四季常餐 (利榮大樓)

Open Now

Now Closed

【灣仔區】【四季常餐】去得茶記、冰室呢類餐廳，叫嘅食物都離唔開常餐、特餐呢啲水吧嘢。我相信好多人都好似我咁，唔一定叫廚房嘢嘅。然而，呢間餐廳就真係夠晒粗暴，直頭新派冰室都唔扮喇，就咁就叫「四季常餐」。擺明就係以常餐作為招睞，我就梗係要去會一會佢啦。入到去係用 QR Code 落單，都估到，直接叫「常餐」，睇吓有咩選擇。原來都唔太多嘢揀，最後揀 $52 嘅「真忌廉雞湯通配叉燒」，而個「招牌炒蛋加多士」就加 $15 升級「珍寶常餐」，有煎午餐肉、火腿、香腸、炸薯餅同炸魚手指，係豐富好多喎。味道都可以啦，要求唔高之下我覺得係好過維持生命嘅，有啲失望係隻蛋整得熟咗少少，可能係我放喺鐵板太耐先食嘅關係。嘢飲我加 $3 飲「凍奶茶」，係冷凍無冰嘅，但都唔係濃到金鳳咁。本身係 $70，但係唔知邊部份有折，最後埋單 $53，都幾抵食嘅。。。（地址：灣仔軒尼詩道156-162號利榮大樓地下B號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #food

睇完會展，搵個地方食下午茶. 灣仔有好多本土茶記，睇左幾間㨂四季，因為佢嘅tea set 比較啱我好味，我之前比較多去中環四季（Sor, 唔係four seasons), 係中環四季常餐😂😂. 我2.15pm入去，我以為下午茶2pm開始，入左去先知2.30pm開始，咁我同staff講「唔好意思，我睇錯左時間，我洗唔洗出返去等？」 staff 答我「唔洗，我幫你落左嘢飲先，一陣你先再用QR code落單」 ，要俾個Like 👍🏻見廚房位大佬同佢‘有態度地’溝通左一陣，佢就過黎問我要食咩餐落單，個時係2.20pm.我點左魚柳+蛋多士蛋係四季 signature, 一如過往，滑+香.魚柳係炸得啱啱好，外脆，內多汁.多士烘過+少少牛油，特別香脆.大家要繼續支持本土有水準茶記！

近日在午餐時間光顧餐廳，食物質素尚可，但服務態度令人失望。職員態度冷漠，在炎熱的夏天站在餐廳門口外面等候叫位，直到看見另一位客人走進了餐廳入面，所以上前向店員查詢卻回應一句:叫咗你好多次站在門外的，我頓時呆了。因為由始至終，店員從來沒有走出來叫我。在人來人往的馬路旁邊，怎能聽到店員在店內的呼叫呢？如果不向店員查詢，豈不是要我在門口一直等呢？既然店員看見我在外邊等待？為什麼沒有出來叫我？店員的敷衍了事，輕視客人的感覺。絕對影響用餐體驗。員工缺乏熱情與專業，未能讓人感受到應有的尊重與舒適。希望餐廳能改善員工培訓，提升服務質素，讓顧客有更好的體驗。

一向幫襯中環的四季常餐，今日去灣仔，是時候找個地方食quick lunch，見灣仔店就在附近，自然行過去。一支公好快被安排入座，午飯時間慣例要搭枱，QR code 點餐，食物亦迅速送到。送過來的叉燒通粉，沒有冒煙，吃一口，通粉及湯底只是微暖，叉燒是涼的。炒蛋、多士也是室溫⋯只有熱菜蜜能談上是熱⋯下次都是幫襯中環店好了⋯

