Cafe on the Corner (Closed)

8月13日（星期四）晚，女友罕有地主動提議來這裡吃晚飯，原來這店和女友在工務上有些接觸，而且我又剛好在中央圖書館溫書，所以便來實地視察。我們把地址記住後，沿著銅鑼灣道行入大坑，找到京街後很快就來到是晚的目的地。約九時許，我們進入店內時剛好祇有一張空檯，女侍應就招呼我們坐下。店子不大，就算把店外兩張露天二人檯計算在內，全店應該祇可容納約二十人左右。全店裝修簡單，店內燈光頗暗，不過餐牌設計頗美觀。其實女友來之前已經做好了功課，所以看過餐牌後不作細想已決定點一客 白酒蜆肉扁意大利粉和肉眼排，我再加一客焗釀蘑菇就夠了！廚房是開放式的，總面積應該不超過一百呎，廚師應該有兩位，煎、炒、煮、炸、焗等都在這百呎之內的地方進行。在等食期間，我曾多次嘗試企圖拍下廚房的環境狀況，但總逃不過戴眼鏡的女收銀員，被她識穿後更出言勸阻我不可拍攝廚房，惟有放棄這個念頭。這時食物剛好全部來到，就專注為食物拍照罷！焗釀蘑菇：所謂“釀蘑菇”，祇是將煙肉和芝士放在整粒的蘑菇上；蘑菇新鮮且水份充足，清淡爽滑，與濃味的芝士火腿恰如一剛一柔，是個不錯的頭盤。不過女友吃到有炭燒的味道，到底是「焗」還是「燒」？白酒蜆肉扁意大利粉：白酒

星期日，陽光大量供應，唔去沙灘日光浴，睇樓都係一個唔錯嘅節目。也是與鐵腳J及madam同行，於大坑道一帶活動。倦極，回到浣沙街附近，就在街角發現一間café 仔，便入內歇一歇。大約在下午五時鐘，晚市未開始，人流不多。坐在店內唯一嘅梳化座位，閑適地望一望街外人嘅種種，是一件賞心樂事。筆者叫了一杯特飲 - 蜜桃荔枝梳打($38)，味道只是一般嘅蜜桃梳打，加幾粒荔枝肉，但勝在夠凍，在炎熱嘅夏日，有效驅除暑氣。行得耐，大家都有肚空空嘅感覺，所以點了數款小食：蝦沙律($58)用了幾隻瘦瘦嘅蝦肉，賣相並不吸引，但蔬菜嘅款式勝在夠多(可惜冇火箭菜)；焗釀蘑菇($26)雖用了芝士、碎煙肉等濃味餡料，但味道不知何故比較淡，而且香氣也微弱；水牛城辣雞翼($48)比較硬身，不過酸辣度調較得宜，吃完很開胃。埋單共銀二百八十九蚊，平均每人七十二蚊。遲來嘅下午茶，價錢係少少意料之外嘅高，不過坐得舒服，算是值回票價。

Celebrated my early birthday at this tiny restaurant. Initially, we reserved a table for 7, yet turned to have 9 in total! Since the shop is really small, 9 of us occupied half of the whole area. Basically food are good(except the stuffed mushroom, its really crap. tastly and super small! 4 pcs cost $48) but the service was not. May be coz of the unexpected increase of numbers, the waitress seemed not really willing to serve us!NO SMILE at all.......come on, was it too hard for you to present a

晚飯後與朋友另外找個地方歇腳。為提防另一遲來友人要嚷著借酒燒愁，我們存心要找間咖啡室落腳。怎料打開menu，酒的選擇也不少呢，反而甜品不是主打，有點失望。叫了凍檸蜜、我的cranberry soda和一個甚麼berry tea，再加一個芝士餅。不曉得朋友的飲料如何，只知道兩杯凍飲也下了不少冰，令友人皺眉。我不曉得cranberry究竟是如何味道的，飲落除了一般"莓"的味道，就是poignant的酸，酸得朋友C大叫"頂唔順"。不過我口渴，大口大口的當汽水喝則倒也不覺得甚麼。芝士餅是一般過一般。餅底不錯，幾香，和garnish的chocolate syrup同吃，味道很好。此店燈光暗暗，空間小小；室內柴娃娃開生日會又有，小組傾project樣子又有；室外的sidewalk更熱鬧，是麻甩的煲煙的OL服的踩高跟鞋的一人一杯不夜天。朋友未呻夠我就要撇，抱歉。仲夏再會。

