帝景軒

Open Now

Now Closed

自助晚餐以名貴海鮮入饌，呈獻多款滋補窩心菜式，包括芙蓉燕窩扒野菌、花膠白菌煙肉長通粉、花膠黑木耳鮮雞煲、蟲草花豬展湯等，美味又暖胃。除此之外，每位客人更可額外獲贈「花膠扣原隻鮑魚」一客，令人食慾大開! 花膠扣原隻澳洲鮑魚，口感煙韌、滑溜，極為鮮味，滋味停不了。大廚更預先把花膠浸泡一至兩晚至腍身，然後加入高湯以慢火炆煮，炮製出黏糯、細滑花膠，每口如綿花般彈牙，滿滿的骨膠原，適合養顏愛美的女士。冰鎮海鮮選擇多：阿拉斯加鱈場蟹腳、圓滑爽口的智利青口、充滿嚼勁的加拿大翡翠螺及海蝦等，長蟹腳用較剪剪開，見到一絲絲蟹肉，肉質潔白，鮮甜細嫰，十分新鮮。除了冰鎮海鮮，海鮮熱葷同樣吸引，芝士波菜焗生蠔肉質柔滑，放上芝士及菠菜焗至微微焦香，令鮮味當中帶點惹味，教人一嘗再嘗。花膠白菌煙肉長通粉必然是我的最愛，充滿白汁菌香長通粉中，加入粒粒爽滑花膠，中西合璧，味道富層次感。還有薑蔥三文魚、椰汁紅咖喱青口、萵荀銀耳炒蝦仁等，炒蝦仁彈牙，配上爽翠的萵荀銀耳，配搭清新。蟲草花豬展湯十分䁔胃，火候充足，盡是蟲草花的甘甜，綿軟的豬展，吃完有暖笠笠的感覺。肉類有照燒豬柳、燒羊架等，平常不吃羊肉的我，覺得燒羊架很有水準，內

上次同朋友黎食Tea既時候留意到，酒店呢度既自助晚餐都有做梗promotion，折左之後成人平日既人均都300蚊左右，價錢非常相宜啵加上睇到呢期呢度既buffet主題係花膠鮑魚，聽到都覺得滋陰又養顏，所以呢晚就專程同埋家中既女皇大人入黎進補下先首先，當然唔少得有一般大眾都喜愛既冷海鮮，當晚仲有龍蝦同長蟹腳添喺沙律冷盤區入面，常見既沙律冷盤都好齊全西式、泰式同日式既冷盤涼拌都有得食另一邊亦有幾款刺身由店員即切架當晚既重點就係每位客人都會有一份花膠炆鮑魚！！！！花膠厚身黏口，鮑魚彈牙入味仲有中式既燉湯可以無限添飲之後就去左熟食區拎下各款既熱莗食下先，當中有唔少菜式都加入左燕窩同花膠，令到成件事都即刻upgrade左咁身為一個小甜魔，食完一大輪咸食，飽左六、七成……咁就緊係要去進攻主食（甜品）啦除左有常見既朱古力噴泉同新鮮生果之外，當然都有唔少既蛋糕撻點啦大部份既甜點質素都幾好，女皇大人更盛讚呢個班蘭蛋糕香而鬆軟，味道唔會過甜，見佢encore左兩三次呢度更有六款不同口味既 哈根大斯雪糕任食！！！！小甜魔表示呢晚既甜胃係獲得絕對既滿足呀

