陳漢記 (Closed)

有得食就好去食煲仔飯日前收到屹立於大埔超過25年的煲仔飯店陳漢記粥麵專家，宣布因租約期滿，即將於3月15日結業，呢個消息太震撼🥺🥺🥺陳漢記主打煲仔飯岀名係人都知，所以襯結業前光顧下店太多人排隊，等堂食要等1個鐘以上，所以外賣，外賣都要等35-40分鐘，煲仔飯有住滿滿飯焦，就算外賣食焦都脆，飯香味夠哂，完全有水準簡單皮單瘦肉粥都好好食，粥底好棉😋😋小店馳名的煲仔飯、腸粉及花蟹粥，大家把握最後機會嘞！

當傳出它結業都很想再食一次，但時間太趕，未能抽空時間再品嘗多一次！兼已想像到會有太多人來排隊！往事只能回味！永遠留在心中。最愛『窩蛋免牛煲仔飯、腸粉系列、粥品』

食咗十幾廿年嘅粥麵舖，終於都到咗光榮結業嘅一日。以前踢完波或者收工都會去食碗麵或者食碗粥，味道都真係唔錯。啲員工嘅服務態度一向都幾友善。尤其是喺天寒地凍嘅時候，呢度啲嘢食真係暖到入心。今次光榮結業梗係要捧吓場啦！特登揸車入大埔懷緬吓過去，排隊排咗九個字就可以坐低嘞。兩個人叫咗煲仔飯、豬膶粥、白灼鵝腸墨魚鬚同腐乳通菜，食落啲嘢食水準算係保持到，飽到一個點。希望老細可以考慮喺第二度再開過第二間，到時一定去再幫襯！

3月頭巳有朋友告知食肆會在3月1 5號結業，心想起碼入去大埔食返2次先。可惜時間安排唔到，到12號晚才可入去排下隊，最後2個人排了差不多2个半小時才可入座，排到近門口時有告知相熟的朋友，比人投訴話早說他們在我哋排隊時巳可搭車到達，哈哈哈哈哈！！！侍應忙到坐下十分鐘才幫到我們下單，腸粉基本等一个鐘(慢過煲仔飯)。一人吃完兩碟腸粉唔夠侯都唔好意思加單。無論如何，吃的是記憶，懷念。希望老闆能夠再開一間，香港好吃的腸粉店很少了。

大埔陳漢記結業在即,為食香港人山長水遠入去趁熱鬧。閒日都要等個半鐘😅。排到頭位已經有夥記出嚟,幫我哋落定order叫煲仔飯,即時叫咗個白鱔排骨煲仔飯$85,入到去仍然要等差不多半個鐘,煲仔飯先可以上枱😔,白鱔有4片,鮮甜彈牙美味,幾小粒排骨乏善足陳,白飯過濕,煲底有少少飯焦。明顯趕時間,師傅用猛火減低煲飯時間。當然又叫咗個名物,腸粉就選牛肉$26,粉皮的確水晶透明,只係水份太多一夾起即散,牛肉冇乜味道,豉油教得好好,可惜啲油未滾有少少生油味。魚腩粥$44,有3件魚腩,魚腩肉嫩鮮甜👍,粥底綿滑好味😋,稍嫌味精過重。魚腩粥已經係當日3款食品最高質。煲仔飯同埋腸粉,明顯師傅趕時間導致品質下降。長長嘅人龍長時間排隊,食嘅大部分唔係食品...係情懷。🍽 餐廳: 陳漢記🏠 地址: 大埔運頭街91B地下#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西 #美食寫真 #hkig #h

一早未開門就去排隊，未夠11:00條龍已有大概30人。店員夠鐘就準時開門，然後安排客人坐滿唒先再幫你逐一落單，此舉只方便店員，但就十分浪費食客同排隊客嘅時間。我地點咗粥餐，可揀一個粥+一份腸粉，$53。但點餐時，見店員寫單都填咗單價，即收$62，每枱如是，唔知點解呢？粥比腸粉好食，夠哂味，只係覺得材料比較少。牛肉腸係碎牛，無咩牛肉味，腸粉好林，本人口味覺得唔係特別岀色。鮮蝦腸粉，蝦肉爽口總括來說，服務一般，店員安排不人性化。腸粉質素吹大咗，粥的確係好味，但不值得排長龍去食。試過就可，叫做打個卡，不排除日後佢會再開返🤣

