泰式燒烤

Open Now

Now Closed

試過好多間九龍城泰國餐廳，始終情傾於呢一間因為有幾款菜式特別好食，所以呢十年來一直幫襯呢間。鹹魚炒椰菜苗惹味爽口唔苦青木瓜沙律有時會好辣，今次辣得温和點超推介辣椒膏炒蜆和薄餅建議薄餅點辣椒膏汁一齊食，呢度嘅薄餅係我食過最香和酥脆的！燒牛肉有時比較靭，我個人喜歡熟一點這裡的Phad Thai和蝦膏炒飯都不錯每碟菜份量都頗多，所以性價比都算高。平時亦會一定叫燒魚，有盲曹和鰂魚選擇，滑的選盲曹；有口感的選鰂魚。（今次唔記得咗影相）大size的芒果糯米飯糯米飯一半紫米和白糯米，好難唔好食

九龍城｜泰式燒烤📌 九龍城南角道33A號地舖嚟到九龍城，就緊係食泰國嘢！本來打算食隔籬嗰間泰金角，但係太多人排隊了！所以去咗依間！兩個人埋單食咗二百幾，叫咗如果喜歡重口味，呢間唔洗排隊，可以一試泰式冬陰功美味指數：🌕🌕雖然係叫細碗，但係份量絕對夠兩個人share ，入面有兩隻開咗邊嘅蝦，仲有茹做配料，味道唔會太辣，但係越飲越鹹，食完會口渴！馬拉盞炒通菜美味指數：🌕🌕🌕去泰國店基本上每次都會叫，調味好足夠，有小小辣，用嚟送飯一流！份量都還可以辣椒炒牛肉美味指數：🌕🌕🌕牛肉都幾淋，唔會太韌，食得出有牛味，不過整體口味偏濃！串燒（雞翼&豬頸肉）美味指數：🌕🌕🌕串燒嚟到嘅時候係熱辣辣嘅，雞翼嘅邊位燒到好脆，入面都幾嫩滑，配埋沙嗲醬，宵夜飲酒嘅好配搭！青檸梳打美味指數：🌕🌕🌕🌕食咗咁多濃味嘅食物，梳打好fresh，可以中和翻，令到整體冇咁膩

剛開始食, 我旁邊的朋友尖叫, 有大米奇在牆上電線走出來, 我們一直望住佢跑返轉頭入廚房...相隔一回, 更大聲尖叫....米奇再跑出來...呢次走入電視後.有2枱客走人...我都頂唔順..但係叫左雞軟骨未到.我話有冇攪錯 仲點食cancel 單 扮唔識聽 照攞出嚟..職員睇呢見怪不怪..在米奇下的枱繼續招呼新客..勁！冇得揀我都一定唔會再嚟食 ...串燒又硬又唔好食..其他食物好似魚肚羹非常一般. 啤酒幾貴..0分

冇特登搵食邊間 求其入左呢間😂估唔到唔使加一 仲份量好多！泰式炒金邊粉 ($68)炒得幾香 份量真係好多酸酸甜甜唔太辣 都有好多蝦👍🏼菠蘿炒飯 ($68)完全係4人份量😂 滿滿嘅肉鬆係面炒得幾乾身 有埋菠蘿 清新開胃😋鐵板蠔仔 ($98)同蠔餅唔同 上菜時用鐵板一齊上熱辣辣又勁多蠔 仲要唔細隻 配埋蛋就咁食已經好夠味 想再惹味d可以點佢個酸辣醬 yummy🤤凍龍眼冰 ($25)唔算太甜都幾大杯 還可以😌整體呢間泰國餐廳真係好抵食！

路經九龍城，必定要吃泰菜！今天不太餓，打算叫些小吃來填飽肚子就好比較早，7pm左右，不用排隊半生熟燒牛肉，雖說不上肉嫩，但醬汁酸酸辣辣的甚是可口！只可惜當中差不多1/3的部分都是牛筋跟脂肪，略嫌美中不足。另外點了一份咖喱炒蜆蜆肉沒有很多，但質地偏濃稠的咖喱汁，沾上香脆的薄餅，再喝一點點啤酒🍻 九龍城真是品嘗泰菜好地方！

