詩餅坊

Open Now

Now Closed

前排去西環玩ingress… 行到餓餓哋 …就上網查一查 有咩好食 …呢間 咁啱在附近… 就去食 …揀咗綠茶紅豆蛋糕 …外型似個城堡… 用蛋 捲堆砌 …綠茶味 淡淡地 …紅豆味清清地… 造成平衡狀態 …互相都 不會 掩蓋對方… 幾好

今次其實係我第二次係詩餅坊 訂蛋糕食啦 仲好記得上次嗰個紫薯蛋糕令到我好掛住佢 因為個紫薯同個蛋糕比例啱啱好 而且成個蛋糕唔會太甜 Cream方面又唔會好多 因為出邊好多蛋糕舖 都會好甜。而且一尾就好多cream所以今次生日都決定再喺呢度訂蛋糕今次就想試吓新野 所以就訂左栗子蛋糕食完之後 覺得紫薯比栗子更加好食 反而覺得栗子蛋糕會偏甜 但係入面嘅料就差唔多 都唔係話好多cream咁 而且成個蛋糕都好靚 呢度都夠我哋10個女仔食 不過個人來講就覺得如果冇咗蝴蝶會好啲 但呢個好似係詩餅坊嘅特色🤣🤣

香港有水準的小餅店越來越多，當中我始終鐘情這一間，可惜我住得不太近，而它亦一直堅持唔開分店是次家人晚飯難得選址堅尼地城，所以飯前就先到了小店買蛋糕，順道慶祝家人生日多年前已經香港未興起紫薯時，此店可謂紫薯甜品的始祖，掀起靚靚的紫色甜品風潮所以我其實早於三、四年前已幫襯過它的紫薯蛋糕。今次想試下有冇其他新口味，不過我地比較遲，約六點幾先到，結果都只係有紫薯😂招牌蛋糕換了新裝，外觀上個人認為比之前的清雅，更加附合詩餅坊的形象Style買了之後店主即刻加上兩隻栩栩如生的彩色蝴蝶朱古力，仲要係可食用的！家中的小朋友極之喜歡！生日牌亦有心思地同樣配上紫色切開蛋糕，就知道真係百分之百新鮮製造的。紫薯不太甜又十分濕潤，好似食緊啖啖新鮮紫薯一樣；配合鮮忌廉更加出色，食得出店家對食材的認真；中間夾住的是普通海綿蛋糕，但平凡中更見技術，蛋糕係極之鬆軟綿密！我地雖然正餐已經吃到捧住肚皮，但如此出色的蛋糕當然都係吃清光好開心知道小店依舊保持水準，下次希望可以試到招牌紫薯以外的口味啦！

今日咁啱去港島西出沒，下午茶尾段又未到晚餐，肚子有點餓，行行下忽然見到有間餅店便停下腳步入去看看秋日不難看到以粟子或紫薯製作的甜點，但竟然有芋泥？我被兩款青綠色的甜點吸引著，一款是好像粉筆拼作的綠茶紅豆$38，另一款是少有的開心果拿破崙$48，但裝飾又不大吸引，店員見我猶豫不決，話開心果較少有（但價錢多$10），而且是由餅房內取出而非店中展示櫃那件，因為咁我就決定試開心果拿破崙。付錢後即堂吃，賣相不算吸引，一共有四層，每層一片酥皮、開心果醬和開心果碎；店員告知開心果醬不是經常返貨的。我逐層拿來吃，每一口也有開心果醬和酥皮，可惜明顯酥皮明顯已受潮，並未能保持鬆脆，最基本是要保持酥脆吧和Royal Garden相比真係⋯⋯⋯⋯以$48一件拿破崙，個人認為物非所值，這個價錢的件裝拿破崙餅理應酥香鬆脆才是。我諗可能要揀選食評中較大路的款式會較安全

今日去左西環食飯想買啲甜品返去做宵夜所以揀左呢間餅舖我買左綠茶紅豆蛋糕同埋紫蕃薯蛋糕我只係多口問可唔可以晏啲返黎拎店員問我幾點左右黎我大約講左個時間點知佢話到時新鮮整一個新既綠茶紅豆蛋糕我 !原因係個蛋糕要係3個鐘頭內食當堂覺得好貼心 最後我大約係兩個鐘頭後食綠茶紅豆蛋糕既外型吸引不過真係有少少「林」左第一啖食真係有好濃綠茶味 !不過再食多幾啖就會覺得甜左啲至於紫蕃薯蛋糕就一致好評因為唔會太甜 整體都覺得唔錯當然價錢都唔係太平喇 !

平時我都好少去西環不過約左慶生飯係西環所以早少少到 諗住係附近買個蛋糕因為都有啲晏所以冇乜款揀就買左個特別少少嘅豆腐芝土蛋糕個姐姐都算幾好服務 重點係諗住冇乜特別嘅蛋糕竟然搞到我比人讚豆腐味都好重食落幾滑芝士味恰如其份冇搶走淡淡地嘅豆腐味個面燒一燒 有少少焦香三百蚊左右 真係唔錯 起碼夠食夠飽夠靚由於比人讚我選擇英明 寫篇食評以茲紀念

沒想過一間蛋糕小店，卻帶來意外驚喜簡單俐落的設計，蛋糕櫃裡每款蛋糕都做得相當精緻，每件都像藝術品一樣選擇了朱古力松露撻，朱古力撻上鋪滿小小的棉花糖，朱古力撻味道濃郁，可可味淳厚，餅底香一試就知師傅用上質素較好的朱古力製作，食完都唔會覺太膩感覺這種原味材料造出來的蛋糕，不加人工調味色素，出來的餅都是比較香比較好味！

