茶餐廳2.0 (Closed)

#cassiegotsuenwan-荃灣愉景新城間中都會舉行唔同嘅市集，今次嚟到掃貨，掃完貨當然要搵埋嘢食。之前都有食過茶餐廳2.0，印象唔錯，所以再嚟翻炒！🍲-店舖空間幾大，唔會坐得好迫，兩個人都可以坐卡位。店員服務態度好好，特別係店長，會關心吓顧客，問吓啲食物岩唔岩胃口，見到有好多熟客光顧，好識做！食物都係必叫嘅鐵板系列澳洲T骨扒10安士，肉質好嫩滑，好多肉汁。🍽-另外試吓黑松露雜菌珍珠帶子燴意大利飯，份量十足，有好多粒珍珠帶子，抵食！晚飯set包埋餐湯同餐飲。餐飲可以加少少錢轉台式飲品，最後加個芝士蛋糕做結尾。其實本身諗住叫招牌雞蛋仔，但已經賣哂，可想言之幾搶手，下次有機會一定要再試吓。👍🏿-味道評分▶️🌕🌕🌕🌕🌗 (4.5)抵食評分▶️🌕🌕🌕🌕🌑 (4)回購評分▶️🌕🌕🌕🌕🌗 (4.5)-➡️ 茶餐廳2.0 (荃灣)📍 荃灣青山道398號愉景新城第二層2029號舖-

今日去荃灣行街，Lunch 就去左呢間茶餐廳食，因為見佢好多客，應該吾會差。佢地門口已經放晒餐牌出黎，睇睇啲價錢，又幾抵食喎。佢地重有手搖果啲特飲同埋雞蛋仔，真係當吸引，難怪咁多人嚟呢間餐廳食嘢。餐廳仲會定時出爐新鮮麵包，出爐時香氣四溢，下午茶都應該好吸引，菠蘿油，雞尾包，加番杯咖啡，的確係無敵。我點了熱咖啡同埋仙草鮮奶，仙草鮮奶奶味極濃，非常好飲。西多士勁厚，切出黎見到裏邊充滿醬料，加上蜜糖，口感一流，甜甜的，熱辣辣的，不可以錯過。焗豬扒飯，熱辣辣出爐，豬扒已經細心地幫你切好一件件。每一啖飯都有茄汁味，芝士味，而且醬汁都非常足夠，確保啖啖飯都有醬汁，值得一試。雪菜肉絲炆米，濕濕地，煮得非常好。米粉硬度適中，保持口感。這間茶餐廳的食物水平偏高，怪不得這麼多人來食，大家如果經開荃灣，都可以試一試。

喺愉景新城其實都好多好食嘅餐廳，唔好以為喺愉景新城就一定貴，我哋經過呢間茶餐廳2.0，見到價錢好大眾化。好，坐低睇吓有咩好食先。羅宋湯，個湯夠濃稠又多雜菜，晚餐包埋羅宋湯，抵食！石鍋紅酒牛尾，牛尾上枱嘅時候仲係渣渣聲，有好多件大大件牛尾，個汁味道啱啱好，好怕有啲地方整得太鹹。黑松露雜菌珍珠帶子燴意大利飯，雖然係一個西式飯，個味道就好港式，會啱香港人口味，飯粒有咬勁。黑糖仙草奶茶，估唔到呢度都有台式飲品，仙草涼浸浸，奶茶又好味。芒椰派對，沙冰夠幼細，飲落芒椰味濃厚。最後仲有桂花糕送。

今日放假，在荃灣愉景新城行街，晚飯時間與爸爸來到茶餐廳2.0食埋晚飯先返屋企。我哋今日都幾肚餓，所以都叫咗好多嘢食，哈哈。餐湯羅宋湯晚市套餐包左一個餐湯同埋飲品。我哋揀咗羅宋湯，羅宋湯配料好多，好多蔬菜，而且還有牛肉塊，湯都幾香辣濃郁。飲品方面就揀咗凍檸茶。香煎美國西冷牛扒呢個係晚市套餐，牛扒都幾大塊，足10安士，揀咗五成熟，配薯菜同蒜蓉汁，另外我哋都選擇左鐵板上。淋上蒜蓉汁，鐵板發出的滋滋聲響令人食指大動，香氣撲鼻。牛扒肉質尚算腍，雖然側邊有少少根，但是都係可以接受。薯角非常香脆，吸入蒜蓉汁後在鐵板上再煎一煎，依然保持香脆可口。鐵板好夠熱，吃到最尾時，牛扒同薯角仍然係熱嘅。慢煮咖喱牛腩我哋兩個係牛魔王，所以揀咗兩款牛嘅餸菜，呢款咖喱牛腩好惹味，味道係港式咖喱，少少香辣，令人胃口大增。牛腩亦都鬆軟入味，薯條配茄汁，由於啲咖喱汁實在太好味，所以我哋薯條都沾上咖喱汁嚟食，一滴都唔放過。2.0極品炒飯賣相好吸引，色澤金黃，配料有蝦球，帶子仔，香脆瑤柱絲，金沙（即係鹹蛋黃歲）等，食落都幾香口甘香。飯粒炒得粒粒分明，鑊氣十足。這碟炒飯份量都幾大，兩個人share食都足夠。雪糕雞蛋仔見到茶餐廳有呢

