Video
Above information is for reference only. Please check details with the restaurant.
今晚想食車仔麵,就行過幾條街去搵,當經過永隆街青山道交界就見到呢間車之麵,我就同阿娘入去食啦,見舖頭是L字式放坐位,店鋪小小的台只有4-5張最多只能坐20人,當晚7點幾加埋我地都只有3個客,所以我地坐轉角L位,慢慢睇下有乜食,店員哥仔好心提醒這裡是畫紙仔的,總比我地2個頭岳岳睇的好,我就揀左鮑片,椰菜餃和蘿白,米線清湯,阿娘就揀左豬大腸,蠔油冬菇和豬紅,粗麵加腩汁,再加碟芥蘭,想說用豉油上,但佢地話無,只能揀腩汁同蠔油,我又要繼續介口,只好蠔油上過左大約5min就有得食,鮑片不像出面的素鮑,雖然只有3片,但食落好煙韌有鮑味,椰菜餃皮有點厚,內裡是9份菜1份肉的比例,都有一隻匙羹咁大,蘿白超好食,夠"淋"夠甜又冇渣,米線煮得剛好,另外一碗的配料,豬紅都ok,無怪味,豬大腸幾爽無乜脂肪,冬菇是鮮冬菇,沒什麼蠔油味,粗麵我沒有試吃,芥蘭份量同價值相符,也焯得夠"淋",清湯底只吃出是咸的,之後問店員哥仔說是用雞殼煮的,但我也沒喝出雞味,只是到行出門口就想不停喝水,是味精湯才對吧!如果不是超渴味精湯底,我一定會比笑面的!
continue reading
又到長沙灣，又想試試新的食肆，在這條小街，兩面有四五間可選擇，今次就算了這裏吃車仔麵，在她對面還有一間，似乎也有好評，就留待下次試試，比較兩間的水準如何。最奇怪是米粉，顏色淺白，狀似米粉。炸魚蛋太腍，毫無口感。紅腸放得太久，又因先過熱油，如此比較硬。牛肉爽口是最正常的了。我這碗也算正常，油麵份量多。牛腩腍和入味。鮮腐竹正常。芝士腸也爽口。
continue reading
這間車仔麵地方很小，只有三數張檯，即使有時想來吃，往往因爆滿而被拒諸門外。是晚好好彩，鮮有地空了張二人檯，我也不理三七廿一，鼠了入去坐低才算。拿著車仔麵紙看，其實心目中已想定了吃的東西，辣魚蛋、蘿蔔和豬腸，麵底就要油麵，飲品則來杯凍鴛鴦。凍鴛鴦奇快地送到，味道是十分淡口的，茶和啡味均很薄弱，坦白說是挺難飲的。如單是以杯鴛鴦去評分，肯定會是個喊面，急需改善。車仔麵又如何呢? 油麵幾爽滑，蘿蔔稔身清甜；魚蛋是彈牙，不過沒有魚肉味，純靠沙嗲汁去補救；豬腸清理得乾淨，質感爽脆，總體說是對辦的。這一餐，笑面是給予車仔麵，而不是飲品的。
continue reading
其實呢間舖幫襯左唔知幾多次, 食物水準, 以其他車仔麵比較, 一向都中上, 家庭式經營, 舖仔細但煮食有心機先講麵質, 幼麵及米粉比起其他同類店鋪優勝, 店主堅持用好少少, 賺錢之餘要令食客滿意, 湯底以清湯為主, 色清味夠, 係我至愛, 同區甚至遠至旺角排隊店都搵唔到如此車仔麵最重要就3 樣野, 麵, 湯底, 食物, 既然有兩樣已經係中上水準, 我諗唔到有咩唔試o既理由店主湖北人, 自制辣椒醬油, 好味, 偏辣, 唔受得要叫佢落少d, 曾經一段短時間, 店主因為豬腸供應商"唔足稱", 改用其他豬腸, 但係食客要求用返原有好食d, 店主都依食客要求, 寧願增加成本都為滿足客人, 只係呢份用心, 以坊間愈出名食才愈下降的恆常遁理已經好大對比
continue reading
食過咁多間車仔面檔, 呢間都算幾有誠意. 尤其湯底&配餸不錯吃.腩肉 - 薄片易吃, 肉香.墨丸 - 墨魚味比一般其他店的重. 用料一流.豬大腸 - 好入味, 洗得幾汗淨下, 豆腐干 - 呢個都好入味, 勁!!韮菜餃 - 自家製, OK好吃.湯底 - 有誠意!!可能係位置問題, 因為比出面D街檔擋住, 所以經過都未必睇到, 真係有D可惜..... 試過旺角登打士街花園街交介有間車仔面, D湯底竟然似水淡而無味, D餸超普通求其!! 比起呢家真係比下去.... 值得推介!!!!
continue reading