Cafe Siam (Moved) New Location

我叫左個lunch meal 701, 泰式濕炒河粉(可選牛, 豬, or 某種肉, 唔記得左), $78, lunch黎講都算貴貴地, 不過d野食就絕對唔值呢個價!!!!!!!!!個餐送個湯, 佢竟然係個味精湯!!!! 飲左幾啖就冇飲la.....跟住個正餐, really bad, 成個中式濕炒河粉咁, 仲要勁多汁, 成碗湯咁!!!! 連味道都十足中式既濕炒河!!! 我明明叫左牛肉, 佢俾左豬肉我!!!!甜品, 味道ok, 不過口感有點怪怪, 不過好細舊....絕對唔值78蚊, 野食又唔好食!!!!!

見好多好評，甘一定係我黑仔~~~~食物~ 叫生蝦就無，但都要5分鐘先答我。甘叫1個lunch set 乾抄河，1個豬肉生菜包，一個柚子沙律。乾抄河最好味，但油。生菜包極鹹。柚子沙律，麻麻，呢間個汁我吾鐘意。個lunch set 有甜品，係椰汁糕，OK la....環境- 就係最好呢樣，唯一賣點。SOHO 個邊，好多選擇，吾洗揀到佢~~~

soho區來說已經是比較便宜的，但食物質素算合格，不失所望，不過菜色一般沒特別！但服務平平，不算主動熱情，仍有進步空間。二人餐份量ok。

成日經過，今日終於來呢都食。Set lunch有68或88，包湯，主菜，和甜品。我們叫了蛋包著炒貴刁，好食！satay：雞豬牛各二，吾知道點至叫好食。不過呢度D吾會太乾，醬汁就少了點。甜品：好特別的椰汁糕，咸咸的還很爽口呢。第一'談'有點不慣，但食落又ok wor

同H先生第4個情人節。之前年年食貴夾唔飽o既西餐，又或者搵個藉口食蠔，確實有點公式化，今年決定慳吓錢又轉轉新形式，o黎個泰式情人餐，揀o左Cafe Siam，一來就腳，二來見o的o野大大碟實飽喇掛，絕對開懷大食，可能佢唔係最好食o既泰國o野，但情人節餐有薯片有柚子沙律有青咖哩雞有串燒a la carte有香蒜大蝦有炒菜有兩碗大大白飯仲有甜甜芒果白糯米，o係邊度搵？我o地再叫泰式生蝦(Yummy!!) 同埋兩杯Singha Beer，唔駛好似o係食氣氛環境o既西餐廳咁拘謹，開心暢飲，無所不談！識o左咁耐，唔係吓吓要情調o既，兩個人相處開心咪得囉，嘻嘻！

朋友專誠坐的士搵本蟲食晏，於是我決定搵間就腳D 既等佢易落車。依間餐廳既落點交通方便，而且有樓上雅座，地方都令人坐得幾舒服。午餐有多款選擇，由乾濕炒粉、海南雞飯同檬粉炒飯都有，不過就反而冇湯粉同餐飲，而只有餐湯同甜品。朋友嫌佢叫既炒河太辣，而我叫左海南雞飯算係不過不失，但就唔太覺飯有雞油，而且個汁唔似一般果種。餐湯係一個湯碗上俾兩個人分，味道好似中湯，甜品係椰汁糕，味道甜中帶鹹有d 奇怪。整體黎講依度都算唔錯，但食物既味道就唔太本地化。

昨日2人來lunch,揀咗散叫+套餐:1)柚子沙律-好多柚子肉,配埋d好似炸過的椰子肉絲,幸好只有溫的椰香味2)燒豬頸肉-上枱見到肉是薄切,略欠光澤,幸好入口肉腍,蘸了醬汁,很不錯3)雜錦沙嗲-雞,豬,牛各2條-肉切得薄身,因話住吹水,食時已唔熱,但味道亦不俗4)香辣泰式雞肉炒河餐i)湯-是清湯,見到碗肉有蓮藕,味道okii)炒河-order時叫了小辣,但都仍幾辣吓,我就不能多食-河粉是大片嗰種,比較小見,還有幾顆青胡椒+香葉,所以有種香料味,但個人唔多鍾意-選了用雞肉(另外option有豬肉同牛肉)iii)甜品-每人有2個小椰汁西米糕-ok-好似幾個泰籍waitresses都識聽中文,唔洗講英文-因友人是staff,所以用staff price -65折,故結賬價錢算合理

早幾日約咗個好耐冇見嘅舊同事出嚟食晏，貪就腳就揀咗呢度，其實我每日都會經過呢度，但今餐都係第一次幫趁。我見menu上set lunch嘅選擇有好多款嘢揀，跟湯同甜品。最後叫咗海南雞飯同冬陰公炒飯，份量好足，但我覺得碟雞比較肥咗少少。雖然枱與枱之間距離比較窄，但整體質素唔錯。

Very NICE!!好正的thai food....坐得幾comfortable.Recommendations:1) 柚子salad - D 柚子肉好多, 好香口2)　SATAY - 真係燒到好thin, 好香．．．最正係個sauce. 少少sweet...又有D Curry 味3) Pineapple Fried rice - 炒得靚，　少油pineapple好fresh.GOURMEThenry