Happy Birthday!!! 🎂七月生日的朋友仔永遠快樂！❤️❤️❤️。淡淡的紫薯味，重口味打邊爐之後，最好不過的點綴。。蝴蝶的裝飾極美麗，朋友也極推薦坐在房內享受個下午茶。。相比起某些大型蛋糕連鎖店，這家的蛋糕紫薯味較為香濃，而且感覺也不太人工調味，朋友都對紫薯的味道讚不絕口。。而且鮮奶油也打得非常好，不太甜，起了恰到好處的點綴作用。。而且點綴的蝴蝶也非常美麗，拍起照片來十分上鏡，基本上女生看到都應該非常喜歡。

紫薯蓉蛋糕 $43Purple Potato Cake面層紫薯蓉成螺旋狀, 造型簡單漂亮🌸 紫薯味都幾濃郁, texture 幼滑. 中間係cream 同海棉蛋糕, 蛋糕綿軟, 甜度適中, 整體味道唔錯. 不過餅底牛油味過重而且唔脆, mix 埋食左一啖, 牛油蓋過紫薯香🙈 最後食剩左大半塊綠茶紅豆蛋糕 $38Red Bean & Green Tea Cake抹茶控可能會失望, 出面柱狀既雖然呈綠色, 但抹茶味好~~~弱, 似係砂糖條唔脆而且偏甜. 好彩中間蛋糕仍然輕盈軟熟, 為佢拉番幾分. 不過試其他cakes 會更好吧🙈

今天經過詩餅坊，看見許多造形漂亮的蛋糕，便忍不住走進去買了一個試試，想不到大有驚喜。我買了一個綠茶紅豆蛋糕，綠茶味十足，蛋糕鬆脆嫩滑，令人齒頰留香。蛋糕非常好吃，期待下次試一試其他款式。

很少寫食評，但今次訂蛋糕經驗很想分享一下！師傅好好人！我想弄一個跟他們單件紫薯cake造型一樣，他也可以幫我弄到！溝通過程也是很好的！效果出來好靚！而且味道真的好好味！不是很甜！很滑的！簡單的美！蛋糕一切，很快就吃完了！價錢方面真的合理！抵食！$298一磅！相片中訂的是二磅！會繼續支持！位置是比較難找！但地鐵開通了就不難到！附近也有巴士及電車！而且門口是可以停車！非常適合開車的人！有咪錶，又是一方面之處！訂過很多大牌子的蛋糕，店員不是太麻煩就是不想做生意的態度！這一家真的令人感到溫暖！我見到有紅菜頭蛋糕，下次一定會去試！

今日生日，老公為左我話鍾意食lemon tart，今日特登係屯門坐車去西環買左2個tart，再拎去灣仔間餐廳放低留番今晚晚飯後食。真窩心!說好的lemon tart，唔係間間都做得好食，亦未必間間水準會做得好穩定。呢個tart望佢第一眼，我好希望食第一啖既時候，口腔會充滿淡淡既酸味，繼而帶一點甜，加上tart皮既鬆脆。好喇，回歸現實 - 酸味唔夠，反而係吉士過多，tart皮唔係鬆脆但又至於淋左，只係，食完一個已經好膩。

享用晚飯後，我們來到海邊散散身，談談心；然後來到這條厚和街，原來是想到另一間吃窩夫甜品的，但因為每人都需點一客食物，而我在這麼晚了已不能容納一整個甜品，於是便帶她來到這裡，看看有否她感興趣的甜品。進來後，她毫不猶豫地買了紫薯蛋糕，這確實是難得看到她這麼果斷的一刻，果然是名副其實的紫薯控! 其實這家我也想試了很久，今天隨緣而到，可以淺嚐一下。紫薯撻一個不算很大，簡單的造型，只配以糖霜蝴蝶作點綴。幫定拍完寫真後已忍不住試了口，紫薯味十分濃郁，感覺像正在吃新鮮的紫薯，我也曾吃過兩大連鎖店的紫薯系列，也沒有這個的紫薯味來到豐富，而且紫薯蓉的質感亦很creamy，內層是忌廉和蛋糕，忌廉甜滑幼細，蛋糕質地軟綿；最底層是餅皮，雖然口感鬆脆，我則稍嫌太薄身，有點不夠喉的感覺，如做成更厚身的撻皮便是100分。紫薯迷真的可以一試，但價錢真的稍高，$42一個，真的一分錢一分貨，還有幾款希望以後有機會再來試。紫薯控友人表示大滿足。

話說屋企有人生日，但又唔想食得太甜，問下朋友，居然介紹一間響西環厚和街，我經過禁多次都比車遮住咗，留意唔到有一間隱世餅店，見到佢地個紫薯蛋糕就有興趣一試，原來質素比酒店嗰d還要高，全家人都話好食，餅底香.蛋糕偏軟身.cream入口好滑.口感唔會勁甜，整體嚟講對得住價格，店員殷勤招待，會逐一介紹產品，服務一流.

之前上網一直都好想試佢蛋糕，咁啱今次去開西環食飯，所以食完晚飯後就去買件蛋糕試下，結果買左件紫薯蛋糕，紫薯cream好軟滑，紫薯味好濃郁，而中間既心有蛋糕，好軟綿。果然聞名不如見面。