工作繁忙，難得約咗朋友出街食嘢梗係要食餐好D啦，經過呢間茶餐廳2.0 有港式鐵板食，睇落大件夾抵食，一於試下啦！港式鐵板跟餐加＄１０就有湯同埋飲品：中湯係木瓜豬骨湯，味道正正常常。紅湯真心好飲，足料之餘夠辣。 免費送: 木耳涼拌B. 香草牛油烤焗比目魚扒$ 98比目魚扒煎得香口，食落魚肉都外脆內軟夠嫩口，估唔到肉質幾好，一D都唔乾柴，配的意粉味道偏淡E.澳洲西冷牛扒 $ 118 牛扒好大塊，五成熟剛剛好，鮮嫩多汁， 牛味都濃而且幾juicy，高質～～加埋D飯真係好飽，鋸扒好享受！除左珍奶，仲有桃膠飲品，好養顏啊！我地叫左士多啤梨四季春桃膠同埋烏龍桃膠，呢度D桃膠得夠林，煙煙韌韌嘅桃膠好有口感，茶底都幾清，同時帶微甜，太好飲了🥰甜品椰汁糕送，好好食，滿足～ 份量加上呢個價錢真係唔錯，值我一試。食完飯，我地見到蛋糕同雞蛋仔好吸引，不過今次「港式鐵板之行」真係太飽食唔落，下次有機會一定要試吓！

當你以為它是一個普通的茶餐廳，你就錯了！這裏除了港式中式食物，還有西餐鋸扒，更加有川式酸菜魚雞煲等等，不得了。美式雜扒$88，啖啖肉大胃王之選，有牛扒豬扒雞扒腸仔等等，塊塊大厚正，鐵板上熱辣辣，淋上黑椒汁，好正。又可以選擇薯菜/飯/意粉，百吃不厭。.這裏的晚市小炒也很不錯，蜜椒薯仔牛柳粒有鑊氣，足料一大碟。牛柳滑腍有口感，牛肉味香濃，又有蜜椒薯仔，多元化營養。.每一個餐都送湯及熱飲，羅宋湯及是日例湯（雞花紫菜湯）真材實料，不客氣給你很多湯渣。而且驚喜的是，熱飲可以加錢轉珍珠奶茶系列，黑糖椰果鮮奶味道不錯又煙煙銀銀，正呀。.當你以為驚喜就此暫停？錯，原來這間茶餐廳仲有雞蛋仔食！最平$15一底，而且可以自選加雪糕朱古力等等。.以為簡簡單單吃茶餐廳？又有珍珠奶茶又可以鋸扒，驚喜。

呢間茶餐廳 2.0 係我喺 D Park 最常去開飯嘅餐廳, 因為佢咩都有得食, 就連麻辣雞煲、酸菜魚煲都有芝士肉醬熱狗 (常餐)好長嘅熱狗, 旁邊配有薯條｡ 熱狗包係有烘過, 中間有長長 & 外皮香脆嘅法蘭克福腸, 夾上惹味嘅肉醬, 表面鋪上熱溶左嘅芝士, 絕對係超班水準香噴噴酸菜魚煲第一次喺茶餐廳 Order 酸菜魚煲, 完全低估左佢嘅份量, 本身以為係細細煲一人份量, 點知原來係咁大煲, 我諗足夠 3 人食｡ 魚片嘅份量唔少, 啖啖肉, 完全冇細骨, 口感嫩滑｡ 湯底以大量酸菜熬成, 再加入芽菜、雲耳、辣椒、京蔥等配料, 味道係先酸而後微辣, 而且一啲都唔油, 大愛另外 Order 左份通菜同烏冬加入去酸菜魚煲黑糖珍珠奶茶呢間茶餐廳最特別係有台式飲品 Order ~ 呢杯台式奶茶有香濃黑糖味, 但又唔會過甜, 珍珠口感又夠煙韌, 正呀餐廳另外送左碟自家製泡菜, 酸辣度適中, 好啱港人口味 