難得平日有假放，專程同好姐妹入左黎汀九呢邊嘆返個“港女高茶”先好姊妹知我一向愛食雪糕，突登揀黎呢間酒店，因為今期酒店同“哈根大斯”做crossover呀，所有即使遠少少都無有怕酒店四處都有大型既雪糕擺設，打卡一流！而窗外更有美景觀看，環境非常唔錯本身以為係酒店嘆個tea要四五百蚊先落到樓，但原來呢個afternoon tea set又唔貴，HKd$280+10% for two，包埋2 drinks，價錢相當合理啵TeaSet一共有三層，總共有10款食物，5款鹹點 5款甜點，每款兩件-成個teaset入面既食物質素都唔錯，當中有幾款仲幾有驚喜添！！！就好似呢兩個綠色既迷你雪糕筒咁，本身以為係抹茶雪糕，但原來係用上脆筒盛載住牛油果蓉混合辣肉醬整成既小球體，幾有驚喜之餘，食落都幾惹味“他他煙三文魚蛋白撻”同“意式巴馬腿蜜瓜筒”呢d不敗既組合當然係一貫既滋味啦，特别欣賞當中既撻底做得唔錯，即使影完一輪打卡相先食都依然夠脆身而呢個“開心果仁香檸紅花炸意大利飯團”又係另一個小驚喜，第一次食炸既意大利飯，口感外脆内綿，炸得香口而不油膩！幾款甜點既水準亦唔差，蛋糕卷蛋保持到鬆軟唔乾身整體既甜點都無過

酒店12週年推廣優惠，二人同行，第一位正價，第二位可以12元享用，怎料中伏了酒店餐廳: 地方極細，應該只提供50位客人。男女洗手間竟然只有1格，幸好還算整潔。食物: 擺放食物位置東南西北，不夠集中。食物和飲品款式極少，而且質素普通，全部食物的器皿蓋子都打開了，食物不夠熱。長腳蟹沒有鮮味。贈送的黑松露芝士焗龍蝦也很難吃。唯一好處有haagen 雪糕，有多款口味。喇沙面味道不錯。平均每位$250，但都覺得不值得，一定不會再惠顧。

Häagen-Daz雪糕一向是我的摯愛，草莓味道不太甜，帶新鮮果肉，口感清新誘人。帝景軒與Häagen-Dazs聯乘合作，以全新雪糕杏仁脆筒系列為靈感，設計出多款精緻甜點，為味蕾帶來甜思思的感覺！凡享用兩位用下午茶，可獲贈Häagen-Dazs獨家雨傘及記事本，令人愛不釋手。五款精選鹹點：他他煙三文魚蛋白撻意式巴馬腿蜜瓜筒開心果仁香檸紅花炸意大利飯團辣肉醬牛油果筒北京烤鴨卷喜歡三文魚蛋白撻，鬆脆的撻皮，入口充滿牛油香，盛載著柔嫩的三文魚肉，拌合軟綿蛋白絲及蘿蔔絲，賣相精緻，口感豐沛。牛油果筒模仿為迷你甜筒，捲餅中填滿牛油果和辣肉醬，清新之餘又不失惹味，令人胃口大開。五款精選甜點：Häagen-Daz士多啤梨雪糕咖啡酒意大利芝士蛋糕比利時朱古力慕絲筒紅豆綠茶奶凍配柚子啫喱薄荷芒果瑞士卷吃過最迷人的草莓雪糕，便趕緊品嚐七彩繽紛的甜點。Tiramisu插上小試管，為蛋糕注入baileys甜酒，蛋糕軟綿，咖啡香中沁出酒香，十分吸引。芒果瑞士卷質感綿彈，包裹著芒果蓉及薄荷葉，蜜甜中啖啖清新，充滿驚喜。最喜歡紅豆綠茶奶凍，綠茶香濃郁，入口柔順香滑，配上綿密紅豆，口感香潤。下午茶跟配兩杯青檸薄荷梳打

食物的味道OK，但種類非常少，地方也很細，只得少量熱食，湯河粉一點味也沒有，而且沒有凍飲，可選擇種類也少，甜品不好吃，而且食物盤多是零碎的食物，好似吃剩似的，有點中伏的感覺，不會再去。

