38
30
15
4-min walk from Exit E, Causeway Bay MTR Station continue reading
Telephone
21379777
Opening Hours
Mon-Sun
10:30-05:45
Payment Method
Visa Master AE Cash UnionPay
Number of Seats
600
Other Info
Open Till Late
Alcoholic Drinks
May Bring Your Own Wine Details
Parking
Phone Reservation
10% Service Charge
TV Broadcast
Signature Dishes
Peking Duck 車仔麵 Sashimi Sushi
Review (90)
無雪糕好失望 Featured Review
Level4 2017-06-13
4352 views
喂喂喂,唔好一見到我個topic就無曬興趣先,就算無雪糕都有其他好多野食值得介紹架嗎!﹝其實無雪糕我都幾失望﹞自從搬左開返之後都係第一次去,個食物場好似靚左又大左,廚房又專業左。但係攞串燒個位排隊位置就麻麻地,因為d人打橫排會阻住其他人攞糖水,希望可以間好d排隊個位。有一個區域好似青bb,我以為全部都係素食,點知原來唔係架-有菜心炒肉片架,所以素食者要小心d。但亦都有齋滷味、豆腐、沙律等等適合素食者既食物,don’t worry😉!今次要排隊攞既車輪芝士意大利粉都幾好味。雖然有好多人受唔住黑松露醬隻味,但呢度都算落得好足料,而且個麵條粗身好有口感。煮麵師傅仲好好禮貌,排隊全程同我有傾有講。如果唔食肉既朋友仔可以叫師傅走蟹籽。美中不足係芝士味好似俾黑松露搶左,唔係太夠濃郁。另一個區就叫做「部隊鍋區」,既潮又貼新韓風,店主都好識做生意。事關部隊鍋材料都係以加工食物為主,相信都比鮮食平好多。此外,相信以加工食物保存期都會比新鮮食物長,咁就既時興又可以節省成本。之後想同大家介紹一樣台灣街頭成日有既小食-炸oreo,次次去到台灣都無食,第一次食反而在這裡。我食果陣已經唔係新鮮炸起啦,但依然好好食。點好食法呢?首先係個面無咩出油,無油益味。其次係粉漿夠薄,唔會咬極都咬唔到塊餅。Oreo經過油炸之後質感變得無咁硬,入口後出奇地鬆化,而且炸完唔係油膩、而伙令塊餅無咁甜同多一份甘香。除左放甜品櫃既甜品之外,現場每逢特定時間都有限量既甜品供應。我記得我留意到第一次係芝士撻,職員話要早15分鐘去排、我死唔信邪,就咁早5分鐘落去就算。結果…梗係無得食啦。之後果次輪心太軟我就醒啦,真係早15分鐘去到,但都已經係截龍前最後果幾個人啦。原來每次只係得12個甜品左右,真係「手快有手慢無呀」。同埋只有食心太軟果陣先會伴一小球雪糕俾你,自助餐、唔食過雪糕真係會唔甘心囉。不過心諗其實好多人食放題、自助餐都一定要有雪糕,就算唔係靚牌子都要食。就算無雪糕都整返幾枝雪條啦係味先?希望下次去果阡會夢想成真啦! continue reading
(The above review is the personal opinion of an user which does not represent OpenRice's point of view.)
平靚正K Buffet Featured Review
Level4 2017-03-21
9713 views
CEO曾幾何時係我地頭就黎俾我唱到爛哂上年裝修到今年都有成大半年終於上個月重開番上個禮拜去完旅行落機癲到即刻仆黎唱k裝修完地方闊落左 K Buffet選擇都幾多一樣有生蠔有刺身有壽司熟食都好多款式 仲keep住不斷refill仲有炸物 睇住師傅不斷上粉不斷炸完全無停過手 所以啲炸物係熱辣辣既不過我唔好炸物 所以無食生蠔每次限攞兩隻幾大隻 幾新鮮 海鮮仲有蟹腳 蝦 青口 螺熟食熱辣辣 炒粉麵飯雞牛豬羊鴨魚乜都有可惜眼闊肚窄 食唔到好多仲有一檔係專燒牛柳豚肉羊架帶子同蠔次次都俾人秒殺 係有酒店水準既 幾好食尤其個豚肉好有驚喜燒到啱啱好 好嫩滑好juicy隔離個乳豬飯我就覺得麻麻地海底椰燉雞湯 足料羊架 燒到啱啱好配埋薄荷醬食 一流!椰汁燉燕窩又係好好飲 飲落好順口好舒服甜品櫃 每次限攞三件都幾多款 又係會keep住refill最好食係cheesecake 好後悔無食多幾件呀木糠布甸同燉蛋都幾好食 其他就一般心太軟會出4輪 每次出8個排哂隊等 又係一出爐即刻俾人搶哂一切朱古力漿即刻湧出黎 香濃之中帶微微甘苦 連埋伴碟既cream一齊食可以中和甜膩有水準啊!連埋加一$285/位 抵到爛啦仲可以唱到天光不過第二日要番工 12點幾就走人lu~ continue reading
(The above review is the personal opinion of an user which does not represent OpenRice's point of view.)
