組長日式放題 (Closed)

5人去食放題，劃左5人的份量，出得一半，仲要等左好耐。叫上第二輪要等到臨埋單先出得幾件，簡直不可接受。另團購中有列明每2人送半肩松葉蟹，我們一團5人一只松葉蟹都無上，擺到明騙人，見到隔離枱都有送，我地就無，因為已經埋單，加上時間已到，無同經理理論就走左，只可以話呢間野非常唔得，唔會再去

買左團購放題同家人去食，訂左六點鐘，限時小時，全罐裝飲料自行於雪櫃拎，有韓國蘆薈，忌廉等，水自己斟，無啤酒等供應。食物款式算多，餐桌位置比較窄，店員收拾速度算快。不過不知道是否因為頭一輪關係，第一張落單的食物竟然要四十五分鐘至五十分鐘先到，甚至其他遲過我地落單但相同食物的其他客都已經有，最後仲要點左十樣得兩樣到，真的大失所望以及一肚氣。最後明明兩小時的放題，我地用了半小時至四十分鐘用餐完畢(因為店員仍舊七點半截單)，雖然之後落單的食物都算快兼齊到，但原本打算慢慢食的放題變左快餐般。下次再幫襯要再考慮一下。

今次的放題晚飯是在團購買了優惠卷來食的, 並慶祝老媽的生日, 但感到不公平的對待, 真的是失望的生日飯！本來在團購每位$108 也算抵食, 亦知道不同時段也有附加費, 但奇怪的6:00-8:00 及 9:00-11:00 附加費是$10/位, 但7:00-9:00 則要$30/位.... 不公平的是我本來打去book 6:00pm 但服務員說滿了, 要我改7:00 或9:00.... 但因為有小朋友不可以太夜, 那便改7:00pm 雖然知道要多付服務費. 但怎知當天因為早了到6:30pm 便去到, 上去看看是否能早些入坐.... 怎知看到店內只有一半入坐率..... 那為什麼那個接電話的服務員說滿了.... 要我改7:00pm, 要我多付服務費..... 心裡已經一肚氣.... 還要等到7:00pm 才可以入坐.... 坐下, 什麼服務也沒有.... 自己倒茶, 自己拿芥末醬.... 而最後埋單除了團購的$108, 還要加$30/位服務費 + $30/位7:00-9:00pm 的附加費 + $10/位星期五至日的附加費, 每位要多付$70..... 明白餐廳要人手工作, 服務費也樂意付

禮拜六難得約左班FRIENDS出去聚聚，問大家夜晚想食乜，好幾個都話想食放題。問心其實我唔多贊成，須知道尖沙咀食嘢價錢普遍偏貴，食放題就更肉赤啦。但大圍話食都無計啦，都要上網搵搵，見到呢間放題個樣好似唔錯，最緊要係價錢都算合理，唔駛兩舊水，啱哂我地呢啲 "中產" (即中坑無產囉)於是乎一行六人去試下，估唔到有驚喜，咁既價錢咁既質素，完全物超所值啦係咪??去食日本放題，刺身一定唔可以放過，佢地都有好多款揀，三文魚同鮑片梗唔少得，最特別係有帶子同大甜蝦食，三文魚堅係厚切同好肥美，食得出好新鮮；出面好多收得仲貴既放題都冇呢啲貨色。放題就一定預左暴飲暴食啦，除左刺身，佢地仲有串燒、鐵板燒同天婦羅。我本身唔鍾意食炸嘢，人到中年係要養生嘛，但佢啲炸物算質素幾好，起碼啲炸粉同啲肉唔係痴埋一舊先，係隻蝦細左啲咁囉。串燒選擇都幾多，我地狂點都冇咩減我地，算係咁啦仲想點先。仲有壽司要一贊，好多放題的啲壽司都唔係主打，所以質素參差，但呢間竟然有芒果花之戀，細細舊又易入口，成晚最鍾意呢個。好多放題落完單，都唔會到齊啲食物，呢間又唔會喎，啲嘢食大部份都到齊。店員服務態度都算唔錯啦，雖然無乜笑容，但見佢地做到冇停

