲市政大廈食去到就見到 Talkfood拍緊YouTube片介紹佢哋嘅西多士😆▶️ 招牌秘製一口西多士 ($35)一份有九粒，賣相超可愛同打卡-able底部係花生醬同煉奶，面頭有牛油用厚麵包整而唔係兩片方包夾埋一齊西多士啱啱炸起，入口熱辣辣🔥口感微脆 (不算香口)鍾意佢蛋味夠香不過麵包質感比較空氣，冇咩嚼口回彈力🫢唔係太啱我口味花生醬溝咗煉奶之後變得流質🥜味道淡咗，亦被煉奶嘅甜味蓋過咗花生香氣另外覺得如果用粗粒花生醬會更正-比較之下反而覺得誠記嗰個西多士好食啲🙈可能自己比較重視麵包質感價錢上亦冇誠記嗰個抵食，大概兩倍價錢，份量差唔多，只係呢個賣相靚啲然而呢度服務好好🫶🏻本身有最低消費，但係姐姐聽見我哋食完午飯特登嚟食，照樣做俾我哋 (我哋又係衰嘅，七個人分一份西多士，令佢生意難做，的確有啲唔好意思)好唔好食都係見仁見智嘅，我個朋友大讚好食，今次已經第三次食😂所以大家山長水遠入到嚟鴨脷洲都可以試一試，睇吓係咪自己心目中好食嘅西多士

我們約11點多到鴨脷洲市政大廈熟食中心已經看到有些人享受完了他們的海鮮餐。我們把在香港仔漁市場買的鮑魚丶墨魚丶竹節蝦🦐及老鼠斑放下後，便再到樓下買海鮮，最後再買多兩隻蟹🦀️。採購完畢便立刻等食🍽️，除了海鮮，我們再加了炸三寶丶5杯飲品丶一口西多士、椒絲腐乳通菜及兩碗飯🍚🍚，埋單一共800元正。首先出場是椒鹽鮑魚，明顯地有好好清洗過，椒鹽味不太強，能保持鮑魚的鮮味，亦頗乾身。之後係老鼠斑，火喉剛剛好，魚滑，只可適我買得太細條，魚油跟鼓油送飯一流，所以要了兩碗白飯。跟著是炸三寶及一口西多士，炸魚片太塊及脆，最重要是有微熱，不是平常食那些放在室温，一叫即給你這種。還有很久沒吃過的炸雲吞，乾脆而不膩。一口西多士早了上，外脆內軟，還有豐富的醬汁。再來是2斤多的墨魚，時間剛剛好，不會靭，如果配wasabi就最好。由於太大份，所以要打包做晚餐。原本想蒜蓉蒸的蝦，老板娘話當然要用佢地招牌的鼓油王煮，味道很好，鮮蝦比雪蝦當然有蝦味，肉實，鼓油王不太鹹，只是讓蝦特別是蝦殼"野味"最後是蟹，粉不算多，葱也很好吃。椒絲腐乳通菜沒有大排檔的"獲氣"，是最差的一味，不過最重要都係海鮮煮得好。整體而言是價廉物美，能大飽

隱藏喺鴨脷洲市政大廈入邊嘅美食，之前聽朋友推介話好食，難得去到鴨脷洲，當然要試吓。 呢間陳新記喺市政大廈入邊，環境一定唔可以講係寬敞同乾淨，但佢嘅食物令到我幾有驚喜。 聽講呢間陳新記上晝係茶餐廳，下晝晚市會變成大排檔。我喺晏晝去到，熟食中心入邊超多人，陳新記係靠窗口入邊嗰間，老闆娘幾好人，見到我哋兩個人俾我哋坐咗一個相對寧靜啲靠窗位置。試到呢到必食嘅一口西多士，平時成日覺得西多士好大件又要切，呢度細細舊就啱晒我！每邊都炸得金黃色，再配埋咖啡紅豆冰！真心正呀！另外，我地仲試左呢到既馳名嘅牛腩米！牛腩好嫩，好食！朋友果然冇介紹錯！