幾乎給舖名誤導而卻步，不止有燒烤串燒，囊括泰國大部分美食。泰菜不多備的螄蚶，有白𤆥或醃，選了更鮮有的醃香茅螄蚶。 下了大量幾乎一比一的蔥、蒜、辣椒，香茅切粒混和起來呈木屑圈狀，可嚼而不起渣。啖一口螄蚶，似了汆水再醃而非生醃，因是褪去了生吃的血鮮味而肉較實，倒是大量香料配料構成的酸辣汁佐料挺惹味，甚至可取代豬頸肉來配生菜作生菜包（豬頸肉切成幼條狀，方便包裹但削了口感）。泰式拼盤設計雖好，勝在罕有放了四五隻泰式鳳爪、雞翼、春卷、蝦餅，齊集最具代表性的泰式小吃，唯：雞翼夠熱不夠酥脆；蝦餅外脆不足有欠彈牙；鳳爪不夠酸辣兼有漂白碗布味，僅餘春卷獨善其身。小二推介的串燒豬肉串不如設想，看竹簽很有現成工場製作感，醃味可。芒果冰別於平常的沙冰，不起沙，較濃稠，芒果味疑用水仙芒，香味淡甜度相對低。是有張貼標明限食90分鐘，只是此處非九龍城泰菜熱門之選，勝在三人可坐六人枱，舖外也沒等位人潮，可以慢吃。

8/9/2022因為朋友睇YouTube 而覺得喺九龍城呢間叫做‘泰式燒烤‘好似好吸引咁，所以去食吓。地鐵宋王臺站B3行出去幾分鐘就到，係方便嘅。我哋今日平日七點幾去到啱啱有得入，但係之後都好full. 本來我哋想叫冬陰功湯嘅，但係覺得舖頭入邊唔係好夠冷氣，所以朋友話等冬天先再嚟飲😂😂😂 我哋兩個人嗌咗：豬肉肉碎生菜包：感覺上份量有啲小，不過啲肉碎幾好食，辣辣地。燒牛肉：呢個好似每枱都會叫，真係幾好食喎。佢啲牛肉接近七成熟，所以好林又有牛肉味👍🏻👍🏻真心覺得呢個係必食。咖喱炒蜆（配薄餅）：佢個薄餅係即刻整嘅，熱辣辣好食。佢個咖喱就唔辣嘅。初時我地諗成$120，吾知會唔會比好少蜆，但原來都算好多蜆，都吾錯，又冇沙，但鮮甜就稱不上，因為比d咖哩味cover咗。整體上食物都唔錯，舖頭細細咁，同埋90分鐘限時。

Chai Rung Thai Food is one of my 2 most favorite Thai food restaurants in HK. I lived in Thailand for 1 year in 1992 and remember real Thai foods well since then, especially papaya salad with river crab. I tried a few places outside Kowloon City and was disappointed. I tied most places in Kowloon City and found here was one of only 2 Thai restaurants offering this papaya salad with river crab. Since then, I have been coming to this and another almost every weekend by myself and with friends. Min

呢間位於九龍城嘅泰國餐廳，一出地鐵站就會見到，非常就腳。 呢日中午我和朋友就食咗， 泰國冬陰功 河粉， 酸酸甜甜嘅冬陰功湯底，配上幾隻新鮮嘅蝦，仲有好多秀珍菇，味道好正宗。青木瓜沙律 ，青木瓜沙律份量雖然係少咗啲，但係都有好多蝦米，和小辣椒，食起嚟好夠辣，非常惹味。 泰式青咖哩 ，大腕上嘅泰式青咖哩雞，椰汁味好濃，用嚟送飯一流。餐廳環境都幾闊落，店員非常有禮貌。 價錢適中，大家不妨嚟試下。

繼續係九龍城介紹，咁又點少得泰國嘢呢😝其實當晚有幾間出名嘅泰菜都大排長龍，誤打誤撞又比我搵到間正嘢，有隱世小店嘅感覺，可以靜靜哋咁食個飯😍炸蝦餅係必叫小食😛佢嘅炸皮好薄，蝦肉細緻唔會死實，配埋個甜酸醬好開胃🍤蝦醬炒飯擺盤又幾靚😳炒飯唔會好油，淡淡蝦醬味好香，仲有蛋絲鋪面唔馬虎🤫另外叫碟清炒椰菜苗啦🥬雖然係清炒但都好有鑊氣同埋幾惹味，椰菜苗好爽口清甜☺️呢間餐廳好地道，啲員工都係泰國人，環境又唔錯，值得回頭🙌🏼

九龍城食泰國菜,呢間唔錯 專門食串燒燒烤泰式生蝦 冰鎮鮮蝦 夠爽甜 加辣椒同酸辣汁一齊食夠開胃鳳爪酸辣沙律,都係開胃小菜類, 鳳爪脆爽 麻辣酸汁提起食慾炭燒豬頸肉 厚切肥嫩 外面燒得香,肉既部份又嫩又有彈性最後就係炸物拼盤 春卷,蝦餅,同雞翼雞翼醃香茅再炸,香脆惹味,又脆又嫩又多肉春卷香脆,蝦餅鮮蝦打膠再炸,外脆嫩彈牙肉鮮甜 點埋辣醬食更加滋味平均消費$323評分8/10九龍城南角道33號A地下

