大家樂 (Closed)

請問廚房師傅係咪連蘿蔔糕都唔識煎？？每塊兩邊到煎到黑左。點解出餐嗰啲職員見到都唔換？其實係唔係外賣冇所謂？求求其其就得？堂食就係咪俾好啲客人？？如果拎去換一來一回嘥時間，所以冇換。切走黑色煎燶咗，食落口係苦。之前係其他分店買過都未試過咁。

假期偷懶唔想煮飯, 咁岩睇到大家樂廣告介紹鐵板餐幾吸引, 咁就決定去食下先7點到去坐無虛席, 大埔何時何地都咁多人...咁岩有一枱走人先有位坐我太耐無食快餐做晚飯, 唔知幾時開始鐵板餐唔係等叫號碼先拎得既呢....俾完錢後去交飛就有得食, 完全唔使等惹火森巴豬扒鐵板餐, $51一個餐有豬扒鐵板外, 仲有個磨菇湯同牛油餐包送鐵板餐, 一個字乾, 鐵板太熱, 令到最底既菜同意粉都好乾, 完全唔想食, 塊豬扒好少少, 係林既, 同好易切開, 黑椒汁幾香,辣辣地, 腸仔係腸皮腸, 唔會難食得去邊, 最好食都係粟米, 比個鐵板熱完後仲好香, 好多汁磨菇湯, 好足料, 味道唔錯, 好多雜姑同洋葱, 但有點漏,飲到一半已經飽左餐包, 點解會有檸檬味???連我老公個包都有....點解既, 點解既...

媽媽偷懶，不做晚飯，話要試新出的🐷脾🐥脾鐵板，老爸食鐵板🐮扒，咕嚕肉家常小菜的套餐配番茄傻仔牛肉滑旦湯，因為怕老爸不夠飽還叫多一個咸魚雞粒炒飯😆可能星期日關係人特別多，買完票後排隊等攞餐😑😑※咸魚雞粒炒飯幾好食，咸魚都幾香，而且雞粒都幾大粒，不過差不多食完時候比較油※小菜套餐整體不錯，唯一是個白飯最差，飯是“行”不夠軟熟，個番茄飯仔湯好有家常味道👍※鐵板餐的牛佢的肉質比野“那”過食唔出牛肉味😒😒，而雞腿豬脾就一般般，而且鐵板餐覺得有d求其不值過個價，主食配個意粉，再加個餐包同磨菇湯👎而且沒有飲品

大家樂下午茶一向評價唔錯但今次真係失水準油雞脾配紅豆冰油脾淡而無色也無乜味道紅豆冰也太少奶味道因此稀了菜園熱狗配特色雞翼特色雞翼我選了芝士雞翼一聞之下有好香芝士味但一食之下芝士味欠奉雞翼香味也欠奉鐘意食芝士或鐘意食雞翼者都會覺味道不足兩頭唔到岸下次試其他特色雞翼

自從舊年見到大家樂嘅負面新聞後，好耐好耐冇食佢嘅下午茶啦。真係好唔想食美心/Can-teen，於是今次嚟食番大家樂。叫咗個慣性食嘅燒鴨瀨粉，燒鴨雖然唔會係脆皮，味道遠遠不及燒臘舖頭，但已經唔錯，送埋兩棵小唐菜, 同埋d瀨粉份量都算多，仲比埋酸梅醬添，抵讚！ 另外，友人叫咗個特式芝士厚多士配炸菜肉絲米粉。半份厚多士補滿芝士同腸仔片，頗香口! 炸菜肉絲米粉嘅份量都唔少，幾好味！ 仲記得以前，只要喺大家樂買任何茶餐，就可加分別$3及$5, 換一碗火腿通粉or炸菜肉絲米粉啦！但今時今日，當然冇咗呢支歌仔唱啦l燒鴨瀨粉下午茶餐...$23特式芝士厚多士配炸菜肉絲米粉下午茶餐...$21