每次食茶記，通常都係食「常餐」多🥚🍞🍜用QRcode落單，方便又快捷✨出餐速度都勁有效率～呢兩款平時都好鍾意食👉🏻👈🏻特濃沙嗲牛肉公仔麵🍜沙嗲牛肉好香花生醬味，牛肉淋滑，公仔麵係偏硬身嘅質感‼️最鍾意個炒蛋🍳雖然冇乜蛋味～但係入口creamy同好滑溜，加埋個烘到脆卜卜嘅厚多士，真係不敗組合🙌🏻茶記必飲✨熱奶茶☕️茶味濃入口順滑，好飲🩵真·忌廉雞湯通粉配叉燒🔹忌廉雞湯係茶記比較少見嘅湯底，會不自覺地飲光光～通粉煮到岩岩好唔會太淋～叉燒係收埋係個底到的，味道就正正常常，整體都可以

外賣拎到返去，準備心情食晚飯，一打開個外賣，咩事呀塊牛，應該因為冰鮮所以硬到連叉都叉唔開，又唔係生因為唔覺有紅色，但總之唔知呢塊牛咩事，至於多士炒蛋同公仔面，無咩特別，正正常常，味道一般，唔掛之得咁少人幫襯，又長期有優惠。我因為見佢平我先經常幫襯，奈何唔見有進步，反之質素好不穩定，有時塊多士有異味，有時蛋太水，今次塊牛仲要非常硬，有時凍飲又唔夠凍，但因為平我才不斷幫襯，平都需要提高質素吧，否則隨時被取代。

好耐冇食過呢類好食嘅炒蛋。有老師傅以前的鑊氣味，咬落去又好軟熟，蛋汁仲可以留得到。一流！個凍奶茶，就拍得住以前有間舖頭，初推出的「冰鎮奶茶」。留到濃烈茶味，飲落去又好滑，重點係飲完之後冇口乾感覺。我買呢個外賣，早上七點幾帶去隔離修頓球場，一邊食一邊喺度曬，都唔覺得熱。有種幸福感覺。👍🏻謝謝灣仔四季PS : 系統唔俾我評味道，我會俾10分。

近日我又去灣仔四季常餐醫肚，這次我點的是「叉燒炒蛋飯配秘製豉油汁」，味道唔差，最重要係價格非常實惠，外賣自取只要$42 (openrice 落單)門口有專門的外賣取餐區，很快就可以拿到餐，出餐快，5分鐘左右就已經有。說回食物，叉燒炒蛋飯絕對是值得推薦的一道菜。炒蛋非常嫩滑，配上秘製豉油汁，鹹中帶一點甜，非常惹味。叉燒的厚薄均勻，肉質鮮嫩，香味四溢。豉油汁的調配恰到好處，不會過鹹，與炒蛋和叉燒完美融合，用來撈飯或淋在蛋上都非常適合。以灣仔這個地段來說，性價比非常高。整體來說，這次的用餐體驗非常愉快，值得一試。如果你在灣仔一帶，不妨到四季常餐試試他們的美食，相信你也會有不錯的體驗。

碌openrice發現有正野🤩半價歎住食📣📣📣唔洗諗 即刻落單😌等車成日望住呢間餐廳 但未幫襯過🫢公司落單 行到餐廳就拎得👍🏻🍜真忌廉鷄湯叉燒通粉配炒蛋🥚多士🍞炒蛋都幾滑幾香蛋味 只係爭左啲胡椒粉🧂多士係厚多士😍加分加分但個邊燶左啲 又扣返分😂主角通粉：咩原來依家啲常餐咁高級用真忌廉雞湯做通粉湯底😆成碗通心粉 即刻升level去另一境界🤩仲要勁sweet 咁會自動分湯 外賣都唔怕變成通粉蓉粉量都幾多 再飲哂啲忌廉湯 超級飽😆奶茶成為左下午茶🤣飲左成碗湯 一啖都飲唔落😅特價$39 超抵食☺️但每日限售20份 咁都比我搶到😎😎不過正價都值得食嘅👍🏻👍🏻

