173
57
12
6-min walk from Exit A2, Sham Shui Po MTR Station
continue reading
Telephone
36893292
Introduction
大南街首間咖啡店, 自家炒豆, 有售獨家steak bagel
continue reading
Opening Hours
Today
09:00 - 18:00
Mon - Sun
09:00 - 18:00
Above information is for reference only. Please check details with the restaurant.
Recommended Dishes
香港人鍾意旅行，有部分原因係想暫時逃離喺香港永遠都係咁急速緊張嘅生活節奏，響往休閑慢活嘅外國生活。相信好多人都想過要喺外國坐喺路邊cafe慢慢咁飲咖啡傾計放空🤓。香港又係咪真係無咁嘅空間呢？宜家香港cafe成行成市，特別喺深水埗/太子一帶。Cafe Sausalito係其中一間喺深水埗已經經營一段日子嘅cafe，次次假期行過都見到一條長長人龍….真係有啲怕怕😥。平日嚟到就好好多，無人龍，啱晒朋友傾計/自己做下嘢。Cafe環境唔大，坐位唔太多，人較少，可以保持相對靜嘅氣氛…..佈置裝修充滿工業風，睇得出好有心思，休閑咁坐喺咁有style嘅環境的確唔錯呢。食物方面係意外地唔錯，可能因為無期望😜。芝士牛肉麵包圈🥯($76)，用嘅係肥牛，充滿甜甜嘅醬汁。初試的確有驚喜，因為無諗bagel入面嘅牛肉係甜醬汁味，包仲夾住超級多嘅芝士。最讚嘅係個包，煙煙韌韌，仲有芝麻粒喺包面，濃濃芝麻香。本身係好讚嘅組合，厚身又煙韌嘅bagel配埋濃味嘅醬汁牛肉同芝士☺️，重口味之選。可惜醬汁芝士有啲over，食完有種油膩感，如果可以稍稍調整調味比較好。從來無飲過Dirty($46)，貪得意試吓，唔錯喎，唔苦nutty味重，易入口。Tiramisu($60)，酒味好濃，濕潤，不過對阿薯嚟講無咩特別，而且得一款cake，有啲太少。翻查開飯，應該係一向得一款。如果增加多啲款式會更好。
continue reading
依家好似少咗人去大南街了？而我因為曬菲林相所以間唔中會去，不過食嚟食去都係嗰幾間🤣今次終於去咗Café Sausalito試新嘢！呢間Cafe開咗近10年，依家嘅裝修係經過翻新，有少少工業風，再搭配水松木同瓷磚裝飾嘅桌椅。牆上仲有唔少裝修留下嘅印記，例如師傅手畫嘅圖則之類，係有趣嘅小痕跡。落單之後店員會畀塊有號碼嘅瓷磚你，然後就可以返埋位安坐等送餐了。特別提到呢點係因為覺得塊瓷磚同裝修風格幾一體化，係有心思嘅小細節🫶🏻🍰Homemade Tiramisu $60佢唔係傳統間隔住手指餅嗰種Tiramisu，呢個餅底同中間隔住嘅係海綿蛋糕，可惜唔係幾夠濕潤，亦冇乜咖啡同冧酒味。Cream偏向綿而且輕身，整體偏甜。🍸Very dirty $88又畀限定供應吸引咗🤪呢杯coffee cocktail嘅酒味唔算好出，咖啡味亦比較淡，易入口，幾啱本身唔係特別鍾意飲咖啡嘅人～雖然佢應該冇預大家攪勻嚟飲（冇附上匙/棍），但我覺得攪勻之後smooth好多！可惜對我嚟講實在太甜🙈有啲似之前喺DONKI買過嘅朱古力咖啡甜酒，而嗰支酒係放棄咗飲唔晒的😂☕️Nostalgia (Salted lemon coffee) $55有飲過檸啡，但鹹檸咖啡真係第一次試！咖啡嘅味道似乎被鹹檸同梳打蓋過晒，比較似飲緊鹹檸七🤣係奇異又有趣嘅味道！總結！飲品賣相幾精緻～只係唔太啱我口味🙈不過今次只試咗特飲同甜品，見都有唔少人去食正餐，如果有推介不妨留言話我知🫶🏻⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆ ⋆想睇更多分享歡迎移步IG👉🏻gowithkaki
continue reading
呢間係大南街嘅工業風cafe，每次經過都冇入去試今日心血來潮約咗朋友去呢間chill下平時行過都唔見有人排隊，點知原來假日係咁多人排去到嘅時候有4-5 group人等緊，估唔到我都差唔多等咗成個鐘先入到去(佢有2張outdoor枱，但實在太熱了，坐唔到係outdoor)Phillycheese steak bagel 我冇諗過佢原來係用肥牛，然後用啲甜甜嘅bbq醬加洋蔥一齊炒，再加芝士夾入bagel到食面果塊bagel少乾，但食底果塊因為有多啲汁，加埋一齊食會好啲如果多少少洋蔥/菜夾埋一齊食會fresh啲，多層口感Mixed berries toast十分普通，就係多工上面加咗乳酪同蜜糖，然後topping係mix berries同甜甜地嘅granola脆脆Tiramisu係一個易入口口味嘅tiramisu ，酒同咖啡味都唔濃，cream亦係偏甜如果食開大人口味嘅話，就可以skip兩杯special都好有趣所以一次過試晒，鹹檸果杯冇乜咸味，飲落有啲sparkling嘅感覺西柚果杯飲落變咗朱古力味，飲唔到有西柚嘅味道兩杯飲落都唔似咖啡，有啲似果茶嘅感覺，係好清新如果係抱住飲咖啡嘅心態而飲就會好失望Cafe樓底雖然好高，入到去坐低會覺得好暗成間cafe位唔多，冷氣亦唔太夠，坐正門口果幾個位都幾熱下(不停會有人行出行入)讚嘅地方係上菜速度快，而且甜品會主動問需唔需要hold起後上(因為等得耐而對佢嘅期望值高咗)
continue reading
黎到呢間元老級既水泥風Cafe, 裝修真係好Raw, 最有特色係最入既Bar枱位, 用左水松物料做既高櫈, 木碎做既枱好得意😌 食物選擇以輕食為主, 飲品就有唔同既特色咖啡同Cocktail😀Flamingo🍹($50)西柚同Expresso有諗過咁夾, 清爽得黎再帶啲西柚既味道, 夾埋會有香橙朱古力既味道👍🏽Tiramisu 🍰($60)鬆軟既蛋糕體夾層住軟滑既Cream Cheese, 偏朱古力味, 大推😍呢度既環境幾好chill, 唔多既時候可以慢慢坐Me Time 一下😌
continue reading
小妹喜愛周圍搵早餐食，之前黎過Sausalito 數次，都冇特別寫食評。就係今天，好想食lava mushroom同飲杯手沖咖啡，所以未開門已經企係度等😝其實佢個Lava Mushroom以早餐黎講都算極度邪惡，鋪滿酸麵包上既芝士，大大粒蘑菇😋完美演繹一個飽肚既素食早餐。加埋杯香香的手沖咖啡，今次我揀咗埃塞俄比亞豆，酸酸甜甜，襯返個Lava Mushroom建議大家飲手沖咖啡，係用sake樽裝嘅咖啡，出奇地可以保持溫度，入口不會太熱太凍，就是剛剛好。
continue reading