2日前預定今晚9點，早5分鐘來到，7一8成滿。先點魚生，卻最後來。三文魚無味，切得好小塊，雖然鋪得幾靚，但冰粒吾夠，而且水汪汪。其餘的油甘魚、帶子、和甜蝦只比得幾塊和幾隻，油甘魚只比得4塊，帶子也只有4隻，甜蝦好D有5隻，而且鮮甜，可惜有半身浸在水中。炸物幹爭爭，超厚粉，無味。一口牛及牛舌......不值一寫。sushi 中只有火炙OK，其他浪費quota.再來第二輪刺生，三文魚多筋無味，油甘魚只來得8塊左右，有D散。唯獨帶子鮮甜。$178+10%, 埋單每人$200.其實比多$2O，我去大瀛喜、極尚大喜屋，食得好好多。呢間野無下次。真的不明白為何有那麼多正評!?

今日和同事去尖沙咀見完客，剛好食午餐時間，想起上次食過組長都幾好食，好似都有午餐提供，就和同事一行2人走去組長食晏，12點半到去到已經冇咩位，剛好窗邊位有人走，咁早食完走應該係附近做Sales，坐底先發現餐廳改了名字，現在叫做鯨川組長，餐廳logo就變咗做鯨魚圖案，好似食放題就加咗小小價，午餐就無變，我地今日來食晏所以沒有理會，睇下個lunch menu 都有好多選擇，有二十幾款可以簡，見圖：我就點了個組長海鮮冷麵，我同事就叫了組長便當，估唔到組長海鮮冷麵會有兩隻咁大的牡丹蝦，牡丹蝦好新鮮、好爽口，冷麵好味又彈牙，仲有沙拉和麵豉湯跟，四十幾蚊真係好底食。我同事個組長便當就有雜錦天婦羅，又日式咖哩炸物，一樣有跟沙拉和麵豉湯，我同事話d天婦羅炸得好好，d炸粉比例調配得好，食落唔會太厚粉，仲炸到好鬆脆咁話喎、佢又話個炸蝦天婦羅咬落去外面脆裏面新鮮蝦肉又彈牙，一個便當第2隻嫌太小添。整體來說食午餐係尖沙咀區來說可以算得上係又平又底食，食物仲有咁嘅水準都好難得，所以再一次留食評和其他人分享一下！

都有一段時間冇黎過, 今次來到發現餐牌改動了很大, 價錢也比之前調高了, 跟女友決定入去試試。7:05pm 入座收費 $188, 其實以放題來說也不算太貴, 始終尖咀同旺角那些不同, 此價錢也是合理的。刺身選擇多了, 有油甘魚、大頭甜蝦及帆立貝等, 最好食都係三文魚, 不過帆立貝同甜蝦都新鮮 - 以放題來說質素算係咁啦。壽司方面雖然冇左軍艦, 但係有個叫 "雀巢" 既都幾得意。餐牌仲加多左好多唔同種類既炸物, 有啲都幾特別, 例如心心豆腐、蔗蝦、金絲蝦等等, 天婦羅都整得好食, 食得出係即刻新鮮炸, 仲有連他他汁釀蟹蓋都有 (雖然係細細隻咁啦)。串燒方面最好食係雞軟骨同埋雞腎, 另外燒菠蘿當飯後果都唔錯。野飲選擇都多左唔少, 女友好鍾意隻蘆薈汁 (好似係樂天?)整體黎講食物係唔錯, 對得住個價錢 - 惟一問題係員工感覺好似有啲懶散, 唔會主動收碟, 有待改善。