呢排咁凍！放工收夜想啲熱辣辣嘅嘢食可惜公司附近嘅餐廳都last order哂🥲突然諗起大埔嘅陳漢記！佢地營業至晚上4點，就算幾夜嚟食都得！餐廳有煲仔飯，仲有粥品腸粉等等當日可能天氣凍，大部分人都食緊煲仔飯🤣白鱔排骨飯白鱔嘅份量都好多，肉質唔錯😋😋不過比較多骨，食嘅時候要小心啲煲仔飯最重要嘅飯焦都做到哂鼓油調整得唔錯，味道配合！大約凌晨一點食完，仍然十分滿場，仲有唔少食客入緊，可見受歡迎嘅程度😆😆

去開大埔辦年貨，順便食埋晚飯先返屋企。就諗起呢間抵食煲仔飯，好彩早黎唔洗點排隊。煲仔飯全部即叫即做，等左大約15分鐘就有得食，最緊要問職員拎鐵匙羹，方便刮飯蕉。⭐️煲仔飯係晚市先供應架⭐️排骨肉片煲仔飯 $65排骨同肉片各佔半煲，份量幾足，飯夠乾身，熱辣辣，飯蕉都唔小。北菇滑雞煲仔飯 $56菇就唔多，反而雞既份量都唔錯，雞都滑身唔鞋口，配番煲仔飯豉油就夠晒味。鮮蝦腸粉 $26好彩到夜晚都有得叫即拉腸粉，腸粉又薄又滑，配上特製豉油絕對可以encore。爽滑魚皮呢個真係市面買小見小既鮮魚皮，入口爽口彈牙，看似細細碟，食下食下份量都唔小。

每次遊車河都會考慮來到吃煲仔飯。疫情期間也來買外賣，吃出了感情，成為了一個宵夜的好地點。煲仔飯每次都會選白鱔，因為用料比較新鮮，火候次次都掌握的很好，鮮甜肥美，配上煲仔飯醬油的焦香米飯，再配上一樣臘味，非常有滿足感。上菜速度不算太慢，不知道這家是生煮還是半熟煮的，上菜以後倒入醬油再等一段時間再吃，會有更好的焦香感。有時候不夠飽配上一份腸粉，腸粉也做的很好，如果經過大埔的朋友是值得推薦的一家地道美食。

大埔陳漢記5點半去到排左45 分鐘先入得，入左去又得45 分鐘先有得食，想食的要做好心理準備滑雞肉片煲仔飯雞肉幾滑幾好味，不過太多骨，件件都有骨，肉唔多肉片好好味白膳煲仔飯白膳味幾好有飯焦食，唔錯價錢都ok, 都抵食不過排咁內就有d辛苦，可能咁啱個日多人啦

今晚等候了20分鐘才有位，叫了兩個煲仔飯，秋天起可以吃臘鴨脾臘味飯，另一個是滑雞牛肉煲仔飯。20分鐘做好；保持水準。贊一個。臘鴨脾臘味有臘肉、臘腸、潤腸，淋豉油，好好味，記得焗5分鐘才開蓋吃呀。有飯焦

早兩日食煲仔飯太多水 啲飯淋哂 完全名過於實 今日唔信邪食埋啲粥同腸粉 粥真心好普通 啲料唔多唔覺得有幾特別好食要去排半個鐘食 油炸鬼 又淋又韌 我求其街邊搵間食 唔洗排隊 都食到呢啲質素 勸大家千祈唔好浪費時間排隊🙏🏽🙏🏽🙏🏽🙏🏽

大埔行完山，熱熱地，只想快d入杯冰凍既檸茶，第一時間諗起陳漢記！今日竟然唔洗排隊直入坐低叫野食、我立即點左幾樣小食 ： 包括 炸鮮蝦雲吞 （即炸嫁 勁好食）、牛腩拼墨魚🦑 （定魷魚）（唔係好識分 😝) 兩樣食物都勁棯 加上辣椒豉油都幾好味、西多士都即炸 又係勁熱 中上啦！ 最後仲叫咗叉燒蝦腸、ok 啦、可以一試！

我地一行6人去食，叫左5碟腸粉，點知黎得4碟，同待應講，點知佢地check 都未check就話冇可能，d態度差都不得了，最後check到真係黎小左，對唔住都冇聲，除咗態度差之外食物根本就係好一般，粥底又唔得，鯪魚球，炸雲吞難食到不堪，腸粉十分之一般，真係唔明白點解會咁多好評

事原本人正用餐中，有一男士入到(只1人)已掃針咭在旁等約數分鐘(應該快食快走類)，他見阿姐經過說左句"有位未，如沒有就離去不等了"，点之阿姐未開口收銀處傳來一男士搶說"吾等得吾好等啦，橫掂我大把客"。我聽入耳難聽過粗口，做生意可以咁嘅咩！你有今日客人助力最大，不要店大欺客，更不要忘本。