Cafeholic (Closed)

喺沙田區諗食乜早餐都諗到悶，成日食都係啲連鎖店，今朝唔趕時間，就決定行遠少少食新野cafeholic,10：30餐廳人數不算多，一個人成功坐到4人台卡位，叫左蟹柳炒蛋蕃茄通，湯底帶酸但蕃茄味濃，非常優質，蟹柳都唔係hea貨，完全唔粉，餐飲奶茶都係中上既品質，只可惜跟餐冇多士，少少美中不足，但總括黎講都係好滿意😋😋好味道

咁岩黎到沙田行街，行到攰一攰，當然要搵啲野食醫下肚！沙田無論幾時都咁多人，要搵間餐廳坐低食野真係唔容易😫去到冇咁多人既希爾頓中心，發現左一間西餐廳，下午茶款式都多而且價錢都唔貴最重要唔要點等位，就衝左入去坐低了😂入到去睇睇menu，揀左個卡邦尼意粉，煙三文魚碎蛋沙律·吞拿魚班尼迪蛋同埋一個士多啤梨雪糕窩夫！卡邦尼意粉好多汁，每條意粉都充滿芝士汁，好creamy，不過食得太多會好濟！班尼迪蛋有2款，一個煙三文魚沙律，一個吞拿魚蛋！一次過可以試晒2個口味，正！而窩夫就有啲普通，比較淋！面頭有雲呢拿雪糕同幾粒士多啤梨，士多啤梨比較酸！整體黎講環境同野食都ok!

今日忙著買聖誕礼物比小朋友，來過快吃有質素午餐。点了黑松露白汁蝦意粉,蒜香雞翼，烟三文魚芝士薄餅。蒜香雞翼味道夠，配沙律菜和柚子醋。芥末三文魚pizza 餅底夠脆，三文魚好大片，抵食黑松露非常多。

入到希爾頓中心找地方食late lunch，當時已是下午茶時間，單叫咗一個意粉，意粉唔係屬於下午茶餐，份量好大可以兩個人食都得，跟住叫咗一個waffle tea set，加咗一個雜菜湯，waffle雖然得兩件個，但係好夠飽，奶茶又OK好飲，到行出去埋緊單，有個女侍應走埋嚟問，你係唔係留低左個電話？當時我聽到望一望個電話，嚇得我成個心跳出來，好彩個侍應執番比我，我當時真係覺得自己好好彩遇到好人，如果比其他人執咗又唔交返出嚟，我都唔知點算，所以我覺得呢位女侍應係好值得表揚下佢嘅職業操守，所以我喺呢度好衷心咁樣多謝佢，好感激佢！

7/10.身為沙田友其中一個煩惱就是沒有什麼好吃。。新城市一帶都是貴同商業化的餐廳，想食一些平民化的餐廳都抉擇極小！今日逼於無耐地都要在沙田吃lunch 又面對同一個問題。上網看看都沒什麼吸引，唯讀見到呢間像比較平民化就試試啦。lunch menu 抉擇不多，反而a la carte menu 多好多抉擇同看落比較吸引。從lunch menu 的"黑松露蝦珍珠帶子意" 真是有驚喜！黑松露味好濃，味度做到剛剛好真是不錯😋😋💯另外，好多西餐廳可能忽略一點非常重要因素，就是上碟時，食物要熱的！！而這碟菜這方面做得很好！其他的菜式都算中上。下次來試試其他菜式啊！

下午4點，在沙田新城巿廣場附近行得很攰，想找地方坐下，食少少野。走到希爾頓中心，第一次來幫襯，真的有驚喜！餐廳環境很舒服、很寧靜，顧客們都低聲細語，坐了個多小時都無丁點嘈吵，走運吧，很享受這個優閒的靜！menu選擇多樣，飽肚的和輕食的也有！點了兩個餐share，吞拿魚碎疍沙律法式多士，美味，特別喜歡沙律菜！香焗比利時窩夫，厚厚的，趁暖暖時吃，吃一件都飽肚！再加即磨咖啡，咖啡味雖然不濃，但都收貨！枱面有一樽水，朋友說可以飲的，姑且一試，真的飲不出味道來！

