熊小館 (Closed) View

在open rice 找到熊小館 見comment 幾好 又可以6:30有5折 又儲得miles 就即刻問朋友 然後book 了無諗過這店快結業 因為商場加租會搬去九龍（好似係)今次黎到有意外的驚喜超優惠價食左bbq pork 同risotto 原價好似128？ 半價左60幾蚊好抵食肉質軟軟的 比想像中超大份 是平常某些店的兩倍 還伴著薯條 脆脆的也很喜愛那盆栽沙律 菜比想像中新鮮 還伴著一碗芝麻醬 喜愛芝麻醬的人會很開心Risotto 不太膩 易入口意粉味道也正常還點了心太軟$29 但味道非常一般 不建議點總括而言❤️划算的一餐飯 環境也很舒服和友人也吹了很耐水 店員也超主動和有禮貌❤️

我有帶B去，三大一細比我地坐CAR位有BB餐具，BB又可以爬CAR位松露意大利飯好味，服務態度唔錯環境又安靜，傾得好舒服👍🏻🐻🐻🐻🐻🐻🐻🐻🐻🐻🐻

身為熊仔lover既我，一直都好想試依一間餐廳！所以我睇中左之後，就經Openrice book左張枱，終於去左食!首先，一入到去見到好多唔同既熊仔設計，有公仔吊物，又有放在餐桌上既熊仔，十分可愛！帶小朋友黎都一定會好鐘意。食物方面，唔算話特別豪華，但勝在價錢合理。晚飯叫左一人一個意粉都十分抵食，味道好，份量也足量！服務係最值得讚！一入到去，因為有Booking，我地有一張Reserved左既枱for我地，招呼十分良好！最後仲賺左25 Asia Miles! A very pleasant dining experience! 

無乜特別童真的我, 經過這店舖都被吸引, 門口已放滿好多熊公仔, 內部亦有不少大大隻熊公仔在坐位附近, 裝修擺設都很有心思, 小朋友和熊仔控見到應該會好興奮, 不過午餐時段, 大部份都係上班一族, 餐牌套餐選擇都好多, 價錢唔算貴, 午餐時段仲免收加一, 意大利芝士焗肉醬意粉連飲品都係$45, 醬汁不多不少, 肉醬算多, 意粉硬度剛剛好, 整體我比80分, 杯飲品就比較淡左少少, 其他朋友的評語就不過不失, 唯獨芝士忌廉汁焗煙三文魚長通粉就唔夠汁, 所以味道偏淡. 

食物份量適中，價錢略貴。本來輸入了慶祝生日，可以坐沙發照相。但店長以只給九人坐為由拒絕了，十分失望。四人座位加了兩張椅，坐得不太舒適。直至離座照相位仍沒有坐滿，亦沒見九人入座。小熊毛公仔看似久未清洗，可更乾淨。

作為有小朋友嘅我，帶小朋友嚟愉景新城玩，見到間咁有童心嘅餐廳真係不得不試門口有隻超大熊寶寶，真係好吸睛呀原來老闆好鍾意熊寶寶，成間餐廳都圍繞住熊，好特別又好適合小朋友入到去睇下餐牌，我哋咁啱食下午茶時段，我個人覺得平，唔知平時其他時段係咪都咁抵食見到枱面這款餐單真係好吸引我同我的小朋友，但可惜我有其他嘢更想食，這款留待下次再試吧白汁芝士三文魚焗長通粉好好食，真係好好食份量又超大碟，我分咗一半比囡囡都仲係好大碟，重點，三文魚係海量級，睇圖好似好少，但食極都有，食到尾聲冇哂通粉只剩下三文魚，呢點真係有點兒誇張特式咖喱雞肉飯個咖喱汁唔錯芝士焗忌廉菠菜龍脷飯好好食，芝士忌廉菠菜真係好夾好有心嘅兒童餐具，碗底有膠部啜住張枱，好細心，以防小朋友倒瀉肉醬薯條，個個都話好食，要爭食先食到其實個肉醬好夠點薯條嘅，但個肉醬真心正，如果再多d就好lu是日餐湯:忌廉南瓜湯每個餐都可以加配的，不過加一個試下先，唔好飲嘅，所以都冇再加配啦好多杯餐飲唔好飲呢間講明係親子餐廳，所以有個區域比小朋友嘅，小朋友可以坐低慢慢睇書，大人有大人傾計，其實幾好嘅，不過呢個位置位於門口位，作為家長嘅我真係唔太放心比小朋友獨自坐低，

牛肉粒紅飯，碟野來到原來係茄汁飯，以為係紅米飯，有点被騙既感覺。幾酸下。牛都OK.焗豬扒飯，普普通通多左D小朋友新款。但比較簡流。服務K地方:lunch人不多，2人坐卡位沒問題