今次嚟咗鴨脷洲街市買海鮮之後上嚟加工，呢度好多人好熱鬧食咗呢度出名嘅西多士，有牛油喺面好邪惡啊，但又好好味😋我最鍾意多牛油㗎啦加工海鮮有薑蔥炒蟹，蒜蓉粉絲蒸蟶子同琵琶蝦❤️廚師控制火候控制得好好，整體來講全部都好好味，再來光顧🤗

高人教路睇餐牌同招牌去認餐廳要食陳新記既秘制一口多士！必先認住招牌同餐牌！因為事關佢隔離有間冒牌貨！點解我知？因為事關有次行完山個個都好攰就比隔籬一間叫<耀記>既大陸人呀姐招咗入去話有一口西多士食，個個都攰諗住快啲坐低，點知就奶野，耀記難食到想嘔，個西多乾爭爭硬到石頭咁，抄到抄得無誠意所以唔好見店面寫住有西多就狗衝呀，睇清楚先！到左今次我醒目喇，聽街坊教路，睇枱面餐廳寫住陳新記先好坐，原來就算同一條line都唔代表張枱係陳新記㗎，所以一定要看清同睇清招牌秘制一口西多士外脆內軟！入面好似空氣棉花咁！淋上花生醬同埋煉奶，店家一啲都唔孤寒！完全係新派西多既代表作，難怪叫秘制然後我哋發現原來連明禎BB都有嚟過呢度食呢份西多招牌炸三寶點解炸物係可以一滴油都無？一啲油膩感都無，實在太適合我呢啲怕油既人總括嚟講，呢次嘅體驗好好雖然係熟食中心，但係店員依然保持有禮貌同笑容，呢個都係值得欣賞嘅地方下次我會再嚟幫襯佢哋嘅海鮮加工

端午節想睇下龍舟，所以去左南區行行早餐去左熟食市場試下新野，大部份店鋪早市都無開，試左最旺場的陳通記待應姐姐幾nice，熟食市場少見的態度火腿通+炒蛋+凍奶茶$40火張通用左粗通有口感，炒蛋半熟有蛋汁凍奶茶加大加左$5，但目測唔系大杯好多，叫左少甜依舊好甜叉燒意+火腿奄列+奶油多$42叉燒幾甜唔會好柴，意粉份量唔算好多唔系好夠飽油多+$2就可以轉做奶油多，超開心

去完河內減肥，懶理休漁期，忍唔住要去香港築地MeTime ，第一站一定要去肥仔哥檔口買蝦，佢同我講今日有條流浮山手釣黃腳立、無慮即決，買咗半斤9 蝦，十字路口買帶子，跟住上去陳新記搵婷婷，一個男人的浪漫真正嘅流浮山手釣黃腳立、廚房蒸好後，隔壁幾條街都會聞到她的香味，LeLabo Gaiac10 Tokyo 都要行埋一邊、肉質柔嫩、肥油程度就連大拖羅都有過之而無不及，每年只有六月至七月頭才有、買少見少。只可惜我呢條據我愚見應該不是流浮山版本 ，儘管這條真的是野生，因為睇到佢嘅牙相對尖銳，而且凹凸不平大細邊、沒有那種獨特的香味及肥美程度，失望沮喪的我唯有用陳新記㊙️制一口西多士自我安慰一下能夠食到真正流浮手釣黃腳立絕對係可遇不可求

今日嚟到鴨脷洲同屋企人食海鮮，我哋私錢就喺樓下嘅市政大廈街市買餸，買咗一份扇貝，一條東星班，同埋每人一隻奄仔蟹！上到去熟食中心之後，就嚟到呢一間餐廳加工！見到餐廳出名嘅都有西多士，我哋就決定要兩份落嚟做甜品！餐廳就建議我哋蒜蓉粉絲蒸帶子！我哋就都冇乜所謂！帶子，配埋佢嘅蒜蓉，賣相都非常吸引，再加埋本身嘅粉絲吸晒佢成個醬汁嘅精華！帶子亦都非常鮮甜，食得出佢本身嘅鮮味！廚師喺控制火候嘅方面做得非常好！反而因為奄仔蟹同埋東星班都係清蒸就冇乜特別！大家如果鍾意嘅話都不放嚟呢一間餐廳加工！收費都合理