來到人來人往的沙田周圍都是人去了另一個較少人的商場搵食一於去食西餐午餐時間都是多人等左十幾分鐘終於有得入座了座位都幾舒適我們二人各自選了一個set lunch價錢都算合理啦喜歡吃帶子的我就選了珍珠帶子蜆肉茄醬意粉，朋友就食鮮菌煙肉忌廉扁意粉好快食物就送上，賣相好吸引望落就覺得不錯了食落又真的好好啊兩個粉都好多汁，粉不乾不硬，軟硬適中珍珠帶子蜆肉茄醬意粉好多茄醬酸甜開胃最重要是都好多蜆肉，帶子粒都不少味道很好👍🏻試了少少朋友的扁意粉，好juicy好creamy我們都覺得好食😋唔怪得咁多人等位啦！

下午茶餐經濟好而又好味，實在較難找到。呢次偶然經過試食，反而有驚喜可以遙距攞定位 ，唔使等十分鐘就有枱。行街行到攰攰扡，唔洗等位最正連加一@70位扺食，環境舒服有空間傾到計，服務員有禮貌，呢個攞更多分。宜家好難揾到又平又有服務嘅食店輕食之選：沙拉菜主角三文治都做得認真雞扒炒蛋配通粉雞：熱騰騰嘅湯通粉，脆皮雞扒肉醬意粉：收得貴啲嘅西餐店都無咁好味，肉醬清爽 稀傑度啱啱好。我唔好肉醬都俾高分咖啡說明：各款包含水，奶，咖啡比例小店有此資訊，感覺超貼心有機豆奶：唯一失望之選，可能係我唔識得欣賞跟餐仲要+$6 ga整體得分高，咁嘅價錢下午茶餐無得輸啊

最近有啲忙，一直未有時間寫下野。其實已經係兩星期前食呢餐飯。我地叫左煙三文魚黑松露燴飯。自己本身中意食三文魚同茹類，所以對呢個飯會比較有好感。三文魚砌得好靚，但係砌得好實。唔知佢係點整，感覺係因為雪住左所以整唔散。食個陣幻想啲雪融返入去，有啲水係到就好唔安心。但係so far都冇見過真係有水，可能係自已嚇自己第一次食鵝肝，都唔知係咩味，咁就叫左個鵝肝麵包黎試下。冇野比我比較下，又好難評價好唔好。我個人係幾中意食。雪糕嘅口感，燒鵝嘅香味。

要喺沙田搵位食下午茶都係一件幾艱難嘅事，所以多數都會離開新城市廣場，見到cafeholic都幾多人食，而且下午茶都有幾多選擇，有麵有蛋糕有甜品，星期六日坐低飲杯咖啡食個下午茶都幾好嘅。雞扒炒蛋配通粉，其實都係貪佢呢一個餐多啲嘢食，不過其實份量唔係好多，雞扒都係兩小件，成個餐都唔係好熱，通粉比較齋。另外要咗是日精選蛋糕，當日係焦糖芝士蛋糕，質地都幾好食，唔會太膩太甜因爲唔太大件，配埋咖啡都幾抵食嘅。