話說朋友見到呢間酒店12週年自助晚餐優惠原價未計加一，一個人要四百蚊倒依家優惠每兩個人去食夜晚自助餐第二人就可以計$12蚊去食訂位仲送每人一碟花膠同一粒鮑魚計埋加一，兩個人賣單四百幾蚊倒除返開都係二百幾蚊一個人嘩，仲可以由6點食到9點，抵到呢又見到d好評有百幾個，差評都唔算多話晒酒店自助餐喎，應該都唔差嘅咪諗住試下好啦，去到點知伏到無人有見到d頭盤沙律就知奶嘢沙律菜好似放左好耐咁，變變地色又爛爛地咁得煙三文魚同長腳蟹係正常幾好味熟食都有十種選擇嘅，無架啦味道一般，不予置評刺身係出面拎同朋友拎完食左兩塊唔夠膽再食，好似放左好耐咁西冷牛扒勁細舊，每次切都勁細塊同埋唔係熱嘅，可能個一舊切左好耐啦甜品選擇少都算啦有樣熟食叫菠菜焗生蠔食左五隻，有兩隻上面都係得菠菜入面我係搵唔到粒蠔去左邊估下飲品有咩揀？得熱水、熱紅茶同埋咖啡機附上檸檬幾片同奶，冰都無粒如果你想飲汽水呀？額外加多25蚊丫唔該下？？？呢d基本嘢都要再加錢先飲得？食完搭車返去個陣我同朋友都搞肚痛朋友直情痛到出冷汗，返到屋企痾左一餐第一次食嘢食到咁嬲，離晒譜你可能話，二百幾蚊食自助晚餐咁平仲想點真心，情願比二百幾蚊食放題好過至少有杯可樂

中秋節同屋企人黎左呢到食晚餐自睇餐。主題《鮑魚 花膠 海鮮》食物方面：海鮮種類唔多算多。唔知係咪人多關系，龍蝦，龍蝦鉗一轉就冇晒。至於花膠，行晒成個場都搵唔到邊到有。鮑魚就佢每人派一隻。食物種類唔多，又係一個可以食晒所有野既自助晚餐。甜品都幾好味。至少有Haagen-Dazs 雪糕。環境方面：地方好細，呢到有另外一間房。被安排去個到既，就行得比較遠。服務方面：員工有禮貌，食完好快就會有人收碟。衛你生方面：都算ok既，等一隻飛飛。

好耐未試過一家人一齊去酒店食buffet，平時搭車經過屯公，已經好想一睹帝景風采，今次終於齊人可以去帝景酒店！位置偏僻，反而適合不喜歡人潮嘅我！但竟人煙稀少到職員都吾見一個！老公開車開到酒店門口，我地落晒車之後，再慢慢起後尾箱拎架bb戰車出來；與此同時，酒店shuttle bus 亦同時到達酒店門口，頓時酒店門口有d人潮,但亦未見有concierge/保安等職員出來提供協助。我只好跑到reception問酒店車位情況，receptionist 即刻幫我打電話問，問左幾分鐘，就再問我入住定餐飲，我如實答覆後仲要等左陣先有答覆：吾可以泊室內wor,得室外！為何不直接問：請問室外可以嗎？明顯沒有受陪訓吧！室外當然沒問題！我便跑到門口跟老公就泊室外，再指示他方向，突然覺得自己做了職員！上到餐廳，setting set埋bb位，吾錯！做緊加$12多一位優惠（需提前預約和付款），食物種類得少很！是我食過最少食物的一次，我們8人中，年輕的，靠甜品飽，長輩級的，靠食米面飽肚，飲品方面，茶，水，咖啡，奶，完！刺生位置在餐廳外的走廊，怪。餐廳職員服務便不錯，有位waiter留意到老公問我有無見到辣椒醬，我

