181
75
58
Telephone
2716 7318
Introduction
1991年開業、多年來很受明星歡迎的泰國菜館,以活蝦刺身及醬爆蝦丸打響名堂。 continue reading
Awards and Titles
Best South East Asian Restaurant (2010)
Good For
Group Dining
Opening Hours
Mon - Sun
11:00 - 01:00
Payment Method
Visa Master Cash UnionPay
Number of Seats
45
Other Info
Open Till Late
Alcoholic Drinks
Parking
Phone Reservation
Signature Dishes
Fried Crab with Curry Fresh Shrimp Sashimi Shrimp Balls
Review (325)
Level2 2018-09-02
66 views
想食泰國菜,就會諗去九龍城。去九龍城食泰國菜,就一定會提起金寶泰國菜館呢間老字號,相信大部分人都食過啦。而我就已經好幾年無踏入過金寶。無記錯以前係叫waiter落單既,宜家轉左自己寫紙仔落單,其實方便左唔少酸辣鳳爪 平時唔係好食得辣既我都覺得好好食,必encore生蝦刺身啲蝦好新鮮主食就叫左炒菜,泰式炒金邊粉,青咖哩雞肉同埋豬頸肉本人覺得最好食係豬頸肉,燒得好香飲品方面就叫左椰青同珍多冰,呢兩樣都係食泰國菜必叫 而金寶係呢方面都好出色 continue reading
(The above review is the personal opinion of an user which does not represent OpenRice's point of view.)
Level1 2013-08-14
1483 views
本身不嬲食開隔離2條街既泰之味,但可惜可能因為颱風關係冇開所以上左openrice睇下其他泰式餐廳,搵到呢間。前菜叫左酸辣脫骨鳳爪,泰式拼盤,串燒。鳳爪冇酸味小辣,本人好酸所以覺得麻麻。拼盤每樣有d所以適合想試多d款但人又吾多既人。串燒冇乜特別。主菜叫左咖哩炒蟹,泰式明爐烏頭,白切海南雞。炒蟹冇辣得個甜,不過殼夠薄肉鮮。明爐烏頭係全晚最吾滿意既一道菜,冇味到想喊,連魚既味都冇。海南雞係油左少少,味道可以。整體麻麻,所以吾會再黎第二次。 continue reading
(The above review is the personal opinion of an user which does not represent OpenRice's point of view.)
Level4 2013-07-31
956 views
本來係想去另一間金寶,但行錯左呢間金寶,見未試過又唔洗等位,即刻入座.先黎泰式生蝦 - 佢已將較好左嘅辣汁淋好,面頭有好多生蒜,嘩!辣到噴火,$75一共有8隻,抵食!平時比碟汁你自己點, 怕辣的始終會就住黎點, 呢度預先淋好晒D汁, 一係你就咪食, 一食就要你噴火... 跟住係蒜蓉炒A菜 - 一向很愛很愛A菜,有A菜的地方,我必吃,味道很甜是A菜的保證。冬蔭公 - 叫了個細的, 4個人SHARE 3碗的份量, 我不好辣,這裡的冬蔭公很合我口味,只香不辣,材料也很豐富。雞肉黃咖喱,完全不辣,似葡國雞多D,稀得滯, 同埋發現有新鮮菠蘿响入面, 我未食過咖喱入面有菠蘿, 唔知係咪咁既呢... 但用黎點蒜蓉包都好好味既... 菠蘿炒飯 - 一般, 飯有點硬, 但$50咁平, 想點吖?泰式炒金邊粉 - 4人一致覺得很好吃, 很香口, 可惜既係金邊粉太小, 豆乾同埋芽菜太多......甜品類 : 都有好多選擇, 我地叫左.... 1) 椰汁糕 (綠色果件, 佢係叫椰X糕, 我唔記得中間個字係乜, 所以叫住椰汁糕先) - 好煙刃, 唔會雪到硬晒, 中間深色D 果層仲有少少食緊椰蓉的口感, 平時响出面食套餐, 一人得一粒仔, 今次$20 有咁大件, 好抵食... 2) 芒果鴛鴦糯米飯 - 個賣相同張相真係爭好遠, 一黎到大家都已經覺得唔係嘛, 唔方好食啦... 但食落又OK 喎, 椰汁很香, 2種糯米都好軟熟, 咁岩芒果又夠甜.... 正!3) 椰汁糕 - 好似唔知擺左几耐咁, 墊底既葉已經黃晒, 我唔敢食, 友人都話好難食, 冇椰味反而好大陣葉味.... 整體食物都几好食, 坐得有D 逼, 同後面D 枱頂得好實, 同埋佢一入門口右手邊全部都係6人以上既長枱, 所以出出入入都要唔該借過... 有D 煩 ! continue reading
(The above review is the personal opinion of an user which does not represent OpenRice's point of view.)