星期六下午放工，特登o係火炭走去銅鑼灣，就係為o左一試呢間小店o既意粉去到o岩o岩有兩個鬼佬離開﹔入到去……得我一個﹗？　可能係因為已經下午3-4點了。　正﹗因為我挺享受少人o既環境無人…緊係一個人霸哂張大梳化啦，好舒服。第一次去，叫o左杯熱Mocha+ 焗蒜蓉芝士多士 + 蒜片欖油意粉，最後再o黎多個Tiramisu.．熱Mocha–味道唔錯．焗蒜蓉芝士多士–驚喜﹗4片大大的，份量已經係預料之外，味道……超正﹗蒜蓉好香，再加埋溶溶o既芝士。　好耐無食過咁好味o既多士，真係好回味﹗．蒜片欖油意粉–另一驚喜﹗　簡簡單單o既意粉，無任何醬汁，無任何肉類海鮮，只有甜甜o既蒜片+欖油，賣相簡單，但味道一d都唔簡單﹗　意粉又有口感 (彈，又一d都唔硬)，總之就香 + 好味﹗　如果再加少少辣味，味道可能仲豐富。　但已經好滿足了~~．Tiramisu–個面鋪滿朱古力碎，賣相一流﹔第一層淡淡o既朱古力，中間濃濃o既酒，個底就甜甜的，唔錯﹗（可能我不好酒，濃濃o既酒，未能完全享受呢個甜品）服務–好nice。　比起那些在中環上環的「高檔」小店，好好多﹗　感覺好舒服~環境–大梳化好舒服，但就只有兩張，俾４人

晚上要到大坑吃飯，便做了點資料搜集，見這間小店沒有o咸臉，便決定來這！找了一會，這店在稍暗的街道角落，店内燈光也暗，頗有情調。兩人點了煙鴨胸天使麵，同磨菇意大利飯。沒有叫餐，因爲想留肚吃甜品。煙鴨胸天使麵普普通通，煙鴨胸肉質嫩滑，有D肥，可能我不太愛吃天使麵，所以不太喜歡這道菜！磨菇意大利飯反而好味，意大利飯的硬度剛剛好，配上淡淡的磨菇汁很好！整餐雖然分量不多，資素挺好，是三五知己，或情侶談天的好地方，感覺又很悠閒.

呢一間係我係大坑最鐘意去既餐廳,唔好睇佢細細間, 但係做pasta真係好出色,記得好多年前我好鐘意食佢既大蜆墨汁意粉,當時價錢真係唔升平,$98一個,而且唔係餐,對我黎講真係算中上既價錢,但係佢係那個墨汁意粉令我愛上左呢間餐廳.上星期我再去食, 可惜已經冇再賣墨汁意粉了,個waiter定老闆我都唔知道,佢介紹左我食個煙肉磨茹炒長通粉($88)估唔到呢長通粉可以炒得好好食, 出面食那d長通粉多數都係好淋,但佢炒得真係好彈牙, 一d都唔會太淋, 而且白汁炒出黎又唔會太多汁水,真係岩岩好,我地一行3個人, 好多人都話好好食.之後我地仲叫左個西冷8成($128), 可惜的是西冷最多都是只有6成熟,不過肉味真係好好,對我呢個食開5成熟既真係岩岩好,不過我的朋友就只吃了一點就接受不到了,真可惜.其實大坑而家開左好多間西式法式既餐廳, 不過以價錢黎講佢都算係最低又好食了.如果下次去到steak可以做得更好就更加完美了.

11-1-08 (五)午餐選了泰式雞和豬扒，仍然覺得不錯。配菜的薯角香口，其他雜菜又喜歡它清淡原味，剛好中和了味道。清静的小店好像客人不多，希望能維持下去。

7-12-07 (五) 午餐當我在街角遇上你，清静 的小店散發着 悠閒假日的氣息。不一會，空氣中飄來陣陣肉香味，為何油煙也可化成清香？我的煙鴨胸沙律，肉質嫩滑，蔬菜新鲜，感覺清新。你的蒜蓉豬扒，肉質鬆軟，肉味濃郁，更覺驚喜。不客氣地分享你的薯角，誰叫它來得如此的真。嗅一嗅那茶味，看一看那餐茶的陣勢，我明白這是你的一份堅持。一杯一杯又一杯，不想浪費你的點滴心思。直至……“媽咪，我要回校上課了。”啊，好，好。不用加一？啊，很好，很好。

lunch set 4 揀1. 只包主菜and餐飲.肉醬意粉. 即叫即做, 新鮮. 賣相做得唔錯, 小小cafe 幾有心機wo! 肉粒略炒香, 撈埋d汁, 剛剛好夠一個意粉既份量. 食完就有少少口渴lor.煎豬扒. 有2大塊, 抵食呀! 煎得o岩o岩好, 少少脆, 有口感, 豬扒薄薄地, 肉質唔會"鞋", 唔錯呀.餐飲叫左coffee, 咖啡味唔算重wo, 但都幾香既.