以新界地區來說，沙田也算是一個消費較貴的地方，雖然餐廳眾多，各式各樣的菜式也不缺，但性價比高的餐廳少之又少。今天一田減價週，我和寶寶特意過來沙田血拼兼吃晚餐！逛得累了，走到沙田新城市廣場三期旁邊的希爾頓中心，看見這一家叫Cafeholic 的餐廳，看似也不錯，因此我們就決定在這裏吃今晚的晚餐🤓由於今晚我和寶寶也不想吃飯和pasta，因此今天的dinner set 不太合我們口味。我們最後單點了兩個菜（因為點餐的時候看見別人叫的菜份量也不小，所以我們選擇吃完再點）。我們點了小食拼盤（ $108 ）及四色芝士薄餅配蜂蜜糖漿（ $98 ）。四色芝士薄餅裡含有藍芝士，因此不是人人都覺得好吃，我和寶寶正是一個例子了。我覺得好吃，但他覺得不好吃🙈而且不是人人也喜歡芝士薄餅配上蜜糖一起吃。不過這個四色芝士薄餅芝士味的確非常香濃，而且最好趁熱食，因為放涼了再吃藍芝士味會更突出。小食拼盤有沙律、雞翼、德國腸、豬仔骨及紅薯條，全部小食上枱時也熱騰騰的👍🏻👍🏻。紅薯條是我在澳洲吃過幾次以後非常喜歡吃的小食，不僅味道更好而且感覺紅薯比薯仔更健康，非常好吃👍🏻 沙律菜新鮮醒胃！醬香豬仔骨很惹味~這個小食拼盤有不

每次來沙田小小牛和小小馬都會來這間餐廳🍴今天也不例外餐廳餐點種類很多 有沙律🥗意粉🍝披薩🍕排餐🥩等等今天要介紹的是下午茶餐點下午茶時段價格很抵食還有包一杯飲品接著來看看食物卡邦尼意粉這道已經是第三次吃Chesse味濃郁配上培根🥓整個味道融合的恰到好處真係好好味接著上菜的是肉醬意粉肉醬超多 味道也非常濃郁也是相當美味的一道整體而言餐廳環境舒適 桌距不會太窄食物好食 份量剛剛好如果第一次來不知道要點什麼意粉是相當👍的選擇推薦給大家

今次寫呢編，主要係想叫餐廳整吓個冷氣啦唔該....... 越食越熱，好似冇空氣，好好一間餐廳，幾好環境，幾好情調，就咁就嘥左。龍蝦汁虎蝦海鮮意粉 $108兩隻大蝦，一隻好得，另一隻就黑頭唔太新鮮有幾隻蜆仔，都肥美冇沙。意粉要讚吓，係龍蝦汁再加左蒜片，好入味，好好味。如果黑頭蝦換返隻新鮮的，咁就 perfect !鮮三文魚菠菜意粉$96三文魚厚切，煎香，仲有少少黑椒調吓味，幾好。意粉冇乜汁，亦冇乜調味，但伴有好多菠菜同雜菇。健康啲，亦幾好味。食完意粉，本來仲諗住歎多個啡同甜品。但實在太焗，都係走為上策，寧願去第二間再戰甜品好過。

蜜桃小丸子趁著重陽節，到沙田登高參觀萬佛寺，行完見有點兒餓，但新城市廣場的人真的多得嚇人，連洗手間都大排長龍，於是便走遠少少到希爾頓中心吃下午茶。餐牌的選擇頗多，除了較飽肚的食品外，也有甜品。煙三文魚碎蛋沙律既吞拿魚Benedict包包，賣相漂亮，三文魚十分足料，厚厚的舖在麪包上，而麪包好像是炸過的，又脆又有牛油香，味道出奇地好。至於tuna benedict，醬汁酸酸的十分開胃，蛋的生熟弄得剛剛好夠runny，很美味。甜品是朱古力窩夫，餅乾有點兒冧了，而雪糕亦溶得太快不夠冷，窩夫就弄得不錯，外脆內軟，整體而言以小cafe來說食物頗出色。

一向去開沙田一田，晚上想吃意粉會選擇去cafeholic. 因為味道好咖啡也很夠味，價格不貴。周五晚點了兩款食物，今次不吃意粉。特地點了小食併盤及蟹柳沙律加雞胸肉。小食併盤跟了炸蕃薯條，又香又甜又脆很特列，雞翼肉質很滑猪仔骨惹味。埋單二百元左右。是沙田少有的不錯選擇!