話說，屋企人想早食團年飯。本來想食自助餐，但心水既酒店早已爆滿。所以就決定叫盆菜食，仲加多個風山水起。風山水起一個唔錯既美食。主要有煙三文魚、鮑片、蝦球及帶子等等。再加上碎花生、薄脆、芥茉、麻醬及柑桔汁。再"撈喜"海蜇、青瓜絲、紅薑絲及蘿蔔絲。呢個真係幾有創意，將咁多新鮮既配料撈喜。絕對係好意頭之作，而且效果都唔錯。味道酸酸地，都算幾開胃架。但要挑剔既係，配料既蜜瓜唔太新鮮。不過都唔係太重要既，最重要既都係有煙三文魚同帶子既配料。我先想食呢個風山水起。其實個意頭都係最緊要，希望可以撈喜撈喜啦。鮑魚瑤柱福袋盆菜呢個盆菜用料都幾多，有蠔皇扣鮑魚、原粒瑤柱、茄汁中蝦等19款用料。整體上都唔錯，雖然鮑魚既size唔算太大，但味道都唔錯。而我覺得呢個盆菜雖然同圍村既質素無得比，但以快餐店所製作既盆菜，已經相當抵食。此外，令我驚喜既係炆腩仔。呢個真係幾淋同好有肉味，真係幾正。仲有個魷魚，亦都令我覺得美味。因為呢個魷魚真係幾入味，同平時食開既有分別。整體上，呢個盆菜真係算超水準之作。連識食美女都讚好。呢餐真係幾好食，有超水準既盆菜再加上撈喜。相信呢個新年可以心想事成、學業進步啦。希望再有翻兜既機

老公被明爐上湯牛坑腩張相吸引到,叫了一份,哎呀,原來好袖珍的,個煲好淺,食完仲有啲肚餓.我叫的炸蝦牛肉飯,炸蝦好細隻,牛肉切得太厚,又煮得過老,快餐品質,冇法啦.

星期六, 一早去探探太太同BB, 再北上工作去.約好早一點到, 盡量爭取多一點時間陪太小倆. 所以先出門, 後食早餐. 8點多到了太和才吃. 原先目的的餐廳, 到達後才知道是沒有早市的. 鎖定的target冇得食, 簡單簡易不用想, 就大家樂搞拈. 方便!!!叫什麼早餐, 都是雞扒煎蛋蘿蔔糕加奶茶, 非常之standard. 不過, 同樣的食物, 不同的廚子, 雖是連鎖的味道, 有時候, 都會出現味道有差別的參差.點的是蜜糖雞扒早餐. 雞扒煎得火候夠, 皮脆, 肉香. 蜜糖既味道, 更加加重本身的肉香. 煎雙蛋, 單面煎熟的, 可是蛋黃太溶, 煎多一點點, 就會剛剛好.快餐一個早餐. 嘆埋杯濃香滑奶茶. 要去逗逗老婆, 逗逗寶寶了.

難得今日早了出門口返工，一於約男朋友去食個早餐先。太和火車站方便男友泊車，而大家樂又較就腳，最重要見到有位喎，大約早上八點半左右啦。前排見泳兒賣 jumbo egg 早餐廣告，又話雙蛋的蛋黃同蛋白符合黃金比例咁，當然要試下有幾勁啦。結果個餐盤拿到返黎，見到隻蛋個樣，即刻失望晒。至於味道…ok 啦，蛋白都仲好滑既，蛋黃咪就係太陽蛋囉。男友叫個深海魚手指早餐，搭咗件唔太 match 既蘿白糕。深海魚手指，當然都食唔出係咩深海魚啦，同普通魚手指一樣。件蘿白糕好多粉，好少蘿白，不過廿蚊一個早餐，算係咁啦。好難得可以早出門一齊食早餐…sweet sweet…

吃完早餐，便去太和大家樂了。看見出了新餐款－「白菌燴雞皇飯」（輕盈）好奇之下，決定要嘗嘗它了。反正今天才出，試試也無妨丫。＝＝＝＝＝＝．白菌燴雞皇飯，外表好像日式小吃。左邊是輕盈沙拉，右邊則是雞皇飯。先說左邊的沙拉吧！嗯…味道差了一點，其實是沙拉汁的問題。不應該加那麼多，否則就會帶走本身的蔬果味了。西生菜還好，配合玉米粒跟蕃茄粒。至於雞皇飯……洋蔥似乎加了過多？不過燴雞皇飯和其配汁味道沒有變，依然處於不差的情況耶。而且情況好像很繁忙耶，不過，下次有機會的話，會再來的！