Level3 2017-07-04
1795 views
近期同朋友去Neway 都食野多於唱K, 所以對食物質素更重視。銅鑼灣CEO 裝修後重新開張,提供升級K-Buffet好似幾吸引,有即開生蠔、多款刺身、巴馬臣芝士炒意粉、流心芝士撻、牛扒、羊架和自助火鍋等,而且平日只是$209+1,一於約埋朋友來試下。遲下可能會加價或質素下降。房間空間夠大最重要沒有煙味,而且都設有獨立廁所,天花板更有disco半圓七彩燈,有不同燈光模式可以調節,大家玩得好開心Buffet 區域都幾大而裝修企理,但由於人多,排隊有點亂,刺身和即燒肉類區都有好長人龍。在其他Neway分店侍應會主動幫手把客人的餐盤送上K 房,但呢間CEO未知是否人客太多侍應人手不足,都不會幫客人送上房。熟食都好多款式, 炒粉麵飯,雞牛豬魚菜樣樣齊。不過食野貴精不貴多,要留肚食更精的食物。這些飽肚熟食只試小小好了。即開生蠔,爽身得來帶點海水味,可惜每人每次限取2隻,而排隊的人眾多,都好難有時候再去拎。至於海鮮包括青口、海蝦、蟹腳和海螺,都很新鮮。刺身包括三文魚、吞拿魚、油甘魚和鯛魚等,每次只可選2款。而壽司是司傅現場製作的,但這樣其實太花時間了。有原個芝士車胎伴炒扁意粉,最後加上魚子和黑松露醬,味道濃郁。甜品除了有多款蛋糕和啫喱外,更有即製限量的流心芝士撻、抹茶心太軟。但由於每次出爐只有十幾個,所以一定要特定出爐時間前十幾分鐘去排隊,否則一定食唔到。流心芝士撻和抹茶心太軟都好有水準,抹茶味濃而不澀,熱辣辣,一切開即湧出流心,好好味以這個價錢而言,食物質素算是很不錯,抵食又抵玩,可惜人太多,輪候食物花太長時間了。 continue reading
(The above review is the personal opinion of an user which does not represent OpenRice's point of view.)
Level4 2017-05-12
2122 views
你一定試過一個人吃午飯⋯⋯這個燒鯖魚地獄拉麵套如何還可以接受?共 79$ 加一即88$應該可以接受的啩⋯⋯還有75$加一=83$喜歡💕😘❤️💓燒魚也較勁好辣見地獄湯底日本人拉麵無得太差滿意的意外地鯖魚質素十分滿意 continue reading
(The above review is the personal opinion of an user which does not represent OpenRice's point of view.)
Level4 2017-03-14
5169 views
黎Neway除咗唱好K除黎食嘢其實都係一個好選擇我同朋友一向都好鍾意呢度嘅滷水拼盤見咁耐冇食就order返一個黎試吓啦滷水拼盤入邊油牛展、鴨舌、雞翼尖、紅腸等等小食每樣小食都醃得好入味但就一定要盡快食晒因為放得太耐凍左 啲食物就會變硬到時其實都可以要求侍應們幫手叮翻熱佢另外在叫左個福建炒飯賣相唔差配料亦唔差 有瑤柱仔、蝦、叉燒、菜粒等等啲蝦大大隻都有口感每粒飯亦炒到乾身味道又唔會過鹹都幾好食K buffet雖然不錯但有人叫下佢哋散叫嘅食品亦係一個好嘅選擇 continue reading
(The above review is the personal opinion of an user which does not represent OpenRice's point of view.)