今日午飯時間，同事突然間興起，所以就一齊去咗鴨脷洲市政大廈食海鮮第一次嚟，大家通常都係喺街市自己買海鮮，之後上去上邊嘅餐廳進行加工。街市嘅海鮮選擇唔係太多，價錢亦都相若，所以如果揀啱咗，其實都可以即刻買。當然我哋就買咗賴尿蝦，蜆，魷魚，鮑魚，聖子，然之後就想去陳新記進行加工由於我哋冇idea 想點樣加工啲海鮮，所以其實全部嘢都係老細幫手，基本上都係有老細發板。當然嚟到呢度，冇理由淨係食海鮮，所以我哋都叫咗非常之出名嘅豬手，乾炒牛河，同埋一口西多士。海鮮方面，我哋一行六人，買咗大約$700嘅海鮮，之後成餐飯就係$860埋單海鮮方面，非常滿意，不過賴尿蝦，同埋魷魚方面就比較調味咸咗啲，其他味道適中豬手方面真係非常之淋，同埋入味，就算平時我唔食豬手都忍唔住食咗兩舊，乾炒牛河方面就還好，冇乜特別，一口西多士非常之邪惡，味道都非常之好食！總括嚟講都係一個唔錯嘅體驗，如果去開呢頭，有一大班人，其實都可以選擇嚟呢度食飯

我同太座對魚有好強烈既要求，所以買到游水靚海魚都會拎去俾陳新記既靚陳太，今日有游水方利300蚊，靚班緊懶尿蝦140蚊隻x2，靚南非鮑100蚊隻x2,方利剛剛好，靚魚一定要俾好師傅，蒸熟剛剛離骨，香滑有魚味無敵，個魚頭既膠質頂瓜瓜，好食既魚要慢慢食，但實在太好食🥲班馬蝦游水，班馬牙肉質綿滑偏向九肚魚，必須頂級鑊氣焦鹽，每錄拳頭甘大舊，外脆內軟，絕頂味蕾沖擊，我寫緊食評已開始餓南非鮑無咩特色都係甘既味，純粹內子想吃加上招牌魚皮，一口西多。埋單加工連兩個小食先243蚊，我坐甘耐都有少吾好意思。快樂既周末。下次再嚟

鴨脷洲大街著名的食店，位於熟食街市內，環境迫陝，地下濕漉漉，大家要有心理準備😆星期六的中午人山人海，我哋一行兩人穿插於眾多食客中找到一張二人枱。其餘大多為大枱，大家都帶外來海鮮加料，我們只有兩人，先點粉麵小試牛刀。我們分別點了豬手瀨粉🐷🤚，牛腩粗麵🐮，再加了一碟炸物三寶。豬手炆得軟稔，一碗有三大舊，配上爽滑瀨粉，十分好吃。牛腩煮法屬於比較有咬口，個人認為淋些比較好吃。炸物三寶包括了炸魚皮，炸雲吞和炸魚片頭。必點推介，魚皮簿身香脆，炸雲吞餡料豐富，炸魚片頭彈牙juicy，大家一定要試試。另外，西多士亦是一眾食客必點的菜色，不過我們兩人實在吃不下，唯有留待下一次再試。

獲得為食媽媽邀請，今日來到鴨脷洲市政大廈食海鮮。.幾年前發現了這裏海鮮新鮮，種類又多，所以不時都會來這裏大吃一番。在地下街市魚檔選購自己合心水的海鮮，然後帶到頂樓熟食市場內的餐廳加工，就即刻可以享用了。.我們多數會選擇陳新記，因為這裏還有出名的一口磚西多士，超邪惡的呢～ 很多人都慕名而來。老實的說這個西多真的做得很不錯，連不太好邪惡食物的我都多吃了幾舊。西多士超鬆軟！吃完一口感覺沒有好大負擔。當然他們放糖漿的份量都有調整，剛好，沒太多。另外點了✤ 豉油王炒麵✤ 美極炒海蝦✤ 蒜蓉粉絲蒸蟶子✤ 豉椒炒花甲.好佩服大廚，無論自攜什麼海鮮，說要什麼做法，都好像沒能考起他。當然他們也會提供建議，本來我們打算點的是蒸開邊蝦，但由於海蝦太細隻了，未能夠做到開邊，所以他們就提議炒海蝦。當然也是很有鑊氣，很好味的。海鮮加工每份大約$50-$70，全部加起來大約$700。