215
6
1
All Branches (3)
Telephone
25056933
98186528 (Whatsapp)
Opening Hours
Today
11:00 - 15:30
17:00 - 23:30
Mon - Sun
11:00 - 15:30
17:00 - 23:30
Public Holiday
11:00 - 15:30
17:00 - 23:30
Public Holiday Eve
11:00 - 15:30
17:00 - 23:30
Payment Methods
Visa Master AlipayHK Alipay Cash
Other Info
Wi-Fi
Alcoholic Drinks
May Bring Your Own Wine
Phone Reservation
Delivery
10% Service Charge
Spot payment
Review (236)
Level4 2021-04-25
2086 views
平日中午唔知食乜好,於是去校長燒肉午市放題,自從搬左後無食過。6個人被安排分開坐兩張大枱。位置近食物,座位鬆動,坐得舒服,環境唔錯,播住流行曲。肉既種類多,雞牛豬魚都有,唔同醃料,腸、丸、魷魚,選擇豐富。一張六人枱坐三人,兩邊爐都開左,方便燒。貼心一點是:枱面備有調味粉,紙巾、牛油紙,可自行按需要換爐紙。蔬菜類款式亦多。一小份分好方便取用。熟食有蒸包、點心,魚蛋、燒賣,碗仔翅,炸物,溫泉蛋。味道尚可。飲料的款式非常多,豆奶、茶、汽水、酒樣樣有,我挑選了檸檬和西柚味梳打,唔錯。壽司的款比較少,約六款左右。味道OK。爐中放滿食物,好快就有得食,火力容易控制,唔易焦,整體燒物水準可以接受。最好味既肉類,就我個人口味,偏愛三文魚腩,好濃魚油脂香。魚油滑滑的又有營養。忍不住狂食。燒完,魚肉滑口香甜,大推。最後甜品都係奶凍,啫喱類,午市無雪糕,有點失望但理解。甜品質素一般,唔好太大期望。90分鐘平日$88加一,食完飽到呢.....總結,食物質素對得住價錢,值得一讚..食物種類多,可以樣樣食d,每位$97, 都算抵。 continue reading
(The above review is the personal opinion of a user which does not represent OpenRice's point of view.)
Level4 2021-03-29
3533 views
生日行山和好友欣賞完千島湖清景台美景後,回程到來校長燒肉食放題,任食確實幾開心的。一入店內便望到樓梯間放置左件人型大小的iron man模型,相當逼真有型。而餐廳算幾大,張張都大枱座位疏鬆,枱與枱相隔遠,好有自成一角的感覺。放題分左幾個時段,當中我地揀左五點食到七點,兩小時都係每人$148,仲包埋刺身都算抵。該店可同時燒烤和打邊爐,美食選擇多,除了各類燒肉外、壽司刺身、中菜點心、沙律甜品樣樣都有。飲品有清酒、梅酒、汽水、罐裝飲品及紙裝飲品,當中最喜歡清涼爽,解渴解燥又無氣,飲多都唔易飽肚。燒烤食材食材勁多選擇,就算豬牛雞都分左不同部位和口味。食材有一口牛、蒜香牛肋條、蒜香牛扒、豬扒、牛仔腸、香草魚柳、韓風魚柳、秘製叉燒、金沙骨、麻辣雞腎、一口豚、咖哩雞軟骨、麻辣雞軟骨、蒜香雞軟骨、梅肉片、豬五花、牛五花、多春魚、秋刀魚、三文魚、鯖魚、魷魚鬚、魷魚翼、雞扒、韓風雞扒、咖喱雞扒、雞中翼、土匪雞中翼、印度風雞中翼、韓風雞中翼、炸魚蛋、貢丸、豬柳漢堡、煙鴨胸、芝心丸、麻吉燒、日式蟹柳、紅布腸、雞肉腸、台灣腸、午餐肉、火腿片、芋絲、四方魚腐、金菇、金菇肥牛卷、牛油雜菌、雞軟骨餃子等等。在煎鍋上放左隔油紙,煎起上來無咁油,又無咁多煙。壽司刺身蟹棒壽司、加州卷、豆皮壽司、三文魚壽司、芝麻鰻魚壽司、帆立貝壽司等,壽司唔算大件,而且味道唔錯都有質素的,幾有良心。刺身即叫即切都幾新鮮,而且無限拎,但每次限取三款每款兩件,包括帆立貝、三文魚、蟹柳、甜蛋、希靈魚、吞拿魚、赤蝦。中菜點心好多款中式菜式,點心都有一大堆,甚至連日式蒸蛋、葡撻、章魚小丸子、炸餃子、碗仔翅都有,但總覺得來到食燒烤比較值回票價。沙律甜品沙律菜都有幾款,仲有埋青口和長腳蟹,感覺好似酒店食自助餐咁。甜品款式好多不能盡錄,仲有盒裝雪糕、冰菠蘿和冰西瓜,食完都幾滿足。 continue reading
(The above review is the personal opinion of a user which does not represent OpenRice's point of view.)