-今日又同小朋友去愉景新城玩，玩完當然要找個地方醫肚。-熊小館環境舒適，四圍都是熊熊公仔，小朋友很喜歡。-咖喱雞肉飯，飯同湯分開上，讚。咖喱辣度剛好，雞肉切到細細塊，容易入口。-加$6有濃湯及牛油法包，時日濃湯係青豆湯，湯夠濃，有淡淡的豆味，青青甜甜。法包小小一片，鬆脆香口。-西門町肉燥茄子飯，肉燥份量多，咸甜適中，茄子份量少，而且比較硬。-值得一提的是打呔的那位叔叔，我估應該是經理吧，服務態度好好，抵讚

經openrice訂座系統訂座，要用paypal落訂。八點半後入座，全單七折。食物味道不錯，地方乾淨寬敞。可能是星期一，客人不多。侍應招呼周到，主動替我們搬枱拍照呢！

我囡真係無熊不歡今日黎到愉景新城冇理由唔潮拜下有熊熊相伴食飯既餐廳入到黎已經瘋左仲可以安排一個類似包廂既物體裡面食野呢度其實除左好多熊外仲有好多位😍食物已經唔大期望黎到真係一般般下午茶黎可能覺得抵俾啲

週末帶仔仔到愉景新城參加活動後，係商場內搵餐廳醫肚，經過熊小館，見兒童餐好吸引好豐富，仔仔表示想食。餐廳環境不錯，到處都有小熊蹤影。近門口有一個兒童圖書角，等位期間，跟仔仔睇圖書講下故事。入座後，自己就點了一個蜜桃去骨雞腿飯，味道不錯，份量剛剛好！仔仔方面當然點了兒童餐俾佢啦！兒童餐分別有A,B,C！仔仔愛吃粉麵類，所以點了B餐，有肉醬意粉、栗粒、腸仔、小熊方包及一杯橙汁。兒童餐份量都幾大，小熊方包好可愛！

因為第一次幫襯好好食，同朋友去開果頭，就介紹佢去尼間食。。。點知第二次幫襯就失望了。。。今次失望到冇咩影相，淨係影左碗湯。朋友叫左午餐set，牛扒意粉，有送餐湯同飲品，佢叫左咖啡。我就叫番上次覺得好好食既番茄鮪魚螺絲粉，熱檸水。朋友比左湯我飲，又幾好味。d牛扒都算淋，仲係覺得唔錯既時候，我碟野都黎，我食左幾啖，覺得同上次唔同，覺得冇上次咁好食我食左一半就放棄左。朋友杯咖啡話唔好飲整體應該唔會有下次。。。PS.舉手埋單舉左一段時間都冇人理，以為佢地好忙又唔係，只係純粹睇唔到我隻手，我仲有開聲叫唔該。。。最後當我放棄之制，經理終於見到我隻手，知道我舉左好耐，係咁話唔好意思。。。其實我知唔關經理關職員事，佢講完我都唔好意思。希望日後有改善。。。或者請多個人返黎，可能會好d，起碼多雙眼睇。。。

同朋友係附近睇野兼行街，見肚餓就搵野食。大家係商場水牌面前睇左好耐，有朋友被個店名吸引住，就問我地不如試下食尼間，咁我地就覺得好似唔錯，就去試下尼間好唔好食啦。我地去到門口一見到有隻巨型熊，建議食果個朋友見到好喜歡，我地就決定食尼間。之後我地仲發現餐廳裡每張枱都有1隻細熊，幾特別。（環境唔錯）之後我叫左尼個，係個SET黎既～一個食物送餐飲～個螺絲粉外貌唔錯～食落去口感都ＯＫ，味道濃郁又幾好食～飲品我叫左杯熱檸水，無咩野。。。整體算ＯＫ，可再試～

I got to admit, I am a person that judge something by its appearance most of the time and often that lead me to disappointment.  This place is no exception...  I saw all those teddy bears inside the restaurant and immediately, I persuaded all my friends to go in and try it with me.  It was like 7pm on Saturday but the place wasn't packed at all so we got seated within 2 secs.  (That was a pretty big hint at how 'good' the place was tbh)Let's not talk about the decors because they are all just di

是晚約了有小孩的朋友聚餐，所以專登揀一間合乎小朋友玩既餐廳其實都睇左幾間，唔係貴就服務麻麻，荃灣心想都就腳，而且係商場內，所以就揀呢間熊小館先講食品，大家都各自叫了dinner set, 而我叫了扒餐，感覺上好似好吸引，塊扒熱...但塊鐵板就唔熱..好過....不過食物質素同價錢成正比，唔可以太高要求！之後都有叫下小食，但份量真係少得可憐，同埋都係正常野無特別～男士一個扒餐無可能足夠。建議叫pasta類，好大碟，價錢又抵d至於服務都可以接受啦，可能我地都夜，無咩人..可惜係太早收舖想傾耐d都唔得囉小朋友..真係只合適三四歲，佢得一個門口角落頭係有圖書咁，得幾張椅子，唔好預想可以有幾個小朋友一齊玩啦！如果好似我地呢班一個半個，就可以同佢講下小故事，都幾開心呀