Café Imagine

Café Imagine ☕️｛可能是最有心思的素食餐廳｝比較少人介紹 但吃過一次就覺得值得推介✨位於長沙灣YMCA大樓地舖 是一間社企餐廳 需要留意的是餐廳所有菜式都由一位廚師製作 要保持食物新鮮度和質素 製作需時 大概等10至15分鐘就吃到了🍽️ 午市套餐另外加$40 有是日精選佐食（突尼西亞椰棗夾腰果)、前菜(牛油果叉燒豆包壽司)、奉送特色健康飲品! (例如 有機靈芝豆奶咖啡、奇亞籽青檸龍舌蘭蜜) 創意滿分☺️ 招牌麥芽素叉燒飯 ［$88］堅持採用全素食材 （包括所有調味料 都是採用非動物提煉的副產品！）菠菜切碎混入芝麻油 炒豆腐加黃薑粉 盛一碗紅米、黑米及紫米飯 加入香菇味蠔油 麻油等等 份量飽足 素叉燒的味道不是超級市場買來的質素 廚師用秘製醬料 混合大量麥芽製作而成 表面脆脆的 味道討好 像燒味飯上的紅燒叉燒一樣！🐷韓式炒粉絲（大辣）［$78］有菠菜 豆乾 木耳 三色燈籠椒 蘿蔔絲等 用料豐富 餸的份量和粉絲一樣多 粉絲吃下去不會過乾 也沒有油膩感 最重要是很重麻油味 辣的程度可在下單時要求調整🌶️餐廳優惠：全單九折{清盤活動} - 吃完所有食物 並在個人社交平台上tag @cafeimagine 😋味道 4.5 / 5💰價錢：<$100 /人📌位置：長沙灣順寧道338號豐盛居商場地下1號舖🌿舒適度：4/5 梳化座位 環境清靜 🍽️用餐時間：午市時間12點至2點…Read More

每星期只有營業四天的社企素食餐廳，出發現記得看清楚營業時間啊。由很多年前的「素食媽咪」到現在，招牌麥芽素叉燒都很受歡迎，其他餐點小食都以用心製作見稱，當中也使用很多養生健康食材，飲飲食食都很有特色。地點近蘇屋村，YMCA地下，由長沙灣地鐵站行過去都有少少距離。餐廳星期一至三不營業，午市和晚市中間有落場時間，去用餐前記得看清楚營業時間。共六張四人檯一張二人檯，這天是星期四午餐時間，客人不多。餐牌好多都劃掉，選擇唔算好多。飲品都幾特別。椰棗腰果 / 牛油果素叉燒豆包壽司 / 有機靈芝咖啡配日本古法豆奶 套餐價+HK$40椰棗腰果無想像中咁甜，好少會在餐廳吃到這種小食。豆包壽司入面原來有飯，我覺得不加飯比較好吃。有機靈芝咖啡我估應該唔係真咖啡，味道都唔錯，是健康取代咖啡因的選擇。招牌麥芽素叉燒飯 HK$88份量頗大一碟，有紅米飯、白菜、素叉燒和炒豆腐，有很多菜吃我覺得唔錯。豆腐吃起來帶點麻油味，配飯汁和南瓜子都係偏清淡的朋友。叉燒口感偏軟，部分有些許焦脆，我覺得中規中距啦。餐廳都有做私房菜和到會，有需要可以參考菜品和預訂。…Read More

經營社企不是易事. 不可依靠賣良心, 因為醫唔好個客個肚, 係留不住顧客的心.Cafe Imagine 是一間一個小女人,大力量的素食餐廳.她的招牌麥芽素叉燒飯簡直冇得輸. 素叉燒色香味俱全；菠菜滲著淡淡的麻油香配炒蛋(豆腐)撈飯👍🏼👍🏼. 分量可以K.O.一個男士.我選擇了一個 main + $40 (前菜+飲品). 負責人溫柔地介紹食材的原產地(香港嘅農莊).見到其他客人食墨西哥捲餅和韓式粉絲, 食得津津有味, 也沒有浪費.餐廳位置在長沙灣地鐵站C2出口步行大約七分鐘.期待嘗試其他出品. 十卜.…Read More