以前長期都有幫襯開呢間放題，今次隔左半年去食，我相信今次亦係最後1次之前食開148，今次食188，價錢加左，但係又冇返相應嘅服務野食雖然有多到，但係三文魚同生蠔都係腥嘅，超唔新鮮，好彩嘅係佢冇俾足我地姐，串燒上枱暖嘅，明顯唔係即叫即整，仲好意思，叫我等下😤😤😤主打嘅牛柳粒，變到超級難食，全熟都算la，仲有根嘅，超軔又冇汁好彩嘅係，仲有d天婦羅食得下衛生放面，壽司吧既然做得開放式，好心就叫d員工注意下自己嘅行為，公開係度撩口，最慘係撩完唔洗手繼續做OMG🙈🙈服務態度又差，之前熟個d員工好多都唔見哂，依家d員工，10問9唔應，淨係識圍埋1堆傾計🙈食完d碟，唔叫佢收都唔黎收，叫佢收仲要眼啤啤總括而言，永遠冇下次，食物質素同服務態度都超差

今晚6點幾放工即興打電話book枱食呢間放題，聽電話既店員話:6點至7點就$178加一，7點打後就$198加一。我係尖沙咀返工，7點一定到，跟住我就book左7點，亦好準時到左。埋單個時變左$188加一，張單既入座時間係7:03分，於是問點解，佢地話係計book枱既時間，我話我地咪book左7點囉，應該係$178加一。跟住佢就話唔係咁計，然後就唔出聲企係到等我地俾錢。我真係唔知佢點計~所以大家去呢間餐廳前要多加留意，因為店員係唔會同客人講清楚價錢!今次可以話係誤會，但既然你話係計booking時間，咁店員就有責任係booking既時候同客人講清楚價錢。呢間餐廳令我覺得佢地做生意唔老實。

野食味道都ok好味，特別係手卷即叫即造，我叫了蟹棒手卷，啲紫菜上碟時仲好脆，蟹棒剛剛炸完配合蛋黃醬和超脆紫菜在外面一齊食，外脆內暖咬落去好有口感，蛋黃醬甜甜地和剛炸過的蟹棒配合食起來感覺完全唔油膩，我覺得幾好味，還有另我覺得好食的美食仲有金菇牛肉卷，肉卷啲醬汁甜甜地帶小小鹹和肥牛一齊食好野味，肥牛唔算太肥，師傅切得啲肥牛夠薄好易入口，其實豬肉串燒都係用同一醬汁，豬肉燒完都仲好林和這特別的醬汁一齊食好好味，其實其它串燒都好好味，好有在居酒屋食串燒的感覺，但可惜我掛住食冇影相。其它方面食物落單後都好快送到，放題最好係連beer都任叫任飲，最後仲有雪榚食大滿足，埋單每人百零蚊落樓感覺好底，食到好滿足！值得比高啲分數👍🏻👍🏻👍🏻😋😋😎，

今晚公司gathering,一行九人，朋友介紹尖沙咀有間叫“組長”放題好抵食，見到6點入座都係$148，好似好抵咁，加上最近又忙到爆，食餐勁既慰勞下自己，於是book 枱試下。六點半去到無咩人，waitness 姐姐安排一個卡位俾我地，地方唔會好迫， 加上時間尚早，唔算太多人，所以比較寧靜，所以坐得好舒服之後開始點野食，原來要係餐牌上抄啲號碼落張紙到，幾得意咁喎，種類唔算太多，都係叫啲大路野，三文魚，吞拿魚，甜蝦，鮑魚片等等，食物普遍都係好新鮮，好好味，加上擺得好精美！！叫完魚生，叫下其他野，好似有天婦羅，都ok 好食咁，有南瓜，茄子，蝦，仲有香蕉同三文魚，款款點啲，我最鍾意食同香蕉同南瓜天婦羅，當熱辣辣咁食既時候，外脆內軟，加上香蕉的甜味，好特別，如果粉漿少啲會更加好！！！壽司有軍艦，味道都可以，因為覺得會好飽，冇叫太多呢！！！之後係menu 上見到有濃湯豬軟骨大根煮，平時都比較鍾意食啲濃味野，所以order 左一份，份量唔會太多，未食已經聞到好香八角味道，啲蘿蔔忟得好淋，好入味，豬軟骨又煮得好軟身，唔會好老，好好食，值得一試！！！仲有燒蝦，我地比較大食，order 左more 30