Level1 2013-07-09
560 views
好少入九龍城, 但難得地我多年前已經食過金寶。時值星期6晚7點半, 友人帶我地黎到小曼谷既門口(據聞好出名?), 呢個時間多人係意料中事。轉場黎到金寶, 佢有幾間連鋪, 而且岩岩開埋二層閣樓, 所以順利入座。叫野食係自己click既, 大家都即刻叫出自己想食既泰國菜。生蝦刺身, 明爐烏頭, 串燒, 我即刻和議, 然後專心做低頭族。其間, 我聽到佢地討論濱海, 原來呢間餐廳除左有泰國野, 仲有一part係越南menu。佢地唔知道咩係濱海, 我只係答左句咀話: 係越南野黎架, 即係有塊粉包住d野黎食。跟住就冇再理佢地。我呢一刻都唔知道, 我原來已經鑄成大錯。食物黎之前, 我地叫野飲, 友人研究珍多冰同三色冰, 邊杯先係好多jelly架呢, 我記得珍多冰應該係多豆, 加上佢話個menu三色冰個英文名有寫住jelly, 但係珍多冰就只係譯音, 所以選擇左三色冰。係就係有jelly, 不過再多d就正, 同埋杯椰汁好鬼甜, 甜得滯。其他人飲普通啤酒汽水, 我叫左杯龍眼冰, 正常, 係泰國飲品一貫既甜, 呢d特飲既價錢, 係$20-25不等。另外再加單叫左一個軟殼蟹, 我地無寫紙, 只係直接同個妹妹仔落單, 佢可能係summer job, 仲返轉頭問我地要大既定細既, 我地諗住叫個細既, 有一人一舊就夠。食物逐一上台。生蝦刺身 - 個樣似係整定雪定, 不過食落都幾新鮮, 應該係虎蝦? 生蒜香, 辣椒仔辣, 醬汁惹味。雖然係辣, 但係辣味唔會係口入面last好耐, 正!友人仲食埋佢墊底既椰菜絲, 佢話配佢酸酸辣辣既汁好好味。無骨鳳爪 - 無限大一家不嬲都中意食雞腳, 酸酸辣辣, 又係椰菜絲都掃埋。蝦春卷 - 岩岩炸起熱辣辣上台, 脆外皮加上蝦肉甜。 呢一味好好食。明爐烏魚 - 魚大條, 我食背部既滑肉, 肉上仲有黃油。甘大條魚肉質都甘滑, 抵讚。不過我本身中意飲明爐魚既湯汁, 呢個既味道我覺得較酸左dd, 地道得滯, 哈哈。小食拼盤 - 又有蝦春卷啦, 好野! 仲有串燒, 炸蝦餅, 葉包雞。炸蝦餅好彈牙鮮甜, 好味。串燒濱海 - 有3串串燒, 仲有一盤生菜, 香茅葉可以一齊包住食。牛油雞翼 - 又係越南名物, 外脆內嫩, 好味。惡夢黎啦! 另外兩碟串燒濱海黎到。原來友人本來係想叫串燒, 而佢地又唔知濱海係咩黎, 落單個張紙又冇寫價錢, 所以佢地叫個陣就問過侍應, 一碟串燒濱海有幾多串串燒, 侍應答佢地一碟有3串。結果佢地就叫左豬, 牛, 雞各一。我地接收左一共3碟濱海。其實, 生菜包串燒肉包香茅葉, 係好好味既。 只係我地叫得太多了。跟濱海呢個串燒都值得講下, 佢燒之前一定係扭得d肉好實, 串左好多肉, 係就係抵食, 不過好難脫籤, 搞到我地成日有肉係張台度飛, 哈哈。同埋濱海呢個串燒冇小食拼盤個串燒燒得甘靚。係我地埋頭狂食既其間, 泰式炒雜菜, 菠蘿炒飯, 鹹魚炒芥蘭相繼上台。鹹魚炒芥蘭好食過泰式炒雜菜, 可能因為係鹹魚所以有味d, 不過我就覺得佢都仲係唔夠濃味。菠蘿炒飯 - 無限大爸話佢好好食, 炒得靚。不過我就覺得佢太甜, 好小朋友口味。係我地努力殲滅張台幾乎放唔落既所有食物時, 我地諗住仲有個軟殼蟹未到, 好在叫左個細。點知仲有半隻雞。我已經麻木到食唔出同唔記得雞既味道啦。食到最後, 我地落單時再三詢問既軟殼蟹居然仲係冇黎到。或者我地應該叫做慶幸佢漏單。不過提醒各位食友, 落單都係寫order紙好, 如果唔係可能會有漏入機既情況, 我地check單時, 都的確冇落軟殼蟹。6個人, 食左13碟餸, 叫左3支啤酒, 兩杯特飲, 一罐汽水。埋單$1,072-。食左甘多野, 唔使200蚊一個人, 都算好抵食。 continue reading
(The above review is the personal opinion of an user which does not represent OpenRice's point of view.)
Level1 2013-06-06
313 views
和客戶四人到此下午茶,叫侍應來點菜,那女侍應叫我把叫的菜畫到點菜紙,媽的幹嗎請你來白吃的,服務沒有了,叫了波羅抄飯,丁點味道都沒有,像吃紙皮,生牛肉粉肉是全熟,牛肉丁點鮮味都無,沒有熱茶,水欠俸。下次請我都唔食。 continue reading
(The above review is the personal opinion of an user which does not represent OpenRice's point of view.)