今日其實先係呀媽正日生日,老豆貪平所以book左山卡喇嘅酒店buffet,但其實每人都要300幾蚊,lee種質素,lee個價錢真的一點也不值👎🏻👎🏻👎🏻酒店入口係汀九橋下面𥚃面餐廳簡直細到不堪,又焗,人又多,睇下lee到自助餐嘅擠迫情況🤦🏻‍♀️刺身係門口出面拎,味道同格局同某唱k地方嘅自助餐刺身有得揮,一d都唔新鮮🤢塊牛扒🐂un到牙都崩,傢私鋪cafe都比佢好食lollipop chicken🐔正常,係好似擺左好耐咁舊蒜蓉焗蠔隻蠔細粒到唔知食左d乜🙄好難得熟食咁難食,得d菜接受到,未到真係好似小學去camp d飯堂咁之後揀左最穩陣嘅叻沙,可以幫助你食飽個芝士蛋糕🍰似街買葡達係凍嘅,擺左好耐咁朱古力蛋糕🍰只可以話係比較上ok嘅最後送咗隻鮑魚,啲豉油鹹到.....lee間嘢真係免了👎🏻👎🏻

之前陪朋友食呢個朱古力下午茶唔鍾意食朱古力嘅我表示都好彩唔係全部都係朱古力英式鬆餅+士多啤梨果醬就正常Tea Set都有架啦自己可以喺8款茶入面揀1款飲我鍾意試特別嘅嘢，試咗太妃糖烏龍茶包，真係幾特別有9款鹹點+甜品有青瓜蟹籽沙律意大利軟包、焗蘑菇菠菜忌廉撻、加州蟹肉餅配芫荽芒果醬、粟米芝士釀南瓜花天婦羅、核桃杏仁布朗尼蛋糕、柚子紅寶石朱古力慕絲蛋糕、血橙朱古力蛋糕、雙色朱古力慕絲、焦糖拖肥朱古力鏡面蛋糕佢個配搭令啲朱古力唔太苦，我唔太鍾意食朱古力都會食到食完仲有Sample送！260$兩個人算好平啦～

🔺帝景酒店 - 帝景軒見好耐無食過自助餐 就上網睇下最近有咩自助餐好食🤨小編要求最緊係cp值高😆😆 又俾我揾到帝景酒店做緊東南亞‧鮑魚海鮮自助晚餐 只係$279 一位 (星期一至五) 酒店黎講價錢真係幾平😯.汁燒鮮鮑魚🐚岩岩坐低服務員即刻送上每人一客鮑魚鮑魚爽口彈牙 炆煮得都幾入味👏🏻.燒牛肉🐄即叫即切 牛肉味濃 必試推介👍🏻.喇沙湯麵🍜話明係東南亞美食主題又點少得喇沙湯麵😆湯底有濃濃嘅椰汁香味 唔算好辣岩晒唔食得辣嘅朋友仔👅自選菜式任匀選擇👍🏻.Häagen-Dazs雪糕最正嘅係有得任食Häagen-Dazs雪糕🍨當中仲有平時好少見到嘅香蕉味🍦黎到記得食多幾杯👅.總括黎講食物款式唔算好多 食物質素中規中矩吧 叫做對得住個價錢🤔

二百幾三百蚊自助餐有咩好選擇⁉️今次同朋友入左汀九食dinner buffet，原來喺荃灣地鐵站，搭shuttle bus入去好快㗎咋，15分鐘都唔洗就已經坐定定開動👍 今個暑假，哩個buffet以東南亞及鮑魚做主題，啱哂最鍾意去東南亞旅行既香港人🤩 加上價錢勁抵食，平日三百蚊都唔洗就可以大擦一餐啦🤗😋-餐廳地方唔算好大，而《東南亞·鮑魚海鮮自助晚餐》所提供既種類都幾多🤤 一坐低已為每人呈上一客汁燒鮮鮑魚🐚 鮮嫩鮑魚以清酒慢煮，配上秘密日式照燒醬汁，底下係香脆既鍋巴，令味蕾及口感相當豐富！·新鮮海鮮有我最喜歡既蟹腳及凍蝦🦐 沙律方面有較特別既泰式鮑魚粉絲沙律及青木瓜鮮果沙律，味道清新並酸酸甜甜，不禁令我立即懷念泰國的味道😋😋 刺身及凍肉盤亦應有盡有👍·至於熱葷方面，最為特色嘅有新加坡辣椒炒青口及即製喇沙粉麵🤤 很喜歡大廚即場為我淥製既喇沙，湯底加上酒店秘製既辣椒醬，更加惹味👍另外，甜品種類亦很多，當中既藍莓芝士蛋糕及自家製泡芙猶為出色，令我第二個胃感到非常滿足😋 最後食返杯有多款不同口味選擇既Häagen Dazs雪糕，整個自助餐就十分圓滿啦🤗·📍帝景軒荃灣汀九青山公路353號帝景酒店2