今日到愉景新城茶餐廳2.0食晚飯，入店前先掃安心出行和量體溫。坐下後就點菜了，是日點了兩個套餐：避風塘脆皮豬手和沙薑雞。兩個套餐有泡菜送，飯和中湯另外加$20有一個炒菜。天氣熱所以一人一杯雪糕飲品黑牛和白牛。中湯幾好飲，冇味精味，不錯。泡菜：唔好太辣，口味幾好。避風塘脆皮豬手：皮脆內熱，肉質良好有口感，肉入面有肉汁不會過乾身。脆口口感真一流，分量都多。沙薑雞：肉質良好有雞味，重點沙薑粉令雞肉更上一層樓。雞肉都好滑又香口。炒通菜：菜味夠，不油膩。黑牛：雪糕加可樂簡直涼入心頭。白牛：雪糕加雪碧同樣好夾。仲有甜品送，都好味。

放咗工，同朋友喺愉景新城行街，見到呢間茶餐廳有雞蛋仔食，幾得意。啲晚市套餐都幾好，試吓先。我哋叫咗：麻辣雞煲（半隻）$118: 落咗大量芫荽、蒜頭、蔥頭、香蔥同埋其他香料，又麻又辣非常惹味；雞肉肉質結實有雞鮮味，仲食到我哋嘅舌頭都麻麻哋😆。晚餐「涼瓜炆倉魚🐟包餐湯及白飯$88」: 倉魚應該係煎香咗再同涼瓜一齊炆，味道香口又濃郁；涼瓜苦得嚟甘口，唔錯。跟餐叫「通菜+$20」: 通菜鮮嫩，清炒簡單好味🥬。- 「雞蛋仔（1底）」，加配Oreo餅碎$3，加配雪糕$15；雞蛋仔唔係好甜，外皮脆脆哋，裏邊好軟熟，配冰凍嘅雪糕🍦同鮮忌廉，食落好滋味😋。

約左兩位朋友係愉景新城聚會食飯，見到呢到有間叫茶餐廳2.0見店舖光鮮企理，睇過餐牌見到晚餐價錢都ok 決定入去食。我地一行3個女仔叫左兩個 扒餐和一個小茶 share 來食， 份量都幾大口味上幾岩我地食。餐湯，我地中西都有叫， 西餐我超愛，入口味道濃郁又帶點辣，正呀！鐵板香煎雞扒併帆立貝，鐵板美式雜扒 有齊豬牛雞腸仔煙肉，兩份都係跟薯菜，要黑椒汁，黑椒香濃 得來帶點微辣， 扒的份量幾大， 肉類醃得唔錯又夠腍，一d 都唔硬。另外仲叫左叉燒炒蛋， 味道唔錯，我們3人都愛吃雞蛋的，所以叫呢碟 🤣飲品方面呢到竟然有珍珠奶茶，珍珠鮮奶果d 特飲真係好正。朋友唔飲野堅持要叫個心太軟來食，佢話唔錯。

呢間餐廳非常多選擇 中式 西式 Cafe 甜品都有！平民首選茶餐廳🍴雪糕雞蛋仔 $30口感似台灣雞蛋糕 裏面係軟綿綿 唔同一般係香港食既雞蛋仔 我都係鍾意食翻傳統風味個種雞蛋仔多啲☺️晚餐D 澳洲T骨扒（10安士） 黑椒汁 $98肉質較韌 我地都覺得肉眼好食啲😋 塊扒好大塊晚餐E 澳洲精選肉眼牛扒（10安士） 蒜蓉汁 $128 可以選擇用鐵板上又或者碟上 （同店員講聲就可以） 肉質好嫰 一咬就斷🤣👍🏻 呢個令我幾驚喜😍 除左牛扒仲跟餐有湯同意粉/飯/薯菜 仲有仲有飲品（凍飲+$3）☺️ 湯可以揀中或西湯 我揀左個中湯 好好味🥰 最後仲送左個桂花糕🤣總括，我覺得呢間有好多唔同類型既食物 而且價錢相宜👍🏻同埋店員都好熱情款待😚

