Canton's Dim Sum Expert (Closed)

今日去深水埗嘅一間店舖睇宮崎駿展順便泥食個快點心雖然佢開左其他分店。。。係油麻地但係我都係鍾意食深水埗lee間Hahaha~推介我的最愛✨✨✨滋補藥膳鳳爪😍😍😍我每次泥都會食lee個真心好滋補，骨膠原十足而且熱辣辣👌🏼春卷新鮮即炸所以都好熱氣🤣🤣但係好食😋叉燒腸件件都有叉燒流沙包真心流出泥，大家食個時小心d🤣🤣鮮蝦菜苗餃每隻都好飽滿，好足料足料糯米雞，入面誦有蛋黃總結泥講，食物係唔錯👍🏻選擇唔係話好多好多，但係勝在件件足料😋環境其實就比較迫，唔係好似d大酒樓咁舒服嫁啦唔係嘆嘅地方同衞生唔係好好，店內有d烏蠅丫蚊丫對於衞生好高要求嘅未必接受到但係so far 我食過咁多次都無肚痛過嘅🤣🤣🤣係舊區泥講都可接受不過如果可以改善埋環境衞生嘅話，快食熱辣辣點心係ok~…Read More

星期日酒樓真係好多人等位，唔想等就揀下快食點心專門店。入面裝修簡陋，感覺好似茶記。我地兩個人叫5樣都係餐廳推介野食。鮮蝦菜苗餃 $25 皮薄，蝦肉都多但味道就麻麻，點辣椒油，好辣搶咗食物味。香煎籮白糕 $17 淡左d 同唔夠熱。鳳爪排骨飯 $25 個兜好淺 份量少。脆皮蝦腸粉 $29 呢個最好 好脆 蝦肉都多配個豉油 好味 *即叫即做**得獎懷舊雞球大包 $28 呢個見得獎就試下，好失望，賣相好肉酸，爆口。入面好多餡料 好熱拎唔到上手食 只可以用筷子食，我地感覺唔到有咩懷舊feel 寧願叫個雞包仔拎上手食🤨總結，食點心都係去酒樓食，聽到周圍熱熱鬧鬧杯杯碟碟聲係一種開心。…Read More

今日個老友嚟我屋企探我，本身想同佢去飲茶既，不過而家肺炎情況之下大家都唔想去太多人地方，就嚟到係正樓下既點心專門點食晏，其實之前已經想食，但一條友又食得唔多，所以今日岩曬喇，終於有人陪我食。點心紙簡而精，酒樓熱門野都齊，價錢都可以接受既，不過就無得開茶慢慢嘆既，坐低店員會問你想飲普洱茶定綠茶，然後就每人一抔好似茶記咁，茶既種類少，所以飲茶氣氛欠夆，但都坐得舒服既。馬拉糕好鬆軟，甜度適中，香味差啲，但份量夠大，保持到濕潤，唔乾身，唔錯唔錯。叉燒腸好淋好滑，腸粉皮夠薄，足餡料，芫荽就比較少，但岩曬我，我唔鐘意食芫荽，叉燒甜甜地，用既係瘦叉，就咁食淡左d,加鼓油同辣椒油就夠曬味喇！燒賣好好食喎，鮮蝦同肥豬肉絞碎，但係又未至於好碎，仲有蝦膠既質感，上面嘅蟹子比係酒樓嗰隻點綴式既份量多一半，一啖一粒yummy !鹹水角外脆內軟，好食過酒樓多多聲，美中不足嘅就係餡料嘅味道就偏鹹，但外皮好香好煙韌。同埋餡料好少。。。鳳爪蒸嘅時間未夠，骨肉未分離，所以好難Lun骨。味道就重口味無雪藏味既，豆豉味同椒味都無乜，主要係甜醬汁味道。食咁多嘢先每人都係60蚊左右，抵食過去飲茶啦！…Read More

和朋友在深水埗行街，走得好累想著來吃點心，街邊的小店好吃的要命啦～找了一家進去果然不錯蝦雲吞裡面的蝦很大很大，還有腸粉！第一次見到是長長的一根！而且料非常足呦！還有重點推薦他家的奶黄流沙包！和普通的不同，餡料非常濃稠，咸蛋黃的味道很濃！超級滿足呦😋…Read More

服務態度差，衛生情況惡劣， 食材不新鮮， 又貴又唔好食，茶葉差到唔想飲，相對其他小型茶樓仔差好多。仲要自以為是，遲早再見。 蝦餃無蝦味，腸粉又粗，牛肉仲差過即食点心，粥味精好重，只此一次，沒有下次…Read More