因為得一個廚師，所以每次上菜都要等一段時間，But it’s worth to wait.試咗好多間九龍區嘅叉燒，都媲美唔到呢間嘅水準一試難忘，每次嚟食都唔會令我失望。唔會太乾身，味道適中因為佢一做完就即刻拎出嚟，所以食物溫度岩岩好佢入邊個薑黃豆腐拌飯一流不過個泡菜麻麻另外嗌咗個串串，好Juicy！如果再熱啲就仲好，不過味道很好👍🏼…Read More

同姨仔食完慶生飯無耐，又因事約出嚟聚一聚，就佢是日晌荔枝角有行程，摷吓摷吓就搵到呢一家素食店「Cafe Imagine」，單睇店名，真喺完全估佢唔到喺間純素嘅素食店。 店家所處嘅位置對好多人嚟講有少少僻，但小弟反而好熟，因為有唔少親戚都居於順寧道一帶。走進餐廳，地方唔大，目測所見，廿個位多少少，裝修簡約，但勝在企理。店員都好有禮:)，但唔知喺咪人手少，感覺有少少踢腳。 餐牌就主要有兩面，一面喺散點嘅菜式，有自家製純素手工小食、純素Fusion主食及特調飲品，唔收加一；另一面餐牌就有幾定食套餐，即喺多杯桂花茶。台灣金針蒸淆玉球 $45睇見啲小食好似幾特別，所以，老婆就話點款嚟試試，結果揀咗好似山竹牛肉球咁，不過就用咗台灣嘅金針花代替馬蹄，再加新豬肉做成嘅淆玉球。賣相有啲麻麻哋，口感都OK，打得鬆化，啲「豬肉」，但味道好似有啲問題，3個人食，有2個覺得有少少酸味，唔知喺有啲食材變咗，定喺源自啲金針花，總之，事後無人肚痛就當無事啦。 韓式粉絲定食 $78韓式粉絲炒得似模似樣，睇到有幾多材料，豆腐乾呀、菠菜呀、燈籠椒呀、木耳絲呀……等等，仲撒上好多芝麻。而粉絲幾滑身，但又有少少柔韌感，口感確喺不俗，喺是夜比較滿意嘅菜式。 自家製泡菜叉燒印度米炒飯 $88炒飯就食得多，但係用印度米嚟炒飯都幾敢肯定喺第一次啦，感覺有啲特別，所以先點嚟試試。個飯可以可揀茄汁或沙茶醬炒，小弟就揀後者，不過，整體都唔喺好覺有咩沙茶醬味，而素叉燒切得細碎，食落唔喺好覺咁，較多嘅喺泡菜，比一般食開嘅泡菜無咁辣，整體嚟講，都喺好普通一個炒飯咁，所以確喺有少少失望。 純素Omakase $138姨仔揀呢一款純素「廚師發辦」，唔好睇個名以為同壽司有關係，其實喺完全無關，實際上你可以當喺一般定食，只喺餸菜由廚師安排無得揀，所以，見到一大兜餸菜配上白飯、前菜同桂花茶，當喺個6、7餸飯咁啦，但最奇怪嘅係唔知點解擺咗啲杏脯乾。講真，食味OK嘅，但覺得唔夾囉，姨仔亦唔鍾意啲桂花茶咁沖法，飲落一口桂花粒，有少少巉咀。 依家好流行食素，其實食素在我嚟講都喺清清哋，想食得健康啲。不過，佢哋啲素菜菜式部份可以講喺特別啲，但又有啲古怪，整體感覺我自己個人嚟講就一般般而已！…Read More