2.0即係1.0嘅升級版，有2.0咪係有3.0，然後有4.0😂😂茶餐廳真係進化咗唔少，多元化到爆！有石燒扒据...出爐麵包...有雞蛋仔...有台式飲品珍珠奶茶...仲有雞煲加配料可以打埋邊爐添！我哋叫咗：鐵板牛柳🥩：鐵板熱辣辣上枱時吱吱咋咋😀牛柳肉嫩淋身，炸薯角仲粗過我隻手指公🤣🤣2.0極品炒飯🍚：用料一啲都唔孤寒，有瑤柱又帶子又大蝦，仲加埋咸蛋黃去炒，點會唔惹味😆米飯粒粒分明又夠乾身，正呀！朱古力心太軟雪糕🍨：熱熱嘅心太軟加凍冰冰雪糕，點樣都會好好食🤨本來係想食雞蛋仔多啲，點知一早就賣晒😭是日蛋漿用完咁話喎！下次一定要再早啲嚟先得🥺出爐麵包🥯晚上7:00之後仲做買一送一優惠，臨走都要買返兩個試吓吖！

今晚同爸爸又到茶餐廳2.0食晚餐好鍾意黎呢度食野，因為野食種類又多，價格相宜，而且味道又唔錯，仲坐得幾舒服。餐廳環境唔差，仲有好多座位，服務又好，所以呢堆都係我常常來幫襯既原因。今晚同爸爸主要黎食鐵板餐。點了鐵板餐再加$10，可以有一杯餐飲及一碗中/西湯。是日中湯為冬瓜湯。西湯為羅宋湯。入面都好足料，好夠味，不錯不錯。爸爸點了澳洲西扒牛扒配意粉。好肉厚既西冷扒，好吸引，肉厚又多肉汁，唔錯唔錯，而且都好大塊，size不細，啖啖肉，超惹味。放係熱辣辣既鐵板上，可以有保溫既效果。而我點了美國豬鞍扒，都係大大塊又肉厚。好豐富。食肉獸好岩黎呢度食返個扒餐，又抵食又啖啖肉，大滿足。每款鐵板都可選飯/意粉/薯菜。我們都點了意粉。意粉都十分美味，因為拌上了蕃茄汁，令意粉更香更好味，好吸引。仲可加埋少少黑椒汁，更惹味。超豐富，超飽肚，這就是我們的晚餐。

以前係荃灣返工, 愉景新城無咩好野食, 估唔到多年後, 荃灣已經變天, 而愉景新城都多左好多高質食肆選擇。呢間茶餐廳 2.0 既食物水準都好唔錯, 佢地個餐牌仲有好多唔同類型既食品選擇。繁忙時間都需要排隊, 但通常都好快可以安排入座。佢地既午市套餐都好經濟實惠。馬來咖喱牛筋腩飯 配熱檸檬茶 ($60) - 咖喱汁香濃惹味, 帶點微辣有椰香, 而薯仔炆得好入味, 牛筋腩好夠淋, 肉質唔錯。跟餐包一杯飲品, 叫左熱檸檬茶, 正常茶記味道, 唔會澀口。Café 2.0 荃灣青山道398號愉景新城第二層2029號舖

接近午餐尾聲入咗呢間茶餐廳2.0食野～ 地方都算大，坐滿晒人，門口都有人等外賣。喺門口已經望到午市套餐有好多選擇，心思思下最後叫咗土魷銀魚蒸肉餅飯🥰 因為其實我都算係肉餅控😋 野飲方面叫咗黑糖珍珠鮮奶，照價減10蚊就可以喇！🥢 黑糖珍珠鮮奶（少冰）野飲先到，size係平時出去買台飲咁，黑糖味夠香，我覺得珍珠時間上都煮得唔錯，有咬口，唔會太淋又或者未煮熟咬唔到。$12抵飲！☺️ 唯一美中不足係少冰我覺得都係多咗少少🙈🥢 土魷銀魚蒸肉餅飯一上檯嚇咗一跳，份量好大！肉餅隻碟應該係平時啲焗飯碟咁，真係大過我塊面😂 土魷同銀魚嘅份量都夠，鹹味唔會話太過份、啱啱好。就算空口唔夾埋飯一齊食我都ok!最後食晒真係飽飽，份量價錢味道整體綜合真係好抵、唔錯啊😋