由於懶床懶得太晚的關係所以過了午餐時間沒午餐吃當然就轉下午茶啊!不知是不是太久沒吃下午茶,看到餐牌時驚訝著原來下午茶都有這麼多花款的啊?媽媽要了叉燒飯配生菜魚肉,我就要了豬扒包加燒墨魚咀叉燒飯是迷你的, 叉燒燒得香口,加上蜜汁甜甜的很開胃生菜魚肉味道差一點,魚肉下了太多發粉,咬下去像棉花一樣,雖然軟棉棉但怪怪的豬扒包新鮮出爐的豬扒包又熱又脆,一點也不實充滿香茅味的豬扒煎得金黃,既不油膩也不硬梆梆燒墨魚咀、雞翼墨魚咀雖然大大粒,可惜淡而無味,不試也罷雞翼是用coupon 送的,味道不過不失凍咖啡算是不錯,夠香濃,有茶餐廳的影子呢!吃完這個下午茶就出發購物了,不知下次再來會是什麼時候呢

呢日同個同學黎呢度，就呢度食下午茶啦。呢間裝完修之後都係咁多人，真係幾好野。食乜好呢？就試下個吐司餐。暖心吐司上次食左個甜既，今次試下個鹹既先。個面頭有芝士同香腸，都幾好睇。個多士即整既，新鮮脆口好味道。個草莓醬就無乜特別，我覺得酸左小小。個芝士醬就唔錯啦，芝士好濃好惹味，真係好正。珍珠奶茶茶味好濃，幾好飲既。而珍珠好彈牙爽口，呢係幾正既珍珠奶茶。如果可以再凍就更好啦。呢餐又唔係貴，食得過既。

早幾日去左大家樂食飯...叫左個牛扒鐵板餐...先唔講好無食...呢個餐真係好豐富呀...有湯有薯仔有扒有野飲....你唔飲湯又可以要香舊船喎....酥皮白湯當然酥皮很普通...但白湯內好多材料...薯仔...蟹柳...八爪魚...紅蘿蔔......薯仔這個看似焗薯...也只是看似...面頭白色的是薯仔沙律...焗薯上放薯仔沙律...感覺...很怪.......薯仔真的很便宜....=.=!主菜牛扒我要蕃茄汁...呢個汁幾好味道...牛扒略嫌熟左少少...但也能接受...牛乳凍咖啡分開上的...一杯牛乳....一小杯咖啡...還有一杯仔糖漿..混和後...感覺就是一杯latte...最好的還是可以自己加糖漿...甜味自己話晒事！雪糕香蕉船我要了湯...男友要了香蕉船...落單時佢會比個牌仔你...等你食完野先去水吧換甜品...咁就唔怕雪糕融掉而牛扒都未食完啦...呢個以快餐店黎講...我覺得已經係諗得幾周到..真實的香蕉船同牌仔都唔算好大出入...係個雪糕唔夠凍囉！食飽飽...呢到既呀姐都好有禮貌...而且我見呢到既員工係互相幫助...而唔係好似彩虹果間咁鬥黑面...

香港咁多間快餐店，大家樂都入到頭三甲。今次早餐食個深海魚柳配蘿蔔糕+炒蛋(超九唔搭八)加多3蚊要碗雪菜肉絲米，食熱好立克。初時唔太期望，始終覺得ok就算。但今次係我第一次揀炒蛋既，一試，就眼仔錄錄~~好好味喎！有陣好香既奶味，係咪落左花奶呢？我分唔出係咩，而且炒得好鬼靚！早知就要厚多士黎配埋食啦！成個早餐，最正就係個炒蛋！滑滑滑~~好味對比起黎身為主角既魚柳就失色好多喇，唔熱，仲要硬硬地既.....蘿蔔糕都OK，碗雪菜肉絲米就麻麻喇...不過個炒蛋加分~~~食完就去返工LUI~~遲到喇！

今日打八號風球，紅叮可以偷懶不用上班～但外面下大雨又有強風～唯有到樓下商場食午餐～去到大家樂～想來想去不知道食什麼，一哥焗豬扒飯，肉醬意粉？不想食最後選擇白菌雞皇燴飯２４元，加杯可樂居然要５元～非常貴～快餐店真係快飯也不用２－３分鐘就有～我不喜歡大家樂的午餐和晚餐，真是又貴又不好食～這次也一樣，雞肉只有數粒，加少許火腿，白汁就多。飯就算多。只是像汁撈飯完全像一早做好，因為天氣關係真係想出去其他地方食飯～