原本買了優惠券,$78位+1...$98蚊1位優惠券寫 嘉士伯任飲+韓燒火鍋但去到有多款日本啤,真係抵食好多款肉類,又有火鍋,cp 值很高,超值!!2小時真的太短了,會再來過校長。 continue reading
(The above review is the personal opinion of a user which does not represent OpenRice's point of view.)
Level4 2021-06-06
0 views
喺荃灣成日見到呢間燒肉大排長龍,呢日咁岩入咗元朗搵朋友,晚餐就決定同friend去食,睇下點解咁多人幫襯🤣餐廳有兩層,地下個女侍應負責招待Booking,對應左之後佢就俾咗張貼紙我哋,上面寫住升級刺身通行證入到去,就係飲品櫃,飲品超多選擇,都有4大櫃 ,個場都好大,但坐滿晒咁制,估唔到星期四6pm都咁多人,我地個位係最入面,行入面都仲有好多位食物種類多不勝數,可以同時打邊爐& 燒肉都唔係到到做到,刺身方面有玉子、蟹柳棒、希靈魚、三文魚🍣 隔離都有好多款壽司整好雪條方面特別嘅就有黑牛,甜品區好多特色啫喱,最特別嘅係有清酒梅酒任飲,可以話係滿足晒放題想食嘅野,任君選擇,連花茶都有12款揀,真係話佢放題王都唔過份😂 唔怪得咁多人食、因為計埋加一都只係$179 ,抵到爛 continue reading
(The above review is the personal opinion of a user which does not represent OpenRice's point of view.)
Level3 2021-05-22
265 views
今日放假,約了妹妹去元朗按腳,順便去咗校長燒肉店食晚飯。先選擇5-7時段$158包刺身。環境空間夠大,坐位舒服闊落。嘟完安心再量體溫,侍應認真檢查,讚!食物區分:飲料區、花茶區、刺身、壽司、沙律吧、燒烤肉食、亞洲薈萃、中式佳餚、火煱食物、甜品及雪糕⋯⋯等。🍤剌身:$108另加$50就可以任食剌身,每次取都限選三款,確保剌身新鮮。赤蝦、玉子、蟹柳棒、吞拿魚、三文魚、希靈魚及螺肉。放心吃,因為碓實新鮮,赤蝦大大隻鮮甜爽口,三文魚及希靈魚也很美味,也是我最愛剌身之一。🍣壽司種類也很多,喜歡飽肚感,可以選擇不同款壽司。🍛亞洲薈萃:各式各樣熟食,剛剛煮好熱辣辣,各款美食肉類、蔬菜及炒麵都很受大眾歡迎。🥢中式佳餚:中式點心,包點、燒賣、餃子,真珠雞及粉果。茶碗蒸、青口、魚蛋、碗仔翅。🥘燒烤及火煱:可以同時進行,是不錯選擇,燒烤種類真多,我就只選擇自己愛吃肉類,因為有我喜歡腩肉、牛肋條、黑椒牛扒等,食材豐富美味,可以盡情吃!火鍋我就喜歡滾些蔬菜及豆製之類食品。🍦甜品櫃:雪糕、雪條、自製水果🍉冰、啫喱、奶凍⋯⋯。🍹飲料:花茶、梅酒、蜂蜜雪梨茶、啤酒、各款罐裝及紙包飲品。 continue reading
(The above review is the personal opinion of a user which does not represent OpenRice's point of view.)