Video
Telephone
95148339
Opening Hours
Today
12:00 - 00:00
Mon - Sun
12:00 - 00:00
Above information is for reference only. Please check details with the restaurant.
今日係元朗剪完頭髮之後，就喺附近搵間餐廳食，見到呢一間餐廳個名幾特別，門面有好靚，所以就忍唔住入去試吓間餐廳環境幾骨緻，裝修幾靚，鋪仔細細其實都幾寬敞。坐低之後就嗌咗個軟殼蟹喇沙湯麵，同行嘅朋友就嗌咗越式火車頭湯河，跟住嗌咗杯凍青檸梳打解暑嚟到杯青檸梳打，覺得好得意，因為有隻貓造型嘅冰放喺杯青檸梳打上面，個造型好cute，杯嘢飲飲落唔會好酸，仲清爽，一路飲一路睇住隻貓貓冰越飲越低，好搞笑跟住嚟咗碗喇沙先，嗰隻蟹都幾大隻，應該都有隻手板咁大！食落都好好食，冇冷藏味，入面仲幾鮮蟹味個湯底嘅椰奶味都幾香，非常出色，唔會飲完之後個口漿糊咁，加上個麵底真係好滑，唔知係點樣整嘅慘慘，成碗麵好快就俾我食晒，連湯都幾乎飲埋，真係非常出色同行朋友碗火車頭就以清甜為特色，啲牛肉味好香，蘿蔔仲要冇渣一啖喇沙湯底一啖火車頭嘅牛肉湯底，兩個咁樣輪住飲真係好過癮經過下次要試下呀！
continue reading
今日嚟元朗買嘢，搵到呢間啱啱開咗冇幾耐嘅喇沙，又入去食吓嘢啦地址喺K Plus後邊,對住馬棠路呢度主打食喇沙，咁當然要嗌下喇沙食啦好特別嘅組合，呢度竟然有海南雞食！海南雞嘅肉質都幾滑，配埋醬油同薑，就咁食都已經好好食，而佢個喇沙唔算辣，偏甜，而且係撈咗油面同埋米粉，平時喺出邊都好少食到摻摻🙌🏻另外朋友嗌咗個海鮮喇沙，有蜆肉、青口、蝦等等，蝦就幾鮮甜嘅😙小食嗌咗呢個馬來咖喱雞酥，脆卜卜，出邊係一層酥皮入邊就係有咖喱雞，因為啱啱炸起所以好脆好香口，入邊嘅咖喱都係10分惹味另外仲有呢個酸辣鳳爪，兩個人食份量剛剛好，不過如果可以再酸少少就更好啦嘢飲方便我哋都係嗌咗咖啡，中規中矩啦，餐飲嚟講可以接受價錢嚟講我覺得都係幾抵食嘅，最尾都忍唔住買多咗個外賣返屋企🙌🏻
continue reading
今日朋友帶我嚟到元朗食呢間 cat喇沙 食馬來西亞菜😬 時間尚早 入到去就有位啦😌 坐低睇睇Menu 都有唔少選擇🤩 馬來喇沙系列、撈撈系列、越南特色湯粉、馬來特色飯、撈起咖喱 仲可以加配唔同嘅小食😗 青檸梳打 +$14特登為咗呢隻貓貓冰而黎😍 好可愛呀！飲品清新唔會太甜 特飲跟餐半價 除咗可以打卡之外 呢個貓貓冰仲係青檸梳打嘅冰 就算溶咗都唔驚杯嘢飲淡晒😇 海南雞飯 $68呢個海南雞套餐有得揀油飯、白飯或者菜飯 咁我哋就揀咗油飯～ 油飯好香 食落唔會油膩 米飯粒粒分明 煮得啱啱好👍🏻 仲有個湯 係蓮藕湯～ 雞肉嫩滑 份量都好多 全部都冇骨 啖啖肉 配埋海南雞嗰個甜醬 好好食😋 香酥雞 +$18任何飯/麵加18蚊可加配細份小食一份 叫咗香酥雞 諗住細細份 點知上到嚟份量咁多🤩 好抵食！一口香酥雞好方便食 香脆唔油膩 好味😗 軟殼蟹喇沙 $78呢個喇沙一上枱已經好香 見到咁大隻軟殼蟹 真係好正😍 外脆內軟 炸得啱啱好👍🏻 湯底甜甜辣辣 配埋米粉同油面 好味😋 炸雜丸 +$18另外一個小食就嗌咗呢個雜丸 有四粒唔同嘅丸 龍蝦丸、貢丸、牛丸、墨魚丸 作為小食我覺得啱啱好😌 整體嚟講 呢間 cat喇沙 環境舒適 店員服務態度好 食物質素不錯 同朋友嚟食下午茶傾吓偈都幾好😌
continue reading
今次黎元朗，決定試下新野，呢間馬拉餐廳新開，主打喇沙，不過其他食物款式都幾多，除左喇沙，仲有飯類，撈檬等等。豬頸肉喇沙第一啖先飲湯，面層有D蝦油， 絕對係精髓。飲落濃稠適中，一D都唔覺膩，仲滲出一陣陣既蝦膏味，整體會食到D好似咖喱微辣的餘韻。而豬頸肉煎到香脆唔韌，面底用左油麵米粉兩溝，十分掛湯。配料都好足，有豆卜，雞蛋等等，好飽肚。泰式豬手海蜇飯豬手啖啖肉，仲可以配埋甜酸醬汁，更加開胃。海蜇好惹味，偏辣，送飯一流! 夜飯仲有餐湯，青紅蘿蔔湯，味道清甜，仲可以清熱袪濕。另外仲叫左個馬拉盞炒菜，香香辣辣咁，好惹味，好食!
continue reading
我上網睇到好多人介紹元朗美食嘅群組，一定有呢一間餐廳，位置響富達廣場附近，非常方便，而且佢哋嘅牆身都好特別，非常吸引，而且呢度出名喇沙，鍾意食喇沙嘅朋友同埋鍾意食馬拉盞肉碎生菜包嘅朋友，一定要利是呀，因為呢度食飯真係好友驚喜呀，我非常推介豉椒炒蜆，佢哋嘅豆豉汁都好惹味，而且蜆肉非常多，配菜配搭得好好食，而且馬拉盞炒時菜，非常新鮮，係非常開胃，非常適合鍾意食蔬菜嘅朋友，我仲有唔同嘅小食㗎，例如有酸辣鳳爪，非常之酸酸甜甜好開胃㗎，所以我覺得好專業嘅食物啊，而且呢度嘅青檸梳打都好好飲啊，飲完之後會好舒服，好爽，而且呢度嘅炸雞扒炸雞都好好食呀，即係即整，而且份量十足，睇得出廚師好有心機為客人服務，而且呢度嘅服務多好有效率，好快就會上菜，真係好開心
continue reading
You may be interested in