來吃午市放題 $148免加一總括來說,可一不可再刺身種類不算多 三文魚刺身沒有鮮味 章魚丸子太粉味付螺肉過多醬汁賣相並不討好 鹽燒雞翼無味 而且有點乾天婦羅送上的時候 沒有附上天婦羅汁一口炸雞粒根本不是一口的份量 而是炸雞件 而且炸得過了火壽司類則不過不失 唯一算上好吃的是芥末八爪魚 另外 到了放題尾聲 店員都把我們下的單丟了 還有食物未上 我們追問的時候 她說廚房已沒有單 叫我們再點 剛想把重新點過的單遞上 怎料我們的食物便又送上了食物的質素實在參差 有待改進

好耐冇寫過食評了，得閒要追返下先得呢；尋晚剛食完放題新鮮滾熱辣就寫左你先啦。組長o係放題界 (XD) 都算做幾多人識，我記得曾經都食過銅鑼灣分店的，都覺得味道唔錯而 CP 值都高的，始終佢價錢唔算貴所以唔會要求好高嘛。收工同朋友約定去尖沙咀搵食，行去亞士厘道都係貪佢選擇多又唔使點等位；見佢 7pm 前入座只係 $148+10% per head，決定入去怒食發洩一下。店舖面積唔太大，都有兩三檯客食緊了；兩個人被安排了在四人檯。座位以放題黎講都算坐得幾舒服，檯同檯之間唔太迫，又唔算太嘈靜靜地都唔錯。打開 menu 一睇都係放題大路野，選擇都算幾多丫；不過一開波梗係叫刺身同串燒啦。( p.s. 個人幾欣賞佢o既點餐方法，跟 menu 填 no. 去點餐，相比起出面好多餐廳係五顏六色分哂類o既點菜紙，咁樣感覺上比較環保呢 ) 飲品有唔少罐裝飲品選擇，啤酒都係任飲咖，亦可以散叫 sake。三文魚牛油果軍艦 - 個人好鐘意食牛油果，不嬲都覺得佢同三文魚好 match 咖，而且重點係佢塊紫菜好脆 ( 好怕 d 軟 lum lum 的 = =+)；所以好鐘意呢個呢。天婦羅 - 點左三文魚，冬菇同大

一直都有幫襯開，一次好味過一次！扺讚！★鱼生拼盤真係叫幾多俾幾多！好足料！如果師父得閒既話仲會整鱼生花花俾你tim🌺平日都唔係好需要等位等好耐，放假就記得訂位嗱😘呢道既食物都幾新鲜，即叫即做**熟食都係熱辣辣上台！Yummy!推介食品：♥芝麻菠菜（健康！食唔停！）♡牛柳粒（味道香口！）♥炸香蕉（痴線呢個食到停唔到！入口軟綿綿☺）♡香草腸（香濃好野味！）員工們非常親切，老闆都好好人，食物好味之餘又食到人情味！要支持下既😍會再黎！！

3月7日 晚上時間燒三文魚頭，腥既。三文魚刺身，竟然係糖水般的甜。甜蝦刺身，腥既。串燒羊肉及雞腎硬過骨頭。三文魚天婦羅，腥既。壽司飯好大件，魚極細。Wasabi甜既。炒雜菜係椰菜搭紅蘿蔔絲及洋蔥。海鮮煲得兩隻蝦無啦。壽司魚質素差過爭鮮9條街。炸芥末雞槌即係芥末醬塗上炸雞槌上炸野勉強可以接受熱食勉強可以接受。坐得舒服真既(唔怪得啦)。159連加一共 176多謝晒，保證無下次。果10個讚好既。。。真係多謝你地。怪唔得大喜屋咁爆人。