今天和同事去中環工作﹐突然很想吃泰菜﹐中午就來這裡開餐。因為我們的午飯時段是12 點﹐所以都不是太多人﹐不用訂位都立即有位﹐和平時12 點半打後來總是要排隊完全不同﹐心想如果平時在公司都可以12 點食晏就好喇。費事傷腦筋﹐又不知同事喜好﹐最簡單就是要個2 人套餐﹐都是普通菜式﹐毫無特色﹐雖知不會有驚喜﹐只慕求不會有驚嚇吧。套餐有春卷﹑牛肉串燒﹑黃咖哩雞﹑泰式炒通菜﹑白飯﹑甜品。首先上菜沒有次序﹐先來咖哩﹑炒菜和白飯﹐過了5 分鐘才上頭盤。不過午市﹐算了。以為炸物續時才比較慢﹐不過春卷和串燒都不熱的﹐好失望。點春卷的醬汁更只是泰式燒雞醬﹐非常求其﹐完全不掂。牛肉串燒則起碼肉質雖不嫩滑﹐但亦不韌﹐有o趙頭﹐還可以。黃咖哩沒有香料味﹐一點層次感都沒有﹐雞肉又鞋又沒有雞味﹐劣作也。炒通菜幾爽口﹐辣辣地都幾開胃﹐可惜太油膩喇﹐吃不了多少就已經吃不下了。甜品只是求其一人一塊椰汁糕﹐我倆都想﹕實在太沒誠意了。不過原來這不起眼的椰汁糕原來味道很特別的﹐甜中帶鹹﹐不過味道又幾夾﹐是全餐最有驚喜的一樣食物。這個價錢這個質素﹐我寧願花多少少上荷李活道的餐廳﹐環境服務食物都比較有保證。

經過多次，這夜終於試了。　:::不過不失:::　菜式花款不及thai simple 或simply thai的多，但在soho 算是價錢不太高的選擇。＝＝＝＝＝＝＝＝＝＝＝＝＝＝＝＝＝＝＝＝吃了：送的蝦餅~雜菜ｐｏｔ有蛋包著的pad thai～

不知不覺，已是跟她一起渡過的第七個情人節了。這六年多間，竟然未跟她吃過泰國菜......好！就在這天給她一個驚喜。逢逢佳節，只能坐在樓下。但環境，真的很不錯，挺特別。服務算是細心的；食物、飲品，都是用心做的，而且不太上火。點了：蝦餅(中上之算)豬頸肉(是小弟吃過最好的！)蝦醬炒飯(中規中矩，沒驚喜，也沒驚嚇)Mango Mango一杯(新鮮之選)其他的，都忘了，但都不壞。以蘇豪區來說，不算貴了。

又是「在家千日好」的一個晚上。預備了甜甜的香草味香薰洋燭、輕爵士音樂，跟Sparkling Rose。一切一切，就是要迎接「你」的光臨。待了差不多一句鐘，門鈴聲響起，我興奮地由你手中，接過了經由Soho Delivery點的外賣：是我愛的燒羊排，跟咸魚炒芥蘭。燒羊排，是全熟的，但仍肉汁豐富，香草惹味，脂厚肉豐，是我愛的口味。配上另外奉上的香蒜辣椒汁，就更添風味。只是我對羊羶有點難以理解的情意結，這羊，仍未夠羶。芥蘭是爽脆鮮嫩，火喉足，可恨咸魚不足，咸鮮欠奉。點羊的，就愛羶；點咸魚，也就是愛它的咸香。不羶的羊，跟不咸的咸魚，就似是淡如水的愛情般：談來何舍？

和朋友來食lunch﹐本來想每人一個set lunch﹐不過只有飯麵﹐好像單調了點﹐終於都是要了2 人套餐。下次一定要試試它的泰式海南雞飯才行。這個套餐每人有一塊炸蝦餅和一塊不知名的小吃。炸蝦餅彈牙但沒有蝦味﹐好一般。那不知名小吃可能是一小片雞肉﹐上面有些少沙律醬和一小片青檸﹐賣相ok 但是沒有食味。主菜有青咖哩雞和蒜茸椰菜苗。青咖哩味道不錯﹐既香又不會太辣(平時會覺得不夠辣﹐不過今天喉嚨不適﹐不宜吃辣﹐所以剛好)﹐但雞肉就都幾“鞋”。炒椰菜苗是全餐最好的﹐菜苗青綠爽脆﹐不會太油﹐就可惜份量少了點。菜都份量都不多﹐不過加埋每人一大碗白飯是足夠的了。白飯送這個青咖哩汁亦很合宜﹐平常我們這些不多吃飯的女孩子這天都吃了大半碗飯呢﹗

聽聞此餐廳的水準不錯，故來一試。Lunch set 有多款選擇，$60多元一個set，包有:1. Soup: 清湯加蘿蔔，一般。2. Main: 試了Pad Thai和泰式炒河，味道雖不差，但略濕，而後者的"獻"更多得很，蓋過所有河粉。3. Dessert: 椰汁糕，較硬身，普普通通。Lunch set麻麻地，但見其他客人order的curry就好像不錯，下次試吓先!