做完野直落灣仔，打算食個快既，有乜野飯快過呢啲餐，四季常餐就成日都聽過，次次見人食都係講沙嗲牛，但經過門口，見到雜扒飯配賣$55蚊(要轉咖哩汁+$10)咁樣都好難唔試喎，灣仔喎大佬，行過路過都唔好錯過，呢個價係其他地方都未必有啦。講講個飯，足料既，有火腿腸豬扒同炒蛋，味道呢啲加工食物大家都知會點，最少無雪味同埋唔係無肉味既，我已經覺得合格，量已經贏左如果飯多少少會更fit因為食晒啲飯得返啲餸😂😂，呢個飯好配合我個名🙃🙃唔知呢個優惠價$55做到幾時，總之要食就快。

今次第一次嚟呢度食嘢，首先要讚一讚嘅係佢呢度啲Staff態度好好，嚟到仲要好好笑容，跟住去到嘢食方面，今次嗌嘅係麥皮套餐同埋雪菜肉絲米早餐，跟餐嘅炒蛋顏色好靚，麵包亦都焗得好脆，抵讚！雪菜肉絲米好大一碗，份量嚟講，絕對夠食。麥皮就略嫌冇咁甜，建議下次嗌嘅時候可以同啲Staff講加返啲煉奶，咁應該會好食啲！整體嚟講呢間嘢都幾好，同埋真係好抵食，份量又多咁樣埋單都唔使$100，如果行開可以入去試吓🤩

🍳叉燒炒蛋飯配秘製豉油汁 $60炒蛋非常嫩滑，入口即溶，叉燒厚薄均勻同瘦身，豉油非常惹味，鹹中帶一點甜，用來撈飯或者淋在蛋上面都非常適合😆🍛南洋咖哩豬扒飯 $64超大份量嘅豬扒，豬扒多汁可口，咖哩香料味濃，咖哩與豬排是分享呈上的，可以自己決定咖哩份量🥤(泰國)咸檸檬雪碧 跟餐＋＄8咸檸檬味過於強烈，不係太喝到雪碧味🍸凍檸檬利賓納 跟餐+＄6普普通通，正常發揮

外賣平台優惠四季常餐3個餐$100，原價每個$52，有沙爹牛面、蛋、多士同熱咖啡☕️，凍飲🥤加$3，蛋好滑。去到問口有十幾人等外賣🥡，外賣🥡要喺門口張枱廿幾袋外賣🥡中搵返自己嗰袋。唔食沙爹牛面可揀忌廉叉燒通。

第一次寫食評，見到門口好多人排隊買外賣，心想食物質素都應該唔會太差，就入咗去。入店後，其實服務員的態度已經不好，有卡位空咗，但係又唔俾我哋坐，話要用張枱擺外賣，點知轉頭又比其他人坐。真的後悔沒有離開，我和朋友叫咗一個叉燒蛋飯配秘製豉油汁及豬扒炒蛋飯配秘製豉油汁。叉燒蛋飯一般，豬扒飯的豬扒嚡熠熠，朋友覺得飯好硬，真的很難食。我哋仲見到隔籬枱有位先生叫咗個南洋咖喱豬扒飯，塊豬扒成塊上，見佢用刀切開，切到手軟🤣🤣不會再有下次。

第一次寫負評😮‍💨食物質素普通到冇得再普通🥲-🍞奶醬西多🍞完全係一塊好厚嘅白麵包烘咗少少🥹個底係完全冇烘過咁滯完全唔係想像中嘅西多士 蛋漿都冇收人$32🥵中間仲要完全冇花生醬 真係少量奶醬舖面頭🫠-🐮瑞士汁乾炒牛肉通🐮完全唔炒得乾身 有少少似瑞士汁嘅湯通粉🫤牛肉好多筋 硬到完全咬唔開🥴服務態度好差🥺呃人最低消費要要跟哂套餐 冇得單點😔寫同職員講嘅完全兩回事仲要同我嘈咗好耐食旺角嗰間都好過灣仔唔建議亦唔推薦冇諗過普普通通想食間茶記入到去都會有中伏嘅體驗🥺😮‍💨😮‍💨😮‍💨