女仔貪靚又貪吃點算好⁉️美女們有福了💕 由即日至8月31日，荃灣帝景酒店 同 ETUDE HOUSE 聯乘推出靚靚Tea set《瑰麗香吻下午茶》，啱哂同閏蜜嚟嘆返下👭 Tea set以珊瑚粉嫩色系為主調，令中女既我亦即時爆發少女心💓💋 價錢仲要超吸引，2人都只係260蚊，趁假期快啲嚟打個卡做個美麗pinkpink小公主啦👸🏻❤❤·成個Tea Set共有10款鹹甜點，當中5款甜點以化妝品爲靈感，造型非常神似，幾可亂真！·精緻繽紛甜點包括~♡ 夢幻粉色朱古力唇膏♡ 紅桑子紅唇慕絲蛋糕♡ 柚子軟芝士餅♡ 日本水蜜桃慕絲蛋糕♡ 新鮮草莓忌廉杯·當中我最喜歡 ☆夢幻粉色朱古力唇膏💄 唇膏幾乎同真嘅一樣，仲有埋唇膏套同蓋，唔講真係以為係真唇膏！唇膏其實係幼滑既mousse，粉色得嚟帶有微微朱古力味，十分特別😍🤩·而鹹點亦同樣出色，包括玫瑰煙三文魚配三文魚子法式小食、香辣雞翼鎚、脆皮糖醋魚手指、迷你黑毛豬柳漢堡及燒甜椒三文治。個人好欣賞迷你黑毛豬柳漢堡😋 漢堡外型小巧的的骰骰，啱哂怕肥既女士們細味品嚐😚 黑毛豬肉味濃郁有口感，不錯的👍·另外，Tea set仲包兩杯特飲，有可以揀草莓梳打或蜜桃梳打特飮

今天是我的農曆生辰那出一篇甜蜜的瑰麗香吻下午茶為自己賀一賀吧！吃點就在Royal View Hotel內的帝景軒，這趟酒店跟甜美玩味的ETUDE HOUSE合作，以動人的唇膏作主題推出是次的香吻下午茶！ 粉紅嬌美的主調正是瑰麗香吻下午茶的光芒，絕對是美不勝收引人入勝呢！！推廣期由即日起至2019年8月31日，收費只是＄260/兩位還有護膚旅行套裝乙份送贈太划算了吧！ 下午茶配飲是充滿夏日風情的果味特飮！包括有草莓梳打和蜜桃梳打，喝下凉浸浸的好清爽啊~ 而下午茶甜點以ETUDE HOUSE Better Lips-Talk磁石唇膏系列作靈感，餅廚分別設計出不同色調的迷人嘴唇甜品，光是那像真度極高的唇膏甜點已教人驚為天人。 中層放上了三款鹹點分別是香辣雞翼鎚、脆皮糖醋魚手指、和迷你黑毛豬柳漢堡，而底層還有玫瑰煙三文魚配三文魚子法式小食和燒甜椒三文治，件件份量十足女生們來吃真可省卻了晚餐耶！ 鹹點中我最喜歡脆皮糖醋魚手指和迷你黑毛豬柳漢堡，前者以鱈場炮製而成香滑不油膩，沾上糖醋汁伴吃更是開胃又滋味，另黑毛豬柳漢堡包身鬆軟豬柳淋滑又香口，吃罷真的很滿足耶！