原本沒打算來幫襯，但因附近的餐廳都已滿座，所以才再給它一個機會。先講環境，其實此店的裝修算不錯，簡潔而舒適，特意想做成一間法式半露天茶座的格局。無奈它座落在車房區，而且周邊是街市、大排檔和茶餐廳，因此頗煞風景。食物方面，我之前試過他們的扒，煮得猶不及自己煎；另一次則食蟹蓋，但份量太少吃不飽；因此今次保險一點吃意粉。開首想點天使麵，但侍應說沒有做餸的辣肉腸，於是退而求其次叫蜆肉寛條麵。那麵的汁太稀，不入味，但一碟有十隻蜆之多，算是出乎意料，可惜有些卻有沙，因此還是不及格。份量方面仍是太少，吃不飽。餐茶算是不錯，起碼夠大杯，但和正餐不成比例。不過我卻遇上一個有趣情況，每次我光顧的時候，總聽到鄰桌的食客當面稱讚廚師的技術。我不禁懷疑到底他們是做媒定還是我要求太高，又或者是我不巧點了不好吃的東西。服務方面，侍應小姐沉默寡言，反而廚師卻會隔著吧枱向食客聽取意見。縱合幾次經驗，這裡適宜喝茶談天，但吃飯還是選別處為妙。

之前跟同學們來食lunch，坐在門口近窗位置，有sofa坐，又有英文雜誌同英文歌聽，＋分寫意。叫了個肉槳意粉，比快餐店那些好多了，但sofa跟枱的距離不恰當，只好棒着來吃。學生有9折，以後會在試

I think the price is really acceptable...no 10% service charge...good.Also, the portion of pasta is very large...good.However, the 味道is very 普通They add too much wine into the pasta...finally...that tomato cream shrimp pasta has no cream or tomato taste... (I remember tomoto cream can be very thick and creamy when I ate in Grappas) But overall the service is good.

12月5日晚來,7.00pm沒有客。環境唔錯,幽靜兼小幽暗。叫1個main course+1個pasta,自動跟2杯drinks(</=$22,否則比差價)1)羊扒(regular):只得2小件,叫7成熟,但上到檯是與well done無異,所以肉質唔腍,小"鞋"。比起上個weekend在magic xxxxx食的羊扒(well done)差好遠。不過配菜跟d細波仔薯+青瓜+番茄就幾好,上碟都擺得精緻。可惜這道菜主角/靈魂唔得2)新鮮蜆linguine:linguine口感好因有咬口,蜆肉煮得剛剛熟,所以好嫩。個小湯汁調得偏鹹,但夾埋意粉+蜆肉就good。份量唔太多,但就一定大碟過羊扒唔飽,加2個甜品3)blueberry cheese cake:質感與芝士味都不錯4)creme bruleeudding本身偏甜(撇除面層的burn sugar來計)drink加小小錢叫5)english tea6)桃味有機茶全餐只有7成飽,當減肥

今日一心走黎大坑食車仔腸粉,只可惜行勻都唔見,另一間炳記又高朋滿座,轉轉下見到呢間座落街角小餐室,最重要係無人嘛!!環境的確好清靜,揀左個自閉位坐,感覺超free!!靚靚小姐比個menu我,推介假日brunch,原來都有幾款brunch選擇,最後揀左呢個好似叫"chef's special"。凍咖啡先到,先飲一啖原味,好香咖啡味而且唔酸,有水準;加上凍鮮奶同一種金黃色唔知係蜜糖定糖漿之後,又係另一種味道,唔錯!等左一陣,由廚師哥哥親自送上食物,好香呀!!!先試沙律菜,新鮮爽脆,再加上我鐘意既黑醋,酸酸甜甜好醒胃!蒜蓉包好多蒜,麵包香脆,雖然油左少少但好味!!炸薯皮新鮮炸起金黃香脆,薯仔夠淋;炒蛋炒得好靚唔太油,口感幾嫩滑,最重要係有蛋香,雖然未夠上個月係清境食既蛋咁香,但已經唔錯!蜜糖腸煎得夠香,呢款香腸一向都係我所好,所以一定覺得好食;豬柳一般啦,無乜特別。呢度食物款式唔多,不過出品都相當精緻,最起碼吸引到門外交更的士司機叔叔係窗外裝我碟brunch,跟住"直豎姆指"!哈哈~~