🇹🇭高質抵食泰式燒烤🇹🇭據聞九龍城泰國嘢是但一間都會好味，經過［泰式燒烤］里里外外都好多人，一試果然高質又抵食！怪唔得咁多人幫襯😚♥️1️⃣泰式燒牛肉 🥩 $128👍🏻人嗌我嗌絕不輸蝕，🥸燒到半生熟嘅牛肉份量頗多，不韌不榎，鮮嫩得來食落係啖啖肉香和肉汁✨😍再沾上一旁酸酸的泰式酸辣汁～😚滿滿肉感之餘醬汁味道又清爽！滿足！好食喔！🤩📣📣📣2️⃣ 炒蜆配泰式薄餅 🥘$119👍🏻黃咖喱好好食！！味道少少偏甜但完全忍不住一啖接一啖！～最出色係食到尾聲都不會因重覆的甜味而覺得油膩口👄就算咩都配料都無就單單咖喱本身我覺得都可以食哂成兜🥳😈再配上熱辣辣又酥脆嘅泰式薄餅完全係畫龍點睛🌟！堪稱一絕～🤤就算係咖喱入邊浸耐咗薄餅入口都一樣超重酥皮同牛油香味！好好食啊～👅👅👅👍🏻蜆肉就好多隻，全部大隻無沙～！放心！好味！3️⃣冬蔭田雞湯 🍲$98👌🏻第一次見田雞同冬陰功湯嘅組合😏好奇心爆棚嘅我一定要試！田雞肉細細塊，食落幾嫩滑帶少少冬陰功湯嘅甜酸辣味～！份量都幾多，不伏可一試喔～😛👍🏻冬陰功湯先甜後酸再嘗到一唔小心咬到辣椒嘅辣🤣🤣好飲就係基本啦😜🥳4️⃣凈米線 🍜$20私心嗌黎For ❣️咖哩撈米線➕❣️冬蔭湯米線🍜🤪仲俾店員話識食

星期六難得出街食餐飯，隔離嗰位話帶我去九龍城搵好嘢食依家有屯馬線真方便，出地鐵站好快就可以搵到好嘢食。本身唔係諗住食呢間嘅，基於時間嘅關係，條人龍又太長，就轉戰咗去試泰式燒烤！本身係為咗食泰式燒牛肉，呢間都有得食，就叫咗呢樣。牛肉燒到半生熟，肉汁豐富又有牛味，鍾意食牛同食肉嘅朋友一定要試吓！咖喱炒蜆配泰式薄餅（可配蒜蓉包）大蜆好新鮮無沙，個咖喱汁一啲都唔辣，如果有啲辣味會更好，配上呢個泰式薄餅真係一流，脆卜卜同出面食開嗰啲薄餅唔同好有驚喜，加埋個咖喱汁一齊食真係不得了（唔係好影到啲蜆添）有牛肉有蜆點都要叫返個菜，泰式炒雜菜，少少辣，正正常常，有椰菜、芥蘭、椰菜花、西蘭花、秀珍菇、芽菜等等。飲品叫咗椰青同青檸梳打美中不足係甜品得芒果糯米飯，無其他選擇。糯米飯太飽了所以無揀到，下次有機會再試吓。埋單$382，價錢合理，飽飽又滿足！雖然舖頭細細，坐得好舒服就一定唔係嫁啦，但係啲泰姐姐都好有禮貌又跟單問我哋有咩嘢未嚟，食物質素又好，想食好嘢可以嚟試吓！如果多兩個朋友嚟食就可以試多幾樣嘢食啦下次試吓鐵板蠔仔，見到隔離枱食好吸引。

店舖唔大，我們星期五晚6點左右便到，無客。3個人點咗菠蘿炒飯，蛳蛤，燒牛肉，和香葉肉碎。再一人一杯珍多冰。全部都好味啊，份量正常足夠。超飽足。慢慢店舖多客，全坐滿。這個店可以encore我覺得。

呢間野次次同野獸去開九龍城都會入去價錢算係正常泰式鳳爪真係好開胃每次都會叫今次店員好熱心推介我食燒牛個樣都幾得食落就好一般唔特別又唔係靚靚牛唔知點解要咁落力sell呢個牛呢個汁又唔係好特別無咩味咁我見到同場好多人都有叫呢個牛但無人會清哂唔知大家係咪都係因為個店員係咁sell 所以叫左鐵板燒蠔仔蛋野獸次次都會叫好好味又熱又香口再加上食越/泰都會有既辣汁真係正另外見到d泰式燒魚好似都好吸引咁下次試下先嘻